تقاسيم من اسطوانات أوديون  by Tarek Abdallah

ذكريات عمار الشريعي في رمضان | الحلقة الأولى

محمد البحر درويش - سالمة ياسلامة

الشيخ زكريا احمد--حتجن ياريت يا خونا ما روحت لندن ولا باريس

بسافر بسافر
بهاجر بهاجر
إمتى حاتلقى المحطة وترسى يا حاير؟
مر السؤال على مالوش عالسكة اخر
من مصغرى لمكبرى مسافر
بأغوى مشاوير الهوى والدنيا
والقطر واخدك فين؟؟
القطر واخدنى بلا محطة
واه يا ابا اه يا ابا يابا عليا
لا دار ولا مرسى ولا صبية
وادينى ماشى فى رحلة الشقا والرزق والترحال
كأنى سؤال
يا هل ترى يا مطرحى الجديد يد القدر بتخبى إيه من بعيد؟؟
كما طفل وأنت العيد بأحن إليك 
قولى وطمنى
حلاقى رزقى ولقمتى الهنية ولا
نهايتى فيك

[الرحاية]

قاعدة على الرحاية مكفية
صوت الحبوب
مغنى سواقى أناة خريفية
مين أنتى يا شابه .. يا محنيه ؟
أنا بعت عقدى .. وعقدى طوله بلاد
كسيت بجلدى الولاد ..
ايدى على الرحاية
وقلبى حب .. آنا بطحنه بأيدى
لكنه ريم البحر في بياضه ..
وجلابيتى سواد ..
ودورى يا رحاية
وتحت توب الاحزان
دورى مع الدايرين
ولمي في الغربه .. وفي الخلان
وفى الشعور البكر والمطويه
والشومه .. والكرباج .. والعكاز
دورى يا رحايه ..

( نص الكلام ده بتاعى )

والنص مش ليه ..
( أنا جبته بدراعى )
المغربيه عيون
المشربيه مغرب
فى قلبى وزنة كلام
يا ايدين يا وزانه
ينشد فوقها الحزام
وتلعبوا الزانه
والناس عيونهم كلام
وكله كلام .


كلمات عبد الرحيم منصور - اشعار من فيلم الزمار - إلقاء نورالشريف

والأولة مصر يا بيرم وحالها حال .. ومهزومة
والثانية حسرة يا حسرة يا جيشنا ع الابطال .. و مكتومة

نجيب سرور - بيرم التونسيNageb - Sror - Beram - Eltonsy.MP3

نزار قباني - قتلناك يا آخر الأنبياء - فى رثاء جمال عبد الناصر


رواية العشرة الطيبة 1920

تقديم فرقة نجيب الريحانى ثم فرقة سيد درويش وعمر وصفي

تأليف : محمد تيمور

تأليف الأغاني : بديع خيرى

الحان فنان الشعب الموسيقار : سيد درويش

التوزيع الموسيقى الأستاذ : عبد الحليم على

اللحن الخامس (و الله طيّب يا زمان الخّلطَبيط)

الجميع: والله طيب يازمان الخلطبيط الأصيل يبقو آخر الزمن طيط

واللي كانت هردبيسة وبزرميط طالعة ف العالي واحنا ف الغويط

حزنبل: ده بختك يابوبخيت الراعية بقالها صيت

ست الدار: اللي سعده روزبيت ماتهموش العفاريت

الجميع: اللي سعده روزبيت ماتهموش العفاريت

حسن: كله كوم إلا المشنه ديه كوم مسأله عاوزة نظر فوق اللزوم

اسمعوا ياهوه

الجميع: آدي احنا سامعانين

حسن: المشنه دي صاحبها الأصلي مين؟

الجميع: المشنه دي

حسن: صاحبها مين باقول

الجميع: دي بتاعة البت نزهة

حسن: مين في دول

الجميع: أي عشتها حداك

حسن: العشة دي؟؟؟

الجميع: أيوه هي .. إيش عجب يادلعدي

حسن: كلكم دلوقتي سكتر

الجميع: كلنا؟

حسن: أيوه كلكم ماتستنوش هنا

الجميع: كلنا ده إيه

حسن: غجر ماتسمعوش كلمتي..

الجميع: نسمعها

حسن: يالا ماتختشوش

الجميع: أما حتة فصل قال بيقول لنا

كلنا كلنا كلنا

حسن: أيوه يالا كلكم

الجميع: كلنا

حسن: كلكم

الجميع: يالا بينا كلنا

(يخرج للجميع ماعدا حسن ابن عرنوس)


و الله طيّب يا زمان الخّلطَبيت - سيد درويش

اغنية الحمار - او اوعى ما توعاشى
كلمات فؤاد حداد
الحان و اداء ابراهيم رجب

Bashraf Suzdlar,فرقة أوديون -بشرف سوزدلار

Tarek ABDALLAH

Recent comments

Rhythmic entity

Radio Chett

Related tracks