طعم البعاد صبّار .. والغربه ليل بهتان
يا قلبى يا موجوع .. إياك تكون قلقان
لو طالت المسافات .. انا والأمل اخوات
وتالتنا كان الليل .. دة انا ليا فيها النيل
وليها فيا الروح .. ما اخترتش إنى اروح
ما انا جوعى كان كفران .. ملعون ابوك يا طموح
أخرك تشوفلى كفيل .. لكنى مش قلقان
تذكرتى رايح جاى .. انا مش فى بلدى عويل
لكـنى مش بتشاف .. زهرة سنينى عجــاف
مع إنى ليا عزيز .. إفتونى فى رؤياى
لَمـوا الأمانى إزاى .. حطوها على الباسبور
احلامى صبحت بور .. ممنوع عليها الضى
لكنى مش قلقان .. تذكرتى رايح جاى
البعد عنك خوف .. وأنا عالرجوع ملهوف
لكن هعود ازاى .. ومكانى كله ضيوف
يا قلبى يا موجوع .. يا آهه حاضنة دموع
حب البلد بيعيش .. لما يموت الجوع
يا حضن بيساعنى .. واحتجت له وباعنى
ساعة ما مد إيديه .. شاور وودعنى
لكـنى مش قلقـان .. تذكـرتى رايح جاى

حمزة نمرة - تذكرتى  hamza namera - tazkrty

أغنية (واقولك إيه) للفنان حمزة نمرة، يعبر بها عن حبه لمصر وخوفه عليها ورفضه للكراهية والقتل واعتزازه بثورة يناير

Hamza Namira -  Wa Ollak Eh | حمزة نمرة - واقولك إيه

شافوا عندي حاجة حلوة حبوا منها يخطفوا
قربوا مني زيادة وطبلولي وسقفوا
ولما أخدوا كل حاجة ومني شبعوا واكتفوا
اختفوا اختفوا
عيش وملح أصول وعشرة كل دول اتبخروا
واللي ياما جريت عشانهم عني هما اتأخروا
ده اللي يلقى واحد أصيل في الزمان ده يقدره
ويبخروا ويبخروا
آه يا ناس مش صافية جبتولنا الكافية
ضمايركوا بعافية مفيكوش غير عين
يا نفوس قلابة يا عالم كدابة
بتقولوا غلابة ده غلابة مين

آه يا ناس مش صافية جبتولنا الكافية
ضمايركوا بعافية مفيكوش غير عين
يا نفوس قلابة يا عالم كدابة
بتقولوا غلابة ده غلابة وانتم ملاعين
عندهم ميت ألف وش ووشهم ولا تعرفوه
مقنعين جدا وصعب حد فيهم تكشفه
كل يوم بيمثلوا وكل يوم بيألفوا
وبيحلفوا بيحلفوا
يضربوك في الضهر وأما يشوفوك يتبسموا
يدخلوا الدخلة اللي هي ويفضلوا عليك يرسموا
عندهم عين لو تبص على الحجر دي هتقسمه
وتسممه تسممه
آه يا ناس مش صافية جبتولنا الكافية
ضمايركوا بعافية مفيكوش غير عين
يا نفوس قلابة يا عالم كدابة
بتقولوا غلابة ده غلابة مين
آه يا ناس مش صافية جبتولنا الكافية
ضمايركوا بعافية مفيكوش غير عين
يا نفوس قلابة يا عالم كدابة
بتقولوا غلابة ده غلابة وانتم ملاعين

Hamza Namira - 3alam Kaddaba | حمزة نمرة - عالم كدابة

كلمات اغنية "كله بيعدي" :

واهو كله بيعدي.. افهم بقى يا افندي
مش واقفة على حاجة.. ولا حتى محتاجة
ان انت تزعل كل ده
كله بيعدي.. أي والله يا أفندي
لو مين عليك يقسى.. إجمد عشان لسه
هتشوف كتير من ده وده

ده أعز أصحاب وكنا أحباب كان عِشرة عُمْر وما عرفتوش
والباب قُصاد الباب وف وقت الجدّ ما لقيتهوش!
ده اللي راح لو كان كويس
كنت أزعل يوم ما راح
ما تشوف بعنيك كويس
ده كويس انه راح..

واهو كله بيعدي.. افهم بقى يا افندي
مش واقفة على حاجة.. ولا حتى محتاجة
ان انت تزعل كل ده
كله بيعدي.. أي والله يا أفندي
لو مين عليك يقسى.. إجمد عشان لسه
هتشوف كتير من ده وده

قال وانا زعلان على الأحلام اللي كانت يوم عن يوم بتزيد
وَهْم وبان ومش ندمان لأ وهدوّر على حلم جديد!
ده اللي راح لو كان كويس
كنت أزعل يوم ما راح
ما تشوف بعنيك كويس
ده كويس انه راح..

واهو كله بيعدي!


Hamza Namira - Kollo Bey'addi - كله بيعدي

والله يا ميت خسارة.. القسوة ماهيش شطارة
لو فيكي رحمة يا دنيا.. طيب إيه الأمارة
صعبانة عليا نفسي.. مش قادر أسيبكوا وامشي
وأودّع كل حاجة.. قدام باب العمارة
يعني الذكرى الجميلة.. وسنين عُمري الطويلة
فجأة بسببك يا دنيا
وقفوا عليا بخسارة

ومع السلامة السلامة.. مع السلامة.. مضحوك علينا م الدنيا ياما
ومع السلامة السلامة.. مع السلامة.. دنيا غريبة ومفرّقانا

شايف ف عنيكوا دمعة.. شايل منها ف عنّيا
ومافيش حاجة بإيديكوا.. ولا فيه حاجة بإيديا
مش مستحمل أشوفكوا.. قاعدين بتداروا روحكوا
وماحدش فيكوا قادر.. ييجي يسلم عليا
لو تبعدنا الليالي.. لكن دايماً في بالي
دنيا بتجمعنا مرة
وتفرق بينّا ميّه

ومع السلامة السلامة.. مع السلامة.. مضحوك علينا م الدنيا ياما
ومع السلامة السلامة.. مع السلامة.. دنيا غريبة ومفرّقانا

سكة يا عالم آخرها.. ومافيش قدامنا غيرها
وسنين سايبالنا دايماً.. في قلبنا علامة
وتعبت يا دنيا فيكي.. من همي دعيت عليكي
خدتي حقوقِك وحقي.. سايبُه ليوم القيامة


Hamza Namira - Ma Assalama  حمزة نمرة - مع السلامة

HAMZA - validé x LLOYD - all i need REMIX BY3

كلمات أغنية حمزة نمرة - اوعدونى

لفيت كتير خفت المصير
اللى انتهاله ناس كتير
القاه انا
فى الدنيا ليه دايما نهايه محزنه
جوايا خوف ... من كلمه الظروف
تبقى طريق ... للوحده تذلنا


اوعدونى ... تبقوا جنبى تطمنونى
اوعدونى ... مهما كان مش هتسيبونى
يوم ما اروح ... والدنيا تدراينى
والوحده تنادينى ... زورونى مره كل عيد
اشوفكوا حتى من بعيد


اوعدونى لو يوم لقيت ... نفسى انحنيت
واحتجت من ضعفى بلاش تتأخروا
الناس تغيب ... بس انتو لازم تفضلوا


خايف اكون ... فى الدنيا وحيد
عمرى يهون ... اضيع وانتو بعيد
اوعدونى ..


حمزة نمرة | اوعدونى

شايف ف العين . . أيام حلوة و أيام قاسيين
بتعدى سنين و سنييين ملهاش مرسى
و احزن ليه
حد يختار النار بإيديه
كان يعنى فادنى بإيه
كتر الأحزاااان

هنســى  ~ حمزة نمرة :)

هنسى أحزانى - حمزة نمرة

مالك مش باين ليه؟
قلبك تايه من مدة كبيرة
خايف تتكلم ليه ... في عيونك حيرة وحكاوي كتيرة
متغير ياما عن زمان ... قافل علي قلبك البيبان
حبيت وفارقت كم مكان ...عايش جواك
احساسك كل يوم يقل ... وتخطي وخطوتك تذل
من كتر ما أحبطوك تمل ... فين تلقى دواك
بتودع حلم كل يوم ... تستفرد بيك الهموم
وكله كوم والغربة كوم ... والجرح كبير
مابتديش حاجة اهتمام ... أهلاً أهلاً ... سلام سلام
بقى طبعك قِلة الكلام ... ومافيش تفسير
داري داري ... يا قلبي مهما تداري
قصاد الناس ... حزننا مكشوف
وأهو عادي عادي ... ماحدش في الدنيا دي بيتعلق بشيء إلا و فُراقه يشوف
كل اللي معاك في الصورة غاب ... وطنك والأهل والصحاب
كم واحد ودع وساب ... من غير أسباب
شايف في عينيك نظرة حنين ... بتحن لمين ولا مين
طول عمرها ماشية السنين ... والناس ركاب
مع دقة عقرب الساعات ... بتموت جوانا ذكريات
عشمنا قلوبنا باللي فات ... ونسينا نعيش
كان مكتوب نمشي الطريق ... و نفارق كل مدى شيء
اتسرق العمر بالبطيء ... ورسي على مافيش
وداري داري ... يا قلبي مهما تداري
قصاد الناس ... حزننا مكشوف
وأهو عادي عادي ... ماحدش في الدنيا دي بيتعلق بشيء إلا و فُراقه يشوف

مالك مش باين ليه - داري ياقلبي - حمزه نمره 2018

حمزة نمرة - فيه ناس  - Hamza Namira - Feeh Nas

هل تحب الصمت ؟ نعم
ولكن عندما يكون مكتمل بالموسيقى

follow me to hear ...
let me say to you that i created this Account Page, just to make more Smiles :)
Smile forever , you can make the better
So ,
follow me :) :) ...
Listen the humanity's sound!

prodby3⭑. | young n fresh 🧘🏻‍♂️
Insta : Islem92_ 
Tiktok : _prodby3

Popular tracks tagged #hamza