sudanyat

بَرْداً سَلامْ ........
"ياااااااا وَطَنْ عِزَّ الشدايد ..... حِمَّيد"
(1)
ما بتَغْرَقي،
يا الزَّينةْ هوي،
يا رَاكْزَة مِنْ زمَن الْمَطَرْ نُقَّاطْ
مصوبَرْ في السَّحابْ: 
(زمَنْ السَّحاب لِسَّعْ صَبي،
وبنيَّه زي عُشباً طري،
وما آنْ أوانْ .....)
زمَنْ الْمَطَرْ عشَماً بَلِيلْ،
زي خَاطْرَةْ بِتَّاور الأرِضْ،
أو فِكرةْ في بَالْ الشَّجَرْ ......
كم مِنْ مطَرْ
دقَّ وفَتَرْ 
والمويه وِصْلَتْ للْكُتوف
خافتْ قُلوب النّاس عليك
يمكن خلاص تمحاكي 
ما يفضِّلْ أثَرْ ......
أهو زي عوايدِك
هوبْ: بتمرقي مِنْ مكايد المويه
والسَّيل الْخَطَرْ ......
(2)
ما بتَغْرَقي،
بِغْرَقْ رُعاةْ الْغَفلة
في شِبْرِكْ ..... عشانْ عابرينْ سبيلْ
ما بجُوكي يِنْهَرُوا موجك الْهدَّام
يتارسُوا المويه، لا،
ديلْ ناسْ سَفَرْ
مارقين إذاً للرِيبة، 
والتَّلَفْ الْقَبيلْ حَدَفُمْ عليك .......
ديلْ بِغْرَقُوا 
وقتين يجي الطوفانْ
تَخُتِّيهُم تِحِتْ رجليك
وتطلَعي للجَبَلْ ........
(3)
داخرِكْ يقينْ
ما تخَنْقِكْ الْعَبْرَة
وتنَهْنِهِي في خَفاكْ
ورَّينا صوتك لمَّا يملاكي الصَّباح
لَيْ حَدْ جبينِكْ بالضياءْ
يغشاكي خيرك
قبلِ ما يرتَدَّ طرفك
أو يرجِّعْ ليك غُناك 
هُدْهُدْ مُوَلَّهْ بالْبُشاراتْ .... والْعَدِيلْ
ما بتَغْرَقي،
ما بتَغْرَقي،
ما بتَغْرَقي ...........
عصام عيسى رجب
الخميس 8 أغسطس 2013 م


بَرْداً سَلامْ ........

غناء و ألحان : خلف الله حمد 
أشعار : أحمد محمد الشيخ  (( الجاغريو ))

و كان ما الشيقيش كان ما انا عقلي مداير
و لي عاشق المدلل و ليهو داير
و المحي المتل قمر العشا الداير
و تمشي الكي قبال تنسي الداير
و الجنس الغزيل لقامتها يضاير
و يجيك بعجن .. و يقولك ان داير
رحماك يا عشوق .. فارس الفكر حاير

يا ناس الله لي 
الجرح نوسر بي 
و غور في الضمير
و فوق قلبي خلف الكي
يا ناس الله لي

الليلة هوووووي يا ليلي 
ليلى و هووووي تومي الله وين يا الله 
يا ناس الغرام
................................................................................
دمعي ساكب أنا بهوى الكواكب سهران
انا بهوى الكواكب وبرتاح لي ضياها
 و حولي يضوي نورها وعني بعيد سماها
وطرفي إذا رءآها قلبي يزيل عناهو وروحي يتم مناها
و قسما بالبراها
هي روح المسالمة و هي تاج المواكب


لو نظرت عيونك في  نور وجنتيها 
من غير شك تآمن كل الحسن ليها 
تغريك بالوسامه .. ويسبيك ابتسامها 
وتسكر من كلامها وادبها واحتشامها 
واحذر من سهامه ومن قوس الحواجب 

دايما فكري تايه و سابح في خيالها
انا مشتاق اشوفها و لي صعبان وصالها 
من خالص فؤادي ليها  اسو رسالة
عسى يعطف فؤادها و أظفر بودادها
أقول جاتني السعادة من أعلى المراتب

خلف الله حمد _ بهوى الكواكب

This song my new songs from his wonderful Band Sudanese

salah alabid .. سودانيز باند - Another Man

حنيني ليك، محمود عبد العزيز

مصطفى سيد احمد حبيبي اكتب لي

˙·٠•●Ali Media Center●•٠·˙

منتصر هلالية - قبال تفوت

نورا - مصطفى سيد أحمد عود و أورغ

اذكريني يا حمامة - مصطفى السني

موعودة

في الريدة أنتي معاي موعودة بالأفراح 
ست الفريق وبذوب عايق عبيرك فاح
وشك قمر والطيب على خصلتك يرتاح

عينيك أم بالفرحة و الاحساس
على الخدود نبرات قوام رشيق مياس
ما فيكي أي كلام من القدم للراس 
حضنك دا نسمة ولا شافو زيو الناس

فوق لجمال حسنك أدوك جمال حسنك أدوك جمال الروح
الطيب مسك سيرتك يرويها وين ما يروح 
القمرا من تطلع بريدا ليك تيوح 
القالو ليك ممنوع بس أنتي مسموح
بستح لجرجك لي و أغرب شئ فيك كيي
لما الطريق ظلم نورتو بضيي
مكتوبة لي ريدة مع زول زيي 
يا ريدة ياريدة مع زول يكون زيي
ما تعرفي غي في الريد لما يجيكي غيي

يازول ياطيب

موعودة محمود عبد العزيز

مصطفى سيد أحمد شيخ تلب

مقطع من أغنية بلاد النور 
كلمات عادل ابراهيم محمد خير
ألحان عثمان النو
تنفيذ ناجي عبدالرحمن 
غناء محمد شبكة

Bilad Alnoor بلاد النور

قمر العشا الضواي+الكنداكة

خدارى مابخليه - خوجلى والشفيع -صحيفة شبكة سودانيات

-sud-اذاعة شبكة سودانيات

Recent comments

Abd Alhafiz Alhassan

Related tracks