joooo

الــــكــــلــــمــــات

بصى من ورا الستارة على الناس اللى ماشية تحت
بيسجدوا لأصنام شبعوا فيها نحت
تعالى اعلمك إزاى أنا بنحت عمرى ما اركع
أى حاجة حلوة فى عينيك اكرهيها فورا

ها ، مش حاسة بتحسن عن من لحظة
على الأقل مفيش جزيرة هتعوميلها أصلا
طيب ، اثبتى على كدة ، إنتى مكانك هنا
مش هنعمل أى حاجة بلاش نعملهم على نفسنا

متطفيش النور عن مين هندارى اللى بنعمله
مش هنبقى فى المستنقع ونجيب عطر نستنشقه
بصى لمنظرنا ، هربانين من ضلمة لضلمة
إنتى وأنا عارفين كويس إن جهنم فى إنتظارنا

مبحطش أكليل ، فوق مساكن ميتين
يوم حسابنا مش هتدارى هتستخبوا يا كدابين
مريض بأحدث مرض نفسى هيكتشفوه ع الكوكب
مش هتلاقى أحسن منى ولا هتلاقى أسوأ


مستنى إننا هنقرب رغم كوننا بنبعد أوى
مستنى تقاطع تانى لخط مايل مع مستوى
أقصر طريق ما بيننا أقصر جزء فيه ملتوى
أقوى شيئ ربط ما بيننا كان فى حياتنا شيئ ثانوى


ابعد عنها شوية متمسكش فيها بضفرك
اللى أنت بتتنفسه دة ثانى أكسيد كربونها
بطل تتدقق فيها وأنت صاحى وقت نومها
مش هتحس إنك سهرت حارس غطاها الليلة بطولها

هى عارفة إنك مريض ، هى حابة إنك مريض
هى فاهمه معنى النظرة ، بس كارهة إنك صريح
قدف أنت وهى لحد وصولها بالسلامة
وامشى من حياتها لكن سيبلها أنقاض كلامك

تعالى اعلمك إزاى أنا بجرى عمرى ما انهج - منهج
شايفة أبعد نجمة أقرب حد منى أبعد
وبزيد البعد ، تزيد القوة ، يضيق النفس ، أحس بذعر
يطول نفسى ، ومهما جعت ، ازيح عن طرقى كل طعم

ارمى فوق العرش التاج ، غيرى برضة مش ملاك
أنا مرض بقول أنا مرض هو مرض هيقول أنا علاج
بحطم الأصنام اللى انتى عايشة بتعبديهم
عشان تتوبى مش تعمليلى واحد وتسجديله


مستنى إننا هنقرب رغم كوننا بنبعد أوى
مستنى تقاطع تانى لخط مايل مع مستوى
أقصر طريق ما بينا أقصر جزء فيه ملتوى
أقوى شيئ ربط ما بيننا كان فى حياتنا شيئ ثانوى

___________________________________________

El-7ob Fe 3onok Zogaga

Written by: El Joker
Music: Free Beat
Vocals: El Joker
Master and mix by: El Joker
© 2014 El Joker

الحب فى عنق زجاجة

El Sekka Shemal

الــكــلــمــات

قلتهالك قبل كده اللى بيننا ده اسمه زنا
عمرى ما اقتنعت إن قوضتك عش حبنا
بدنـدن الحقيقة المرة سدى ودنك واهربى
عمر ما فقد شخص يهز شعرة فى منطوى

تملى أقول الحق عشان لقيت سعادتى
فى إنى بسقيكوا القبح والبركة فى سحر معلقتى
كرة حبى ليكى تذكرة رجوعى ليا
وحبى ليكى كان حنين لحاجة ماتت فيا

كداب ... حبيتها بس كرهت كونك مش قوى
لولا إنك ادمنت نفسها كان زمانك بودرجى
وأهى بعدت أبعد من أبعد حباية بى فى السطر
لطخ بشارة رابعة صورة السيسى رئيس لمصر

لو مش قد الكلام ده أسمع اللى غنى
غنوة تسلم الأيادى لكونها أجلت إدماننا
بضيف حقيقة لكدبهم سخريةً من واقعهم
مش همضى كطرف تانى وعـ الطرف الأول توقيعهم

لسة - ايه موضوع كلامى - ده كل اللى شاغل بالك ؟
لسة مفهمتش إن كل حاجة نفس الحاجة ؟
لسة بتسأل لية جوكر مش من نجوم الشاشة ؟
لسة مفهمتش إنى لوحدى بحاربهم عشانك ؟

لو موتتى مش هدفنك هفضل طول عمرى اكتبك
بتحدى طبيعة ما بعد الموت ... مش هتتحللى
سيبيهم يتهمونى بالجنون مبيؤلمنيش كلامهم
هو المجنون مبيفهموش ناس قدر يفهمهم ؟

فى نارهم مش هتحرق أبص لأصنامهم تتفلق
لو محلش الطوفان ده مش معناه إن محدش غرق
الذئب مكلش مذهبى شموا الورق تعرفوا
بإيمان يعقوب استنوا مش محتاجكوا تتصرفوا

لو عين اللى بيسمعنا مش هتلمح أى معنى
كانت عين المار - عمق البير- عن شوف يوسف منعها
كان لازم قارى ودارس يبقوا غلاف منتج موهبة
قصص مش شبة بعض لنفس الجرح ... فاهم كده ؟

بدقق أكتر .. وأفكر .. فعايش أبطئ
هى عارفة ليه أبسط سطورى معقد
سيبوا المدينة تتحرق وأنا لوحدى اللى فيها
مش هقدر أمشى منها مدى كلمة للأميرة

لسة - ايه موضوع كلامى - ده كل اللى شاغل بالك ؟
لسة مفهمتش إن كل حاجة نفس الحاجة ؟
لسة بتسأل لية جوكر مش من نجوم الشاشة ؟
لسة مفهمتش إنى لوحدى بحاربهم عشانك ؟

___________________________________________

Nafs El-7aga

Written by: El Joker
Music: Free Beat
Vocals: El Joker
Master and mix by: El Joker
© 2014 El Joker

Nafs El 7aga - نفس الحاجة

الوداع و البتاع

الـــكـــلـــمــــات

طلبوا منى أبيعلك فكرة تشتريها ودنك
طلبت منهم أبقى نور هيرشد إبنى وابنك
فماطلوا ، على أساس إنى بكرة احتاجهم وأطلب
شيئ مقابل غنوة تحلى فى عين مجتمعى باطله

لم اللى باقى منك واهرب مـ المدينة فورا
الناس بتفضل ساكتة بس فجأة بتعمل ثورة
هتلم اللى بيتكلم هتلاقى اللى ساكت صرّخ
دى دولة يابن الكلب مش تيكية مش هنعرص

آسف يا مدموزيل لو إسلوبى خارج جدا
أصلى مش سى بى سى بحط كريم شانتيه عـ الجبنة
غطيها وأنت بتحلم إن صوت الحق إتكتم
هتقولوا السيسى رئيسى هنفضل نرفع المبتدأ ./?

رفضنا تجار الدين ده مش معناه إننا نبدلهم
بتجار الشعوب ونفوض ديكتاتور يقتلهم
أدينى بقولها بكل سهولة لإنى عايزك تفهم
إن احنا درع دولة حطوا على رقبتها سيفها

خلونا نشوف سراب مـ العطش واحنا اصحاب النيل
على إيدهم دم اخويا وقالوا لأخويا عليه بيتادين
قتلنا جماعة عشان يا جماعة مصر تعيش
فاللى وجه المسدس مش خسارة العرش فيه

مفيش رسول بينزل مـ السما بشعب مؤمن
يصلح الكوكب بإنه يقتل كل مشرك
ذنبه ايه الشاب اللى مات لمجرد كونه مش مدرك
إن الجماعة زرعت فيه مفاهيم لا تليق بمسلم

لو كنت صاحب رسالة توعى المخطوفين ذهنيا
مش تدعم الإبادة بتصنيفهم كتلة إرهابية
عمرك ما هتقتل فكرة بقتل صاحبها لازم تفهم
بتموت الفكرة الغلط لما فلان يسعى لتصحيحها

طب أديك بتولد كبت بالإعتقال وجرايم القتل
هترجعهم تحت الأرض بكرة يشيل أحفادنا الذنب
وقت تسقط الداخلية قلنا نضفوا الداخلية
لو هنقتل كل مريض لزمتها ايه الأدوية ؟

سيبوا البلد دى وإمشوا بدل ما بتطفش الكوادر
سيبونا نلاقى حل مخلقتوش غير المشاكل
حكومات عسكر عواجيز وأصبى كهل فيها عاجز
أبعت ظابط بالكلبش أنا مستعد لده من إمبارح

___________________________________________

Emsho

Written by: El Joker
Music: Free Beat
Vocals: El Joker
Master and mix by: El Joker
© 2014 El Joker

Emsho - إمشوا

الـــكـــلـــمـــات

دلوقتى انت بتسمعنى مش بتقولى انا من قرائك
بفضل وزارتين التجهيل ومسئولين محو الثقافة
حلوة الأغانى ... ملعون ابوك يا شعر
صدر دينا بـ ستة اصفار قلم نزار بعُشر السعر

ديك الدولة ... ديك فى عشة خونه
باعوا كل حاجة باقى بس يبيعوا الهوا ده
احرق نيكوتين قبل ما يغلى النيكوتين
كلم خالو يبعت فيزا قبل ما يخلص الرصيد

هتهزر ولا ايه ؟ ديمقراطية لمين وفين ؟
شعب يحكم ماشى يحكم بس عند امك فى البيت
هنحارب مين ما خلاص يلا يا قلمى نستعمى
ابعد عن وش الفيل ولا انا ولا انت هنحمى الكعبة

كل ما أقول هعتزل برجع فى القرار عشانك
بشاورلك عالـ بر مع إنى فى مركب غرقانة
بصراحة بحاول اكرهك ... ألاقى مخرجى وتلاقى مخرجك
بس غصب عنى برجع كل ما أشوف موكب أبرهة

شايفنى فى المرايا ... شخص قرب مـ النهاية
هفضل بموت ببطئ طول ما انتوا عايشين جوايا
مكنتش عايز منكوا حاجة كنت عايزكوا معايا
انا اللى عملت حفلة عيد ميلادى وجبتلكوا الهدايا

كل ما أنسى افتكر كل ما أبقى مدمن ابطل
بعيش أعراض الانسحاب والنص جرام فى الشنطة
مش هكدب زى نجوم الشاشة وأعمل فيها مثالى
هغنى ميت دليل على حرمانية الأغانى

مش هتفه المحتوى ... انا مش تامر المجتمع
انا مش عايز اتنفس تانى ادونى نصيبى حقنة هوا
ناجح قالى سعيد خطب ووحيد اشتغل فى قطر
وانا برسم مليون موناليزا فـ مش فاضى ارسم البطل

مخترتش علمى بكل ما أعلم ... ولا جهلى بكل ما لم أعلم
واللى اخترته مختارنيش فاختيارى كان بلا معنى
مش ذنبى إنى مفيدتش الجمهور المغذى بيّن
سايبانى برمى دود ما تقولى إننا فى البحر الميت

بشق السطر وأرسم الطريق لبيت القصيد
عايز تسكن عـ الجاهز رافض تحارب العماليق
كاره كل حاجة منكوا حتى كلامكم الجميل
أيام السنة كلها فى عيونكوا يوم واحد أبريل

شايفنى فى المرايا ... شخص قرب مـ النهاية
هفضل بموت ببطئ طول ما انتوا عايشين جوايا
مكنتش عايز منكوا حاجة كنت عايزكوا معايا
انا اللى عملت حفلة عيد ميلادى وجبتلكوا الهدايا
____________________________________________

01 April

Written by: El Joker
Music: Free Beat
Vocals: El Joker
Master and mix by: El Joker
© 2014 El Joker

01 April - ١ أبريل

الجوكر - الأوضه برودكشن

Slappaholics..A new beat making team out of Nashville, TN. Consists of Abraham Zelenski and Freddy Wychek. Please email az808@icloud.com for purchase or use information.

Danny Glover

// ÆSTRAL //

>>eclipse

thanks for all the support <3 
i love all of u guys!

Don't use this track as a beat, or I'll have to take it down for you :)

Eclipse

eclipse

_MARWAN PABLO - EL GEMEZA _Official Music Video_ _ _مروان بابلو - الجميزة _الفي.mp3

Wegz - Bazeet ويجز - باظت (Official Music) Prod. DJ Totti

[اللازمة]
البوصلة ضاعت، في المحيط
رسمت الطريق من اول وجديد
التشابه بين الفجر وغروب الشمس بالنسبالي كان شيئ غريب
حياة وموت، زائد سالب
بين الاتنين انتي في عالم تالت
عمر طويل، بس في ثانية خانك
لو رجعت بينا، زي ما كانت
بصيت لفوق عملت فحص
موّت جوّة نفسي كذا شخص
مافيش حد فينا مابيغلطش
انا وضميري في مسابقة رقص
انا بحاول افتكر كل الليالي اللي ساحت في بعض
ايامها دنيتي كات سهلة بس انا اللي فضلت مصمم ع الصعب

[مقطع]
بحر كبير، مش عامل صوت
نور القمر سايح على الموج
بنموت م الخوف، ونخاف م الموت
كلها شوية نطلع على فوق
دا اللي عندي، دا اللي عندي
ناس كتيرة مابقتش جنبي
هما المفروض كانوا يشيلوا عني
مبين لهم ان الدنية بمبي
عايزين يقروني، زي الكتاب
ف إديت لنفسي شوية التعليمات
وش بدون اي تعبيرات
مطبات، ملفات
الناس دي عاملة زي البلالين
حابس جوة نفسي مساجين
وسط الزحمة نسيتلك انا مين
حاسس اني لوحدي وسط الملايين
ملامحي اختفت مخي ابتدى تسيح
والبطاقة طارت مع الريح
مفيش مستقبل مفيش تاريخ
بس في دلوفتي، عايز اعيش
عايز اعيد، عايز اتحول
باقولها كتير، وبتتفوت
عايز احس ان في شخص اتكون
عايز العبها تاني من الاول
مصيبة لو فضلنا زي ما احنا
قضينا وقت طويل ليلاتي بنحرق
بدأت اتغير وانا في نص الرحلة
فهمت نفسي وانا في قلب الوحدة
بنيت لنفسي مراية جديدة
شمس بعد ليلة طويلة
جِهزت وطلعت ع السفينة
بس الدنية دي غريبة

[اللازمة]
اصل البوصلة ضاعت، في المحيط
رسمت الطريق من اول وجديد
التشابه بين الفجر وغروب الشمس بالنسبالي كان شيئ غريب
حياة وموت، زائد سالب
بين الاتنين انتي في عالم تالت
عمر طويل، بس في ثانية خانك
لو رجعت بينا، زي ما كانت
بصيت لفوق عملت فحص
موّت جوّة نفسي كذا شخص
مافيش حد فينا مابيغلطش
انا وضميري في مسابقة رقص
انا بحاول افتكر كل الليالي اللي ساحت في بعض
ايامها دنيتي كات سهلة بس انا اللي فضلت مصمم ع الصعب

Marwan Moussa Elbosla Da3et | مروان موسى البوصلة ضاعت

YOUTUBE - https://youtu.be/YPNivV-N76Q
Remix of "Sindbad" by Marwan Pablo
Original song link: https://soundcloud.com/marwanpablo/sindbad

Produced, Mixed & Mastered by: @wardenclyph
Written & Performed by: @marwanpablo

الجوكر - الأوضه برودكشن

taher95

Related tracks