حرمان ورا حرمان حتى نقدر لي عنا

كتبنا العنوان بخطواتنا💚

و الأرشفة ناطرتنا نحكي حكي مالو لزوم حكي بس بدوم ، حكي بدون لون

لا تخافي من العيون اللي علينا هي عيوني

بس شفتي الهلال ؟ شفتي ابتسامة السما !

حرمان ورا حرمان حتّى نقدّر اللي عنّا .

شفتي السُّخرية كيف بنفسي بررتلك الغياب ••

Solange

اسمع تراك حجر ورق مقص على منصتي اليوتيوب والساوندكلاود.


ما رح كون متاح عالإنستاغرام بالفترة الحالية تجنبا للتوكسيسيتي والتنمر الإلكتروني؛ شكرا مسبقا للنشر بالنيابة عني ❤️


Artwork : Muaaz Shalash 


الكلمات : 



قد ما ضوعت فرص 

ضوعت فرص

كل رنة جرس 

بين باحة و درج

عكواع و ركب 

عحدود اضطراب 

محصور النطاق

محمود الفراق 

و كلشي ضوا بعيون العدا

بعيوب الحما 

بعيوب الحما

خفضو صوتو

محدود الرتب

محكوم بسبب

لطف بالسب

ف عما الدبب

عم أدبك

ما عم أدبك

خدشت خشونك

عساك تفهم

عشت كل سنة بقرن.

بين كل بدعة و فرض

في حسب حسب !

ف في تفاوت

مافي تفاهم 

خصل شعب

نحنا بصدد 

مثال 

ف تشيلل بيبي لحظة

ل فهّمك

ما حدا صح 

كلنا غلط

دقن و شوارب كلو عالكب

مافيك تصير زلمة لتتعلم تقبل خسارتك

حجر ورق مقص 

حجمعلك قصص 

كل خساراتي باختصار

بحكيلك حتى ما انتسى

مطرح مالسر اندفن

كان أكبر من الكفن

كان أكبر من الأرض

ف دفناه ورا السما


سلامات 

ابعت سلامات

على خطوط الأفق 

تحت السحاب

بدنا نلعب و نخسر 

و نلعب و نعيدا

و نخسر كمان

——-


حجر ورق مقص 

حجر ورق مقص

عيد لسا ورق مقص

للتلاتة ورق مقص

حجر ورق مقص

حجمد الزمن

عيد لسا ورق مقص

للتلاتة ورق مقص


حجر ورق مقص

حجر ورق مقص

عيد لسا ورق مقص

للخمسة ورق مقص

حجر ورق مقص

حجمد الزمن 

عيد لسا ورق مقص

للخمسة ورق مقص




————


أربعين قضية جرم 

ما تجي و تحكي في شبه

ما تجي و تحكي في نسب

لأقاربي أنا شبح

على قاربي ألف جريح

ألف مريض و ألف أنا

ما عاد ميز بين الكره

والحقد أو تعظيم السلام


لو الوقت دهب

انا مبذر صرف صرف

تايم تايت و قرف قرف

نسيتك ف     أنا ببطر 


كبرت بعرف أنا خطأ

لما تكون بخضم

عدة معارك خسارتن كانت اقل الخسائر

ف سلّما 


حجر ورق مقص

حجر ورا انتقام

حجمعلك قصاص

-ات 

كل صورة بهالانفصام


ماننا بسباق

ماننا شجر 

لنوصل لحدود الرب

بس نهايتنا بالسما

حجر ورق مقص |(prod. FJ)

اسمع تراك "إلّا ما" على منصتي اليوتيوب والساوندكلاود بالاشتراك مع الرابر سربست.

سربست مثال للشخص المحترم والمحبوب و لا يجب نسيان انو أنو أحد أفضل الرابرز بالعربي عندي و فرصة العمل معو شرف و نجاح الي.

Find Sarbast : 

https://instagram.com/sarbasstmusic?igshid=e90qtuq2cw3i

https://soundcloud.com/sarbasst-chikhou

https://www.youtube.com/user/sstsarbat

رجعت الإنستا يا جدعان باي ذا وي يعني
@tammamstoss

الكلمات : 

سلام
لسا عم حاول...
أرضي لي تركيها 
لسا عطشانة أمطارك 
لسا عم طارد عطارد بسما مدينة مضيئة بضواحي 
طينية معزولة
عيوني لساتا
مختومة بآخر
 انعكاساتك
كأنك ببؤبؤ العين 
لطخة صعبة الإزالة

درتيلي ضهرك 
لسّاني حافظ
 شو كنتي لابسة
يوميتا ما نسيتي ولا شي عدايي
حتى نضارتك

ما تضربي ايدك عجيبتك
اضربي ايدك ع قلبك حسي بغيابي 
لي ضيعناه ما بيلتقا حتى لو بعتنالو الوالدة



سلام 
عليكي سلام

إلا ما 
يجي الأمل 

سلام
عليكي سلام

إلا ما
يختفي الألم

——
لو تخبينا بهالخريطة
يا ريت لو ما شوفك فيها
ما ضللي أي طريقة
اتخلص من خيالك فيها
إلا ما يكفينا الألم
إلا ما يجينا يوم 
إلا ما يزيل الندم 
إلا ما 
إلا ما

——
قبل النوم بدعي عليكي 
عم فيق عم بدعي عليكي 
من لؤم كلامك مافيكي 
شخصيا  تردي عليكي 

لطالما عشقتي المقارنة 
تدققي على مساوئي ... و محاسن الكل
بكرهك حتى لو كنتي على ضفة الأطلسي المقابلة

بكرهك اكتر من كرهك لجسمك
اكتر من حبك للمال 
وقت صرت جزء من ذاتك 
صرتي الهة بجلد الذات 
خ
ساحرك خلصت كل خدعو 
قص كمامو و باع الباب 
بس كنتي أعظم أعمالو 
كنتي أفضل خدعة اخفاء 


خلصت الخدعة
 بدور عليكي بدور عليكي
ما بدي ياكي.
بس
 بدي رجعك ع مقعدك

خلصت الخدعة 
نزلو الستائر  بدور عليكي 
ما بدي ياكي 
بس في حدا اخدلك مطرحك

إلّا ما _ بالاشتراك مع سربست | (prod. Smokie)

اسمع تراك حمراء عالريق بالاشتراك مع الرابر المخضرم عُثمان من سلسلة تسالي الحجر الصحي على منصتي اليوتيوب والساوندكلاود 

Artwork : Muaaz Shalash

تابع عثمان على الانستغرام و اكتشف موسيقته : 

https://instagram.com/othmanmusic_?igshid=1q66ke6v9wbxd


تابعني عالانستاغرام و اكتشف اني حباب : 

https://instagram.com/othmanmusic_?igshid=1q66ke6v9wbxd

الكلمات : 

مقطع عثمان : 

مدام اغلبك سجليني مقيم دستوري
ما بتخلص سطوري سميني عثمان glory
بضرب بوجهك العشره وانت كبيرك سبعه ونص
شفت كل السين مبارح  بمحل كلشي بنص

وانت....متناقض رضوى الشربيني متفاوض زي اسرائيلي عامل حاله فلسطيني
وانا الراب شرا فيني كل قطره وجع لحد ما نشف الدم ومشا الهم دم  بشراييني 

قوي مكروه بطنشك زي اخر حصه وبستناك لاخد منك مصروفك بالفرصه 
ما بتقدرلي سلك شائك  كنت طفل الشارع الهامل 
لما كنت عشان تحس انك بطل تحضر مارفل

كنت خاين بحفظ السر ف ما حد غيري بدرا فيكي...وكل م اشوف بنت حلوه اقلها برسم جرافيتي
وكنت اسمع اغاني ب خفيه لانه الاغاني حرام
وفاهم الدنيا وحده بوحده لهيك حفظت القران

والحب؟  ما جنينا منه غير تعري 
ما تعلمنا منه الا كيف المشاعر نعزي
ولما تشوفي وجهي شاحب انفضي عنه الغبار
هالقلب فيه ذكريات بتقدر تعبي ابار
والمصروف ما بكفي كنا نروح نبيع حديد واللبسه نحافظ عليها  لنلبسها يوم العيد
وبيوم جديد نكتب ع الحيط بفحم تالف
مواطن يبحث عن عيشه نضيفه ف بلاد المزابل


مقطعي : 

عملي دروة بدي شغل نار 
على كتاف الضيعة عم حلس شرطان نحاس 
ما بهمني تطلع الريحة بصدريتي 
و ع اجري كل المصاري
بس كل همي ما انقطع من الدخان


"مافي اهل ليضبوك ؟"
جملة جارنا لي حكيها وقت قتلت ابنو على باب الدار 
جابت عراسي ١٠٠ تساؤل 
ماني شرير بس ما حدا رضي يلعب معي
هداك النهار 

طول عمري 
بكره
صاحب الطابة
كلشي عكيف أمو 
بيخترع القواعد
نمى عندي هاد الكره
ببلد نصو صحاب طابة 
فهمت ليش لاجئ؟ 

ما تعلمت كون سيئ هيك خلقت
بس تعلمت كون سيد بكل وقت 
بقدر السعادة بأصغر الأشياء
بعطي اللحظة قيمتا لتنصبني ملك عهالأرض

ولاد المثقفين ع رجلي 
ما حيدوقو بعمرن لذة
سيكارة حمرة عتلة الرمل حد كيس الشمينتو 
كاسة شاي دم
عمغيب الشمس بعمارة تعمرت عكتفي

تحياتي للعم باسم
و كل بلوكة هديناها و عمرنا بدالا عشرة 
و كل زخة عرق و كل تنكة سردين أكلناها
عأفخم سفرة

حمرا عالريق بالاشتراك مع عثمان | (prod. D-Low)

اسمع تراك "ذهاب" المسار الأول من "الطريق"على منصتي اليوتيوب والساوندكلاود 

آرت وورك :
Muaaz Shalash

تابعني على الانستاغرام:



الكلمات :


ايه... بانتظار غروب الشمس
اختلط كلشي هيا الشمس بتستناني
من مبارح الساعة واقفة عالخمسة
...بحرك رسغي لشوفها ورا كف المغيب
ف بتنزل 

رفع ستار الوقت عن جحيم الكواليس
رهبة انتظار الالتقاء
عم حييكي من ورا الستار عم اتدرب لاتجنب اي خطأ خاف اتعثر بفواصل الحوار 

مسحت المسج لي ما بعتتا
لسا عندي امل توصل
عندي امل توقع عيونك عسؤالي البايخ
شو حتكوني لابسة؟ 
بخاف من التغيير
بتمنى تكوني لسا لابسة مبارح

بعرف. بموضع العاقل لي عم يسمع
كذبي عليي حكيلي كنتي ميتة لما غبنا
أو توقفت حياتك ما فوتت اي شي منها 
بأي شي بتعيشيه بدوني بتخنقني اغلال الحسرة

علحن التوتر اجري عم تخبط عراس الشارع ...
لسا ما وصلتي بس ناطرك ترجعي
أول ادفى انتظار بارد 
وصلت-قبل-بساعة مع ذلك بترجاكي لسا تأخري

لا تعاتبي عيوني العم تندهلك عم تستعجل،
اقدامي والخطوات، هربت مني باتجاهك
من عيوني بغار، وصلو قبلي
بأنانية رموني امتعة بأرض مطار 
و راحو عندك 

تعابير وجهي تصدعت 
يا دوب فهمت المرحبا 
الأحاديث عم تتزاحم بحنجرتي
عم يتسابقو عليكي و يتسابقو اليكي
اول اتصال بالواقع.... انتي

الشوق شيئ والبعد آخر
يكتب ولا ينطق 
فخلينا نتجنب نحكي عني
احكي عنّا
احكي لما السكوت يخيم
احكي للهدوء يغير نبرة الضجة بهالصفحة

تركينا نتبعثر 
جوا هالمدنية الكرتونية
نمشي دون وجهة
ما بيختلف هي الدخلة او لي بعدا
لو وصلنا لحافة العالم
تركينا نتبعثر

01- ذهاب | (prod. ELM Beats)

اسمع تراك "بلمح الغسق" من مسارات "الطريق"  بالاشتراك مع يوزرسيف على منصتي اليوتيوب والساوندكلاود.
تابع يوزرسيف : 
https://instagram.com/yun.sounds?igshid=1ootsawfqtrzf
تابعني : 
https://instagram.com/tammanmusic?igshid=rkcjwqqmr1u5
الكلمات : 
نايم عالطرّيق بطريقتا
سالتة دانّي عالزفت بتتنسط موسيقتا
بحب يكون الحكي أبسط من حقيقتا
وبتحّب تخبّي أطراف الحديث
بحقيبتا. 
لشيلنّ مكياج لشوف الحكي عوشّك 
مابدي شوفو من ورا إزاز 
ومابدي نظرات النّاس إشارات حمر
توّقفنا كل ما إتحركنا
وينقص منّا إحساس
تنقص معنا كلمّة نكمّلها بحكي اللوافت 
لتدلنا عبعض أكتر، وما يبقى بيناتنا ثابت
فدلّيني عليكي بكلمة
لضيع فيا
وشيلي أيدك من تم الشّارع
خلّي يحكيا
لهيك بتشوف الشارع، أرضيتو مشقوقة 
ولدان من بطنو بدايات ع حبل المشنقة
بتموت الذكرى قبل ما تطلع من بطنا
 نحن بشارع مالو حدود، والأرصفة ناقصتتا
والأرشفة ناطرتنا
نحكي حكي مالو لزوم
حكي بس بدوم 
حكي بدون لون
حكي ماله نفس بس بموت بلهفة
متل لمّا علّي صوتي ليوصلك بالزحمة
ويوصلك ناقص وتكمليه
تجمليه، الحكي مالو تياب
بس ملبسينو الترقيع 
خلينا نشوف الحكي اليوم وما نتذكر كيف
الوقتّ مرّ 
من الشارع ولمحناه من بعيد
لمحناه ف وقف يتأملنا قرئي التعب بخطواتو
كيف بيكره يركضنا و يلتقطنا 
مختلطين بلحظاتنا و أنفاسو، تعب مننا 
بس بيستمر فينا لذتو المشبعة بالذنب نحنا 
لا تخافي من العيون لي علينا 
هي عيوني بمنى تشوفنا من حذاء غيرنا
عأمل احسد نفسي و غار مني 
عم فكر بصوت عالي، شردت
ويننا
عم اشرد 
بس شفتي الهلال؟ شفتي ابتسامة السما؟
عم يحكو الدنيا صيام
حرمان ورا حرمان 
حتى نقدر اللي عنا
شفتي السخرية؟
كيف بنفسي بررتلك الغياب
الإمساك بإيد الغسق
تشبثا بالليل ترنحات السير
خوفا من الفجر
لازمنا نختار وجهة 
لازمنا مأوى لنتعارك مع الشوق
قبل ما الدنيا تصحى

03 - بلمح الغسق بالاشتراك مع يوزرسيف   | (prod. ELM Beats)

حرفيا اقوى حدا.


الكلمات : 


مافي نص كاسة فاضي 

بحاجة التنفس اكتر من الشرب

كيف بتشوف الحزن؟ كيف؟

ليش بتخافه؟ 

مين حكي انو سيئ؟ 

مشكلتي بالتعريف


ضحكولك اول مرة

ياريت بعيشو عالكوميديا

 انسحب 

اهلين فيك معنا

نحنا لي بحياتنا ما قدرنا نفهمن

ف عطول منتفرج من برا


كفين و جبين عبلور الواجهة

منتفرج و منتخيل حالنا

جزء من احجية غير مفهومة

بروتوكول نفاق و توجيب 

كأنو بلغة غير لغتنا


ياما تمسخروا "تمام غنيلنا راب"

يا ولاد القحبة مهما كانو قلال

بس موجودين يلي مآمنين فيي و بموسيقتي

لسا فيني عم قدم بفضلن 

(روح و هي بلا قافية)


بالمسودات لي بدفتري مكتئبة

بالخربشات والشطب والاغاني الغير مكتملة

دروس بتعلمك 

وين ما اتجهنا و بعّدنا 

و سرحنا (وين ما كان)

مرجوعنا لدكان الكلمة


انا حرفيا اقوى حدا

٨ سنين تعب ع ٣٠٠ مشاهدة

حرفيا اقوى حدا

٣ فروع جامعة مثقلة برسوب

مثخنة بالفشل

حفظت الهزيمة بصم

حرفيا اقوى حدا


كلكن عم تسعو للنجاح لأسباب نبيلة

انا عم اسعالو ل ارجع على سوريا

دق عباب الدغرة لي استخفت بمشاعري

و قلا كان معك حق فعلا 

الدنيا بس مال و مظهر


حرفيا اقوى حدا

ما ضل خسارة ما جربتا

فحرفيا اقوى حدا

من حثالة الشوارع

لا مال ولا شهادة

بس حرفيا اقوى حدا


تحياتي لمؤيد

و كل سيكارة تقاسمناها سوا على ضو الشمعة

و كيف تعلمنا من هالشمعة

كل ما خسرت

كل ما صرت ثابت اكتر 


ف حرفيا اقوى حدا

حرفيا أقوى حدا | (prod. Atlas Creatives)

اسمع تراك "شبح برج دانكيرك" على منصتي اليوتيوب والساوندكلاود.

آرتوورك: يوزرسيف

الكلمات:

بخيت ع جدار الصوت كس ام الأسد
مع كمشة افكار بديهية متل أنو منتنفس الهوا 
و إني ما بشبه أي حدا و إن صارت ف بعد ما دبحتو و سلخت وجهو لبستو قناع 
للأسف لهلق ما فينو يشيل بلوكة عال ١٢
انا كان فيني شيل كيس شمينتو عال ١٢ 
اغرف من تلّة البحص ١٢ جبلة بالنهار
لولا الضغط ٣ طن لكان طحين هالبلاط
هاد مو درس او عبرة بالتماسك 
هال درس عن النحت كيف ظروفك بتصنعك
فيك تسمّيه حت فولاذي حتى تنظر بفوقية للولد المدلل بمدرستك تقلو نحنا لي ضربنا للشمس
فلمّا قلّك أقوى منّك 
بتبلعا لو تعيش ربع حياتي لتقضّيها استسلام
خود هي مقارنة
لو في تفاحة
انت آدم المدلّل
و أنا اسحاق (نيوتن)


مسافات ب بّعد ما رمينا
عثرات و سيَر ما روينا
روينا .... روينا 
بالعتمة دوّر علينا
مسافات ب بّعد ما رمينا
عثرات و سيَر ما روينا
روينا .... روينا 
....عطريق فيه مالنا غيرنا 


 على حفة باب دارنا كنت اتراقص مع الهاوية
شدا بكل قوتي لعندي رغبانة و بتضل تنبذني
رغم اني كنت كلشي بتتمناه 
كنت الخاين والكذاب وصفة كاملة ف حبّت تلاعبني
عالي واطي انزل ارتمي بحضنا يغار الموت مننا
من شدة أفلاطونية العلاقة لي بينو و بيني كلما 
تشدني الهاوية كان يسأل ايمتا دورنا نحنا
مسكين 
كيف تبادلنا دورنا
كيف؟ كنت ملاحقك لما اشتد عليي ضعفي
كيف كن و خاف لما فيي كنت ترحّب 
بعرفك يا أصدق وجهة ياما شفتك بعيون أعدائي
لي جمعتن هدية الك لوقت رح نلتقي

من هون لوقتا بحارة ال٣ أبراج
عم استناك تعا وحدك او مع حدا
و بالحالتين 
تعا خدني 
ما بتضيع 
اسأل الكل بدلّوك 
ع شبح برج دانكيرك 




تحياتي لهمام و رضا
جود و أبو أنس
و كل السنين لي ما فيها تنسانا
تحيّاتي لأحلامنا
و الأماكن لي فقدتنا
و كيف كنّا أسياد العالم

01 - شبح برج دانكيرك | (prod. Comma Dee)

اسمع تراك "قَسَم" على منصتي اليوتيوب والساوندكلاود 


قد ما ضوعت فرص
و ضوعت فرص.....
ضوعت فرص 

ضوعت فرص
أضعف من ان يكونو دافع
حتى يكونو السبب 
طب وعد خلص

مكانتك ما كانت مكانا بتاتا
فتاتك ضماد و حطام فؤادك
صبيان و ما منعرف الدنيا
بس الدنيا بتعرفنا ليك لما دارت
أعدائك أخواتك 
صبيان حتى نحس انو كبرنا منتقاتل 

منقلد منقلد منقلد
لخسرنا حالنا و حيلنا 
منقلد منقلد منقلد
لاضمحلينا بغيرنا
منقلب منقلب منقلب 
صرنا منشبهن و صارت ملامحنا وحدة
مع ذلك ما بارحنا وحدة الليل لنشفت عينّا

لا تسأل عن الترابط و أنا ألف شقفة
لا تسأل عن الترابط و أنا ألف
هيي ألف سؤال و أنا ألف بعرف
خلصت العطلة
صحصح

هاد قَسَم 
اليوم السبت
أنا فادي 
و اليوم السبت

للفراغ لي ح اتركو بعد ما موت
للشرخ اللي سببتو و كل الحروب
لوقتي القضيتو عم دور ع وقتك لي ضيعتو 
و لكل كذباتي الملطخة أعذار 
و نكث وعود 

و لإلي و لخوفي خصوصا للجبان الفيني
و لخوفي عليكي من الجبان الفيني 
و لذعري و مرضي ب فوبيا الحقيقة
و هروبي منها و كل مرة بهرب ملاذي الأوحد 
محادثاتنا و إيماني فيكي

المعدة اصغر من العيون
و إيدنا أقصر من انها توصل 
والعاشق يعمى عن العيوب
و إيدينا أقوى من انو نفلت ف منقصها 


هاد قَسَم 
اليوم السبت
أنا فادي 
و اليوم السبت

02 - قَسَم

تراك "العملاق" مع الشلش متاح على جميع المنصات.

Shalash: @shalash_or_chalch

Tamman: @uncle_tamman

Artwork: @muaaz.shalash

الكلمات: 

غير قصد غير قصد غير قصد غير قصد 
بقصد اطرق فعلا بخلع 
غير قصد غير قصد 
بقصد المس بقتل بقتل
عملاق عملاق عملاق عملاق

أي شي بلمسو بكسرو 
لو عشت لتفكرني بقصدك غلطتك
لأنك لو شفت الأمور من منظوري من الأعلى
لعرفت لو بقصدك بقتلك 

من منظوري بعمري ما شفت أي وجه 
فقط روس ف صعب ميّزكم من بعض 
من منظوري كل كوارثكن بس لعب
 وحيد من نوعي كوارث كون للعب

أي شي بلمسو بكسرو فلجئت السما 
لابن أخي اطلس
ما تعلم من أغلاط أبناء جنسك.
أصلا عملاق بهالكوكب فصعب اتخبا 

عالمكم هش طفيليات وين ما اتجهتو بتفسدو
عالمكم هش أنا العملاق أي شي بلمسو بكسرو


أي شي بلمسو بكسرو بحوّلو لهوا 
اعظم اقوى حدا حتى لو ماعندي خمس الحواس
أي شي بلمسو بكسرو 
بينما انتا أي شي ما بتفهمو بتعبدو 
فهادا منفذ لحتى لفهمك 
عني أكتر 
شفت كيف بلعتا لما قلت أقوى منك؟
عادي لو بقولا ألف مرة رح تبلعا 
هربو مني درب سالك رح تلاقو الموت سابقكم
خدو رسالة مني الو عندي امانة رح وصّلا 
كيس مليئ بخصوص العدا 
خدو نصيحة متى ما رحتو رح يوصلو حتى لو ما سلّمتو بيومي حتى لو ما سلّمتو بيومي
فلا حتشوفو كيس العيون بجيوبي
ولا بتشوفو ولا بتكونو كيف بتشوف عيوني

أنا والموت و سبع وحوش و كل وسائل القتل المتاحة ناحك
الموت و سبع وحوش والوقت 
الموت و سبع وحوش

أنا والموت والهاوية والوقت و سبع وحوش عم يستنوني
أي شي بلمسو بكسرو لهالشي بخاف من قوتي 


أي شي بلمسو بكسرو صعب اسمعك في بينّنا سحب

05 - العملاق مع الشلش

P R O F E S S I O N A L T O O L S
RAWASSEB 


بضربة وحدة لو كان في تانية
عروف انها رحمة 
لو كان فداك و لو كان طباق 
و لو كان قتال
السبع وحدو الكتار ضباع
بشوط الأحرف ضربات جزاء 
بكامل تحكم بالمفردات
 انت لو بتسرق من القرآن
بتصير العاديات عاديّات
سهلة رياضيات 
بس لعنة خرية تكون عبقري 
بتسمعني لما بتكون تعبان لما تكون عالطريق
إلى حبل إعدامك موسيقتي كنها أب جواد و أب علي 
رغم سوئي و خبثي كتير بتحبي كأني إدعشري
كتير عروش و روس بحالا
كتير دموع و جروح بتناسا 
على سين تعبان مليان أحقاد
قدملي التاج بتنازل 
الحيدر دايما وحدو و بتاني كفة الضباع تتكاتر
شفت كيف بتكرر فكرة من دون ما تكرر حالك؟
اح ببراعة ميسّي 
مصحوب برشاقة نادال 
و اذا ما سبّيتني 
محشوم غصبا عن راسك
إذا كان التشبيه
بشرية رواسب آدم
و اذا كان التكنيك فرعون
فرواسب هامان
لو ب see one 
بين الزلم 
متل الزيوان
رح ينفرغ
لو بت see one 
بين الزلم
أنا ال
C-137
إذا أنا بشبه رابر انت بتشبه عشرة
يستحسن تتركها اذا بس حتعيد كلام مستعمل
يستحسن ترحم وقت الشبيبة بس حتى تسمعنا 
تستعمل وقت الهزيمة "مسخرة" تدهنها مرهم 
ايه ايه
أقل رابر معروف أضعف رابر معقول 
أقل رابر موجود جايي من المستقبل
بقطع راسك معمول 
بس ل أعمل معروف
للشبيبة لي بآمنو بالكلمة و بالفكرة
رواسب كيف بصير متلك؟
كيف بحرر أفق؟ اه كيف بكتب اقوى؟
احكيلك سري؟
كلشي عملتو اني إلى عالم عجائب اللغة لحقت الأرنب 
والله

03 - بلمح الغسق بالاشتراك مع يوزرسيف | (prod. ELM Beats)

Tamman | تمان

Recent comments

Shaza Mahmoud

Shaza Mahmoud

Shaza Mahmoud

Shaza Mahmoud

Related tracks