sudanyat

بَرْداً سَلامْ ........
"ياااااااا وَطَنْ عِزَّ الشدايد ..... حِمَّيد"
(1)
ما بتَغْرَقي،
يا الزَّينةْ هوي،
يا رَاكْزَة مِنْ زمَن الْمَطَرْ نُقَّاطْ
مصوبَرْ في السَّحابْ: 
(زمَنْ السَّحاب لِسَّعْ صَبي،
وبنيَّه زي عُشباً طري،
وما آنْ أوانْ .....)
زمَنْ الْمَطَرْ عشَماً بَلِيلْ،
زي خَاطْرَةْ بِتَّاور الأرِضْ،
أو فِكرةْ في بَالْ الشَّجَرْ ......
كم مِنْ مطَرْ
دقَّ وفَتَرْ 
والمويه وِصْلَتْ للْكُتوف
خافتْ قُلوب النّاس عليك
يمكن خلاص تمحاكي 
ما يفضِّلْ أثَرْ ......
أهو زي عوايدِك
هوبْ: بتمرقي مِنْ مكايد المويه
والسَّيل الْخَطَرْ ......
(2)
ما بتَغْرَقي،
بِغْرَقْ رُعاةْ الْغَفلة
في شِبْرِكْ ..... عشانْ عابرينْ سبيلْ
ما بجُوكي يِنْهَرُوا موجك الْهدَّام
يتارسُوا المويه، لا،
ديلْ ناسْ سَفَرْ
مارقين إذاً للرِيبة، 
والتَّلَفْ الْقَبيلْ حَدَفُمْ عليك .......
ديلْ بِغْرَقُوا 
وقتين يجي الطوفانْ
تَخُتِّيهُم تِحِتْ رجليك
وتطلَعي للجَبَلْ ........
(3)
داخرِكْ يقينْ
ما تخَنْقِكْ الْعَبْرَة
وتنَهْنِهِي في خَفاكْ
ورَّينا صوتك لمَّا يملاكي الصَّباح
لَيْ حَدْ جبينِكْ بالضياءْ
يغشاكي خيرك
قبلِ ما يرتَدَّ طرفك
أو يرجِّعْ ليك غُناك 
هُدْهُدْ مُوَلَّهْ بالْبُشاراتْ .... والْعَدِيلْ
ما بتَغْرَقي،
ما بتَغْرَقي،
ما بتَغْرَقي ...........
عصام عيسى رجب
الخميس 8 أغسطس 2013 م


بَرْداً سَلامْ ........

ابو عركي - ست التوب

This song my new songs from his wonderful Band Sudanese

salah alabid .. سودانيز باند - Another Man

مكتبة تلاوات الشيخ صابر عبدالحكم

61 سورة الصف  من الختمة التعليمية بقراءة الإمام عاصم براوييه شعبة وحفص للقارئ صابر عبد الحكم (128kbit_AAC)

حنيني ليك، محمود عبد العزيز

يا راايقة

مصطفى سيد احمد حبيبي اكتب لي

اذكريني يا حمامة - مصطفى السني

موعودة

في الريدة أنتي معاي موعودة بالأفراح 
ست الفريق وبذوب عايق عبيرك فاح
وشك قمر والطيب على خصلتك يرتاح

عينيك أم بالفرحة و الاحساس
على الخدود نبرات قوام رشيق مياس
ما فيكي أي كلام من القدم للراس 
حضنك دا نسمة ولا شافو زيو الناس

فوق لجمال حسنك أدوك جمال حسنك أدوك جمال الروح
الطيب مسك سيرتك يرويها وين ما يروح 
القمرا من تطلع بريدا ليك تيوح 
القالو ليك ممنوع بس أنتي مسموح
بستح لجرجك لي و أغرب شئ فيك كيي
لما الطريق ظلم نورتو بضيي
مكتوبة لي ريدة مع زول زيي 
يا ريدة ياريدة مع زول يكون زيي
ما تعرفي غي في الريد لما يجيكي غيي

يازول ياطيب

موعودة محمود عبد العزيز

مصطفى سيد أحمد شيخ تلب

قمر العشا الضواي+الكنداكة

خدارى مابخليه - خوجلى والشفيع -صحيفة شبكة سودانيات

-sud-اذاعة شبكة سودانيات

Recent comments

Abd Alhafiz Alhassan

Related tracks