بزرگ خاتوُن سوزخوان شمسُ الزِّہرا صاحِبہ نے حال ہی میں داعیِٔ اجل کو لبّیک کہا۔ شاعرِ اہلبیتؑ جناب صفدرؔھمٰدانی نے محترمہ کو منظوُم ہدیۂِ عقیدت پیش کیا اور راقم کو اس قابل گردانا کہ یہ کلام اپنی آواز میں پیش کرنے کی سعادت حاصل کروں۔ دُعا ہے کہ اک غیر روایتی بندش میں پیش کی گئی اس سعی کو مولاؑ کی بارگاہ میں شرفِ قبوُلیّت حاصِل ہو۔ آمین۔
Recorded: July 12, 2013
Bandish & Voice: Syed Ali Asghar Kazmi s/o Syed Aftab Ali Kazmi 
Upload Date: July 14, 2013
Audio: Madh Khwan Zainab e Dilgeer Ki - V2 - 2013 0712 235932 - EDRFS.MP3

Madh Khwan Zainab e Dilgeer (s.a.) Ki Shams ul Zehra

سوزخوانِ اہلبیتؑ، آفتابِ سوزخوانی، جناب سیّد آفتاب علی کاظمی(دہلوی) کا ۱۹۶۰ کی دہائی میں ریڈیو پاکستان کے لیئے ریکارڈ کیا گیا ایک نوحہ۔ مزید کیا کہوُں۔ بی بی (سلامُ اللہ علیہاٰ) قبول فرمائیں!۔

کہتی زہراؑ یہ جنّت سے آئی ۔ میری بستی بسی کو اُجاڑا
میں تو دوُں گی خُدا کی دُہائی ۔ میری بستی بسی کو اُجاڑا

تُجھ سِوا داد کس سے میں پاؤں ۔ کس کو یارب کلیجہ دِکھاؤُں
داد لونڈی کی دے یا اِلٰہی ۔ میری بستی بسی کو اُجاڑا

پے بہ پے خط لِکھے اور بُلایا ۔ جب بُلایا ہؤا اُن کا آیا
کرکے پانی کی سب نے مناہی ۔ میری بستی بسی کو اُجاڑا

مرتے دم تک یہی کی وصیّت ۔ آل سے میری رکھنا مُحبّت
کیا وصیّت نبی کی نِبھائی ۔ میری بستی بسی کو اُجاڑا

اب تو ٹھنڈک پڑی علقمہ کے ۔ میرے سب دِلرُبا مارے پیاسے
مُجھ سے تُجھ کو حیا کُچھ نہ آئی ۔ میری بستی بسی کو اُجاڑا

وائے حُسینا!۔

کہتی زہرا (سلامُ اللہ علیہاٰ) یہ جنّت سے آئی ۔ میری بستی بسی کو اُجاڑا (سیّد آفتاب علی کاظمی)۔

جناب جوشؔ ملیح آبادی کی خوبصورت نظم "زندگی" ۔ اپنے وقت کے چند بہترین صداکاروں میں سے ایک، جناب حسن شہید مرزا کی انتہائی خوبصورت آواز اور بہترین انداز میں۔ یہ ریکارڈنگ اب سے چند برس قبل مرحُوم نے بہ کمالِ مُحبّت,  بنفسِ نفیس میرے برادرسیّد علی مسعوُد کاظمی کو عنایت کی تھی۔ جناب حسن شہید مرزا جیسے فن کار قدرت کی جانب سےخال خال ہی عطا کیئے جاتے ہیں۔ اللہ تعالیٰ مرحوُم کی مغفرت فرمائے اور اُن کے درجات بلند ہوں۔ آمین۔ احقر اصغر کاظمی۔

"Zindgi" - Poetry Of Josh by Great Hassan Shaheed Mirza

باذوق سامع اور با صلاحیّت شائقین کے لیئے اُستاد مہدی حسن خاں صاحِب کی ہر غزل اپنے آپ میں گلے کے موثّر استعمال کی جانِب اِک سبق ہے۔ یہ سُننے والے پر مُنحصِر ہے کہ وہ اِن کی گائیکی سے اخذ کیئے گئے گُر کہاں اور کیسے استعمال کرتا﻿ ہے۔ خوش الحانی اور اور خوبصوُرت آواز کا شمار بھی خُدا کی نعمتوں میں ہوتا ہے۔ یہ نعمتیں میسّر ہوں اور اِنھیں بجا طور پر استعمال نہ کیا جائے تو اس کو نا شُکری ہی کہا جائےگا۔ خاں صاحِب کی غزلوں کی طرح اُن کی پڑھی ہوئی نعت اور حمد بھی لاجواب ہیں اور بات ذِکرِ حُسینؑ کی ہو تو خاں صاحِب کا پڑھا ہؤا میر انیسؔ کا سلام "گُذر گئے تھے کئی دِن کہ گھر میں آب نہ تھا" بھی نہ صِرف اپنی مثال آپ بلکہ مُحَمّدؐ و آلِ مُحَمَّدؐ سے اُن کی عقیدت اور تعلّق کا بھی آئینہ دار ہے۔

نوٹ: یہ ریکارڈنگ ریڈیو پاکستان کراچی سے غالِباً اُنّیس سو اسّی کی دہائی کے اوائل میں نشر کیئے گئے پروگرام سے ماخوذ ہے۔

Guzar Gaye Thay Kayee Din - by Mehdi Hassan (1980s)

کہتی تھی بانو اصغر جانی کب تم گھر میں آؤ گے
Bandish: Syed Aftab Ali Kazmi
Recitation: Syed Muhammad Ali Kazmi (Grandson of Syed Aftab Ali Kazmi)
Audio: Kehti Thee Bano by Mohammad Ali Kazmi - V1 - 2012_0625_234632 - EDRF

Kehti Thee Bano Asghar Jani - recited by Muhammad Ali

جناب حسنین رضاؔ کے اس سلام کے لیئے پہلے یہ بندِش وضع کی گئی تھی جس کو بعد میں اُن کی خواہش پر قدرے مُختلف انداز میں پیش کیا گیا۔
Audio: Na Mar Kay Jeena Sikhatay - V3 - 2012 0826 043448 - EDRF3.MP3

Na Mar Kay Jeena Sikhatay - Salam by Ali Asghar (First Unpublished Version)

Adayegi: Asghar Kazmi
(Originally recited by Asif Ali, Ravi Road, Lahore.)
Recorded: Feb 7, 2011.
Audio: Karbala Say Jo Meri Simt - V1 - 2011 0207 162446 - EDR

Karbala Say Jo Meri Simt Hawayain Aayeen by Asghar Kazmi - 2011

سیّد آفتاب علی کاظمی برِّ صغیر پاک و ہِند کے نامور سوزخوان گُذرے ہیں۔ وہ ۱۹۱۵ عیسوی میں دِہلی میں پیدا ہوئے اور ۲۹ جوُن ۱۹۸۱ عیسوی کو پاکستان کے شہر کراچی میں داعیِٔ اجل کو لبّیک کہا۔ اُن کی ۳۳ ویں برسی پر اُنھیں خراچِ عقیدت کے طور پر کلیمِ آلِ عبا، جناب شاہِدؔ نقوی کا قطعہ جو اُنھوں نے جناب آفتاب کاظمی کے چہلُم کے موقع پر پیش کیا اور اُن کی آخری آرامگاہ کے سِرہانے کُندہ ہے، اپنی آواز میں پیش کرنے کی جسارت کی ہے جو سامعین کی سماعت کے لیئے یہاں پیشِ خِدمت ہے۔ آپ سب سے درخواست ہے کہ مرحوُم ذاکِرِ حُسین کے ایصالِ ثواب کے لیئے سورۂِ فاتِحہ اور سورۂِ اِخلاص کی تِلاوت اور درجات کی بُلندی کے لیئے دُعا فرمائیں۔ طالِبِ دُعا سیّد علی اصغر کاظمی، فرزند سیّد آفتاب علی کاظمی۔ کراچی ۲۳ جوُن۲۰۱۴ء
Details:
Bandish & Adayegi: Syed Ali Asghar Kazmi
Recorded: June 23, 2014.
Audio: Ajal Nay Chun Liya - V2014 - 3 0623 145406 EDRF

Ajal Nay Chun Liya Jo Phool Jan-e-Gulshan Tha - Recited by Asghar Kazmi

آفتابِ سوزخوانی، جناب سیّد آفتاب علی کاظمی دبِستانِ دِہلی کے یگانۂِ عصرسوزخوان تھے جنہوں نے قیامِ پاکستان کے بعدعلّامہ رشید تُرابی کی سرپرستی اور جناب آغا مقصوُد مرزا جیسے بزرگ اور دیگر نمایاں معاصر سوزخوانوں کے ہمراہ سوزخوانی کی بقاء اور ترویج کے لیئے "انجمنِ سوزخوانان کراچی" کی بُنیاد رکھی اور اپنی تمام تر توانائی اور وسائِل اس مقصد کے لیئے وقف کردیئے۔ اپنی خوانندگی کی گوُناگوُں خصوُصیات کی بِناء پر اُنھیں مُعاصرین میں ایک نُمایاں حاصِل تھا۔ یہ اور اس جیسی اکثر بندشیں موقع پر ہی مُرتّب کر کے پیش کر دینے میں اِنھیں کمال حاصِل تھا۔ کلام کی کیفیّت اور الفاظ کی واضح اور درست ادائیگی، سُروں پر گرفت، آواز میں بیک وقت گھن گرج اور سوز کی موجودگی جیسی خصوصیات اُنھیں مُمتاز کرتی تھیں۔ یہ ایک ایسا نایاب فن پارہ ہے جس کو بجا طور پر "لاثانی" کہا جا سکتا ہے۔

سوزخوانی کے اُس سُنہری دور کے دیگر نُمایاں سوزخوان حضرات میں جناب آغا مقصوُد مِرزا کے علاوہ،  جناب عظیمُ المُحسِن، جناب سیّد آباد مُحمّد نقوی، جناب اختر وصی علی، اور جناب زوّار حُسین  جیسے صاحِبانِ فن زُعماء شامِل تھے۔ ریکارڈنگ کی خستگی کے باعِث اِس قطعے کو ذیل میں نقل کر رہا ہوں تاکہ کلام اور اُس کی ادائیگی کی کیفیات کو سمجھنے میں دِقّت نہ ہو۔

حرم سرا سے جو زینب کے دو دلیر آئے
شکاریوں کی طرف زخم خوردہ شیر آئے
تھی بھوُک پیاس مگر زندگی سے سیر آئے
نظر اِک آن ہٹی، سروں کے ڈھیر آئے

ہؤا یہ شور کہ ہر چند سِن ابھی کم ہیں
مگر یہ بیشۂِ شیرِ خُداؑ کے ضیغم ہیں

Recording: Circa 1960~1965
Audio: 07 - Haram Sara Say Jo Zainab (Soaz) Aftab Kazmi - Stereo

حرم سرا سے جو زینبؑ کے دو دِلیر آئے۔ آفتابِ سوزخوانی،  سیّد آفتاب علی کاظمی

انّیس سو اکیاسی میں ریڈیو پاکستان کراچی سے براڈکاسٹ ہونے والے میر انیسؔ کے سلام سے اقتباس اور۲۰۱۰ میں اس ہی سلام کی صدابند کی گئی صوتی تصویر پیشِ خِدمت ہے۔ یہ بندش والدِ مُحترم سیّد آفتاب علی کاظمی کی ترتیب دی ہوئی ہے اور اُن کی آواز میں  برسہا برس تک ہر سال عشرۂِ مُحرّم میں بارہا نشر کی جاتی رہی ہے۔ طالبِ دُعا: سیّد علی اصغر کاظمی

Audio: Bekasi Ka Sheh Kee By Ali Asghar - 1981 and 2010 MIX

سلام ۔ بیکسی کا شہہؑ کی چرچا رِہ گیا (میر انیسؔ) ۔ آواز اصغر کاظمی

جناب راجہ صاحب محمودآباد (محبوُبؔ تخلُّص کرتے تھے) کا سلام
Bandish: Asghar Kazmi s/o Syed Aftab Ali Kazmi
Recorded: December 11, 2010
Audio: Hay Salam Us Pa Jo - V2 - 2010 1211 015111 (Full Version)

Hay Salam Us Pa Jo Kehti Thee Sada Haye Hussain (a.s.) Salam - 2010

سوزخوانِ اہلِبیت، سیّد آفتاب علی کاظمی کی مُنفرد بندِش
شرفِ ادائی ۔ علی اصغر فرزند سیّد آفتاب علی کاظمی
صدا بندی ۔ ۲۴ مئی سن ۲۰۱۳ عیسوی
اپ لوڈ ۔ ۲۶ مئی ۲۰۱۳ عیسوی

ضَربَتِ عبّاسؑ میں ہے ضَربَتِ حیدرؑ کا رنگ
اُڑ رہا ہے کربلا کے مرحب و عنتر کا رنگ
ہے علمدارِ حُسینیؑ ہاتھ کو روکے ہوئے
چھا نہ جائے کربلا کی جنگ پر خیبر کا رنگ

Audio: Zarbat-e-Abbas - V7 - 2013 0524 013100 EDRF

Zarbat-e-Abbas (a.s.) Mein Hay by Asghar Kazmi (V7) 2013

سوز

یہ دِن وہ ہیں کہ مدینہ نبیؐ کا ویراں ہے
سفر میں شاہ ہیں صُغریٰ (س) وطن میں گریاں ہے
غُبار اُڑتا ہے، لوُ چلتی ہے بیاباں ہے
اجل کا ہاتھ ہے اور شاہ کا گریِباں ہے
بتوُل (س) نکلی ہیں مرقد سے خاک اُڑانے کو
حُسینؑ جاتے ہیں اُمّت کے بخشوانے کو

بندِش: علی اصغر، مظہر علی
آواز: علی اصغر
صدا بندی: کراچی، ۱۰ جنوری ۲۰۱۰ عیسوی
Audio: Ye Din Woh Hain Kay Madina Nabi (s.a.) Ka Veeran Hay

Ye Din Woh Hain Kay Madina Nabi (s.a.) Ka Veeran Hay

سوزخوانِ و شاعِرِ اِہلبیتؑ، سرمایۂِ مِلّتِ جعفریہ، جناب سیّد سِبطِ جعفرؔ زیدی کی شہادت ایک بہت بڑا نُقصان اور انتہائی افسوسناک واقعہ ہے۔ عصرِ حاضِر کے سوزخوانوں میں ایک نُمایاں مقام اور مُنفرِد انداز کے حامِل سِبطِ جعفر صاحِب کے مدّاحوں میں شامِل ہونے کی نسبت سے میری بھی خواہِش تھی کہ حتی المقدوُر شہید سوزخوان کو ہدیۂِ عقیدت پیش کر سکوں۔ ذاکِر و شاعِرِ آلِ عبا، محقّق، اور مرثیہ نِگار، جناب صفدرؔ ھمدٰانی صاحِب کا ممنوُن ہوں کہ اُنھوں نے میری اِس مُشکِل کو آسان فرمایا اور اپنا وہ کلام پڑھنے کی اِجازت دی جو اب سبطِ جعفرؔ صاحِب کے حوالے سے مقبوُل اور زباں زدِ خاص و عام ہے۔ پروردِگار شہید سِبطِ جعفر صاحِب کو جنّتُ الفِردوس میں بُلند ترین درجات عطا فرمائے۔ آمین۔
کلام: شاعرِ آلِ عبا، جناب صفدرؔ ھمدٰانی
بندِش و آواز: سیّد علی اصغر کاظمی فرزند سیّد آفتاب علی کاظمی
صدابندی: کراچی، پاکستان، مئی سترہ، سن ۲۰۱۳ عیسوی
Audio: Honton Pa Tere - V2 - 2013 0517 235359 - EDRF

Honton Pa Tere Ishq e Muhammad (s.a.w.w) Ki Piyas Hay - by Asghar Kazmi

ہمارے با صلاحیّت ساتھی، سیّد شاہِد حُسین رضوی کی ایک اور خوبصوُرت کاوش منقبت کی صوُرت میں آپ سب کی سماعت کے لیئے پیشِ خِدمت ہے۔
Poet: Qamar Hasnain
Recorded: June 22, 2013
Audio: Woh Aaye Ga Jo Hawaon Pa Chalnay Wala Hay by Shahid - 062213-104118 - Stereo - EDRF

Woh Aaye Ga Jo Hawaon Pa Chalnay Wala Hay by Shahid Rizvi

خُدائے سُخن، میر ببر علی انیسؔ کا قدیم سلام روایتی بندِش میں دوستوں کی سماعت کے لیئے پیشِ خِدمَت ہے۔ مولا قُبوُل فرمائیں۔
Poet: Mir Babbar Ali Anees (R.A.)
Recited by: Syed Ali Asghar Kazmi
Recorded: June 17, 2013
Audio: Mujrayee Shah Ka Hoon - V2 of 2013 0617 234042 - EDRFS

Syed Ali Asghar Kazmi

Popular tracks