Hii leo jaridani tunakuletea mada kwa kina ambapo hivi sasa dunia inaadhimisha siku 16 za kupinga ukatili wa kijinsia zilizoanza tarehe 25 Novemba na zinaendelea mpaka tarehe 10 Desemba ikienda sambamba na Kampeni ya UNGANISHA au UNITE iliyoanzishwa mwaka 2008 na Katibu Mkuuu wa Umoja wa Mataifa yenye lengo la Kutokomeza Ukatili dhidi ya Wanawake. Pia tunakuletea habari kwa ufupi na mashinani.  

1.	Mkimbizi wa zamani  na mwandishi wa habari Abdullahi Mire kutangazwa mshindi wa kimataifa wa tuzo ya Nansen ya shirika la Umoja wa Mataifa la kuhudumia wakimbizi, UNHCR kwa kuwa kinara wa haki ya elimu kwa wote. Kupitia mradi wake ulioko kambi ya wakimbizi ya Dadaab kaskazini-mashariki mwa Kenya, Mire amefanikiwa kuzindua maktaba iliyo na vitabu laki moja vinavyosomwa na watoto walio ukimbizini. 
2.	Kwingineko huko Ukanda wa Gaza, ikiwa ni siku ya tano ya sitisho la mapigano msemaij wa shirika la Umoja wa MAtaifa la kuhudumia watoto, UNICEF James Elder ambaye ametembelea eneo hilo amesema ameshuhudia hofu waliyo nayo madaktari ya milipuko ya magonjwa kama vile kipindupindu na magonjwa ya njia ya hewa. Taka hazijakusanywa muda mrefu kwenye makazi ya wakimbizi na wagonjwa hawana uwezo wa kufikia huduma.
3.	Na kuelekea siku ya Ukimwi duniani tarehe Mosi mwezi ujao wa Desemba, shirika la Umoja wa Mataifa la kukabili Ukimwi, UNAIDS limetoa ripoti yake leo inayoainisha nafasi muhimu ya jamii mashinani katika kutokomeza Ukimwi ifikapo mwaka 2030. Kwa mantiki hiyo imezitaka serikali kutumia nguvu ya jamii kwenye vita dhidi ya Ukimwi.
4.	Na mashinani tutaelekea jijini Geneva, nchini Uswsi, kusikia ujumbe kutoka kwa mkurugenzi mkuu wa Shirika la Umoja wa Mataifa, la Uhamiaji, IOM kuhusu mapambano dhidi ya ukatili sagini kijinsia. 

Mwenyeji wako ni Leah Mushi, karibu!

JARIDA LA HABARI ZA UN 28 NOVEMBA 2023 NA LEAH MUSHI

Wakati kila kona ya dunia kwa sasa ikiadhimisha siku 16 za kupinga ukatili wa kijinsia, harakati hizo miaka ya 1987 hazikuwa rahisi kueleweka ndani ya baadhi ya jamii kwani mila na destuli ambazo nyingine zilijikita katika mfumo dume ndizo zilizokuwa zimetamalaki. Lakini wanaharakati walitumia mbinu mbalimbali hata kubadili majina ili waweze kufanya kazi ya kubadilisha mitazamo ndani ya jamii. Mwandishi wa habari nguli Selemani Mkufya kutoka nchini Tanzania anatusimulia alivyofanya kazi na chama cha waandishi wa habari wanawake -TAMWA ambapo huko alikuwa akiitwa Selina badala ya Selemani.

Simulizi: Jina langu ni Selemani lakini nilikuwa naitwa Selina

Hii leo jaridani tunakuletea mada kwa kina ambapo mkutano wa 28 wa nchi wanachama wa mkataba wa mabadiliko ya tabianchi, COP28 ukiwa umefunguliwa rasmi hii leo huko Dubai, utasikia ujumbe wa Ashraf Nyorano Mugenyi mwenye umri wa miaka 80 mkazi wa Hoima nchini Uganda. Pia tunakuletea habari kwa ufupi zikiwema za ukanda wa Gaza, mabadiliko ya tabianchi na Malaria, na tunakuletea uchambuzi wa methali MWENYE KELELE HANA MANENO.  

1.	Mkutano wa Umoja wa Mataifa wa mabadiliko ya tabianchi COP28 umefungua pazia rasmi mjini Dubai katika Falme za nchi za Kiarabu kwa kuwaleta Pamoja wajumbe zaidi ya 60,000 kuangalia jinsi ya kuongeza hatua, fursa ya nyenzo za kujenga mnepo ikiwemo makubaliano ya kuanzishwa mfuko wa hasara na uharibifu ambayo yamepitishwa kwenye mkutano huo na pia kutumia ubunifu kudhibiti janga hilo. 
2.	Tukisalia ma mabadiliko ya tabianchi ripoti mpya iliyotolewa leo kuhusu hali ya hewa duniani na shirika la utabiri wa hali ya hewa duniani WMO imethibitisha kwamba mwaka 2023 utavinja rekosi ya kuwa mwaka wenye joto Zaidi katika historia huku shirikika hilo likionya kuhusu mwenendo unaoashiria kutokea kwa mafuriko zaidi, moto wa nyika, kuyeyuka kwa barafuna joto la kupindukia katika siku zijazo.
3.	Na Shirika la afya la Umoja wa Mataifa duniani WHO limesema katikia ripoti yake mpya iliyotolewa leo kwamba licha ya hatua kubwa zilizopigwa katika kupanua wigo wa kupata vyandarua vya mbu vyenye dawa pamoja dawa za kusaidia kuzuia malaria kwa watoto na kina mama wajawazito, watu wengi wamekuwa wakiugua malaria. Kwa mujibu wa shirika hilo mwaka 2022 kulikuwa na wagonjwa wa malaria milioni 249 duniani kote ikiwa ni wagonja milioni 16 zaidi ya ilivyokuwa kabla ya janga la COVID-19.
4.	Katika kujifunza lugha ya Kiswahili na hii leo Dkt Mwanahija Ali Juma, Katibu Mkuu wa Baraza la Kiswahili, Zanzibar nchini Tanzania, BAKIZA anachambua methali MWENYE KELELE HANA MANENO. 

Mwenyeji wako ni Leah Mushi, karibu!

JARIDA LA HABARI ZA UN 29 NOVEMBA 2023 NA LEAH MUSHI

4.	Katika kujifunza lugha ya Kiswahili na hii leo Dkt. Mwanahija Ali Juma, Katibu Mkuu wa Baraza la Kiswahili, Zanzibar nchini Tanzania, BAKIZA anachambua methali MWENYE KELELE HANA MANENO.

Methali: MWENYE KELELE HANA MANENO

Hii leo jaridani tunaangazia siku ya UKIMWI duniani na Mkutano wa COP28.  Makala inatupeleka nchini Tanzania na mashinani tunasalia hapa hapa Makao makuu ya Umoja wa Mataifa, kulikoni?

1.	Leo ni siku ya UKIMWI duniani ambapo mwaka huu shirika la Umoja wa Mataifa la kukabili ukimwi UNAIDS limetenga maudhui kuwa “Achia Jamii Ziongoze” kwa lengo la kuzisihi serikali kote duniani kutumia ipasavyo nguvu ya jamii mashinani ili hatimaye kutokomeza ugonjwa wa Ukimwi ifikapo mwaka 2030  huku Afrika, Kusini mwa Janga la Sahara ikitajwa kuwa muathirika mkumbwa wa maambukizi mapya ya VVU. 
2.	Na sasa tuangazie majanga ya asili. Mkutano wa COP28 ukiendelea Dubai, Falme za kiarabu kusaka suluhu dhidi ya madhara ya mabadiliko ya tabianchi, huko Somalia mafurikio makubwa yameendelea kusababisha zahma kwa wananchi ambapo Umoja wa Mataifa kupitia ofisi yake ya uratibu wa misaada ya dharura, OCHA umezungumzia hali halisi na nini kinafanyika.
3.	Makala inatupeleka mkoani Shinyanga nchini Tanzania ambako huko mtandao wa kitaifa wa maendeleo ya afya, huduma na uegemezi wa watu waishio na Virusi Vya Ukimwi na Ukimwi, SHDEPHA+, unatekeleza kwa vitendo ujumbe wa mwaka huu wa siku ya Ukimwi duniani, Jamii iongoze katika harakati za kutokomeza Ukimwi.
4.	Katika mashinani utasikia ujumbe kutoka kwa Mkurugenzi Mtendaji wa Shirika la Umoja wa Mataifa la Kukabili Ukimwi UNAIDS. 

Mwenyeji wako ni Leah Mushi, karibu!

JARIDA LA HABARI ZA UN 01 DESEMBA 2023 NA LEAH MUSHI

Leo ni siku ya Ukimwi duniani takwimu zikionesha kupungua sio tu kwa asilimia 70 ya vifo ikilinganishwa na mwaka 2004, idadi ilipokuwa kiwango cha juu zaidi duniani, bali pia maambukizi mapya ikilinganishwa na miaka ya 1980. Umoja wa Mataifa kupitia shirika lake la UNAIDS linasema miongoni mwa sababu za kupungua ni ushiriki wa jamii, yaani jamii kushika hatamu za vita dhidi ya Ukimwi. Hilo ni dhahiri huko nchini Tanzania ambako mashirika ya kiraia ikiwemo mtandao wa kitaifa wa maendeleo ya afya, huduma na uegemezi wa watu waishio na Virusi Vya Ukimwi na Ukimwi, SHDEPHA+, unatekeleza kwa vitendo ujumbe wa mwaka huu wa siku ya Ukimwi duniani, wa Achia Jamii Ziongoze Harakati dhidi ya Ukimwi. Assumpta Massoi anafafanua kinagaubaga kwenye makala hii kile kinachofanyika.

SHDEPHA+ yatekeleza kwa vitendo kauli ya UNAIDS ya jamii zishike hatamu kutokomeza Ukimwi - Makala

Siku ya watu wenye ulemavu duniani iliadhimishwa jana desemba 3 ikiwa na maudhui Ushirikiano katika hatua ya kuokoa na kufikia Malengo ya Maendeleo Endelevu, (SDGs) kwa  pamoja na watu wenye ulemavu, na leo inakupeleka nchini Kenya kummulika mchezeshaji muziki au DJ mwenye ulemavu wa kutoona John Ndichu al maaruf, DJ NdichiKings. Pamela Awuori wa Idhaa hii ya Kiswahili ya Umoja wa Mataifa amezungumza naye akiwa eneo la Ruiru, Kaunti ya Kiambu.

Tushirikiane katika hatua za kufikia SDGs kwa  pamoja na watu wenye ulemavu  - DJ NdichiKing

Hii leo jaridani tunakuletea mada kwa kina ambapo Assumpta Massoi wa Idhaa hii ya Kiswahili ya Umoja wa Mataifa alitumia fursa ya uwepo wa mwanariadha kutoka nchini Kenya hapa Marekani wakati wa mbio za Marathoni jijini New York, Marekani mwezi ulipita wa Novemba kufahamu kwa kina usuli wa harakati hizo nje ya riadha hasa kuhusu taasisi aliyoanzisha mwaka 2021 inayoitwa Tirop’s Angels. Pia tunakuletea habari kwa ufupi na mashinani.
1.	Mkutano wa Umoja wa Mataifa wa mabadiliko ya tabianchi COP28 unaendelea huko Dubai na leo ukimulika mada mbalimbali ikiwemo kuongeza ufadhili kupambana na janga la tabianchi, kupunguza uzalishaji wa hewa ukaa kujenga mnepo katika sekta ya nishati hasa mifumo ya upoozaji ambayo imeelezwa kuwa ni mzigo mara mbili na inatumia kiwango kikubwa cha nitashi ya umeme hasa kwa viyoyozi na mitambo mingine , pia mkutano huo utasikia kutoka kwa watu wa jamii za asili.
2.	Mashirika ya kibinadamu ya Umoja wa Mataifa leo yameonya kuhusu kuendelea kwa hali mbaya ya kibinadamu huko Gaza yakisema kati ya mchana wa tarehe 3 Desemba na tarehe 4 Desemba Gaza imeshuhudia mashambulizi makubwa Zaidi ya mabomu tangu kuanza kwa mzozo huu mpya kutoka angani, ardhini na baharini, huku maroketo yanayovurumishwa na kundi la Kipalestina la Hamas Kwenda Gaza nayo yakiendelea. 
3.	Na mkutano wa Umoja wa Mataifa wa ulinzi wa Amani ulifungua pazia hii leo huko Accra Ghana ambako mawaziri na wajumbe kutoka nchi zaidi ya 85 na mashirika ya kimataifa wanakutana kwa siku mbili kwa mara ya kwanza barani Afrika , ili kuwapa fursa nchi wachangiaji wa vikosi vya ulinzi wa Amani kudhihirisha msaada wao wa kisiasa na kuahidi hatua madhubuti za kuimarisha juhudi za ulinzi wa Amani wa Umoja wa Mataifa kwenda sanjari na mahitaji na changamoto za sasa na zijazo.. 
4.	Mashinani tunakuletea ujumbe wa mwanaharakati ambaye amezungumza na washirika wetu Radio Dumus katika sherehe za “SHE Leads” nchini Kenya, shirika lisilo la kiserikali linalopazia sauti  masuala ya wanawake na wasichana, na anatumia fursa ya kusikilizwa kote duniani kupitia njia ya radio kuwasilisha ujumbe wake kuhusu ukatili wa kijinsia, GBV.  

Mwenyeji wako ni Anold Kayanda, karibu!

JARIDA LA HABARI ZA UN 05 DESEMBA 2023 NA ANOLD KAYANDA

Hii leo jaridani tunaangazia haki za binadamu Gaza na mkutano wa COP28. Makala tunakupeleka nchini Tanzania na mashinani tutasalia huko huko COP28, kulikoni?
1.	Kamishina Mkuu wa haki za binadamu wa Umoja wa Mataifa Volker Türk leo amelaani vikali ukiukaji mkubwa wa haki wa kingono dhidi ya Waisraeli unaodaiwa kutekelezwa na wanamgambo wa Hamas wakati wa mashambulizi yao ya kigaidi kusini mwa Israel tarehe 7 Oktoba, huku wahudumu wa kibinadamu huko Gaza wakionya kuhusu hali mbaya ya raia, kutokana na kunaendelea kwa mashambulizi ya mabomu na watu kutawanywa eneo la kusini.
2.	Kila uchao, sauti zinapazwa kuchukua hatua dhidi ya mabadiliko ya tabianchi, tena hasa wakati huu ambapo wanachama wa mkataba wa Umoja wa Mabadiliko ya Tabianchi, UNFCCC wakikutana Dubai, huko Falme za Kiarabu kwenye mkutano wao wa 28 au COP28. Tayari  hatua zimechukuliwa na shirika la kimataifa la Solar Sister kusaka nishati salama hasa kwa wanawake wa vijijini kama anavyoshuhudia mwanachama na mnufaika wake, Loveness Sabaya wa jamii ya kimasai kutoka Arusha nchini Tanzania kupitia video iliyochapishwa kwenye ukurasa wa X wa mkutano wa COP28. 
3.	Makala inakupeleka Zanzibar, Tanzania ambako Shirika lisilo la kiserikali la Milele Zanzibar Foundation limejenga kituo cha afya katika Shehia ya Michikichini - Unguja ikiwa ni utekelezaji wa lengo namba 3 la Umoja wa Mataifa la Maendeleo Endelevu linalohusu Afya Bora na Ustawi. 
4.	Na mashinani tunakupeleka katika mkutano wa COP28 huko Dubai, Umoja wa Falme za kiarabu kupata ufafanuzi kuhusu hasara na uharibifu.  

Mwenyeji wako ni Leah Mushi, karibu!

JARIDA LA HABARI ZA UN 05 DESEMBA 2023 NA LEAH MUSHI

Shirika lisilo la kiserikali la Milele Zanzibar Foundation la Zanzibar Tanzania ambalo limejipambanua kujikita na utekelezaji wa malengo 12 kati ya malengo 17 ya Umoja wa Mataifa ya Maendeleo Endelevu, limetekeleza lengo namba 3 la Afya Bora na Ustawi kwa kujenga kituo cha afya katika Shehia ya Michikichini, Unguja. Hamad Rashid wa redio washirika wetu Mviwata FM ya Morogoro - Tanzania amefika visiwani humo na kutuandalia makala hii.

Makala: Kituo cha afya cha Mtofaani kwa hisani ya Milele Zanzibar Foundation utekelezaji wa SDG 3

Idhaa ya Kiswahili ya Umoja wa Mataifa inatangaza habari kila siku kwa lugha ya Kiswahili, Kiarabu, Kichina, Kiingereza, Kifaransa, Kireno, Kirusi na Kihispania. Na mara moja kwa wiki inakuwa na vipindi vya lugha ya French Creole, Kibengal, Kihindi, Urdu na kiindonesia.
Radio ya UM inabadilisha taarifa zake kutokan na habari mpya zinavyokuja kila mara kwa siku. Pia inaandaa makala na kufanya uchambuzi wa mada mbalimbali za kijamii, kisiasa, kiuchumi, maendeleo na masuala yanayohusu tamaduni yanyohusisha Umoja wa Mataifa na kazi zake. Vipindi vya Idhaa ya Kiswahili ya Umoja wa Mataifa au UNNews  viko vingi na ni kuanzia habari,  makala, vipindi maalumu na taarifa za habari za kila siku na zile za kila wiki.
Na vipindi vyote hivyo vinaweza kutumiwa na vyombo vingine vya habari au watangazaji, na vinaweza kutumiwa kama chanzo cha habari kwa waandishi.  binafsi.Na kwa kuongezea tuu ni kwamba vipindi vyote hivyo na sauti zingine kwenye tovuti yetu vinatolewa bure bila malipo yoyote. Unaweza pia kujisajli kwenye ukurasa wetu ili upokee taarifa kila wakati zinapochapishwa.
Kwa uchaguzi zaidi wa ushirikiano usisite kuwasilina nasi.

New tracks tagged #HABARI ZA UN