تابعنى على
www.facebook.com/Ahmeed.Techno/
https://www.instagram.com/ahmed_khaled_techno/

وممكن تسمع التراكات التانيه على
www.youtube.com/channel/UCXAOIzujFbBCT_8x3LVuBEw

Thanks everyone for everything♥♥

ahmed khaled "ضل"

:" كلام كان صعب يتقال وقتها

بس الله يرحمه بقى مكانش يعرف إن الاسم ده هيكون حالي طول العمر.

وكِبرنا فجأه ليه عند نفس العُمر؟


كلمات: محمد عصام
https://www.facebook.com/M7mdess16?mibextid=ZbWKwL
موسيقى وهندسة صوتية: يوسف محمد
https://www.facebook.com/yousefdark960?mibextid=ZbWKwL

الكلمات:
في حاجات ماتنفعش قفش..
زي تبطيل السجاير
ونسيانها
زي العياط من بعد نُضج..
على الحاجات اللي كان لازم..
ماتتأثَّرش علشانها
والوداع لو لسَّة في حلول متقالتش
الوقوع في الشر
والوقوع م الخير
الخروج من دايرة الناس الأهم
والدخول في علاقة قبل ما تستخير
شرح الحقيقة لـ الشخص الأصم
الحكم قبل ما تظهر الصورة
اللقطَة قبل ما تعدل الصورة
والكلام كله..
حتى لو ما قل ودل
المشي في الطرق اللي بتبان الأكيدة
نهاية الفيلم
ونهاية القصيدة
وحاجات ماتنفعش بالتدريج.. 
الحضن في الوقت اللي ماسك فيه نفسك
والسب في الشخص اللي كاتم على نفَسَك
والوداع لو كان في واحد بس باقي
العياط في السر
العياط في الموت
الشكوة لو واصل لـ يأس من السكوت
الوقوف في الشدة جنب اللي فاضل
والإعتراف بالجَميل
والإعتراف بالجِميل
وحاجات ماتنفعش الوسط.. 
زيي!
وحاجات خسارتها مكسب
وحاجات ماتنفعش يتقال عنَّها بناقص
وحاجات ماتنفعش تبقى متعلَّقة
وحاجات ماتنفعش تستنَّى مكانها
وحاجات ماتنفعش تبقى للتجربة
وحاجات ماتنفعش من قبل أوانها
وحاجات ماتنفعش!

حاجات ماتنفعش - محمد عصام

مشاعر مختلطة

طول ما اللي داير دا  .. داير 
ماهقولش واحد / يناير ..
ولا هنتظر يوم جديد ..

ماتأخذونيش إني ثاير..
والدم في عروقي فاير ..
والضحك طالع عَديد ..

.......
طول ما الغارات نازلة ياما ..
على الزتون والحمامة .. 

وعيال بأحلَى ابتسامة ..
يوميًا الصبح تصحى 
وكأنه يوم القيامة ..

وان يهجم الليل عليهم 
بيناموا إيد ماسكة إيد ..

طول ما اللي داير دا  .. داير 
ماهقولُّكوش عام سعيد ..


.......
طول ما الكلام بالبنادق ..
والناس فيران في الخنادق ..
مستنيين بؤ مَية ..

والطيارات رايحة جاية ..
بترُش فوقهُم مُبيد .. 

ماهقولُّكوش عام سعيد ..

......

طول ما اللي سايق جبان ..
والحيط مِرشَّق ودان ..
والدانة حاجبة الأدان ..
وحاجبة صوت الصريخ 
عن البُعاد والجيران ..

ودافنة في الأرض عِيلة ..
ورامية في البرد عِيلة ..

وناس في عالم موازي 
بيجروا فوق النجيلة .. 

متشكرين ع التعازي 
لكن يا مين يستلمها .. 
العيلة نايمة بكاملها 
وفوقها هَدم وحديد .. 

طول ما اللي داير دا .. داير .. 
ماهقولُّكوش عام سعيد ...
.....


طول ما الدموع في العيون ...
الساسة شايفينها أرخص 
من طلقة في البنتاجون ...

الناس هتخلَص .. هتخلَص ..
والدبابات مش هتنقَص ..
بالعكس وارِد تزيد ... 

طول ما اللي داير دا ..  داير 
ماهقولُّكوش عام سعيد ..

.....
يا خيمة من غير ستاير ..
يا دَفنة من غير وداع ..

يا طفلة من غير ضفاير ..
يا طفل من غير دراع ..

أنا في انتظار البشاير 
وفي انتظار يوم جديد ..

هيصحى فيه الشهيد 
وتصحى فيه الضماير .. 

ومهما كان يومها إيه 
هيبقى واحد / يناير ..
..
- حسام ابراهيم 
شعر / ٢٠٢٤

عام مش سعيد  -  حسام إبراهيم

التريند || محمود طه

هندسة صوتية: احمد سعيد بكير

www.facebook.com/ahmedsaid14?mibextid=LQQJ4d

كلمات: محمد عصام

www.facebook.com/M7mdess16?mibextid=LQQJ4d

الكلمات:
ماعرفش مين الصح فينا
إنتي بقرارك تمشي؟
ولَّا انا بانتظاري؟
إنتي ب تَخَطِّي اللي حاصل؟
ولَّا حزني في هزاري؟
ماعرفش مين الصح لكن..
في حاجات كدة مش شرط نفهمها
بنمشي ب ألمها
لحد ما يكون الألم عادي
لحد ما يموت الشعور.. بالدور
زي امَّا تمشي فـ وسط معاناتك.. حيادي!
ماشي في زحمَة من الصراع والألم
ماشي على الشوك اللي طال القَدم
وبتعتذر..
من كل شيء حواليك
وتشُك في القَشَّة اللي بِتْنَجِّيك
ف تسيبها من خوفك تكون اختبار!
ماشي كإنك لا ضرر وضِرار
وانت الضرر ماشي مكان رجليك!
ماشي بتوازن شخص لا يملُك ثبات
ولا يملُك حاجات
بندول حياتُه كلَّها برَّة الساعات
ماشي برغم ان الحاجات بتدوس عليك
ماشي بخِبرِة شخص مات!
رغم النزيف
واليأس
والموت البطيء
مابيِقْتِلَكش الا الوقوف وسط الطريق
ويحَرَّكك أسباب ماتعرفهاش
وبتفتكر قلبك إذا قابلَك حَريق
ماشي لوحدَك مش قرار مِنَّك
ماشي كإنَّك مغناطيس مغشوش
برَغم إنَّك تحِب قُرب الحاجات
بس الحاجات همَّا اللي مابيرضوش
لا بتنتصر على شيء
ولا ينتظر لك شيء
ولا تقلق الا ف وقت تملُك شيء
ف يضيع عشان خوفَك ماتخْسَرهوش
ماشي كإنَّك شخص مُغمَى عليه
خالي من الإدراك
مايمَيِّزَكش عن الجماد غير الحَرَاك
زي الآلات مابتِمتلكش شعور
وملتزم ب نطاق
بتِعتِرِف بالهزيمَة
علشان جميعها أليمة
ولإن كُلَّك هزايم
ولإن آخر الطريق في حزن دايم
ماشي كإنَّك شخص مش موجود
وبخطوَة مضطرَّة
ولا فيه حياة جوَّاك..
ولا حتى من برَّة
ماشي بخِبرِة شخص مات مرَّات..
مش شخص مات مرَّة!
١٣ يونيو ٢٠٢٤

بخبرة شخص مات - محمد عصام

  مسرح الجنينه
مشروع حى 

ايه العباره  مريم صالح

ايه بعد البؤس دة - علي طالباب

"We Have this chemistry, and it's better than dope."

نبرة صوتك في الكلام"
بتخليني مش عارفة أنام
بتحول سريري لجمرة
و التوتر في السلام
طب ايه الكلام؟
بيفيض بيا كل مرة

أصل اللي بينا كميا

بتدور على الأحلام
و مش لاقي جواك سلام
يمكن تلاقيه عندي
مخك يتلف من الأوهام
و من القرف و من الدخان
بطل و تعالى أقعد جنبي
بطل تبعدني عنك، اللي يشدني يشدك
أنا عايزة و انت عايز، دي مش صدفة يمكن جايز
عشان احنا بينا كميا

اللي بينا كميا أحسن من الكميا"

كميا

أكتم انفاسها تتخنق..

Dhafer Youssef - كَفرتُ
لحظة موت جماهير الزمالك فى مجزرة الدفاع الجوى 
إوصفلهم طريق السعاده - نجيب الريحاني
مشهد من مسلسل الجماعة - محمد فراج
يا آمِل يا حاير - دينا الوديدى_
إني رأيت اليوم _ من ديوان المانيفستو _مصطفى ابراهيم_
ام كلثوم - كان لك معايا أجمل حكاية
مفروض أعملك إيه .. نصر الدين ناجي
مشهد من فيلم الغول - العدالة ليها رجلين اتنين
Dhafer Youssef - Dawn Prayer
احمد ذكي _ فيلم البرئ 
تحيا مصر _ مشهد لمواطن

التريند || محمود طه

taha

Related tracks