ايه الروعه كل مره بنبهر اكتر معبره جدا وحلوه جدا بجد

حياة التلمذة_الأخ رامي سامي

المعلم قد حَضَر_الأخ رامي سامي

صلاة للرب القدوس | الأخ رامي سامي

تسبيح السبت 25 مارس 2023 - مارتن ماجد
تسبيح قبل العظة

تسبيح السبت 25 مارس 2023

أكرس نفسي - ماهر فايز

ادم ادم .. اين انت ؟!
انا ف البعد متحاصر 
مابيني وبين نفسي
و كركبتي؛
وتناقض شخصيتي مع اسمي
ف حريتي
قلق وخوف مني
انا هرِبت من جنتك
ل مكان شايفه جنتي
وعملت من رحمتك
طيش ف دنيتي
ف سبت دنيتك
ورجعت شايل همي
ولجأت تاني لقوتك 
يا اللهم ارحمني !
الشر بمنتهي البساطة؛
حفلة ف بيت غريب
فاكرين اخر اليوم بعيد
اللي فيهم بالخمر ملهيين
وبدوشتهم مش سامعين
هيروحوا بيتهم ازاي؟
وهما مش فايقين
هيروحوا امتي !
صدقني مش عارفين...
عايشين حياة دخان
ومصدقيين نفسنا
طب امتي بس نفهم
إن إحنا مش من هنا
وإن كانت دي ارضنا
ف مكانا مش ارض
كل التقييم قاعدلنا
موجود ف اخر عرض
دايرة ... مركزها انا
وانت اللي راسمني 
عوجت خطي ومحوري
ف لقيتني بعدت عني
بابا...
قلم حياتي ف ايدك
محتاجك تشكلني
محتاج اشوف عملك 
يابويا جملني
كل شئ بدونك
فاقد المعني
يعني الحب مثلاً
كان ف حياتي لعنة
حب نفسي والاشياء
كله سراب ضايع هباء
كان ايه بقِيِ او نفعنا !
كان كل شئ يبان ممتع
لكنه ما امتعنا
وكل شئ شارينه.. باعنا
كان كل خير رفضينه ساعنا
وكل شئ حبينه افترقنا
كان مبدئ كل حاجة:
يا اما خدعنا او اتخدعنا
العدل البشري قضية
معدومة مع إيقاف التنفيذ
كأن الدستور ضايع
وكأن البشر قراطيس !
ف كنت شاطر اسب الدنيا
الوم كل اللي تاعبني
اندم علي كل شئ بيسبني
حتي المنبه اللي .. بيفوَقني
كنت رافض صوته ف ودني
ونسيت الوم نفسي
مع إني كنت الوجع
ف كل شئ واجعني
ادور علي غيرك ف ارضك
وانت اللي سايعني
وافترق وافرقك عني
وانت اللي جامعني
كام مره كنت يهوذا
وكنت حاببني
كنت بتطلب قلبي اللين
كنت بتطلبني طفل
كان اهتمامك بيا حنين
وشيطاني قافل قلبي 
بــــــ 100 قفل !
اما عن قربك ..
موضوع عاجز ف التعبير 
موضوع ضامم كل الكون
علي كفة ايده..
وف انفاسه ليا عبير
كان كل حلم ليا صغير
بالنسبالك انت كبير
كنت انا بنسي
وكنت تحقق
يابويا القدير
ف قربك؛
بيملا السلام نفسي
واشوف جناحك ضل
واحس بكل ..
اهتمام من روحك لهمسي
واحس إن اسمي
مش زي اي اسم
كفاية اني حر
واحسك سفينتي
وبر الآمان 
وروحك فيا
تبان بالإيمان
مديون انا لمراحمك
يا صاحب الحنان
انا بسمع إن المطر خير 
والحب؛
يبان ف خوف امي عليا
اعرف إن الورد جميل
وإن السما ممتعة لعنيا
بحس السلام .. عصافير
مستمتعين بالحرية
كيف بقي اوصف جمالك 
وانت اساساً عايش فيا
وكيف اوصف جلالك
وجلالك ف كل شئ
شافته عنيا
خطتي الاصلية
لا هيَ ف طريق فرعي
ولا ملك ايديا
لا هيَ بعيدة عنك 
ولا ف الزحمة اللي فيا
اشتياق القلب لو بعيد
تقدر عليه يا فاديا
كل نفس بتنفسه بيك
ببساطة ليا عطية
دي فرحتي ف موتي
وموتي فيك فرحة
معاك وبيك قوتي
ونفسي دايماً رابحة
كنت حمامة مقيدة
وداقت معني الحرية 
كنت انا طين ..
وأحييت نفسك فيا
روح الله عاش فيا
نفس الله مالي رئتيا 
يا بختيا 😄

#تادرس_بدر

تادرس بدر | آدم أين أنت ؟

انا اصغر من اني اكون
انا يمكن كون
ولكنه مخرب
بالاسم معاكم
بالحالة متغرب
انا حبة رمل
وبتسرب
من ايد ابليس
انا عايش يومياً
وبجرب:
كيف أعيش
انا سايب النور 
وبدور ف العتمة
ف طبيعي احس
بأني تعيس
انا يوم متعاد
وغباء ف عناد
تايه مسطول 
او تايه فايق
اهو كله بعاد
وانا لسا بعيد
اصبحت عنيد
من شخصي؛
لشخص الله
انا يوم متعاد
واهات شغالة
لقا ف فراق
علي؛
دوشة وغارة
وموسيقي حزينة
وناي بيغني
ووتر ف مشاعري
بيعد ف عمري
وساعة ع الحيطة
بتسرق مني
وانا بعد ده كله
مطلوب اغني؟!
يا بابا احميني 
احميني مني
مليان حواديت
شكلها تشبه توابيت
لحاجات ماتت
ليها بحن
ودماغي بتعيد
انا محتاج انقص مني 
وبيك وحدك ازيد
علمني ازاي اترك همي
وازاي اكتفي بيك
انا خوفي لجهنم
ابداً مش م النار
البعد مني عنك؛
هوا العن اختيار
الحكاية...
هي انك بابا 
وانا كنت ابن ضال
انا تايه ما بين الايام
اشبه ورد بشوك
اشبه اخرس بالكلام
اشبه ف النجاة طوق
وانا اللي محتاج السلام
انا محتاج محتاجشي
اشبه ولا ماشبهشي
فهمت اني من بُعدي
بلاقيني مش شبهي
واني بتحرك من شئ مجهول
انا كلي ميول !
اعرف .. انا كيف بدور
انا عارف إن
اسئلتك ليا
احياناً بتكون؛
اجابات اسألتي
وآياتك روح فيا
والوعد هوا مدينتي
انا عارف اني انا منك
وانك اب ورب وحب
واني انا ابنك..
وان الدنيا بتصغر جنبك
وانك قادر ع التغيير
علمني الحب معاك .. كيف اطير
ادركت بأعجاز التعبير
ولقيتني بشوفك نهر كبير
واني انا سابح بايدك فيه
واني انا عاجز ع التعبير 
بلاقيني طفل بدون تفضيل
بقوة سيل من ورد محبة 
بشعور عيلة ولمة ف غربة
بصبح وتر ف جيتار الفرحة
بصبح حضن مسافر عاد
حضن الله ليا .. طارد كل بعاد
والقي الدنيا حاجات كده هش
وان الشر شوية قش
وان الزحمة مننا فينا
وانك قائد كل سفينة
وإن الحزن مجرد كدبة 
وإن العالم يشبه لعبة
ومحور كوني
ف مسكة ايدك
فيه حاجات ياما ماتت
لو بتسيبك
فيه تغيير ف القلوب
ولوحدك انت الثابت
فيه صحرا ف الدروب
ولوحدك زرعك نابت
فيه ابتسامات بيك
مرسومة ع الوشوش
فيه مسيح مات علشان 
خاطي ميعرفوش
انا تايه .. لكن هستناك
انا عيل مش فاهم
وهنا بالنسبالي 
هوا هناك
انا عارف انك جوايا
وإنك برضو ..
هناك ف سماك

#تادرس_بدر

تادرس بدر | انا وأنت

وطلعت بكون بحر بيغـرق
وجبل .. ولكنه خفـيف
انا المدمن للحشيش
مع إني شريف
وطلعت بحب العصافير
بعرف أحساسهم
بدون تفكير .. !
مانا اصلي اما افرح
مـ الفرحة بطير ..
وطلعت بكون تحفة ف نيش
ووظيفتي: مافيش
وعامل منظر .. وبتمنظر
وبتظاهر .. علشان اظهر
وبعمل ميسي ف لعب الحارة
وبكون هادي لضيوف الصالة
وفـ الأفراح بقلب روميو
وبعاكس واغمز بجدارة
ولقيتني بلياتشو لأصحابي
ضحكتي محور روحي 
ومشاعري بتشفي احبابي
والكون غاب من وقته غيابهم
او من وقت غيابي ..
وطلعت بكون شمس العـيلة
ولحبيبتي قمرها فـ كل ليلة
وطلعت مع كل ميت بموت
وكتير بصرخ .. من غير صوت
انا شاب لكن شايب
طب مين الغلطان والعايب !؟
رفعة قضيه علي العايب
قالك آيه .. قالك غايب 
قالك: انت الي لهدفك " سايب "
كل العظيم فـ زماننا مدفون
وحر جوه نفسه
لكن بين النــاس مسجون
كل المحبوب
سابح ف الحياه بجنون
انا وطن جوه الوطن 
وبعيد عن البشر بعيش
وعلشان متنافر مع الخطر 
ومشيت تحت المطر
فـ قالو: ده عبيط ولا جبان !
قولتلهم أنا " إنسان "
مفهموش .. فـ خافو
قولتلهم متخافوش
انا الأصم لصوت الشر
انا الأبكم بالمر
انا الكاره للذل
انا السجين بينكم
مع اني حر .. !
انا اللي قلبي حياه
جوه الحياه ..
الطفل اللي ممكن يغني
ولو جواه مليون آه
انا الكافر بالحزن
والتفكير والاشتياق
اقتلو كل الفراق
انا اللي بضهد الوداع
انا اللي لما بثور
برسم علي الحيطه عصفور
وابكي ..
ولكن بكي بسرور
انا الخادم والمخدوم
انا السما وانا النجوم
وقمري بيتغير شكله
ف كل يوم .. !
انا العاقل المجنون
انا حقيقي غير مفهوم
انا الغريب العابر
وانا الساكن المسكون
انا كل الشوارع بزحمتها
وانا كل القهاوي بلمتها
انا اللي كل حتة فيا
ليها قصتها ..

#تادرس_بدر

تادرس بدر | وطلعت بكون

كان ياما كان
عند بداية الساعة
وعند بداية الزمان..
حكولى عن نجمة الحكاية
وقالولي بانها البداية
بداية كلمة صارت جسد
وجسد صار مسيح 
ملك مات عنى
ومحى ليا كل طيش
واللي يموت عن العالم ليه
هيقومه وهايعيش
بأختصار
اب مات علشان
واحد انكره وعاش
اب مات علشان 
كل اللي لسا مجاش
اب مات علشان..
كل اللي باعوه بمقابل
وكل اللي باعوه ببلاش
قالوا زمان ف الحواديت
فيه مسيح بيحرصك 
وانت بتنام
فيه مسيح بيهدي الهموم
ف الزحام
فيه مسيح بيشفي
ويحرر كل 
قيد وإدمان
بس مقالوش انه 
وحده شال
كل الآلام !
اتفرقوا..
عجزوا عن التعبير 
بالكلام
سكتوا .. ف سكتت
ادركت مع الوقت
إن الخاين منهم فيهم
يعني الغريب .. مجرد غريب
اما عن كلمة " خاين "
ف اهي ف الاصل
واردة من شخص قريب
هما اتنين ومفيش تالت
يا اما معاه يا اما عليه
وده مبدئ ثابت
بطرس ويهوذا
الأول.. انكر انكاره ف الاول
ولكنه انكر .. بس روحه تابت
ام عن روح يهوذا 
ف اهي خانت
ومن قلة رجاءه فربنا
ايده ثابت..
كل اللي كان ليهم 
لسدوم وعمورة ميول
كل اللي بعدوا عنه
عاش نصهم ميت
مات نصهم مقتول..
كل اللي بياخد من اناء تانى
بصراحة بيعانى
بصراحة ميشبهوش
كل اللي شكله ربنا
رمي كل الوشوش
وعاش سابح ف محبته
وعاش بوش طفل برئ
يشهد للي مابيعشلوش
ويقول بأعلي صوت من قلبه:
فيه مسيح مات علشان
خاطى ميعرفوش
فيه مسيح دفع التمن
لكل اللي مدفعوش
فيه مسيح حنان امين
جرب كل الظروف
فليه كل اللي 
باين ف عنيك بالليل
نظرة خوف
لما الآمان مكتمل
ف حضنك ليه
لما الحنان مكتمل 
ف حضنه ليك
بتفكر ليه وتهرب
ف كل ما لا يعنيك
وليه مأمنتش يا توما 
برغم ان شافته عينيك
عموماً هو متأخرش
ومسك بأيديك
كانت كل الحقيقة مزيفة
ف ظل وجود العمي
وف وسط التعبانين
فضلت حقيقته مطلقة
وطول السنين امين
الغافر لكل الخطايا
اتهم بالخطية علشاني
كسر الموت بقوته
وقام .. واحياني
كان من اسهل ما يكون
ان يكون حر طليق
كانت كل الطرق مفتوحة
واختار اصعب طريق
عند ضربة الكرباج
كانت رعشة ايديه
علشان ثباتي
كانت دمعة عينيه
ف الصلاة
لكل ما هوا آتي
كان اطيب
من شمس النهار
ع الخليقة
اب من حبه المطلق
اختار صليب العار
يسوع البار
علشان اعيش انا ف هنا
رضي هو بالمرار...
قولولي بقي ازاي اوصف محبته
اما كانت فيه قوته
وسكت واتهان
ومتكلمش علشاني
ازاي اوصف عظمة ملك
من حبه ليا نزل وفداني

#تادرس_بدر

تادرس بدر | وطلعت بكون

Tadres Badr

Recent comments

no no

Related tracks