Abd El_Rahman Moustafa

نفسي تكلمني عن الماضي من غير ما تعيط في النص 
من غير ما تجيب سيرة حاجه 
بتبكي عينك علي حد عرفته وحبيته 
كان بيتك وانت كمان بيته 
اداك من روحه او اديته 
وفي نص السكه ونص الضحك ونص اليوم 
اتسابت لوحدك في الشارع 
فرجعت لوحدك علي البيت 
وقعدت لوحدك في الاوضه
والغنوة اشتغلت بالصدفه
فبكيت من غير اسباب واضحه ....
مش عايز اعرف اسبابك ولا عايز اعرف مين سابك 
ان كنت بقيت للدرجادي عندك من اي فراق فوبيا 
وبدأت تخاف من الماضي بجد 
متحبش حد... 
اللي فاتك واللي ماتلك 
ذكرياتك ماضي قاتلك 
واللي راح لفلان ما راحله 
واللي جاي جي بمراحله 
واللي سابك واللي سيبته 
واللي وداك واللي جيبته 
واللي من عشمك عاتبته بس مفهمش العتاب 
واللي خيبتك زي خيبته 
والجواب اللي كتبته وهي مقرأتش الجواب 
سيب لو انت كنت خايف موت عشان تعرف تعيش 
تفرق ايه لو قولت مالك لو جاوبتني بمفيش 
هي ماشيه وبكرة ماشي  دايرة وهتدور علي الجميع 
كان عندك حق النص الابيض في اغمق 
كداب لو قولت اننا صافي من ناحية حد انا خسرته 
مع اني بجيب بالخير سيرته 
كداب لو قولت  ان انا بفرح والضحك بجد مهوش تمثيل 
كداب لو قولت بحب الليل 
انا لسه وحيد وبموت من الخوف 
متجرجرنيش في كلام متشال قوم سيبني في حالي اعمل معروف 
انا أه متشاله في قلب خلاص هيبطل دق 
انا اهه نفسها تتحول لا 
Pic:AYAT ELSAYED

KALAM-MITSHAL "ABDELRHMAN"

إليها، لطالما عشتُ وحيدًا منعزلًا  في غرفتي.. أهربُ من أعينِ الجميعِ كلصٍّ هاربٍ من العدالةِ..  و مشُردٍ أيضًا بين شواطئِ الحزنِ و مخيماتِ البؤسِ..هنا يعصفني الحنينُ وهنا يلوي الوجعُ قلبي..أميلُ ناحيةَ اليسارِ فيداعبني الموتُ وأميلُ ناحيةَ اليمينِ لأشاهدَ لحظاتِ سقوطي في عمقِ العفنِ..كانَ الموتُ يحاوطني والكآبةُ تسيطرُ على كلِّ شيءٍ .فنجانُ قهوتي المُرُّ سيمفونيةٌ حزينةٌ تسودُ غرفتي الكئيبةَ وبقايا رسائلَ غراميةٍ لم تكتملْ..وسادتي التي احتلتْ واعتلتْ كلَّ شيءٍ في حياتي..هذا أنا وهذه حياتي الكئيبةُ المملةُ.. 
أما بعد.. تعرفينَ أنَّ البائسينَ أمثالي لا تغريهُم أبدًا الحياةُ..لا يُحِبونَ ضوءَ الشمسِ وأكثرُ ما يبغضونَهُ سكونُ الليلِ بعتمتهِ وكآبتهِ وذكرياتِهِ الموجعةِ.. عزيزتي سأكونُ صادقًا معكِ من اللحظةِ الأولى ..أحبُّكِ وليس أكثرَ وهذا أمرٌ لو تعلمينَ عظيمٌ..ربما العظمةُ هنا ليس في كوني أحبُّكِ فأنا منْ ضمنِ موسوعةٍ كبيرةٍ هائمةٍ بك..أعرفُ جيدًا أنَّ الرجالَ يحبونَ الفاتناتِ مثلَكِ وأعرفُ كلَّ هؤلاءِ الشعراءِ الذين كتبوا عنكِ..لا أهتمُ فكلُ الأشياءِ الجميلةِ تستحقُ أن يثنى عليها...ولكنْ أنْ  تحبَّكَ إحدى الجميلاتِ فهنا يكمنُ الفرقُ..لطالما حاولتُ الابتعادَ عنكِ بطريقةٍ أو بأخرى ولكنْ أقسمُ لكِ رغمَ توبتي واعتزالي لطريقِ العشقِ لم أتمنَ في حياتي سوى عشقِكِ..هنا كانتِ المشكلةُ الحقيقةُ..قلبي يريدُكِ بكل ما أوتى من مشاعر مرهفةٍ وعقلي يرفضُ وجودَك بكلِّ ما أوتى من منطقٍ..

في الصباحِ يتملكني القرارُ الأخيرُ و مع سكونِ الليلِ أبحثُ عنك في أرجاءِ عالمي الأسودِ.. لا جدوى الآنَ من الكذبِ..سأعترفُ لك بكلٍّ شيءٍ..أحبُكِ وأحبُّ كلَّ الهالاتِ السوداءِ التي تزينُ عينيكِ الحزينتين..أحبُكِ وأحبُ ضجيجَ أفكاركِ العقلاني منها والعشوائي..أحبُ لحظاتِ جنونِكِ وتأملاتِكِ نحوَ اللا شيءِ..أحبُكِ وأحبُ كلَ الأشياءِ التي تحبينَها حىي وإنْ لمْ تكن تعجبُني فيكفيني عشقُكِ لها

..أحبُ عشوائيتَكِ في الكلماتِ فلا يهمُني أبدًا أنْ تكتبي لي قصيدةً في كلِ صباحٍ تكفيني ابتسامتُك..ويعجبني دومًا اختياراتُكِ للأشياءِ المختلفةِ؛ ألوانِكِ المفضلةِ ملابسِكِ الغريبةِ حتى أدقِ أدقِ اختياراتِكِ البسيطةِ تبهرُني..كان بوسعي أنْ أعبَّرَ لك عن كلِ ما يحملُهُ لكِ قلبي من عشقٍ..لكن صدقيني حتى أحرفُ اللغةِ العربيةِ عجزتْ عن وصفِ مشاعري نحوَكِ..سأحاولُ أن أكتبَ لكِ شيئًا يليقُ بلوعي وجنوني بكِ ..لكن في هذه  الليلةِ اعذريني فأنا منهكٌ جدًا  الآن..أحبُكِ وكفى..
"شكر خاص لصديقي أحمد طاهر لاشين" 



Elyha_Abdelrhman_Mostafa_ إليها

فاكرة أما كنا بنتمشي في وسط البلد رغم كونك مبتحبيش المشي .
بس كنتي بتحبي تشاركيني الحاجات اللي بحبها .
كنت أخدك نتمشي ونفطر من جاد وكان دايما طبق البيض الاومليت هو المفضل ليكي من هناك .
كنتي تعانديني وترفضي اني اطلب طبق فول بالثوم .
وتقوليلي ريحة نفسك هتبقي وحشة بطل تحب حاجات غريبة زيك .
وتنبسطي اوي لما اقولك نحبس بأيس كريم من عند العبد .
وكنتي زي الطفسه بتطلبي اتنين بولة تشوكليت .
وانا علشان مبحبش الشيكولاته كنت بطلب بولا واحدة ڤانيليا .
وناخد الايس كريم ونتمشي في شارع قصر النيل .
ونكمل مشي لشارع شريف ومن شريف لهدي شعراوي لشامبليون ونركن هناك حبة في قهوتنا المفضلة.
نشرب شاي بالنعناع من هناك ونطلب من لولو القهوجي يجيب سكر برة علشان كنتي بتحبي السكر الزيادة.
بعدها تقوليلي نتغدي كنتي غريبه تشربي شايك الاول بعدها تأكلي .
.
كنا بنطلب احلي اكل بيتي من عند دهب وتقوليلها متكتريش ملح علي الاكل علشان انا مبحبش الملح 
تفاصيلي الصغيرة اللي كنتي عارفاها عني كانت بتفرحني وترضي عقلي.
رغم كوني كنت غريب زي ما دايما كنتي بتقوليلي بس دة كان مميزني .
,الليل كان يليل علينا فتحبي اوي نجيب لب سوري وحلبسة .
وتحت كوبري قصر النيل نقعد قصاد المايه وتطلعي تليفونك وتصوري المراكب اللي بتعدي .
وتشغلي البلاي ليست بتاعتنا اللي كانت بدايتها الشيخ امام لما يقول يا حبايبنا  ونهايتها رامي عصام لما يقول لسه بحنلها وانا فعلا لسه بحنلك . 
وطول ما المزيكا شغاله كنا نأكل اللب ونغني بصوت عالي وميفرقش معانا الناس.
بعدها اروحك ونقعد نرغي طول الليل ونحكي اليوم تاني من أوله من غير ملل ولا فتور كإننا بنعيشه من جديد ونفضل نتكلم لحد ما تنامي واطمن انك نمتي .
المميز في كل الميموريز دي أن انا وانتي كنا عايشينها سوي 
والمُحزن هو اني بعيش دة دلوقتي لوحدي بعد ما الموت قرر ياخدك مني .
كل ذكري عيشناها لسة بعيشها ومش قادر استوعب انك خلاص مبقتيش هنا .
انا بس جايلك انهارده وواقف علي قبرك بترجاكي تزوريني في منامي وتهوني عليا صدمة فراقك ..
الليل من غيرك برد وقسي وحيطان الاوضة بتطبق علي صدري.
 مانتي عارفة فوبيتي من الاماكن المقفوله مانتي اللي كنتي بتهوني عليا ده  كنتي ليا الونس .
بترجاكي متغبيش عليا زي مانا مبغيبش عليكي هديتك هتبقي زيارتك ليا وانا دايما بجيبلك الورد اللي بتحبيه وبسيبهولك هنا .
من الواضح ان الوقت اتاخر فمضطر امشي دلوقتي . بس هجيلك بكرة زي ما بجيلك كل يوم هتوحشيني .
(سلام الي روح غادرت الي الفردوس وتركتني ميتا بين الاحياء )


Abd El_Rahman Moustafa

Tarek Rashed