madee7

عليك صلاة الله ثم سلامه الا يا رسول الله اني لمغرم - الخير

التوسل السماني - الطريقة السمانية

نخبة نوح وحام أوﻻد البرعي

المصطفي مني ليك سلام - أولاد الشيخ البرعي

مديح سوداني -  اولاد الشيخ البرعي

أنا مشتاق بالحيل لسمح السجا - أولاد الشيخ البرعي

علي شوقك طال ( البوكس)  - اولاد البرعي - مديح

الليل جن الساري دخل غرف الجنة

اولاد الشيخ البرعى  هذا اللسان+ صلى وسلم عليك +العيون نامت.mp3


عش في أمان الله تحت لوائه 


سكن الفؤادُ فعش هنيئاً يا جسد ||عبدالله الحبر

جاي تترجاني أغفر ليك ذنبك
 ما كفاية الشفتو من نارك وحبك
 أنت فاكر تاني أرجع لك واحاسبك
 لا يا ناكر دربي أصبح ما هو دربك
 كنت تحلم بالسعادة في كلمة مودة
 وهي غير ما إنت فاكر
 وهي في نبضة مشاعر
 في القلوب الما بترد أي طارق أي زائر
 شايلة هم الدنيا زاده ومالية كل الكون بشاير
 إجتمعنا علي المحبة في ثواني
 في طريق مفروشة بي حبي وحناني
 وافترقنا كل واحد في طريقه
 انا ضائع وإنت مخدوع بالأماني
 كل زادي في ضياعي
 قلبي مفتوح للأحبة
 للجمال الأشجى روحي
 في شعوري سحره شبه
 ورسالة فني سامي
 تدعو للخير والمحبة
 إلا قلبك يا حبيبي
 لسه ما أدرك وشبه

عثمان حسين جاى تترجانى تانى اغفر ليك ذنبك لا لا

شعرْ : الحاج / الماحي محمد الشيخ 
ـــــــــــــــــــــــــــــــــــــــــ
صلاة و سلام لي محمدا 
خاتم الكرام سيدي أحمدا
يا لساني قول الله واحدا
حاشا لم يلد لالُو والدا
واجب الوجود باقي مفردا
أنفِ للشريك عنه و أبعدا
مالك الملوك سامع النِدا
رازق العباد فضلو واجدا
باسط النِعم ليهو نحمدا
نسأله القبول و المشاهدة
يشرح القلوب يجعل الهدى
في رضاك يا ربي نعبدا
نمدح الرسول ديمة سرمدا

أثني بالرسول المؤيدا
التقي الرؤوف الممجدا
كامل الخصال و المحامدا
صاحب الِلواء و صاحب الرِدا
ليلة الولود خرّ ساجدا
طاهراً نظيفاً مبرّدا
مكسي بالجمال وجهه يوقدا
أفلجاً كحيل غير أثمدا
حاجبو كالهلال غارف الندى
نورو بقّ في الكون ضوّا من بُدا
فاق على السما حتى أصعدا

هبّ ريحه فاح طيبو عامدا
زالت النحوس لينا بعّدا
خيّط الفتوق جملة سددا
أصلح البلاد سيدي و أرشدا
الملائكة جات طائفة أحمدا
غنت الحسان عامري المدى
كونه في قريش سيد و سيدا
إبن عبدالله آمنة والدة
و أرضعت حليمة الله أسعدها
يا لساني جيب قولي و أنشدا
للمولّىَ لي الرسل قائدا

خابت النجوس نارها خمّدا
كسري طاح سناماته هددا
نهر ساوا غاض كية للعِدا 
إنتهى أب جهل خشمو لكدا
الشقي التعيس فعله فاسدا
مابي للرسول قلبه حاسدا
كم من القصص شاف و شاهدا
يوم رماه البعير قام مزاودة
و يبكي بالمغوص المرمّدا
سوي في القلب راح مكدّدا
أسفل الدرك ليهو مقعدا

طه من صغير عقله جامدا
جوده وابلًا مو محددا
إن لقى اليتيم ما بينكدا
يرفى للعدامى و يسنّدا
جاهو لا قصيف ولا محددا
كونه في الرسل حظه زائدا
يوم نهار نقيف تاجه باردا
يرغم الرسول لينا بالفداء
رب قال له خذ يا محمدا 
الشفاعة ليك و أنت سيدها
و زينة الجنان بيك موعدا

طاهر الأكفاف يا محمدا 
كامل الأوصاف يا محمدا
أنت أبي الاشراف يا محمدا 
سيد الأمة كاف يا محمدا
نورك الرفراف يا محمدا 
قلبك الرءّاف يا محمدا
تَرجِب البخاف يا محمدا
ليلة الوُقاف يا محمدا
للكُرب كشَّاف يا محمدا
السلام أرداف لى محمدا
مني ليك آلاف يا محمدا

حابّك الجليل يا محمدا
نخبة إسماعيل يا محمدا
أنت خير الجيل يا محمدا
صاحب الخليل يا محمدا
سيد لِوا الإكليل يا محمدا
وجهك الجميل يا محمدا
خدك الأسيل يا محمدا
طرفك الكحيل يا محمدا
شرعك العديل يا محمدا 
حاشا ما بتميل يا محمدا
جيتنا بالدليل يا محمدا
ليلة الزِلزيل يا محمدا
يا التخمْد الويل يا محمدا

الجذع بكى لي محمدا 
جَاز و إنتكى لي محمدا
الجماد حكى لي محمدا
و البعير شكى لي محمدا
جلّ ربكَّ يا محمدا
عَلّا قدركَ يا محمدا
أين مثلكَ يا محمدا
مثلي سابكا يا محمدا
وافي وعدكَ يا محمد
وافي عهدكَ يا محمدا
مافي بعدكَ يا محمدا
ضاوي وجهكَ يا محمدا
فاق جمالكَ يا محمدا
المُباركا يا محمدا
لينا أدركا يا محمدا

الجذع رزمْ لي محمدا
جَاز بالبرم لي محمدا
الجمال نظم لي محمدا
لا لسان لا فم لي محمدا
المُنير قَسم لي محمدا
خَرَّ و إنقسم لي محمدا
القصِير أب دم لي محمدا
قال له فيَّا سَمْ يا محمدا
ذلك الأصْم لي محمدا
إن وِطاهُو جَمْ قول محمدا
كم و كم و كمْ لي محمدا
لا عدد لا كمْ لي محمدا
طاهر القدم يا محمدا
اللي الرسل ختم يا محمدا

صمة الكرام رايها عاقدة 
ساموا للعمير في المجاهدة
سيدي الصديق بالنبي إقتدي
قام عمر في الدين بمواكدة
سيدي عثمان للثقيل لُدا 
برّز الكرار سيفه جرّدا
إبن طالب الما بيراودا
غزّا قارحو في الريشة جوّدا
ولّع الفرسان ضربو شرّدها
جنزر الملوك هانها قيّدها
طيّع الديار لينا برّدها

مرحب العدول المعاهدا
سيدي الزبير و طلحةَ الهدي
ناس سعد و سعيد أبا عبيّدة 
سيدي إبن عوف روحه زاهدا
سيدي الفضل باقي جيدا 
سيدي العقيل المجبّدا
سيدي المقداد إبن الأسودا
الأمير ضرار الموحدا
حمزه و العباس نِعمَ خالدا 
إن لقى الخيول ما بيحاودا
بشتن الدروع رمحه قددها

جالب الرجال من صعايدها
همّلوا العَقاب جات مشدّدا
تبكي بالدموع شوقو هردا 
نِعمَ يا النوى و للجمال حَدا
هجرة القصير نوقو ورّدا
بلّج الحمول كارا من بُدا
يرسي في الشروق ربي هاودا 
يسري بالغِفار ليهو قاصدا
يوصل المدينة ام فوائدا 
ينظر المقام المجددا
واجه الرسول والكرام حِداه

الماحي ليك يقول يا محمدا
عندي نية فيك و ربي شاهدا
بالجهر و السر ليك رايدا
ناوي لي زيارتك مقيّدا
ناوي قبل أموت ليك أعاودا
أصبا ذات مقامك و أشاهدا
و أبلغ المراد و المقاصدا
بشكي للإخوان داير الفِدا
جنة النعيم لينا مَخلدا
و نكسب الحِسان عِين و نُهّدا
سابلة الشعورْ سمحةَ اليدا 
نايرة الجسوم المزبّدا

الصلاة و سلام ديمة زائدة
الصلاة و سلام ديمة سرمدا
الصلاة و سلام مو معدّدة
الصلاه و سلام لي محمدا
طه ثم ياسين و أحمدا
الوسيلة محمود و حامدا
بي عدد نباتاً يفرهدا
حين طوى النخيل عشبه ودّدا
ما رزم سحاب كرَّ و أرعدا
بعدد فضائل الموالدا
و علمه ربي من نوره ما بدا
ترضي للرسول تكفي للعِدا
 يقبلها الكريم بيها نسعدا

صلاة و سلامْ لي مُحمدا - أولاد حاج الماحي

المصطفى الختم النبوة ـــ اولاد البرعي

شعر : سيدي فخر الدين الشيخ / محمد عثمان عبده البرهاني


* مقتطفات من القصيدة الخامسة و العشرون من ديوان شراب الوصل : 
( اللهُ أكبرُ ما تزينتِ السَما )


ــــــــــــــــــــــــــــ


( الحبُ كنزٌ  .. و الصَفا مفتاحُ ) ..

فالنورُ خصّةُ جده و هو الذي ... زيتٌ لمشكاةٍ بها مصباحُ
سَكنت لياليهِ هُويّـةُ من به ... فُلق النوىَ و الحَبُّ و الإصباحُ
في حضرةِ المحبوبِ تحلو جَلوةٌ ... لمّا طربنا دارت الأقداحُ
فلتنهلوا من صِرفِ رائقِ خمرها ... علَّ العَنا من سرها ينزاحُ
و تعجب الكون الذي هو شاهدٌ ... لمّا بدا فوق اللثامِ وشاحُ
و المجتبىَ يحبو العُبيدَ من الذي ... يُسقى به في حانة و يُراحُ

*******

كنزيةٌ أسرارهُ بقلوبنا ... فالحبُ كنزٌ و الصفا مفتاحُ

الله أكبرُ ما تزينتِ السما ... و الأرضُ فوق جبينها الأفراحُ

أنعِم سويعات الوصال ِ و يا لها ... أيامُ سَعدٍ ليلهنَّ صباحُ

ما الغارُ ما الأغوارُ ما الروحُ التي ... نحيا بها ما السرُ ما الإفصاحُ

الغارُ قلبُ العبدِ في أغوارهِ ... قدْرُ الإمامِ وقدْرهُ نضَّاحُ

إن الغرامَ إذا ألمَّ بعاشقٍ ... أحمىَ حمِيثاً للحشا يجتاحُ

قُمنا علىَ أبوابهِ خَدماً لهُ ... بهُدىً و نور حُمّلتْ ألواحُ

في حضرةِ المحبوبِ تحلو جَلوةٌ ... لمّا طربنا دارتِ الأقداحُ

من معدني هذا شَهدتُ جمالهُ ... و رَويتُ ما تُروىَ بهِ الأرواحُ

مِن مَشربي هذا سَقيتُ أحبتي ... خمرَ المعاني حُسنها فضّاحُ

صَبراً فما هوَ غيرُ ما كتبتْ يدي ... و لَبعدَ حينٍ يفتحُ الفَتّاحُ

رِيحُ الصَبا نَفثتْ برَوعِ مُتيمٍ ... عجباً لراحٍ رِيحها لَفّاحُ

المصطفى الختم النبوة ـــ اولاد البرعي

sudanmdeeh

Recent comments

∞ > P(ω₁)

Related tracks