Nefsy Ansaky_Aly waleed علي وليد _نفسي انساكي

Verse 1 : Pino El-diktator
Verse 2 : Mido sHahin
Chours : Mido shahin ,Pino El-diktator 
Outro : Mido sHahin
Rec , Mix and Master : Rapophobia Records
Poster: Eslam ashraf 
الكلمات :- 
لكل حد قال متخافش انا جنبك مش هسيبك 
ويوم ما سابك كان العيب عليه ماكانش عيبك
بس ماتنكرش غلطك رغم كونك مش انانى
بعد ما قولت مش هسلم قلبى ليكوا أمنت تانى
أمنت .. سلمت .. ياريتنى من غلطى اتعلمت 
وندمت .. وعشانكوا كتمت صوتى واتكتمت 
اتقتلت ..اتدبح كل حلم ليا قدام عينى 
اتأذيت واتحرمت واتكتبلى اعيش فى صمت
عن صاحبى اللى وافقت عشانه اشوف الدنيا غم 
شيلت حمله فى كتافى ..قولت اشيل بداله الهم
بخيانتك ليا يا صاحبى ليه تحسسنى انى اتقتلت 
ونسيتلى يوم مادمى ساح عشانك ع الاسفلت
وانتى ياللى قولتى هبيع الدنيا وافضل جنبك
واسهر على راحتك .. وفى عز مرضك هبقى سندك
قالت هتفضل جنبى ..وفى حضن صاحبى ارتاحت
الظاهر فهمت غلط لما قولت انا وصاحبى واحد
----------------------------------
يا كل أهاا طالعة من جوايا وبتقتلنى 
لكل واحد قالى معاك ومن اولها سابنى 
عارف احساس تنهيدة تملى تطلع بعد الوجع ؟ 
كلمة يلا نصبر تانى يا قلبى عادى عارفك جدع !
صبرت بدل المرة ألف وبحمدك يارب
ورفعت ايدى ليك ..ورضيت باللى اتكتب
حبك انساه .. املك تاه ..حتى ضحكك كان مُعاناه
هتعيش ليه ماقلبك مات وصبرك اتدفن معاه
----------------------------------
تنهيدة... بعد كل خسارة جديدة 
وبصبر نفسي واقول يا نفسي احسنلك كوني بعيدة
بعد اللى حصل احط فاصلة .. الناس دى فعلا قاصدة 
تبيع وتخون وتنافق ,, تيجى ع الحق وتكون رافضة !
والابدى .. ابعد ومعاشرهمش
كدا او كدا مش فارقة هدوق المر فليه مفارقهمش ؟
مـ دا كان ودي كانت .. والعشرة عليهم هانت 
خسارة بخسارة بقي.. طيب ليه انا افضل ساكت ؟
انا مش بسد خانة اصلى مش ناقص زيكوا 
سبب صمتى ع اللى كان دا لانى كنت فى يوم منكوا ة
اجتنابكوا دا العتاب .. وابقوا افتكروا مين اللى ساب 
واللى اتخلى .. واللى خلى الحب حزن واكتئاب
وانتى ابقى افتكرى كنتى بالنسبالى ايه 
كل كلمة طلعت منك عرفتنى انك مش باقية عليه
خلصت .. مبقاش موجود غير اللى تاه 
فـ ننهى كل ذكري مالـ اللى فات بـ كلمة ياااه
----------------------------------
يا كل أهاا طالعة من جوايا وبتقتلنى 
لكل واحد قالى معاك ومن اولها سابنى 
عارف احساس تنهيدة تملى بتطلع بعد الوجع ؟ 
كلمة يلا نصبر تانى يا قلبى عادى عارفك جدع !
صبرت بدل المرة ألف وبحمدك يارب
ورفعت ايدى ليك ..ورضيت باللى اتكتب
حبك انساه .. املك تاه ..حتى ضحكك كان مُعاناه
هتعيش ليه ماقلبك مات وصبرك اتدفن معاه
----------------------------------
صمت ! ... انهى اللى فات بصمت ! 
خدت ايه مـ اللى حبيته غير انك منه اتحرمت 
الام .. يمكن تكون نهاية اكيدة 
يلا .. لعلها اخر تنهيدة ..
----------------------------------
Pino El-diktator FB / https://www.facebook.com/pino.eldiktator
Mido Shahin FB / www.facebook.com/MiDo.sHahiN100

Rapophobia Crew | تنهيدة

follow https://www.facebook.com/bahaa.ali.r <3

For more like + share

على الشاعر • النبراس • Mp3

يانا .. تذكرني بالخير - جودزي

Written by: Ninja
Music: ( Prod By / Ninja )
Vocals: Ninja
Design By / Abdelrhman Abo-Elsoud
Rec On El Zawya 90
Master and mix by: Ninja
© 2016 Ninja
Official Profile
www.facebook.com/Eslam.ninja
Official Fan Page
www.facebook.com/eninjamusic
Much Love & Respect <3
" اسمعوا بقلوبكم "

------------------------------
Verse 1

الفراق ساب ذكريات لو بعد دهر متتنسيش
مين فينا غاب مين فينا مات مين فينا قال بعدك هعيش
من توبنا اتنحل الصبر من حضنها لحضن القبر
قلبى ميسعنيش دلوقتى انا اللى اجبر بخاطر الجبر

جيت عليها وجت عليا بعت انا و هيا اشترتنى
ياما خنت فيها و حتى بعد مـ مشيت استنتنى
عدى قطر و مر زمن على آمل انى هرجعلها
غمت عنيها عن عيوبى و شافت بس انى بحبها

و من وقتها و الدنيا ضلمه بعد غيابها هشوف ازاى
كنت بستقوى بكسرتها كانت اطهر صوت فـ الناى
فينك يا قمر تاخد مرسالى للى قلبى عليه اتعصر
مهما قلت اسف مش هتصلح اللى أتكسر

كانت هيا الطريق و لما غابت عنه تاه
فـ الدنيا دى هنعيش و نموت ناقصنا حياه
مش هخبى انك و حشانى بس عنى بتستخبى
سامحينى .. غصب عنى .. حن قلبى

Verse2

قالوا البعُد هين قالوا روح لـ غيرها انساها
قالوا اننا هفضل متقيد طلاما موجود فـ محيط هواها
ميعرفوش اننا .. بعد مـ أفترقنا بسنه
كنت يوميا بروح استنى تيجى فـ مكان لقانا

متجيش القى الشجر يأنسى واما دبل بعتلى فروع
مكنتش بقدر اخبى لما اشوف صورتها اننا موجوع
بس بفضل أقوى .. و يفضل الحنين طبقات
و اما قالوا عرفت غيرك كنت قابل للصدمات

انا فاكر ...
 لمستك و عيونك فاكر ضحكتك و جنونك
فاكر لما كنتى بتبكى لما عرفتى انى بخونك
فاكر اول بحبك بينا فاكر حتى شكل بيتنا
فاكر على مدار علاقتنا مقلعتيش من أيدك الدبله
فاكر حضنك لما خوفت فاكر سهرك لما تعبت
فاكر أول حلم بينا انك يكونلك منى أبن
فاكر ذكرياتنا فـ ببكى فاكر ضمتك و انا بشكى
فاكر لما كنت بحكى و قولتلك .. بدأت أنتهى

Eslam Ninja Crave Heart | اسلام نينجا حن قلبى ( Prod By / Ninja )

على الشاعر • النبراس • El-Sha3eR • El Nebras

الـــكـــلـــمـــات

ياللي بين كل نجمة ونجمة: إمتى هتحنيلنا؟
سكننا الليل بالنيكوتين والقهوة .. يمكن تسمعيلنا
علشان حلاوة الحب واقع ؛ بقى الحزن ملة
محدش داق حلاوة الحب إلا وإنضملنا

إحنا كتير ، وبنعرف بعض ؛ لإن عيوننا مبتخبيش
مبنتسألش "مالكوا؟" من فراغ .. لكن بنقول مفيش
إحنا التذكرة الواحدة وسط زحمة الإتنينات
إحنا الخميس بتاعنا ميختلفش عن التلات

إحنا صمت أقوى من الكلام تعبيرا عن صاحبه
إحنا اللي بيتزهق منه ، وبيتقال سيبوه على راحته
اللي بنحسد اللي رافع راسه .. مع إنه هيتكسر
اللي ماشي باصص تحت رجله .. ويخبط فيك يعتذر

ياللي بين كل نجمة ونجمة أوعي تكوني سراب
سكان الليل في الأرض بسببك متشافين أغراب
ياللي بين كل نجمة ونجمة أوعي تخذلينا
محدش فينا إتعلم إنه يعوم يا سفينة

لعله خير ... شر حامينا من الأشر
يمكن أحسن ركوبة لينا ركوبة المضطر
يمكن قدرنا الأب بتاع بعمل ده لمصلحتكوا
لعله فقد ما نملك ... لإمتلاك ما نستحقه

يا ساكنة الضفة التانية جايلك .. مش هتأخر
كل شيء في حياتنا -لمقابلتنا- كان متسخر
اللي عشته أنا وأنتي أرض صلبة نبني حياة عليها
علاقتنا غاية الكون بيدور ودار حواليها

متفقديش إيمانك بيا ، ولا تشكي للحظة فيا
لو هضحي بكل حاجة مقابل حاجة .. فأنتي هي
من أرض الخوف بحدفلك طرف أول خيط يربطنا
بنكلم نفس النجمة .. في نفس الوقت .. ودي مش صدفة

يا كعبة عيني وعينها بشريها بيا
إلهميها بكونها مش وحيدة ، واللي فيها فيا
إرسميني قصادها في السما ، وسيبيلها هي الباقي
محدش طارد حلم يقظة أكتر من هوائي

يا ساكنة الضفة التانية وجودنا في القاع أمل لينا
بكرة مش هيلاقي حاجه ياخدها مننا .. فهيدينا
يا ساكنة الضفة التانية العرش والتاج في إنتظارك
وصلينا بسرعة يا أرض ... لقانا نقطة على مدارك

المرادي مش غريق في عرض أول قشة تظهر
المرادي المرسى نقطة قصادي .. كل ما أعوم بتكبر
مؤمن في كل وقت ... متأكد لو فيه علامات
بمشي ورا إحساسي دايما ... أنتوا بتمشوا وراه ساعات

أخيرا إتقابلنا وش لوش بدون وسيط
كل حاجه زي ما السما وصفتلي .. بإختلاف بسيط
طبيعي إن أحنا دوبنا تحت أول ليل قابلنا
حبنا لبعض أتولد قبل أول نظرة بيننا

أحكيلي تاني كل حاجه ... حتى لو عاديه
ده أنا بشوف نفسي فيكي أكتر مانا بشوفني فيا
كل "بحبك" كنت بقولها لحاجه منك في اللي قبلك
يعني كل كلام الحب اللي أنا كتبته ده أتكتبلك

بتأمل حياتي وهي بترسم سندريلا فيا
أثناء ما حياتك على التوازي بتشكلك هي
مستحيل تكون دي صدفة .. جايز تطلع دي نظرتي
مانا نحات ، وخلق معنى من لا معنى دي شغلتي

أحكيلي جديد ، وأنا هنحت تماثيل جداد
عايز كل يوم نعيشه يبقى أسعد من اللي فات
طب نعمل حاجه جديدة ... ما دام مفيش حاجه تقوليهالي
مش عارف ليه زهقان! يا خوفي ليكون اللي في بالي

أوعى تواجه الموهوم بشيء بإن شيئه أختفى
مفيش أصعب من الغروب عاللي متعلق بالدفا
ساعات لازم نعيش وجع وصدمة إنهيار أوهامنا
علشان نشوف حقيقة صعب حد يوريهالنا

رفضنا نصدق إن نهاية القصة إبتدت
فضلنا بنرقص .. مع إن المزيكا إختفت
حاولنا نفضل سوا بكل وسيلة ، وكل حيلة
خلقنا بديل لكل بديل لكل خطة بديلة

فابتدى الملل ، وأبتديت أشوف عيوبك
وبدأت أحتاج مساحة لنفسي ، وأستتقل وجودك
وأضطريت أداري ده بكلام مكانش من جوايا
فأبتديت أشك في حبي ليكي -أصلا- من البداية

أحنا في محنة .. بس بنحلم .. والميت في حلمه حي
من أول يوم فرحنا وأنا قلقان من اللي جاي
مش تشاؤم ، ولا كآبة ، ولا مستكتر إني أرتحت
بس للي في أعلى نقطة أي طريق هيكون لتحت

ياللي بين كل نجمة ونجمة جيتلك ... متأخرتش
بعترفلك إني أحتاجت أتحب ، وأحب ؛ فمفكرتش
ياللي بين كل نجمة ونجمة: أيه المشكله في كده؟
أكيد مسيرها تصيب ... من فضلك أوصفيلي غيرها

مش كل البدايات سعيدة ، ومش كل النهايات حزينة
مسيري هكتب غنوة كاملة تحبي تسمعيها
وحتى لو موهوم .. الوهم بكل طاقتي أولى
على الأقل يتكتب على قبري نال شرف المحاولة
ـــــــــــــــــــــــــــــــــــــــــــــــــــــــــــــــــــــــــــــــــ

Sokan El leel

Written by: El Joker
Music: Mostafa Ebrahim
Reff: Nupel beats
Vocals: El Joker
Master and mix by: El Joker

El Joker - Sokan El leel l الجوكر - سكان الليل

Godzee Yakuza Official - Godzee  جودزي - لو قالولك حبتيه

Godzee Yakuza Official - Godzee جودزي - لو قالولك حبتيه

Taha elfons

Recent comments

YASSMINE HUSSAM

LOLY YASEER ❤️🌿!'

BoBa

ahmoub

Related tracks