



عايزين قانون يخلى المتبعتر يتلم 
عايزين القانون اللى يبعد عن بناتنا كل الهم 
هتقولى فيه قانون هقولك فين يا عم
عدم التفعيل مع الوجود زى الشخص الاصم
انا مش سيجارة مش زى ما بتقول عليه
مش اخرى دوسه ولا هسيبك تهين فيا 
مش كرافته تخنقك بس تخليك محترم
وليه اصلا انا هعرفك لو كنت عديم الاحترام
فكرت تحط نفسك مكان بنت فالشارع
حاسه انها فريسه وعماله فخطوتها تسارع 
لا وكمان لو حد عاكسها بيجيبو الغلط عليها
مش محترمه لو رديتى حتى كرمتك هتهينيها
فى شويه مننا شايفين الحل فالغطا
وان لو البنت ادارت مش هتكون متمرمطه
ماشى خلينا معاهم للاخر وعايزه اسألهم سؤال
مين اكتر بلد فيها حرمان؟ افغانستان
اتحكم انت فى نفسك ومتتحكمش فيا 
لو نور الشمس حابسكـ قربكـ منى اذية
دلوقتى بان لنا مين اللى عليه الحق
ومين لما يقول انا صح هنقول لا
اتكلمى ما انتى صوتك عالى من زمان
هدى الحيطان دا انتى مصدر كل الامان
انتى اللى ضحيتى بطموحك علشان تربى العيال
وعشان تقديم لوظيفه بيكون فيه شرط الجمال
انتى اللى حياتك متقسمه تضحية واستغلال
بيجوزوكى للمال بدل اللى قلبك ليه ميال
من وهى صغيره بتحافظ على شكلها
علشان لازم تبقى حلوه وكله يغير منها
وبتكبر البنوته تبقى شاطره فالدراسه
بس برضو مش كفايه احنا عايزينلكـ جوازه
والمصطلحات تتقلب لو محترمه تبقى خايبه
لو اجتماعيه و ليها دور يبقى علطول اخلاقها سايبه
ماتقولى يالى ماشى وسايبنى عايزنى ليه حتة ديكور
ويوم ما اطالب بحقى بتودينى لدكتور
ما تقولى انت مين ولا شايف نفسكـ ايه
لو شايفنى كلى غلط طب منغيرى هتبقى ايه




official acc : https://www.facebook.com/myammahmoud
official page : https://www.facebook.com/MyamElM3a2ada
https://www.facebook.com/MyamMahmoudArabsGotTalent
https://twitter.com/MyamMahmoud





myam_انا مش سيجارة

Living

new joint i produced and wrote , please leave your thoughts on it ! and if you would like to handle some business  Email - Streezycarnivore@gmail.com , Whatsapp - 0645004213

Joel Parker - MKBLT(Prod. Dave Goliath)

Swrdz X

Related tracks