قصيده / حزام إسود.... كلمات و إلقاء / شهد السقا

ٱمْرَأَةً تَمْلِكُهُمْ..... أحمد عبد الرحمن

لو مش هحبك - سوزان عماد

حضن
*******
نص مشترك:ريم وجيه وزينب فرحات
هندسة صوتية:عمرو شاهين
أداء صوتي:زينب فرحات
*****************************
في فيلم أحلى الأوقات : سلمى بتقول :" ده انا كنت عايزة اتجوز بس عشان اتحضن "
فبترد عليها يسرية :"إن الحضن هو اللى بيخلى الست تحس إنها ست فعلا..حاجة صغيرة كده وضعيفة، بس مالكة كل حاجة  ."

** حواء اتخلقت من ضلع آدم...يعنى اتخلقت حاضنة قلبه وبيحاوطها لحمه ودمه وايديه .

**الحضن اللى بجد هو إنك مش بس ايديك تضم شخص او ان ضلوعك تمس ضلوعه
الحضن الحقيقى هو إن كل الحواجز النفسية اللى بينك وبين الشخص ده تقع ..إن حواري قلبك وشوارعه تكون مفتوحة للشخص اللى بتحضنه ، يقدر يتمشى فيها براحته
وعشان كده مش اى شخص بيعرف يحضن او يتحضن حضن حقيقى ... حضن يشبع
أما "كيري راسل" بطلة فيلم The waitress فبتوجه رسالة لطفلها المنتظر بتقوله فيها فيما معناه
"  طفلي العزيز.. أتمنى إنك تلاقي اللي يحضنك 20 دقيقة كاملة متواصلة.. يحضنك وبس.. من غير ما يحاول يبوسك.. أو حتى يبص لوشك"

**عند قدر معين من البؤس ،الحضن بيكون مقدمة لعملية ميكانيكية فاقدة للمعنى والإحساس..مالوش أي معنى  على الإطلاق
بيبقى من الصعب جدا جدا انك تسمح لنفسك تتحضن  ..انك تزيل كل الحواجز التى اتبنت  بطول العمر والمعاناة
وقتها بتصبح  أعظم أمنياتك حضن..حضن طويل يدوّب طبقات الهم اللى غلفت القلب من كل اتجاه وتسمح له إنه يتنفس بحرية ويعرف يحس

**إنت تقدر تحتوى حد تانيً ..لكن مش زي ما  ينبغى ، لإن مافيش عطاء مكتمل من غير أخذ ..الحنان له وجهة مزدوجة وصعب قوى يكون احادى الجهة  وإلا هيتحول  لاستنزاف

**إن روحك تتحاوط وتحتوى بحنية ..إن قلبك يتطمن ويستكين  إن روحك  تستنشق عبير الدفا
إنك ترتاح ببساطة بين ايدين إنسان وعلى دقة قلبه ..
حاجة كده عاملة زى تعشيقة الخشب فى بعضه 

**فى ناس طبطبتها حضن
وناس حضنها غربة

** أحلى حضن فى الدنيا هو حضن الاطفال ..لما يجروا عليك ويترموا بين ايديك ويرتاحوا على دقات قلبك
ما بتبقاش عارف .. ياترى هما اللي بيدفوا ضلعوك ولا إنت اللي بتحمي برائتهم

** الدبدوب هو وسيلة لاحتضان ذاتك..دفاه بيتاخد من حرارة جسمك ..و تفاعله من محاوطة ايديك له..وعطره بياخده من حضنك..وصمته الأزلى بيغرى بالحكى الآمن
حنية الإنسان على نفسه مهمة جدا ...خاصة لو ماكنش عنده غيرها
ما تستخصرش حنيتك في نفسك مهما كنت حاسس بالدونية وإنك ما تستاهلش ، في الغالب الإحساس ده بيبقى غلط
وما تمنعهاش في حد محتاجها ، المشاعر لما بتتكتم بتتخنق وتصدي، الصدى ده بيبقى سم بيسري جواك ويمنعك تحس بأي حاجة حلوة
خلي عندك يقين بأن مهما حصل ربنا برده هيفضل يطبطب عليك.. ورحمته هتحاوطك وتحضنك


حضن

كلمات: نبيل عبد الحميد
ألحان وغناء: أحمد العتباني
بيانو: محمد العشي

أحارب كيف؟! قصيدة حسن لرحمة من ملحمة الأب الروحي٫ كلمات: نبيل عبد الحميد، ألحان وغناء: أحمد العتباني

برومو ديوان بين الخشب والدم- كريم عبد الرسول

أنا بقيت وحيد

اداء : حبيبة محمد و عبدالرحمن حجاج

يونس و حنين - من رواية كوابيس قبل النوم

غمضت عيني فـ مكان ما 
و لمحت صورة ساكنة جوايا
لملمت روحي من قصاد الباب
و سحبت اوكرة قلبها معايا

و سألت روحي ..
ازاي تروحي فـ شط بحر غريق و تغويني
حزنك الخام أكل حتة من عيني 
ف ازاي بدون ما تبرري لوجعي
رمتيني غلطة فـ وسط بحر الشوق
بصيتي ضاحكة من بعيد ع الموت
و قولتيلي عيل نفسه يتعلم
مانا يعني عيل بس بتألم
ساعتين وبرجع للبراح بهدوء
فـ يتم نقلي من ضريح الموت
لـ ضلوع بتسكن بحرك المالح
انا ليه بعلم قلبي يتسامح
و يعيش ضحية وسط شعب رجيم
انت الذي أدخلتهم و أمنتهم
وقصدت عمدا حبكة التأليم 

بوصفلكم / سرب المواجع لما يهل الليل
و نصيبي لدغة لعقرب الوحدة
مشوار مأخر يعني من مدة
غربال فـ قلبي بدون وجود شدة
والحزن طايل كتفي بيشدني

ضحك الملحن لما عزف الكورد
والقاعة حسمت مشهد الجمهور
ازاي ببرر حزن كان مأمور
واختار طريقي بدون وجود قفلة
قد خاب قلبي لما قالوا له ضعفت
و لقيتني ميت بس من الغفلة 

الهوي ويا الجراح
اتنين شقايق بس مختلفين
و دموعي واقفة فـ جمعهم تالت
الحزن عوض فرحنا الفالت
سالب نصيبي فـ موجبك سالب
والحسبة ناقصة و البشر واقفين

ابانا الذي فـ السماوات
قد شاب شعري من الفراق و الشوق
كان نفسي مرة ازور مقام قلبها
و لقيتني صدفة طلعت عندك فوق 

البحر ٢

البحر ٢ || Muhamed Amer

شعر 
محمد العواوني
عواونيتا

مالم تراه مراية الاتوبيس | محمد العواوني

(وثائقي .. عن الناجي الوحيد)
..

في الحرب
قالولنا القادة إننا هنفوز
من قبل ما رُبع سلاحنا يبوظ
ونعوز لإعانة ..

هنفوز علشان ( الله موجود ومعانا ) ..

هنفوز من قبل ما نلبس أي بيادة
وقبل ما حتى ندوس
على رمل الساحة ..

وقالولنا كمان اننا لو موتنا فداء لبيوتنا هيبقى الموت بالراحة ..

وقالولنا ان احنا وحوش وأسود ..
مش أي جنود ..
ومعانا بارود ..
مش أي بارود ..
وجثثنا ماهيطولهاش الدود

علشان الجندي في سِلو بلدنا إن مات .. بيصير جناحات .. ويقوم ويطير ..

القادة قالولنا بإن الحرب يومين بالظبط وتدّي نذير ..
فيدوبك نلحق من دلوقتْ نفوز ع الوقتْ ..
وندهن شَحْم على الجنازير ..
..
وابتدِت الحرب ....
صورايخ م الشرق
وغصن زتون وحمام م الغرب ..

وطيور أبابيبل من عند الرب بتمحي الظالم في المظلوم ..
وف وسط الضرب
لمحت بعيني من الأعداء خنزير بيحوم ..

قنّصت عليه .. وعملت الزووم على نُص عينيه .. وضحكت عليه .. وقتلتُه ..
كات أول مرة أشوف بعينيا الشخص اللي أنا أصبحت ساعتها عليه .. ومازلتُه ..

كات أول مرة أشوف الشر بتاعي في صوتهُ وشكلُه وتوبُه ..
واكتشف ان انا في صباعي شراسة تهِد البيت وتفتفِت طوبُه ..

كات أول مرة أشوف السائد .. 
وامشي عليه من غير ما انتظر العائد ..

كات أول مرة أموّت شخص
وإخْص على اللي يموّت شخص بإذن القائد ..

كات أول مرة
لذلك رُحت عليه .. فتِّشت جيوبُه ..
من وسط حاجاتُه لقيتني بطلّع ورقة قديمة بقالها سنين مِتعانة ..

مكتوبة برعشة إيد إنسان بِيعاني الفَقْد و عَانا ..
..

ولقيت مكتوب ...... :-

لـ حبيبتي راشيل ..
أنا آسف جداً إني مقصر جداً جداً في المراسيل ..
وماتتضايقيش
وطلاما وعدتك إني هعيش .. والله هعيش ..
ادعيلنا كتير علشان ربنا بيحب دُعاكُم قبل دُعانا ..
وسيبي لي على الترابيزة يوماتي مكان محجوز
وماتستنّيش لو كُنتي جعانة ..

وأخيراً بس عشان الحلوة بتاعتي تفُك البوز ..

امبارح هتف القادة
وقالوا :-
إننا هنفوز ..
من قبل ما رُبع سلاحنا يبوظ ..
ونعوز لإعانة ..
هنفوز علشان ( الله موجود ومعانا ) ..

..
.
#بشيكل_فول_وبنص_طعمية
ديسمبر / 2019

لو مش هحبك - سوزان عماد

Suzan Emad El-Deen

Recent comments

Ahmed Mohamed

Naaer aly

روان عبدالواحد

سـايـا

Related tracks