مو نايم من مبارح 


Beat by : Myth Beats

Artwork: @7oari

الكلمات:

اي بربي مركز معك 
 اه و بأيد كل أقوالك
نظامي هي هيي تماما 
 صح مزبوطة الكلمة التانية 
اي بربي مركز معك
اه و بأيد كل أقوالك
و حق الله مركز معك 
بس مو نايم من مبارح 

————
ما عم غير الموضوع كتير مهتم 
معك على نفس الصفحة
على نفس خط العرض
عم تحكيلي من الشرق عم ردلك من الغرب 
معك بس كل الفكرة بإني لفيت الأرض 
فشف فشف فشف فشف
زدت و فرطت
زدت و فرطت 
عطاولة مفاوضة 
عيوني مع شفافك 
صار ريقي يزخ 
اي تماما صح 
مافي شي بعبك 
بس راسي فار من الهز 
اي مزبوط تماما 
اي مزبوط تماما
ضيرها بغيرا و كلينا منعرف 
اني المغضوب أمامك 
كملي حكيها للكلمة الكملت بتمك 
بشكل عاري عن الصحة 
 لك يا ريتنا كذبتين تحت حرامك
و نصدقنا و نصدقنا و نصدقنا
و انسا و ارجع ليش اساسا
صرت احكي عن تيابك
يعني عسيرتي
و عيسرة الأشياء الغير مرغوب فيها
و الله مو نايم من مبارح 

كملي حكي ما اساسا عقلي تشوه
عم اتجول بين السيمبتومز 
لشخّص نوع السيندروم 
 شو خص اني عم اندب
والله مركز معك
بس عقلي عم يقول
بوم بوم بوم بوم بوم 
مبارح مع هشام و نيكولاس على حفة الجنون 
عم ندخّن و منخطط كيف بدنا نصير أصغر كيف بدنا نزيد اكشن
انتي تشديني اكبر
هني يشدوني بعكسك 
فتمزّقت فتمزّقت فتمزّقت
و تبعثرت 
شي هر مني عالارض و شي زوائد
هون انخلق أبشع كائن 
عرفتو الدنيا من بعدي 
و من الفتات الباقي مني انخلق رواسب
يعني كبرتي اسرع مني
ولا ما عاد بدك ياني؟
ولا ولا الولد لي كنّاه بخيالك
مازلت مهتم بس دايرلك ضهري حتى نضل عنفس الصفحة كونك عم تحكيها من الآخر

03 - مو نايم من مبارح

01 - Jaleed 
1st Track of the EP Tin-Man by the rapper Tamman aka Rawasseb.
Tin-man's a post-rawasseb state; one of Tamman's eight scattered pieces.
artwork: Muaaz Shalash
prod: FYKSEN

Tin-Man | تنمان

Jaleed - Ice

01-جليد - تنمان

11-طابت الإصابة

Solange

اسمع تراك "ذهاب" المسار الأول من "الطريق"على منصتي اليوتيوب والساوندكلاود 

آرت وورك :
Muaaz Shalash

تابعني على الانستاغرام:



الكلمات :


ايه... بانتظار غروب الشمس
اختلط كلشي هيا الشمس بتستناني
من مبارح الساعة واقفة عالخمسة
...بحرك رسغي لشوفها ورا كف المغيب
ف بتنزل 

رفع ستار الوقت عن جحيم الكواليس
رهبة انتظار الالتقاء
عم حييكي من ورا الستار عم اتدرب لاتجنب اي خطأ خاف اتعثر بفواصل الحوار 

مسحت المسج لي ما بعتتا
لسا عندي امل توصل
عندي امل توقع عيونك عسؤالي البايخ
شو حتكوني لابسة؟ 
بخاف من التغيير
بتمنى تكوني لسا لابسة مبارح

بعرف. بموضع العاقل لي عم يسمع
كذبي عليي حكيلي كنتي ميتة لما غبنا
أو توقفت حياتك ما فوتت اي شي منها 
بأي شي بتعيشيه بدوني بتخنقني اغلال الحسرة

علحن التوتر اجري عم تخبط عراس الشارع ...
لسا ما وصلتي بس ناطرك ترجعي
أول ادفى انتظار بارد 
وصلت-قبل-بساعة مع ذلك بترجاكي لسا تأخري

لا تعاتبي عيوني العم تندهلك عم تستعجل،
اقدامي والخطوات، هربت مني باتجاهك
من عيوني بغار، وصلو قبلي
بأنانية رموني امتعة بأرض مطار 
و راحو عندك 

تعابير وجهي تصدعت 
يا دوب فهمت المرحبا 
الأحاديث عم تتزاحم بحنجرتي
عم يتسابقو عليكي و يتسابقو اليكي
اول اتصال بالواقع.... انتي

الشوق شيئ والبعد آخر
يكتب ولا ينطق 
فخلينا نتجنب نحكي عني
احكي عنّا
احكي لما السكوت يخيم
احكي للهدوء يغير نبرة الضجة بهالصفحة

تركينا نتبعثر 
جوا هالمدنية الكرتونية
نمشي دون وجهة
ما بيختلف هي الدخلة او لي بعدا
لو وصلنا لحافة العالم
تركينا نتبعثر

01- ذهاب | (prod. ELM Beats)

اسمع تراك "قَسَم" على منصتي اليوتيوب والساوندكلاود 


قد ما ضوعت فرص
و ضوعت فرص.....
ضوعت فرص 

ضوعت فرص
أضعف من ان يكونو دافع
حتى يكونو السبب 
طب وعد خلص

مكانتك ما كانت مكانا بتاتا
فتاتك ضماد و حطام فؤادك
صبيان و ما منعرف الدنيا
بس الدنيا بتعرفنا ليك لما دارت
أعدائك أخواتك 
صبيان حتى نحس انو كبرنا منتقاتل 

منقلد منقلد منقلد
لخسرنا حالنا و حيلنا 
منقلد منقلد منقلد
لاضمحلينا بغيرنا
منقلب منقلب منقلب 
صرنا منشبهن و صارت ملامحنا وحدة
مع ذلك ما بارحنا وحدة الليل لنشفت عينّا

لا تسأل عن الترابط و أنا ألف شقفة
لا تسأل عن الترابط و أنا ألف
هيي ألف سؤال و أنا ألف بعرف
خلصت العطلة
صحصح

هاد قَسَم 
اليوم السبت
أنا فادي 
و اليوم السبت

للفراغ لي ح اتركو بعد ما موت
للشرخ اللي سببتو و كل الحروب
لوقتي القضيتو عم دور ع وقتك لي ضيعتو 
و لكل كذباتي الملطخة أعذار 
و نكث وعود 

و لإلي و لخوفي خصوصا للجبان الفيني
و لخوفي عليكي من الجبان الفيني 
و لذعري و مرضي ب فوبيا الحقيقة
و هروبي منها و كل مرة بهرب ملاذي الأوحد 
محادثاتنا و إيماني فيكي

المعدة اصغر من العيون
و إيدنا أقصر من انها توصل 
والعاشق يعمى عن العيوب
و إيدينا أقوى من انو نفلت ف منقصها 


هاد قَسَم 
اليوم السبت
أنا فادي 
و اليوم السبت

02 - قَسَم

اسمع تراك منارتي على منصتي اليوتيوب والساوندكلاود

Music by: Ryan Creep

آرتوورك: Youzirsef 

بكتب
بكتب لأني ما فهمتني
بكتب ل اعطيني فرص جديدة لفهمني انو الفرص ما بتنعطا
والوجع ما بينمحا
والوقت ما بقلبا اي ذرة من رحمة
ف دير بالك تسمعك

بكتب
بكتب لخدرني 
بكتب لذكرني.
 بكتب ل اهرب
بكتب ل ارجع بكتب ل اهرب و ارجع و اهرب
بكتب لأني نسيت ليش بكتب 
ليش لتسأل؟
ولد صغير كيف عرف اسمو

فبكتب ل اسألني عنك 
بكتب لأسئلتي عنك 
عن ال "كيف" ليش عنيتها بكل مرة سألتك كيفك؟
و عن ال "ليش" كيف ما نطرحت؟
و كيف ما انجرحت؟
و شو اللي غيرنا 
و كيف ال "مين" لاقت طريقها بيناتنا خلسة 

ف ويني و وينك و وينا؟
ويني و وينك و وينا؟
نحنا بمكانا المعتاد بقصيدة قررت اكتبها بشكل اناني عن حالي 
و فشلت متل كل مرة و كلامي نزحلك بشكل لا إرادي 

و بكتب لخاطبني
 بوسط زحام السطحية.
بعزلتي و غيرتي و حسدي 
للناس السعيدة المنافقة
لأني ما فهمتن بعمري و مافي رغبة افهم يتهنّوا بحيواتن
صح ما عندي العندن
بس عندي اللي عندي 
الكتابة قوتي الخارقة

ف بكتب ل انظر بشفقة 
للناس السعيدة الغبية 
محرومي البصيرة.
عبيد التباهي.
مغلولي الرحمة معصوبي العقل
غرقى الإنكار.
الهاربين من مواجهة العالم القاسي

و بكتب للعبثية و للفوضى
و للولاشي 
و ل اسباب الشيء و أشياء السبب
و لأن الحياة 
علمت عليي قبل ما تعلمني
و صرنا نتقايض 
كل سبب ب ندم 

ندم؟ سمعت هالكلمة من قبل 
و مرادفاتها بداية و تجارب 
و غلط و غلط 
فقبل ما تعانق ثنايا الحضيض 
تذكر ان كانو ٣ أمتار او ١٠٠ 
الغرق غرق 

صه الوقت عم تتنسط و باق الابعاد 
عم تتلصص من ثقب المفتاح اللي فوق 
ف فهمتني لما حكيتلك كيف بكتب ل اخلق دليل
على وجودي و وجود حديثنا المكهرب  
تأمل ثقب المفتاح
لي بعكس كهف افلاطون 

 سقفا موت؟ مو عأساس كبرنا و نسينا؟
و بطلنا نتذكر شجاعتي لي خسرتا 
بطلنا نرثيها
شجاعتي لي خسرتا برهان بين قوتي والخوف عطاولة الظروف الصعبة بلعبة قواعدا غدّارة قوتي والخوف 
ألد أعداء
قوتي والخوف 
أعز صحاب 
قوتي والخوف
بخاف من قوتي 
و خوفي قوة 
انتي التنين
قوتي والخوف
أقطابي التسعة 
أفعالي و اسما 
أقطابي التسعة
ما بحاول انسى

الذاكرة مرساة 
مربوطة بأعناقنا
ببحر الماضي و جبان لي بالأمواج بيختفي 
نسيت ليش بكتب 
من هون ل اتذكر
مارح اكتب لغيرك يا منارتي المابتنطفي

03 - منارتي

يا دادا
ما قلتلش ليش الزعل يا دادا

كيف صار النوم ألد أعدائي بالليل
كيف صار الأرق أرق مرتجى
براسي صورة شعرك عم يداعب الريح
و كل ليلة و كل ساعة انا و عيوني بكل مكاااان

ندور عليكي ندور عليكي ندور عليكي
لو بالمنام
ندور عليكي ندور عليكي ندور عليكي

بكل مكان

لو بالمنام

بقيت غريب انا
بقيت غريب انا

ندوّر عليكي | (prod. Confused Beats)

كانت سنة سيئة بس حاولنا
وداعاً ❤️


الكلمات
بمحي 
بمحي بس لمّا بفهمني 
بس لما كون نفسي 
لما الوقت ترضى عني 
بمحي بس اتذكر اني حتما رح انتسى
و انو الوجع 
............

لهيك بمحي 
بمحي ل انسى
و ل اصحى
 للاحقني 
و بمحيها للكلمة بنصّها 
مشان تمثلني تماما 
ما تفهمها لا المعاجم 
و ما حدا يعرف عنها

فبمحي كل أجوبتي عنك 
كل "ما بعرف" و كل "بعرف"
و كلشي منتذكرو
ما أساسا نحنا كنا السؤال الحافظينو بصم 
بس منرجع منسألو 

بمحي للمرة الوحيدة 
لي مانّا بمكانّا فيها
هي حرفيا القصيدة الما كانت الك
او الي 
بل كانت لكل وعودنا 
و كل المرات الأخيرة

بمحي للأثر اللي انترك
و لو بقدر امحي فعلا 
لمحيت كل اللغة 
و لمحيت اسمي معها 
ما بستاهلو 
رح ضل الناقص للأبد

بمحي لعلمك عن الكذب
كيف الجبان اللي فيني كنت ناديلو تأني
و طيشي كنت ناديلو شجاعة
و الجنّة كنت ناديلا ب اسمك 

بمحي 
لما نستوعب بأنو العالم ما رح يتأثر لو افترقنا و تباعدنا 
عنجد
و لما نستوعب أنو كتااااااار كتيير لي متلنا

فلا تتلفتي وراكي 
أنا حرفيا ولا حدا أقسم
في ملايين اقوى مني و مليارات اغنى 
و سهل كتير تلاقي الأحسن 

بمحي لأنو فادي توفى 
و ما وفّى وعد السبت
و مع هيك السبت بيرجع و بيستنى
و بيستنّى و بيستنى
الوعود نوجدت لتعلمنا الصبر

متل الضو اللي بآخر النفق
متل الباء اللي بآخر حرب
غيابن بيعطي نتيجة وحدة
يا روحي غادرتيني جسد 

يلتهمني وحش الجفا 
ينهشني مسخ الذنب 
تصارعني ذكراكي اخسر و ابكي و استسلم
ارتمي بأحضان صورك
اتشارك مع الشوق مخدة 

بمحي كلما تخيلتك بدوني 
بمحي كل ما تخيلتك سعيدة
و كلما زادت المسافة و كلما باخت فكرة رجعتنا
و كلما صرتي بعيدة 

بمحي كل اجوبتي لما بسألني كل يوم
مين حيصبّح عليكي بكرا
هل رح تطولي لتنسيني؟
لمين رح تحكي قصتنا؟

قصة الجبان الجاحد 
المتآوي بحضن أقوى جبل 
لي ما كان بعمرو بيستاهلك
ياروحي غادرتيني جسد

يا عمري اللي خلص مبارح
كيف رح عيش مع حتمية مستحيل عيش احلى 
و انتي تكملي و تنسيني 
و ضل و عيش بالماضي مع الموتى

تذكرت ليش بمحي لأني ما بعمري كتبت غير
لقصّة انتهت
الجبان بلعو الموج 
و اختفا
و المنارة انطفت 


Music by: Scott Buckley

Tammam | مرساة

P R O F E S S I O N A L T O O L S
RAWASSEB 


بضربة وحدة لو كان في تانية
عروف انها رحمة 
لو كان فداك و لو كان طباق 
و لو كان قتال
السبع وحدو الكتار ضباع
بشوط الأحرف ضربات جزاء 
بكامل تحكم بالمفردات
 انت لو بتسرق من القرآن
بتصير العاديات عاديّات
سهلة رياضيات 
بس لعنة خرية تكون عبقري 
بتسمعني لما بتكون تعبان لما تكون عالطريق
إلى حبل إعدامك موسيقتي كنها أب جواد و أب علي 
رغم سوئي و خبثي كتير بتحبي كأني إدعشري
كتير عروش و روس بحالا
كتير دموع و جروح بتناسا 
على سين تعبان مليان أحقاد
قدملي التاج بتنازل 
الحيدر دايما وحدو و بتاني كفة الضباع تتكاتر
شفت كيف بتكرر فكرة من دون ما تكرر حالك؟
اح ببراعة ميسّي 
مصحوب برشاقة نادال 
و اذا ما سبّيتني 
محشوم غصبا عن راسك
إذا كان التشبيه
بشرية رواسب آدم
و اذا كان التكنيك فرعون
فرواسب هامان
لو ب see one 
بين الزلم 
متل الزيوان
رح ينفرغ
لو بت see one 
بين الزلم
أنا ال
C-137
إذا أنا بشبه رابر انت بتشبه عشرة
يستحسن تتركها اذا بس حتعيد كلام مستعمل
يستحسن ترحم وقت الشبيبة بس حتى تسمعنا 
تستعمل وقت الهزيمة "مسخرة" تدهنها مرهم 
ايه ايه
أقل رابر معروف أضعف رابر معقول 
أقل رابر موجود جايي من المستقبل
بقطع راسك معمول 
بس ل أعمل معروف
للشبيبة لي بآمنو بالكلمة و بالفكرة
رواسب كيف بصير متلك؟
كيف بحرر أفق؟ اه كيف بكتب اقوى؟
احكيلك سري؟
كلشي عملتو اني إلى عالم عجائب اللغة لحقت الأرنب 
والله

رواسب - صيوان 37

تراك ألت إف أربعة

الكلمات
على حفة مع هشام
بسألو عن الخشوع الأعظم
بجاوبني نص مغمض
بوم بوم بوم بوم بوم 
إيدو التالتة عم تلف
و نيكولاس بإيد وحدة
عم يدور
بروم بروم بروم بروم بروم

لعبنا طرة و نقش
بس لنحدد لي نسي
شو كان السبب للعبنا من الأول
لما تذكرنا ليش نسينا شو اللعبة
اختلفت الآراء 
و أجمعنا انو كل اوجاعنا بسبب حوا
بحبك
من باب الأنانية والتملك
بمفتاح حريّتنا بس بعرفك بتخافي
من قوتي لما تفيق
اي خدي ضحكي
كنت متفاهم معك اكتر مو متفاهم مع حالي 
سكررر سكررر سكررر
اي نعم هادا انا 
بعرف اهلك مع معارفك عملوني مسخرة
لسا بحبا لهاللعبة ليش الزعل؟ ما هي عندك كل مشاعري بالمقابل
تنيناتنا ولد؟

أياو سكررت سكرررت تشيا تشيا 
وال بوم بوم بوم بوم بوم
أياو يو يو ررررا ييه ييه 
والبوم بوم بوم بوم بوم بوم 

شيلني عن الكرسي 
كتير خفيف و دغري 
بنفخة بطير بنفخة بعلي 
شي يطلع شي ينزل 
شبا الغرفة
لا تسألني 
ضاقت بها السبل
ولا بطلت تساع أفكارنا
شيلك مني

ما أنا بطلت كون انا
من ساعة صرلي ورا 
ع Alt F4
بس ما عم تزبط من ولا بت ولا بت ولا 
بتت ولد بوم بوم من الضغط بتولّد


طرة بكون تمان
نقش بكون رواسب
بس اذا ثبتت عجنبا فعندي عقل واحد 

ببرم بتبدل جمرك عالمدخل
فتت بالزلط مع ذلك رن جهاز كشف المعادن 

بوم بوم بوم بوم بوم
اقتلني ولا تسألني 
من يوم يومكن كلكن
حسدني و لا تلحقني
حرقت الحقلة 
سبني ولا تمدحني 
لحظة و برجعلكن
بس لاطفيني و ارجع شغلني 


تحياتي كانت لناس ما فيني اتواصل معها 
تحياتي يا أنا
بس تسحب بتفهما

02 - alt f4 ألطف أربعة

Tamman | تمان

Recent comments

jalal's movies

AB

Khaled Waleed

AB

Related tracks