عاصم البنا والمجموعة - انا حالي ظاهر - اغاني واغاني 2010

هسة خايف من فراقك - هاشم ميرغني

امتي ارجع لام در ..عاصم البنا

مزيكة الحواري - مصطفي سيد احمد  at Mgd alDin

النور الجيلاني- مليح الزي

نادوس (صفحة حياة السودان الاجتماعية الثقافية) تهتم بالنشاطات الاجتماعية الثقافية والسياحة والاثار  ومع ذللك بالتسويق عبر النت والشبكات الاجتماعية والتنمية الاجتماعية والاقتصادية مقرها في المانيا والخرطوم - السودان والدول العربية. نبحث باستمرار عن مواصيع ونشاطات ثقافية عملاء جدد ومستثمرين وشركاء ورجال الأعمال أو شركات للتجارة الإلكترونية والتنمية الاجتماعية ، التسوق عبرالنت استيراد وتصدير. نعتمد باستمرار على مدخلات جديدة. بالإضافة إلى مصادر داخلية نشطة. ستقبل أي اقتراحات من جميع الجوانب الممكنة. ولذلك نحن نبحث بشكل رئيسي لمنتجات مبتكرة وأفكار تسويقية بشكل جديد ومفيد

محمد وردى - وطنا الباسمك كتبنا ورطنا

غربة و شجن - هاني عابدين

ما قدرت اوداعك - عصام محمد نور - عوض أحمودي (عود) ومحمد نور (كاخون) - شق الديار

عثمان الشفيع وطن الجدود

أُمّاتِي القِبيلْ

بي حِنّهنْ لجّـنّي

كَرفة وقَلدة

كيف شوق اللّبن رَجّني

حُزناً جاني في مَيْع الصِّبا يلَجِّني

أطلعْ مِنِّي يا جلدي المِنمِّل جِنيِّ

واطلعْ مِنِّي يا حُزناً بِقى مكَجِّني

 

خَلّني أبدا مُسداري

وأودي قفايا لي داراً بِقَتْ مِي دَاري

جِيتَا ..

وجِلْدِي بينو وبين عضاي الشّحَمَة

إلا النّار بِقَتْ قِدّامي

جِلْدِي اللّيلة بينو وبين عَضَايَ المافي

إلاّ تراني شَوّالْ الكِبِسْ

نِفّيخْ جَراريب الوَرَمْ هَدّامِي

في جِلدي الورم قُولَنْلي

وللاّ صَحِي الورم عَضّامِي

سفريتك مِي الفي النيّة

وميها الكانت محريّة

خابراكْ عِرِّيفْ ..

ذم العُربانْ واللاّ قِيام الوردية

مالكْ ؟؟؟

تَرْيَانْ ومندِّي

كاسي الكِتّان والهندي

قولَكْ كِكّيفْ ترجى البيشان

واللاّ الغُربة البي الزِّنْدي

برقاً عِبْدِللِّي الوَزْنِ

يا طاشْ .. يا جاب المُزْنِ

فَرِّقْ يا الضّيفْ

فِعْل الغَضْبان ..

أم فِرفيرات الحُزْنِ

وشِنْ القَعدة

يا أبو السُّرة

في ضُل العمارات أم كمرةً برّة

ضُقْنا الحَنْضَل اليانكي

وبَلَعْنا المُرّة

كِمْلَتْ كوتة التُّمبَاك

صَقَعْنا الجِّـرّة

ووكت إتقفّلَتْ شِقّيشْ

قَبَلْ بي المرّة

نَرْمي أمُرنا في بلد المعاني الحُـرّة

الشّمْ خَوّخَتْ

بَرَدَنْ ليالي الحّـرّة

والبرّاق بَرَقْ ..

مِنْ مِنّا جاب القِرّة

شوف عيني الصِّقير بجناحو كَفَتْ الفِرّة

تلقاها ام خدود الليلة مَرَقَتْ بَرّة

مَرَقَتْ بَرّة تغلي مديدة الحِلْبة التَسَمِّن رِدْفَها

السَمِنْ المبَسْتَرْ يانْكي

والويقود بعيرات الدُّخان في العين

وفي الفَشْفَاشْ يسوِّي عمايلو

شِنْ فايدة مديدة الحلبة والويقود بشيلو اليانكي ؟؟

يا ابو السُّرة

قامت من دخاخين العمى تلمِّع وشِيها

اليانكي مِسْتَنِّيهَا

كان اليانكي مستنيها في مراية السَجَم في اللّيل

لقيتها مِتِلْ فريخ الطّير

مَرَقْ ود عينها من ود عينها

رجّافة المزمّلْ حُمّى

جَفَلَتْ مِنّو

وَقَعَتْ عندي

صدرها بغلي

يا ابوالسُّرة

شُفْتَ اليانكي في ود عينها

سُقْتَها للبحر

يمكن يغسِّل عينها من اليانكي

فُتْنَا الحَجْرة بالكَتّة وغطسنا مسافة

تبقى قَدُر مسالك الرّيدة

ما لاقانا من يغبانا في البحر الفَدَرْ تحتاني

ناس عارفاها

ناس عارفاكا

ناس عارفاني

ناديت القعوي والبُلْطي

قرقور السّمَك ودّاني لي دابي الخُشَشْ

نادينا عُمّال الطّمِي

عُمّال الطّمِي الصّارقيلا

والقَرْمُوط

وود الموية

فُتْنَا عليها

كانت نايمة

عَجّال البحر حارساها كانت نايمة

بين حجرين وضُل ساسوية كانت نايمة

وعُمّال الطّمِي الصّحونا لّمُو حصى البحر

قسموهو ياتْ من كان سبع جمراتْ

دابي الخُشّة قال :

أدُّوها في الجمرات تلات سبعاتْ

قُلْنا :

أدُّوها في الجمرات تلات سبعاتْ

 

مَسَكْنَا دَرِبْنَا

عُمّال الطّمِي الصّحوها

خابرين الدّروبْ

مَرَقوبنا فوق مُشْرَعْ مسارب الضّيْ

لقينا الدُّنيا تترجّانَا

قُوقَا القِمْري

خَوّى صِقيرْ

وعَوّى حِديْ

وعُمّال الطّمِي الصّحونَا

لَمُّو على البعرفو الصّيْ

حَصَى القيزان

دوابي الدّارْقَة

والسِّحْليّة

والنّاسْ التِّحِتْ

النّاسْ التِّحِتْ خابرين عَمايْل اليَانْكي

مَرّة معونة لي اللّغّاف

ومَرّة دَوانْكِي

شِنْ معناهو جيبها إن كان ملوهو بوانكي

صوتها مكتِّمو القَرَبين سيوف وسَوانْكِي

مسدار ابو السرة

كمال ترباس + جمال فرفور - الامان

النور الجيلاني- مليح الزي

Tazz Elmushakis !

Related tracks