موفقات رؤيا ورحاب 💓💓

(7/1) الوضع شنو؟ نسويات من الصحراء الغربية

منذ استقلال السودان ظل سؤال تأسيس الدولة السودانية رغم إلحاحه سؤالاً غائباً عن ذهن الحكومات المتعاقبة، من دكتاتوريات وديموقراطيات، مثلت أيدولوجيا حامليها، غير آبهة بواقع السودانيين ومعاشهم، بل ومسرفة في البطش والتشفي من مخالفيها. أتت ثورة ديسمبر مدفوعة بآمالٍ وأحلام بحجم الوطن، ظلت تدفع بزخمها لتخلق واقعاً جديداً وتكسر تكرار الحلقة الشريرة، لكنها ووجهت هي الأخرى بذات العقبات، وذات التساؤل، قول لي يا سودان متين، تختار طريقك بي فهم؟ فهل كانت على قدر السؤال؟ 
يأتي فيلم #الدروب كمحاولة لتوثيق مأزق الدولة السودانية منذ استقلالها وحتى تتويجها باعتصام القيادة العامة، كحلم جميل، يجسد أقصى آمال السودانيين وأحلامهم بشكل بالوطن المنشود. الدروب، أغنية للسودان والسودانيين في كل مكان وزمان، دروب الماضي والحاضر والمستقبل، وتذكيرنا جميعاً بأن: #الأمر_أبسط_من_كدا.
الدروب أوبريت غنائي وفيلم وثائقي موسيقي ذو طابع ميلودرامي. 
زمن العرض: 22 دقيقة
يتركب الفيلم من عناصر بصرية مختلفة مبنية من مواد أرشيفية ذات طابع سياسي وثقافي وفني واجتماعي بالإضافة إلى عناصر جرافيك معالجة مع بعضها في شكل طبقات بصرية.
استغرقت صناعة العمل حوالي ثلاث سنوات عولج فيها أكثر من:
10,500 ملف (صوت وصورة)، 500 مجلد و4500 طبقة بصرية.
استغرقت مرحلة تسجيل الأصوات فوق ال100 ساعة عمل موزعة على مدة سنة متقطعة نسبة لظروف البلاد في تلك الفترة، بينما استغرق التوزيع والتنفيذ الموسيقي والميكساج أكثر من 3000 ساعة عمل. واستغرق التصميم الصوتي للفيلم مدة أسبوعين. ويأتي العمل في حوالي 276 طبقة صوتية (تراك موسيقي).
رابط الفيلم على يوتيوب: https://youtu.be/EVJieWKn9fI
#سودان_وبس_سودان_كفى



:الكلمات

قول لي يا سودان عليك 
عرق الغلابة و همهم 
إنت بتمش فوق الدروب 
أم هي بتمش فوقك تجرب حظها 
و كل مرة هي بتحرق دمهم 

و قول يا سودان عليك 
دمع الثكالى و نخجتن 
سايل على خدّك سنين 
إنت البتذرف للدموع 
أم هي بتسوقك خلفها 
لجمات حزن طول الزمن 
شقيش يسيل دمعك تمش 
وين ما يكون حزنك تكون 
كل ما تناديك أنتن
 
واقف 
أظنك ليك زمن 
كل ما سمع عنك طريق 
جا وجرّبك 
أو خربك 
يمشيك يدوسك ما بخاف 
فزعة ولاد واقفين حداك 
ولعلّهم 
نايمين كمان عنك زمن 
و ما بهمهم 
ماشين سنين درب الجمر 
تعب الجمر من تحتهم 
يدفن خطى الأحلام هشيم الأمنيات 
تذرو الرياح آثارهم 
تاه الطريق من خلفهم 
لا هو استبان 
لا وصلوا هم 
يا وطني ملطشة الدروب 
حتى الدروب ملّت خلاص 
ملت رمادك تحتهم
ما بحسو هم
 
من روسيا جابو لك طريق 
تملاو رفاق 
كسوك من لبساتا صوف 
صيفك بيضحك اختناق 
عرّاقي بس 
بقضي الغرض 
يا اولادي ما هذا الطريق 
الكلو ضيق 
الحر نضم 
و الحر وهم 
والثورة تاكل في جناك 
والأمر أبسط من كدا 

من مصر جابو لك زقاق 
قالو بتمر 
أخوان منو؟ 
أخوانا أم أخوان بعض؟ 
صالح منو العام في الفساد 
هل نحنا هم؟ 
ياخ هم منو؟ 
و الأمر أبسط من كدا 

ما بين مصر والروس 
دريبات من وهم 
أسياد نهم 
خمّونا خم 
باسم الذي ما أرسلم 

هل ديل ولادك يا وطن 
هل كنت عاق؟
لا
أبدا وحاتك لم تكن 

لم تكن 
إلا النسيمات في الصباح 
تملا القلوب 
و تفيض سماح 
إلا البسيمات 
في وجوه أطفالنا 
كم علّمتها الحب في كفاح 
إلا المعالم في الدروب 
أشجارك 
أحجارك 
و أنفاس الملاح 
تحكيك بدون ما تقول 
فللطيب افتضاح 
تحكيك تنادينا وتقول 
الفجر لاح 

ما قلت ليك الأمر أبسط من كدا 
سودان وبس سودان كفى 
الكل غلط 
وانت اللي صاح 

آخر سؤال ليك يا وطن 
قول لي سألتك بالقبيل 
رفعوا العلم 
رفعوهو ليه؟ 
وفضل الألم 
في كل شبر 
دمعات ودم 
فرحتنا هل كانت وهم

قول لي يا سودان متين 
تختار طريقك بي فهم 
تختاها ملطشة الدروب 
تختى الوهم 
شان الغلابة وهمّهم 
شان الثكالى وأنتن 
قدام هناك 
شايل مزامير الفرح 
نبراك نحنا وحلمهم 
نبراك نحنا وضحكتن 
في كل قلب 
تلقى الدرب 
تبقى الدرب 
نبرى الوطن

Alduroob | أوبريت الدروب

يا عذارى الحي
رفقاً بالحيارى
هل رأيتن حبيباً قد توارى يا عذارى
عليلٌ عليل
واهٍ من قلبي و ليلي الطويل 
يا عذارى الحي قد راح الجميل
لم يقل حتى وداعاً في الرحيل
خبريني أي عرفيني أين سار يا عذارى
عابد الحب ديني و مراحي
صابر في الحب لم اشكو جراحي
يا تري المحبوب يدري عن براحي
لليالي الامس و اللهو المباح 
أم تناسى يا عذارى
يا عذارى الحي
أين ليلاتتي 
فقد مرت حيارى 
عهد حبي و الاماني يا عذارى
ليلنا طهر بلا راح سكارى
بليالي الود و الود شعاره
فنساها و توارى يا عذارى
فرفقاً بالحيارى 
هل رأيتن حبيباً قد توارى
يا عذارى

Rasha Shaikh Eddin  رشا شيخ الدين  - Azara Alhai عذارى الحى

طين اللون فرقة ماجيك.MP3

ناديتِك تقُعدي حِدايّا
ناديتي القصايد ضُمة
قعّدتِك قمر ناظِرني
قعّدتي الكلام بي نمّة
حدثّتِك حديثي مبهدل
حدثتي الحروف تنجمّ
وأنا هادا الوزن مو إليلي
إتزنت قوافيه لُمّ
ضيعت الكلام بيناتِك
لميتي القصيد بي بسمة
هديتي النضِم حين حرّ
هدهدتي الهجير بي نسمة
من جِيهة الحبيب لفحتني
حين شُفت العيون مُبتسمة
عينيك حين يحير بي دليلي
بلقاها في شمالي النجمة
والقول إن كتر وإن قل
ما أوفي البدُر حين تمّ
فأنا كيف بالحروف أوفيكِ
"حين "نفس الشِعر ينخمّ
أوزان القصيد يبرنِّك
كان تطرب مسامعِك لمّ
يتجارن قصايدي عليها
يتبارن في وصفِك ثُم
يتقاصر الوصف عند طرفِك
ينجذب الشعر وينسمى
درويش العيون الكاحلة
في حضرة عيونك يسمىٰ

يا أطراف القصيد قولنلي
مين جمّع شتايتك لمّ
مين نَضَم الكلام في قافية
كيف نَضْم السِبح بي همة
قام أهدى الحبيبة قصيدة
من عينيها سِحرها تمّ
مين وزّ القوافي عليها
تاخد من جمالها وتهمى

ناجيتِك ليالي بطولها
وإنطلقت في جوفي الحُمى
لازال الحرف يهفالِك
في عبقر عيونِك ينمىٰ
إن ترضي بقصيدي حلالك
وكان عجبك مُراده إنتمّ
ما أصلو القصايد هولِك
والوزن البلاك ما تمّ
يحفظِك الإله ويصونِك
من عين الحسود وهلُمّ
الزول البريدك يسلم
والداير أذاك ينسمّ

ناديتِك تقُعدي حِدايّا
ناديتي المباهج لمّ
قعّدتِك قمر ناظِرني
قعّدتي الحروف في كلمة
حدثتِك حديثي مبهدل
حدثتي القلب حين همّ
لا تخاف المعاني تخونك
بالعين النضِم بنتمّ
ضيعت الكلام بيناتك
ضيعتي المخاوف لمّ
فجيتي الجموع جيتيني
من بين الصِحاب واللمّة
لميت الحنين جاييك
لميتي الحنان في كلمة
قالتلي الحبيبة نصيحة
لا تجزع ولا تهتمّ
ما ضِهبت دروبك دوني
ومادامك بديت بنتمّ
يا ست الحسان كلّمتِك
إن عزّ الرفيق والهِمة
عينيك حين يحير بي دليلي
بلقاها في شمالي النجمة

أوزان مستعارة - كلمات خالد ياسر - الحان و غناء معزة التهامي

أزهار أبو الحسن X حميد -قاسم أمين

Ghaba Nawmi

Composed by: Mothanna & Ahmad Kamal
Vocalists: Mothanna 
Backing Vocals: Dan, Zoozita, Loleita
Amjad Essam, Mustafa Elzein, Mozafar Badri & Akram Masar
Guitarists: Ahmed Kamal & Mothanna
Bass: Ahmed Kamal
Produced by: Mothanna 
Mixed & Mastered: Mothanna
Poetry Reciting: Amna Rahma
Artwork by: L'ukaz IV

Altalga Ma Btktol

Mothanna & A. Kamal - الطلقة ما بتقتل

Abdel Gadir Salim - Ruddi Al-Qulayb | عبد القادر سالم - ردى القليب

An Interview with Tayeb Salih حوار إذاعي مع العبقري الطيب صالح

استخدمتا ذاكرة طفولتي التخيليه في صناعة خيال النوستالجيا دي , بالرغم انو فترة الطفوله ما عشتها في السودان
ولكن المشاهد المحفوظه في خيالي بشكل باهت (طشاش) عن المرتين المشيت فيهم السودان وانا طفل كانت هي الركيزة الاساسيه للنوستالجيا دي .
حاولتا بقدر الإمكان انو افرغ جزء من مشاعر داخليه مكبوته وعصير ارتباطي الوجداني بالسودان .

(إستخدم سماعة الاذن عند الإستماع)
.
____
ARTWORK DESIGN : https://soundcloud.com/3bdudessounds
____
Outro Beat (Zoul Muzik) : https://soundcloud.com/brooklyn-hitz
____

CREATED & MIXED BY : S.B ( https://soundcloud.com/sb249) 
ابوكريفا 2020

طشاش (الإصدار الأول) الصباح رباح | Sudanese Nostalgia 90's ( 🎧 إستخدم )

يناقش البودكاست مواضيع من حياتنا اليومية  النسوية وتقاطعاتها مع الرأسمالية و الاستعمار وأنظمة الاضطهاد الأخرى ، في محاولة لتفكيك و مسائلة و إعادة التفكير في البنى الاجتماعية و المؤسسات التي  تحاصر  التاء لتتحرر، نرحب بالجميع في محاولة لفتح النقاشات سوياً

(7/1) الوضع شنو؟ نسويات من الصحراء الغربية

تاء مربوطة

Recent comments

𝙁𝙈

K. Eldewehi

holy

Related tracks