 انا الساكت لو اتكلم .. انا الحلم اللي اتلمم...فكسر ضلعك الموجود .. انا ياحبيبتي لو حبقي ... حكونلك طفلك المولود 

دي البيج بتاعتي للي حابب يتابعني https://www.facebook.com/pages/%D9%85%D8%AC%D8%B1%D8%AF-%D9%83%D9%84%D8%A7%D9%85/738535509490523

وده الاكونت بتاعي للي حابب يتابعني عليه 
https://www.facebook.com/teto.moubarek

اشتياق لـ طارق مبارك

والسنين تمر فيا 
وافضل فـ عينيها عيل 
والدنيا تزداد قاسية 
وتفضل هي للحنية تميل 

اسف لو كان فيه عيب ف الصوت او فيه زنة 

قصيدة اللي شوفته فـ امي .... لـ طارق مبارك

وزياده فـ كدر الصوره 
وفلاش بيأيد وبيعمي 
وملامح ناس مش باينه 
واكن فيه حاجز بيخبي 
والفاصل دايما بيكون ثانيه
لكن بيعدي اكنه ساعات 

للي حابب يتابعني علي الاكونت بتاعي 
https://www.facebook.com/teto.moubarek
وللي حابب يتابعني علي البيج بتاعتي 
https://www.facebook.com/pages/%D9%85%D8%AC%D8%B1%D8%AF-%D9%83%D9%84%D8%A7%D9%85/738535509490523?ref=br_rs

قصيدة كدر الصوره ... لـ طارق مبارك

كف الوجع طبطب الم ... نزل دموع 
جف الحِبر من القلم .. فمات الكتاب 

قصيدة #المطر لـِ طارق مبارك

انا بُكرة لو حتعيشي 
انا قلب بيساوي 
الجرح لو ماتجيشي

قصيدة حكايتنا لـ طارق مبارك

#‏أول_وأخر_رقصة‬ 
.........................
(1)
زهر البنفسج كان بيشبهلِك 
وجواكي بُستان ضامم كُل الورود اِلاي 
ريحة السما كانت بتوجدلِك 
من الحياة كُل البَشر اِلاي 
وجناح كُل الطيور بيسعلِك 
وانا اللي ناقص من الحياة الجاي 
وكُل الشوارع والأرصفة 
بتبكي خطاويكي 
وانتي اللي كُنتي للرحمة صِفة 
وانا كُنت الذَنب اللي اتوجد فيكي 
ماعرفش ازاي !!
(2)
أول ما بَدخُل بيتنا القديم 
بَشم ريحة ستي فيه 
وألقي الحيطان شايلة من الدعوات 
يُرزُقك يا ابن أبني 
بِسِت البنات 
فأبكي علي الحيطان حكايات 
والدموع تِتسَرسِب جواها 
وتغزل الحيطان لأهات 
فاتكون السما حاضناها 
سِيتي اللي ماتت 
وسابت أخر دعوة ليكي 
رغم انها ماتعرفكيش 
قالتلي أحافظ عليكي 
وأصونِك عشان أعرف أعيش 
وتِموت هي مِرتاحة 
مأمناني عليكي 
وأعيش انا بصراحة 
بشوفها جوا عنيكي 
(3)
قَلبي اللي تَيتم بماية حُبك 
اتطهر عن كُل الذنوب 
وجعل من درب قُربك 
مكان يلتقي فيه بالله 
شيلاه ...
يا حُضن باكي من الحياة المكتوب 
كُل القلوب 
اتصنفت وقت البُكا انها حتموت 
وانتي اللي قَلبِك وقت الُبكا 
اتصنف انه علي الحياة مغلوب 
(4)
رقصنا علي مسرح عشقنا 
أول وأخر رقصة 
وسمناها " رقصة الموت " 
وكان نَبضك رافض يعزفلنا 
اكمننا " بنبكي سكوت " 
وبنبني بيوت 
تساع للدنيا وماتساعناش 
الخشب اترج من كَم الذكريات 
فا هو اللي عاش 
الخطوة الاولي انتي اللي علمتهالي 
واكن ساعتها كنت بجناح
تاني خطوة 
تمت بنجاح 
فالقينا براح 
يساع لجروح 
تالت خطوة 
عنوانها " نزف الروح " 
فأختاري مين حَيبكي التاني 
فأبكيني عشان أقدر ابوح 
او أبكيكي وابقي اناني 
واطمع في الخطوة الرابعة 
تِفتكري لو ساعنا المسرح 
زيادة كمان 
كان قلبي حيسرح 
ويبعتر بحنان 
طب لو عارفة اني بشتاق 
ليه أختارتي اننا نتقابل 
علي نفس المسرح 
اللي فَرقنا زمان !! 
‫#‏طارق_مبارك‬

أول وأخر رقصة لي طارق مبارك

Facebook account : https://www.facebook.com/teto.moubarek "follow"
...........................
الرسالة الألف : 
لسه بوصفِك نفس الوصف 
بأنِك ملاك 
واني هناك 
عايش علي الأرض مابطولكيش 
شباك الذكريات المتوارب مابينا 
دموعي تَربِته فأصبح مابيحيش 
رسالة الي البنت أقصد الي الجنة
أما بعد  
ضَيٌك أمتد جوايا وعشمني 
أعيش الدُنيا وأكني 
عاشق خالي من الذنوب 
رَغم أني 
ماكنتش يوسف ولا آيوب 
وكنت كما الدرويش 
عاشق الليل في عيونِك 
وعاشق نَفسي لما بَكونِك 
وعاشق كمان كونِك 
دُنيتي وناسي 
وماكنتش انا ناسي 
بأن حور الجَنة من روحِك 
وأن ذنوب الأرض من روحي 
وأن المطرة دي بوحِك 
وأن جفافها من بوحي 
وأن الأرض مابتساعناش احنا الأتنين 
وان الليل مابيجمعش عاشقين 
عشان العشق مِتحرٌم علي المسافات 
فا مش ذنبي تكوني هناك 
وأكون هنا 
ضعيف سكران وكاسه آهات 
مَيتٌ مِحتاج لُحضن حياة 
 يارب بَكتبلَك وبَكتبلها 
العشق في الوجدان والصَبر 
واني في الوحده الاقي البر 
بيها وهي فوق وياك 
وانا عاشق 
ومش عاوز أعيش علي الأرض 
انا عاوز أعيش في سماك 

قصيدة الرسالة للشاعر طارق مبارك .. Tarek moubarek

مفيش حد هيشبهلِك 
ولا هاتيجي في الدُنيا 
بنات تانية 
والسما تحب ملامحها 
ومن بَعدِك 
مش هاجيب الوردة واصارحها 
بأن الدُنيا دي جميلة 
ولو كان البُكا ممنوع 
خليها المرادي بجمِيلة 
وابكي بصوت مسموع 
حبيبتي الطيبة الحيلة 
أما بعد / .....
لو فاكرة الحياة بعدك بتتعاش 
فانا ميت عاش او عايش بيموت 
ودي فايدة أنفاس الموت 
بيوجدلنا من الدنيا سكوت 
يساع للمتعلاقين بيها 
وهم في الأصل اموات 
وليه بتقبل السماوات 
حنينا الزايف 
وهي عارفه انه مابيوصلش 
وبتجعل قلبنا شايف 
الحياة اكتر كذبه صدقناها 
في كونها هترحم ضعفنا 
وكنا لما عشناها 
فكرناها هتقربنا لبعضنا 
ومفيش فُراق مابيجعلش 
الروح طير مكسورله الف جناح 
فا استنجد بيكي 
عشان شافك تملي براح 
رغم براحك مابيسعهوش 
ورغم انه ماعهوش 
من النفس اللي مايكفيه 
عشان يوصلِك 
ويجعلِك 
من جناحه البيت 
لساكي برده بتضعفيه 
قصاد كلمه انا حنيت 
ويرجع تاني يستكفي يعيش مرة 
ويموت في اليوم 100 مرة 
عشان يوفرلِك الأنفاس 
ويحيلِك من الفراق الشوق 
وانا لو عليا بدوق 
حُبك كا زاد وزواد 
وبسكر بيكي وبفوق 
وأفوق بيكي فأقوم أسكر 
لكن طبع الحنين بيموت 
ويكره لأي بعاد 
ويزهد لاي حدود 
بين لُقا الارواح 
وانا مانيش يوسف 
ولا طبعي طبع الانبيا 
ولا وَلي من الأوليا 
ده انا بشر غلاط فلتان 
مايملكش في جيبه غير الأدعيا 
وحبة ذكريات وحنان 
فازاي تحاسبيني علي اللي مات فيا 
وسبب موته كان بينتظرك 
مسار الموت نَظرِك 
وسابني اعيش 
وحيد بَعِد اللي فاضل مني 
فالاقيه يساوي مفيش 
ولو قالولِك بقا مرتاح 
وعاش بعديكي 
واتعرف علي بنات ياما 
وخان ليكي 
ماتصدقيش 
وماتخبيش النظرة اياها في عنيكي 
بانِك برده لسه بتغيري 
ما انتي في يوم كنتيلي 
وحبك كان هو طيري 
ولو كان المكان يسمح 
هستناكي حبيبيتي هناك 
وأعِد الوقت بالانفاس 
ولو قالوا كفاية الناس 
هسيب السما ترُد مكاني 
بأنِك كنتي ملاك 
فاطبيعي تكوني واحشاني 
وهبكيكي وهبكيني وهبكي الوقت 
وهبكي الحياة بالذات 
عشان الحياة فُرصة 
وانتي كنتي فرصتي فيها 
وماليش دُنيا بعديها 
ومفيش حد هيشبهلِك 
ولا هاتيجي بنت تسكن قلبي 
وتحي الحب من تاني 
حبيبتي الميتة فيهم 
والعايشة فيهم 
شُكرا لأنِك لِسه واحشاني 

لينك الأكونت : https://www.facebook.com/teto.moubarek

Tarek moubarek10

Popular tracks