[Instrumental] Regretful - موسيقى ندمان

[Instrumental] Airport Terminal - موسيقى باب المطار

Ala Bab Elmatar - Fatima
Written & Composed by Tamir Hegazy
Lyrics Video: https://youtu.be/ppaFIMbq2FU

على باب المطار   غناء: فاطمة
كلمات و ألحان و توزيع: تامر حجازي

كلمات الأغنية

على باب المطار... و أنا بحبس دموعي... على باب المطار
قال ماتخافيش يا أمي ... دا قريب رجوعي... سنتين مش كتار… قال مش كتار
يعني ياربي …  بعد أما أربي و أراعي … فرد جناحه وطار 

-----
خوفي تغويه الغربة… و مش هقدر ألومه… ما ياما راحوا ماجوش
و ساعتها البعد يليّل…  و تكتر غيومه…  و ما يبان لُه نجوم
و أفضل أمنّي نفسي …. بلحظة قدومه …. و أحضان الرجوع 

-----
طيارته ليه… عن مطارنا تاهت
دي سنين طويلة… من يوم ما طارت
غلبت أقول له… تاني و تالت
يا ابني ارجع…  دي الغيبة طالت
-----
طيارته ليه… عن مطارنا تاهت
ما رِجْعِتش ليه… من يوم ما طارت
غلبت أقول له… تاني و تالت
أنا عمري ضاع…  و الغيبة طالت
-----

َّأبوك رحيله… بيهدّ في
و أمراض كتيرة… في جسمي طاحت
و من يومها و الله… جروحي ما طابت
و أخاف يوم رجوعك…  يقولولك دي راحت
-----

على باب المطار... و أنا بحبس دموعي... على باب المطار
قال ماتخافيش يا أمي ... دا قريب رجوعي... سنتين مش كتار… قال مش كتار
يعني ياربي …  بعد أما أربي و أراعي … فرد جناحه وطار

Ala Bab Elmatar -- Fatima -- على باب المطار

Aalam Tani Lyrics video: https://youtu.be/pIjxLg8tm00 
Fatima, Ibrahim, Feat. Abdelwahed
Written & Composed by Tamir Hegazy

عالم تاني
فاطمة - إبراهيم - عبد الواحد
 كلمات و ألحان و توزيع: تامر حجازي

كلمات الأغنية:

هي:
خُدني جزيرة بعيد … على مـرسـاها أنسـى هـواني عـشــان
 أبدأ عُـمــر جـديد … و عذاب عُمري الماضي كإنه ما كان
خُدني لدنيا سعيدة … أنا زعلانة من الدنيا دي
بـحّــر بِـيّ بـعيـد … في عالم تاني كُله ألوان و ورود و أماني

هو:
و حياة دَمْع العين… الـلي مـا فـارق خـدِّك بـقـاله زمـان 
لاخدك أطير لبعيد… نِوْصل أبعد نِجمة في آخر الكون
ونلاقي دنيا جديدة … ضاعت أحلامنا في الدنيا دي
نُـعـبــر أي حـدود … لِعالم تاني كُله ألحان و أفراح و أغاني

Aalam Tani -- عالم تاني

آهات ندمان
إبراهيم
ألحان و توزيع: تامر حجازي

آهات ندمان

Nights - Instrumental
Full Song: https://soundcloud.com/tamir-hegazy/laily

[Instrumental] Nights - موسيقى لِـيـلِي

[Instrumental] A Doomed Summer Morning

Nadman
Ibrahim & Fatima
Written & Composed by Tamir Hegazy
Toplines: Tamir & Fatima

كلمات الأغنية

(:هو)
بتمشي السنين… و يفضل هواك
و ندمي و حنين…  قلبي اللي انكوى
حلم حياتي … يرجع لي زماني
و أصارحك بحبي و نبقى سوا

ندمي و حسرة قلبي
والأشواق بيقطعوا فيا
ليه خبيت عنك حبي؟
 ليه ضيعتك مني؟
حاجة و عشرين سنة في عذابي
وندمان

(:هي)
جاي لي بعد إيه؟.. ما فات الأوان
ليه تتعب لي قلبي؟… ليه تصحي اللي كان؟
استنيتك…  زمان و يا ريتك
كنت تقولها و نبقى سوا 

 (:هو)
ندمي و حسرة قلبي
والأشواق بيقطعوا فيا
ليه خبيت عنك حبي؟
 ليه ضيعتك مني؟
حاجة و عشرين سنة في عذابي
وندمان

 (:هي)
انت و قلبي تقولوا نقرّب مهما يكون
 و أي شيء يهون
إزاي تهون عيلة و بيت وأنا إزاي أخون؟
و انت إزاي تخون؟
و ايه ذنب قلوب بريئة في اللي حصل من سنين؟

لا يا قلبي لا لا لا
استحالة لا لا لا
أنا مش ممكن يوم أخون و مهما يكون
حبنا مات زمان قبل ما حتى يشوف النور

(:هو و هي)
لا يا قلبي لا لا لا
استحالة لا لا لا
أنا مش ممكن يوم أخون و مهما يكون
حبنا مات زمان قبل ما حتى يشوف النور

ندمي و حسرة قلبي
يا ليل
ليه خبيت عنك حبي؟
يا ليل
حاجة و عشرين سنة 
ندمان

Nadman -- Ibrahim & Fatima -- ندمان

Another World

[Instrumental] Another World - موسيقى عالم تاني

[Instrumental] No Matter What

[Instrumental] Twilights

[Instrumental] Morning Sweetness

Sabah El-Assal
Fatima
Written & Composed by Tamir Hegazy

صباح العسل
 غناء: فاطمة
كلمات و ألحان و توزيع: تامر حجازي

كلمات الأغنية

يا صباح العسل بلون عينيكي
ياللي العسل في لون عينيكي 
يخَلِّي كل نظرة منك
تحَلِّي مرار حياتي بحلاكي

صباح العسل بلون عينيكي
انت ياللي لون عينيكي
قشطة بعسل ع الصبح أحَلِّي
و أصوم لحد طلِّة مساكي

يا مساء الجمال اللي فيكِ ساكن
و مساء الخير على قدومك
ياما وردوا كتير عليَّ لكن
الخير دا شفته يوم ورودك

مساء الورود بلون خدودك
 بعطر حضنك بحرير ايديكي
بشربات شفايفك وبهجة وجودك
يا بدر ليلي و شمسي ف صباحي

Sabah El-Assal -- صباح العسل

After Parting - Baad Wadaana
Youtube Video: https://www.youtube.com/watch?v=FIbxw-Te9GM

Heidi & Abdelrahman
Written and Composed by Tamir Hegazy
Arrangement: Tamir Hegazy and Luis Caldera
Mixing and Production: Tamir Hegazy

دويتو بعد وداعنا
 كلمات و ألحان: تامر حجازي 
توزيع: تامر حجازي - لويس كالديرا 

كلمات الأغنية
هي:
دمعي على خدي نازل سيل
في غيابك قلبي شاف الويل
و بسأل نفسي صبح و ليل
راح أعيش من بعدك تاني إزاي 

حكم علينا الزمان... و الأحزان
صفّوا دموعنا ... صفّوا دموعنا
طفّوا شموعنا... و صفّوا دموعنا 

هو:
دمعك ع الخد و حزنك طال
و ف قلبك هم يهد جبال
كل اللي ف بالك هو سؤال
هتعيش من بعدي تاني إزاي

هي:
معقولة يا ربي دا هو الصوت    
من قلب العتمة و ليل و سكوت
و وحدة و خوف و أمل مفقود
 بترد علي كأنك جاي

حكم علينا الزمان... و الأحزان
صفّوا دموعنا ... صفّوا دموعنا
طفّوا شموعنا... و صفّوا دموعنا 

هو:
لو أمري بإيدي ما كنت مشيت
ولا سبت الدنيا و شفت الموت
ولا كنت هخلي دقيقة تفوت
إلا و مليتها فَرْح و ضيّ

هي:
كان نفسي أكون لنجاتك طوق
ولا أشوف لحظة ما يمسك سوء
من ألمي و ندمي أديني بدوق
أنا نصي ميت نصي حي

هو:
الدنيا أهي ماشية و مهما تطول
بالعرض تعدي أو بالطول
و بناسك راح تبقى مشغول
و راح تطوي أحزانك طيّ

هي:
الدنيا هعيشها و مابيديش
 لما أضحك قل لي إزاي ما ابكيش
أفراح الدنيا تجيني و أعيش
و غيابك يكوي قلبي كيّ

حكم علينا الزمان... و الأحزان
صفّوا دموعنا ... صفّوا دموعنا
طفّوا شموعنا... و صفّوا دموعنا 

هو:
لو كل روح في مكان ... لينا مكان
كله أمان ... هيجمّعنا
هيجمّعنا... بعد وداعنا
بعد الزمان بزمان ... هييجي زمان
شمسه تبان ... ويبقي ربيعنا
 ييجي ربيعنا ... و ننسي وجعنا

هي و هو: 
و ليومها مني سلام ... و صبر الأيام 
يدّي رجوعنا ... أجمل معنى

Baad Wadaana -- Heidi & Abdelrahman -- بعد وداعنا

Lyrics video: https://youtu.be/s7NdB_yRKLw
Amany w Zekraiat
Fatima & Abdelrahman

Written & Composed by Tamir Hegazy

أماني و ذكريات
فاطمة و عبد الرحمن

كلمات و ألحان و توزيع: تامر حجازي
شكر خاص: داليا الناظر و أحمد حجازي

كلمات الأغنية

احلم و اتعلق بالأماني ... واغزل خيوطها
اوعى تتردد لو ثواني … و اوعى تفـوتها

احــلــم و اتعلـــق بـالأمـاني … و سـافـر بعيد
و اصحى من حلم لحلم تاني … و أمله الجديد

دي غريقة الدنيا والأمـاني … مركب تشيلك
لو تاه شراعك في المواني … حلمـك دلـيلك 
 
افضل سواح  طول الزمن.. اسكن مُدن.. و اهجُر مُدن
مهما كان حبك للأماكن.. قدرك تسيبها.. ما هو دا التمن 

احلم و اتعلق بالأماني
 
سـابق أحـلامك في البلاد … و اجري ف دروبها
و وصـلت لغايتك و المراد … ولّا لــــــســرابها؟

إروي فـــي جـنــايـــن آمــالك … و احلم تشوفها
و قطفت ورودها اللي في خيالك … ولّا دا شوكها؟

اتفرج على أحلى سنين و عُمر.. بيتسرسبوا.. من بين إيديك
تدبل أوراق الأمل.. هيقعوا يسيبوك ... لأغصان ماضيك 

فارق أحلامك حلم حلم.. سنة ورا سنة.. و للماضي حِنّ  
و اسرح في ناسه و الأماكن و اللي افتكرته أهل و وطن

آه...
ودع أحلامك والأماني

كدا قدرك طول عمرك تعيش رحال و تطوف في أراضي
مرة تلف تسـابق حلمك و المرة دي حـنـين  للماضي  

كل مكان ليك فيه حكايات
 لَملِم منه الذكريات

ذكـرى كـل لـحـظـة جميلة
في كل رُكنة في كل مدينة

كانت بيتك كانت مكانك
و لسـة حـتة مـن كـيانك

فيها اصحابك ولا عيلة
اتفـارقتوا و ما في حيلة 

آه... 
 لملم في عقد الذكريات

و ســنـيـنـك  هـيـعـَـدّوا … و لا ترجع صُحبة ولا مكان
مش كنتوا زمان اتعاهدتوا … تـتلاقوا تعيدوا اللي كان؟ 
اللي اتغير و اللي فقدتُّـه … حـتى انت اتـغـيرت كمان

ليه اتقطعت الشجرة؟ … ليه اتشال البيت م الوجود؟
ردموا البستان و حكاياتك … بنـايات و حجارة و حديد
مــرة  تــودع  أمـنـيــاتك … ومـرة الـذكـرى و العـهود 
اندم وابكي ع اللي فاتك … و ندمك عمره ما راح يفيد

بـس استـنـى دي ذكـريـاتـك
ســاكـنة نبـضـك و ف وريــدك
ما ضاعتش رغم سنين رحيلك

كــل مــا تشـتاق إليــــها
جوة في قلبك هتلاقيها

آه …
و تهاجر و تشرق ولّا تغرب
و هــتـكـبـر ولّا هــتـتعــب

غمض عينك و افتح قلبك 
تلقـى كل الذكـريــات 
و الأحلام و الأمنيات

وارجع من تاني للأماني

احلم و اتعلق بالأماني ... واغزل خيوطها
اوعى تتردد لو ثواني … و اوعى تفـوتها

احــلــم و اتعلـــق بـالأمـاني … و سافر بعيد
و اصحى من حلم لحلم تاني … و أمله الجديد

دي غريقة الدنيا والأمـاني … مركب تشيلك
لو تاه شراعك في المواني … حـلمـك دلـيلك

واحلم و اتعلق بالأماني

Tamir Hegazy

Pinned to spotlight

Popular tracks