സ്നേഹിത


സ്നേഹിതേ ! വിശ്രമാലയം വിട്ടു നാം
വേര്‍പിരിയുന്നു നാളെപ്പുലരിയില്‍...



വോഡ്ക്കയും പാട്ടുമായ് പാതിരാവിനെ

സ്നേഹസാന്ദ്രമാക്കുന്നു സഞ്ചാരികള്‍

ഇല്ലുറക്കം നമുക്കും ,വരാന്തയില്‍

വന്നിരിപ്പു നാം രണ്ടു സ്വപ്നാടകര്‍

രണ്ടുദിക്കില്‍ നിന്നെത്തീ,ഇടവേള

പോക്കിടുമ്പോള്‍ പരിചിതരായ്,പങ്കു-

വെച്ചു ദുഃഖങ്ങള്‍,ഓര്‍മ്മകള്‍,തേയില-

കാട്ടിലൂടെനടന്നു നാം സന്ധ്യയില്‍

'എന്തു ജീവിതം,ജീവിച്ചു തീര്‍ക്കലി -

ന്നപ്പുറം'-നിന്‍സ്വരം പെയ്തു മഞ്ഞു പോല്‍..

നിന്‍ ചിലമ്പുകള്‍ താളം മറന്നവ

നിന്‍ വിരലുകള്‍ മുദ്ര മറന്നവ

മുത്തുഹാരം തിളക്കം വെടിഞ്ഞത്

നിന്നരങ്ങിരുള്‍ മൂടിക്കിടപ്പത്

കാണികള്‍ ,കരഘോഷങ്ങള്‍,ഒക്കെയും

കണ്ടുമാഞ്ഞ കിനാവായിരുണ്ടത്

പ്രജ്ഞയില്‍ നിഴല്‍ നൃത്തങ്ങള്‍ ബാക്കിയാ-

യെന്നുപാടിനീയാര്‍ദ്ര സ്വരങ്ങളില്‍...

മഞ്ഞുപെയ്കെത്തണുപ്പായുറഞ്ഞു നാം
കുന്നുകേറുന്ന കാറ്റായ് കിതച്ചു നാം



മഞ്ഞുതുള്ളിയെ, ,പൂക്കളെ,വാര്‍മഴ-

വില്ലിനെ,പ്പാതിരാത്താരകങ്ങളെ

എന്തിനോ പ്രണയിച്ചവളാണു നീ

നീലമേഘച്ചിറകു മോഹിച്ചവള്‍

നിന്‍ മിഴികളില്‍ വായിച്ചെടുത്തു ഞാന്‍

താഴ്വരക്കാടു പൂവിട്ട ഭംഗികള്‍...

ദൂതു ചൊല്ലാതെ പോകും മുകിലുകള്‍
ആത്മദുഃഖങ്ങള്‍ പെയ്യുംനിശീഥികള്‍



ഒട്ടു നാളെന്റെ കൂട്ടിനുണ്ടായിരു-
ന്നെന്നപോലെ പരിചിതം നിന്‍ മുഖം.



പോകയാണുനാം നാളെ പുലരിയില്‍

ബാക്കിയെന്തോ പറയാന്‍ മറന്നുവോ?

ആരെനിക്കു നീ?ആരു നിനക്കു ഞാന്‍?
എന്തിനായ് വേദനിപ്പു വേര്‍പാടില്‍ നാം?



പാതിരാവും കഴിഞ്ഞു,സ്നേഹത്തിന്റെ

വീഞ്ഞു മാത്രം പകുത്തുപിരിഞ്ഞിടാം

നീ,എനിക്കെഴുതാന്‍ ബാക്കിയാകുന്നൊ-
രെന്‍ കവിത,നിലാവു നിറഞ്ഞത്‌.....



നിന്‍തപസ്സിലുണരട്ടെ ,മറ്റൊരു

സൂര്യ,നാത്മാവില്‍ വര്‍ണ്ണം വിതറുവാന്‍

കണ്ണെഴുതിച്ചണിയി ച്ചൊരുക്കുവാന്‍

വീണ്ടുമെത്തട്ടെയപ്സര കന്യകള്‍...

കാല്‍ച്ചിലമ്പിടുവിക്കട്ടെ സ്വപ്‌നങ്ങള്‍

കാലിടറാതെ യാത്ര തുടരുക.....





സ്നേഹിത -  cvp kavitha - shabdam -suresh menon

ഈ നീലാകാശത്തോളം...
Lyrics - Praveen VR Attukal 
Composed & Sung by Suresh Menon
(track only )

Ee neelaakaashattholam vocal track with trial effects1

ഒലികള്‍ , മാറ്റൊലികള്‍…..
--- ഗീത മുന്നൂര്‍ക്കോട് ----
ഞാനെന്റെ കണ്ണൊന്നു ചിമ്മീ…….
കരളിന്റെയുള്ളറക്കെട്ടില്‍ കദനത്തിന്‍
കണ്ണുനീര്‍ച്ചാലൊന്നു കീറി………
കണ്‍കളിലിരവു പടര്‍ന്നൂ…………
ഞാനെന്റെ കണ്ണൊന്നു ചിമ്മീ……

കാര്‍മുകില്‍- കരിവണ്ടുകള്‍- നീളെയുലാത്തീ - 
കച്ചിത്തുരുമ്പു പുണരാന്‍ കൊതിച്ചവര്‍  -
ആഴിയില്‍ വീണു പിടഞ്ഞൂ……
അലവിളി കൊട്ടിത്തകര്‍ന്നൂ…….
തെളുതെളെ തുള്ളിത്തിളങ്ങുന്ന തുള്ളിയാ-
ആഹ്ളാദവായ്പില്‍ ചിരിച്ചൂ-കരയെപ്പുണര്‍ന്നൂ……..

ഞാനെന്റെ കണ്ണൊന്നു ചിമ്മീ…….

കുളിരും കൊണ്ടുടലു കുതിര്‍ന്നൂ,-ഭൂവിന്‍
തപ്താശ്രു കണജാലം പാളിപ്പൊഴിഞ്ഞൂ--പൊലിഞ്ഞൂ……..
പുഴപോലെ – ചേര്‍മണ്ണിന്‍ ചിരിപോലെ –ചാലുക
ളൊന്നൊന്നാ...യൊഴുകീ, നുരചിന്നിപ്പാഞ്ഞൂ………
ഞാനെന്റെ കണ്ണൊന്നു ചിമ്മീ…….

അനിലന്റെയാശ്ലേഷരാഗക്കുടുക്കയാ-
 യ ലമാല കന്യകള്‍  പുളകം കൊരുത്തൂ…….
രമിച്ചൂ….രസിച്ചൂ….കാര്‍കൊണ്ടല്‍ മൂടി 
മയങ്ങീടുമക്കരെ ത്തീരമിന്നായിരം 
വര്‍ണ്ണങ്ങള്‍ ചുറ്റീ--വില്ലും കുലച്ചൂ……….
ഞാനെന്റെ കണ്ണൊന്നു ചിമ്മീ…….

ഭൂമി തന്‍ ഗദ്ഗദത്തംബുരുമീട്ടി 
നര്‍ത്തനവേദിയൊരുങ്ങീ………
വിണ്ഡല മിരവിനെപ്പുല്കീ -ഘനജാലം 
കേളികളാടീ….നൃത്തവും തത്തീ !
വാര്‍മഴവില്ലു വിടര്‍ന്നൂ…….
 വര്‍ണ്ണത്തിന്‍പത്തി വിരുത്തീ
ചേലില്‍ മുരളികയൂതിക്കൊണ്ടോതി
ആടൂ…ആടു ....ഏവരുമാടൂ……….
ഞാനെന്റെ കണ്ണൊന്നു ചിമ്മീ……
ഉല്‍ക്കടതാപത്താലൂളിയിട്ടെത്തി
കലിതുള്ളുമൊരു ഭൂതച്ചുഴലി !
അതു കനലുകള്‍ കോരിയൊഴിച്ചു…
കദനക്കരടുകള്‍ കത്തിജ്ജ്വലിച്ചൂ…..
കണ്‍കളിലിരവു പടര്‍ന്നു ,
കാറ്റതിന്‍ കൂത്തു തുടര്‍ന്നൂ…
ഞാനെന്റെ കണ്ണൊന്നു ചിമ്മീ…….

കുമിയുമെന്‍ കാമവും 
മോഹവും  ദാഹവും 
മനതാരില്‍ തുള്ളിത്തുടിച്ചൂ…
മാനസഗേഹഗൃഹസ്ഥരാം കൊച്ചു
വികാരത്തിടമ്പുകള്‍ കേണൂ മുരണ്ടൂ….
ഞാനെന്റെ കണ്ണൊന്നു ചിമ്മീ…….
കോപ്പുകള്‍ പേറി ഞാനു ന്നിദ്രഹര്‍ഷാല്‍ - 
അഭിരമിച്ചുന്മത്തയാകാന്‍- മദിയ്ക്കാന്‍ കൊതിച്ചൂ !

പ്രാകൃതരമ്യപ്രപഞ്ചപ്രതിരൂപബിംബത്തെ
യുള്ളില്‍ പ്രതിഷ്ടിച്ചു മുത്താന്‍ കുതിച്ചൂ…..!
ഞാനെന്റെ കണ്ണൊന്നു ചിമ്മീ…….
കുതികൊള്ളുകെന്നോമല്‍ കൗതുകക്കുഞ്ഞേ
കുളിര്‍ കോരി കതിര്‍ ചൂടിപ്പാറിപ്പറക്ക്..
ഹൃദയം തുറന്നു നീയഭിരമിച്ചാട്

അഭിരാമമവിരാമമാട്…….
എന്നും- ഉല്ലസി ച്ചുല്ലസിച്ചാട്…!



ഒലികള്‍ , മാറ്റൊലികള്‍…..WRITTEN BY GEETHA MUNNOORKKODU COMPOSED AND RENDERED BY SURESH MENON

പിച്ചക പ്പൂക്കളെ നിങ്ങളീ രാവിന്‍റെ 
വാര്‍മുടി കെട്ടില്‍ സുഗന്ധം നിറച്ചുവോ ?... 

അഴകാര്‍ന്ന സ്വപ്‌നങ്ങള്‍ നിറയും നിലാവിന്‍റെ
മഞ്ഞണിക്കൊമ്പില്‍ വിരിഞ്ഞുലയുന്നിതോ ?

കളകളം മൊഴിയുന്ന അലകളില്‍ തെളിനീരു-
മായിന്നു പായുന്ന നിളയില്‍ കാല്‍ കഴുകിയോ ?    

മുറ്റത്ത്‌ നില്‍ക്കുന്ന ചെമ്പക തയ്യിലി     -
ന്നാദ്യമായ് നാണം നിറഞ്ഞ തറിഞ്ഞുവോ ?                

മഞ്ഞു പൊഴിഞ്ഞിന്നു പൂമുഖത്തിണ്ണമേല്‍
ചന്ദ്രന്നു വേണ്ടിയൊരു ദര്‍പ്പണം തീര്‍ത്തുവോ ...

തെളിനിലാപ്പാല്‍ മതി -യമ്മിഞ്ഞ പ്പാല്‍ വേണ്ട-
യെന്നെന്‍റെ പിഞ്ചിന്നു കൊഞ്ചി ക്കരഞ്ഞുവോ ?       

എന്‍ കുഞ്ഞുറങ്ങുവാന്‍ താരാട്ട് മൂളുന്ന 
കണ്ണില്‍പ്പെടാ വിഷുപ്പക്ഷിയെ ക്കണ്ടുവോ ?

പാടേണ്ട ഓമന ത്തിങ്കളി ന്നീ രാവില്‍ 
തഴുകുന്നു കുളിരായീ ത്തെന്നല്‍ നീലാംബരി ...

തീരേണ്ട രാവിതെ ന്നെന്‍   മനം കേഴുന്നു 
കണ്‍ ചിമ്മിയെന്‍ കുഞ്ഞുറങ്ങുന്ന കാഴ്ചയില്‍ ...

ഇപ്പൊ ദേ യെന്ന പോലെത്തുമാ പ്പകലനവന്‍    
സൂര്യകാന്തിപ്പൂക്കള്‍ തന്‍ സ്വര്‍ണ്ണ വര്‍ണ്ണമായ് ..

ഏറേയപൂര്‍വ്വമാം ശാന്തത കണ്ടി -
ട്ടസൂയ തന്‍ പൂവുമായ് വേഗമെത്തായ്ക നീ !!!..

സ്വന്തമായേറെ,യില്ലെന്‍ സ്വച്ഛസ്വപ്‌നങ്ങള്‍  
തട്ടീയുണര്‍ത്തീടുവാനായ്  വരായ്ക നീ !!!               

Pichaka pookkale -written & Composed by Suresh Menon .. Sung by Aparna Geethaanandan

sangeethame jut tried with karoke ...without mike / mixer 

Audio Track

കുളിരീറനണിയിച്ച നറുനിലാപ്പായിലെ
നിഴലിനുമെന്തു ചന്തം !
തെന്നലിളകിത്തളിര്‍ത്തൊരാ പൂവിന്‍റെ കാതിലും
മധുരമാമേതുരാഗം ?
നുരചിതറുന്ന പ്രേമഗാനം ?

അതിലോലമസ്ഥികള്‍ക്കുള്ളിലും പുളകമായ് 
നിറയുന്ന കാവ്യാമൃതം 
മധുവാണ് മണ്ണിലീത്തെളിനീരുറവയായ് 
വഴിയുമീ സാമഗാനം ,
വിണ്ണുമുലയുന്ന പ്രേമഗാനം ..JUST SAMPLE ONLY ....

SAMPLE1

shambhu s menon ... my sons first attempt on a hindi number with karoke .... 

Shambhu dooriyan acoustic

SHAMBHU AND HIS FRIEND MARTIN DID THIS RE MIX . THE COMPLETE WORK WAS DONE ONLY WITH A SONY  MP3 PLAYER AND LAP TOP .  HEARTY CONGRATULATIONS TO SHAMBHU AND MARTIN . 

Dooriyan Remix-Shambhu ft Martin George

വരികള്‍ : Yeshodharan PK 
ശബ്ദം : Suresh Menon 
====
നീ
എന്റെ മനസ്സിൽ
വിരിഞ്ഞ കവിത
എന്നിട്ടുംനിന്നെ
ആസ്വദിക്കാനോ
വിലയിരുത്താനോ
കഴിയാതെ
ഞാൻ വീർപ്പു മുട്ടുന്നു
ഇപ്പോൾ 
നീയൊരു കവിതയല്ല,
വെരുമൊരു സമസ്യ.
നമ്മൾപരസ്പരം 
അറിയുന്നില്ല
നാം
സമാന്തരങ്ങളിൽ
ചിതറിപ്പോകുന്ന
രണ്ടു നീർപ്പോളകൽ

Nee - yeshodharan's gadyam ...

അമ്മ എന്നമ്മ......

എന്നുമെൻ നെഞ്ചിനുള്ളിലൊരു
തീരാ നൊമ്പരമെന്നമ്മ........

തീരാ ദുഃഖക്കെടുതിയിൽ വീണുഴറിയും
തീരമില്ലാ ദുഃഖ സാഗരം മിഴികളിലേറ്റിയും ......

നെറ്റിത്തടത്തിലെന്നോ മാഞ്ഞൊരാ സിന്ധൂര രേണുക്കൾ 
ഹൃത്തടതിലൊരു നെരിപ്പോടായെന്നുമെരിച്ചും.....

മാഞ്ഞുപോകാത്തോരു മാരിവിൽ ശോഭ പോലെ
മഞ്ഞു കണത്തിന്റെ 
നൈര്മ്മല്ല്യ ഭാവം പോലെയമ്മ എന്നമ്മ.....

തീരാ നൊമ്പര തിരമാല പോലെ
ഏങ്ങിയും കിതച്ചും തളർന്നും
എന്നെ മാറോടു ചേർത്തു വിതുമ്പിക്കരഞ്ഞും......

നഷ്ടസ്വപ്നങ്ങളെ ജപമാലയാക്കിയും
തപ്ത നിശ്വാസത്തിൽ വീണു പിടഞ്ഞും......

അണയാത്ത ദീപതിൻ നാളം പോലെ
മായാത്ത പൌർണമി ബിംബം പോലെ ......

എന്നുമെൻ നെഞ്ചിനുള്ളിൽ ആർത്തലക്കും 
കൊടുങ്കാറ്റായടിച്ചും അമ്മ എന്നമ്മ.......

ഇനിയെന്തു ഞാനവൾക്ക് പകരമെകേണ്ടൂ
ഇനിയെന്തു ഞാനവൾക്കൊപ്പം മാറ്റുരക്കേണ്ടൂ......??


Suresh Menon 5