تأليف وأداء صوتى: أحمد عبدالفتاح
قصيدة لا تبالى:

كان لكى تعذيب
عالقلب ينهال
بالإسم كنت حبيب
عالقلب يحتال
حبك وان كان عيب
حملنى اثقال
فبصفتى كنت حبيب
هل لى لكى سؤال

هل كنتى تحترمين مشاعرى قبلا؟
ام كان هذا طبعك فى الماضى من قبلا؟
هل كان هذا حب ام عشق ام هبلا؟
اليوم احسست بأن لى قلبا
قد تم تدميره حتى بلى حقا

ماذا تريدى م الحب
والحب فى قلبى
وانتى قتلتى القلب
فلتجدى من بعدى
ان كان حبك ذنب
كفرت عن ذنبى
واغلقت باب الحب
ومحيته من دربى
فلتبحثى بعدى
ولتجدى من بعدى
ولا تنسى ان تخبريه ابيات من شعرى
قد ينفعه بعضهم او يأخذ العبر
او يأخذ منهم أسئلة من در

فهل كنتى تحترمين مشاعرى قبلا؟
ام كان هذا طبعك فى الماضى من قبلا؟
هل كان هذا حب ام عشق ام هبلا؟
اليوم احسست بأن لى قلبا
قد تم تدميره حتى بلى حقا

لا تبالى
يامن فى هواكى اغالى
لا تبالى
ووجدت حبك انتحارى
ولا تبالى
ووقفت ضد تيارات الحب وحدى
وما اقوى الحب من تيار
ولا تبالى
وظللت من أجلك احارب وأرفع شعارى
[ان حبك من اجمل الحب الحلال
ولا تبالى 
ولن تبالى
اليوم تحررت احاسيسى من الأغلال
اليوم سأتركك تهوين من اعلى الاعالى
لكنى سأسألك نفس السؤال

هل كنتى تحترمين مشاعرى قبلا؟
ام كان هذا طبعك فى الماضى من قبلا؟
هل كان هذا حب ام عشق ام هبلا؟
اليوم احسست بأن لى قلبا
قد تم تدميره حتى بلى حقا

لا تبالى

قصيدة أنا نص الواقع
تأليف وأداء صوتى: أحمد عبدالفتاح

انا نص الواقع مقسوم
على حاصل ضربك X الفرحه
انا ناتج افعال اليوم
لمواقف فدماغك سارحه
من خطوات رجلك للشغل
من حاجه انت بتتمناها
من افعالك ويا الكل
من بنت نفسك تنساها
من بنت بتضحك لما تشوفها
نفسك بس تعيش وياها
بتحلم تبقى معاك بالطرحه
انا نص الواقع مقسوم
على حاصل ضربك X الفرحه

من قعدة اصحاب عالقهوة
من شرب الشاى وانت بتضحك
من صوره تبكسل فى ملامحك
من شخص معاتبك ومسامحك
من رغبات الناس والشهوة
من نظرة ناس كانت جارحه
انا نص الواقع مقسوم
على حاصل ضربك X الفرحه

من بواب عمارتك
من حسنيه جارتك
من اشياء تغرك
وحلوك ومرك
لفرحه تسرك
من شيطان يجرك
يقنع فيك يذلك
يحاول يضلك
فتدعى لربك
وتخشع بقلبك
على الخير يدلك
بخيرك تحارب وتتحدى شرك
فروحك تقولك هتنجح فى حلمك
فتحلم وتفشل فنفسك تغمك
تعاند فى نفسك تقاوح مقاوحه
انا نص الواقع مقسوم
على حاصل ضربك X الفرحه

انا نص الواقع فى اليوم
من قبل ما تصحى للنوم
من ضحكه مليانه هموم
ولكل اللى بيحصل فيها
تقدر تعتبره البوم

أنا نص الواقع

قصة الرمق الأخير
أداء صوتى: أحمد عبدالفتاح

قصة الرمق الأخير

تأليف اداء صوتى: أحمد عبدالفتاح
يوم اللقى:
يوم اللقى ساعة الغروب
دقات قلوبنا بترتجف
كقرع الطبول وقت الحروب
والصوت بيعلى مع التزامن بالخطاوى مقربه
ينفض فى جسمى نفضة الملسوع بشحنة كهربا
كل اما بتقرب بمووووووت
بوجع ف نفسى والوجع جاى م السكوت
بصرخ واقووول ميطلعش صوت
الصوت بيطلع م اللسان
فمهما هتعلى الذبذبات
مش هتخترق قطر الببان
افتحوااا
وﻻ حد يسمع!!
افتحوااا
والعين بتدمع!!
وفى عز فوران الدماء
جوه العروق الصوت يفوق
ينطق على إستحياء
فيبدأ بحرف الباء
فالصوت يقطع!
فتقولى انطق سامعاك ياسيدى
يتجمد الدم ف وريدى
تقف الدماغ عن التفكير للحظه
فابصلها واقولها طب ادينى فرصه
فتلف وشها م الزعل وتقولى ط
فانطق بتانى حروف الكلمه ح
ينزل ليمون
على ترابيزتنا فى الكافيه
وسط السكون
تنطق تقولى ها ايه؟
فيزيد الارتباك
وتقل حركات العيون
والإيد مرفوعه مخبى وشى
احساس جنون
وبرغم من برد الهوا والتكيفات
الا ان الحر زاد
معرفش ليه؟!
تنطق فتكسفنى
هنقضى طول القاعده خرس وﻻ ايه؟
اتجمعت نفسى
زى المريض بالداء
انطق بتالت حرف فانطق بحرف الباء
القلب كان هيقولها لكنه كان خواف
حتى اللسان خانى الجبان بزاف
مش عارف انطقها غير بالحروف تنقيط
ما كل الامور واضحه زى الإزاز شفاف
ولسانى متكلبش
بيكسر الكلمات
والعقل تاه حيران
ميت مع الأموات
موقف وﻻ يتحكى ﻻزم يكون اتشاف
وفى لحظه يجى الفرج انطق باخر حرف انطق بحرف الكاف
فتتجمع الكلمه وتتحدد الأهداف
فانطقها ميت مره ﻻجل ما اثبتها
فالقلب يسبقنى ويقولى حبيتها
تفاصيلى عشقتها وبحب خفتها
مبسوط وانا جنبها برتاح فى صحبتها
وبرغم إنى من الشقى ف حبك
قربت ادوب
انا لسه فاكر يوم ما كنت جنبك
يوم اللقى ساعة الغروب

يوم اللقى

عناء وألحان: أحمد هشام
تأليف وأداء صوتى: أحمد عبدالفتاح
كل ما أقرب م التليفون
يعلى فى قلبى صوت الدقه
متوتر جدا بجنون
وصوت العقل بيصرخ لأ
كل الناس بتقول بتحبك
وانا متردد عايز زقه
سامع صوت الحب فى قلبك
لكن أفكارك متشابكه
بين الحب وبين الخوف
وبين إحساس جواك مكشوف
وبين رد الفعل المجهول
تسكت يعنى ولا تقول
طب لو قلت
تفتكر الرد يكون أيوة ولا هتيجى تقولك لأ
دنا كل م أقرب م التليفون
يعلى فى قلبى صوت الدقه

كل ما أقرب م التليفون

تأليف وأداء صوتى: أحمد عبدالفتاح
يابلدى يا دولة
ياعزبة ومقاولة
اخاف لو تضيعى
فاحاول محاولة
انا عارف انك قوية وعنيدة
وحاولنا نبنى فى مصر الجديدة
خيانة ومهانة وذل ومكيدة
فشلنا وفشلنا بنية معاودة
يابلدى يا دولة
وطلعوا عليكى شوية كلاب
سرقوها من قلب حضن الشباب
مشبعوش م اللى فات
كتاب ذكريات
بيحكى فى قصة دناوة ومكابرة
يابلدى يا دولة
بعادك علينا قاتلنا وجافينا
منيش قادر اضحك ومضحوك علينا
هتفنا بصوتنا
حمينا صفوفنا
وخوفنا يخونوا
رفعنا كفوفنا
وقلنا يا بلدى ده حبك مالينا
وهنرجع نحرر قيود السفينة
وبعادنا عنك مجرد مناورة
يابلدى يا دولة

يابلدى يا دوله

تأليف واداء صوتى: أحمد عبدالفتاح
وبحبك فمبقلشى
وبحلم بيكى وانا صاحى فمبنمشى
وقافل على حبك فى قلبى عشان ميطلعشى
وبتجنن ده بتجنن لما بشوفك مع غيرى مبقدرشى
وانا نفسى تكونى معايا واحكيلك عن اللى فى قلبى فمسكتشى
وبضحك بضحك بس بين الناس عشان اصلا معيطشى
وكل الناس تقول فرحان وانا والله والله مبفرحشى
وبقولك وبحكيلك وبوصفلك بلمحلك لكن تلميحى ميبنشى
ونفسى اقولك انى عرفت معنى الحب من حبك ومن قبلك ده معنى الحب موضحشى
وبحبك ياللى حياتى علشانك متصعبشى
وخايف اقول واقول ازاى وانا بحبك ومبقلشى

وبحبك ومبقولشى

#حكمة
تعرف الفرق بين الزميل والصاحب والصديق؟!
أقولك

الفرق بين الزميل والصاحب والصديق

Stand-UP Comedian, Actor, Script Writer, Songs Writer, Rapper
مش لازم تعجبك كل حاجة بعملها لان مش كل حاجة انت بتعملها بتعجبنى
فمش دايما هنتفق
إتفقنا؟

Ahmed Abdulfattah

Popular tracks