tarek

اغنية المقدمة لمسلسل العائلة انتاج 1994 غناء انغام الحان عمار الشريعي

تتر مقدمه مسلسل العائله انغام و عمار الشريعي

Lyrics : Naguib Souror
Composer : El Sheikh Emam Essa

البحر بيضحك ليه
وانا نازله ادلع املا القلل
  البحر غضبان ما بيضحكش
أصل الحكاية ما تضحكش
البحر جرحه ما بيدبلش
وجرحنا ولا عمره دبل
  مساكين بنضحك من البلوة
زي الديوك و الروح حلوة
سارقاها من السكين حموة
و لسة جوا القلب أمل
قللنا فخارها إناوي
بتقول حكاوي و غناوي
يا قلة الذل أنا ناوي
ما شرب و لو في المية عسل
والبحر بيضحك ليه … ليه
وانا نازلة ادلع املا القلل
  ياما ملينا وملينا
لغيرنا وعطشنا ساقينا
صابرين وبحر ما يروينا
شايلين بدال العلة علل
  والبحر بيضحك ليه … ليه
وانا نازلة ادلع املا القلل
في بالي ياما وعلى بالي
واللي بيعشق ما يبالي
ما يهمنيش من عزالي
يا حلوة لو مرسالي وصل
والبحر بيضحك ليه ليه
وانا نازلة ادلع املا القلل
بيني وبينك سور ورا سور
وانا لا مارد ولا عصفور
في إيدي عود قوال وجسور
وصبحت انا في العشق مثل
والبحر بيضحك ليه
وانا نازله ادلع املا القلل

البحر بيضحك ليه - الشيخ امام عيسى

Za3lan Shewaya زعلان شوية

crazy frog - whoomp (there it is)

فرتكا فرتكا

زهر الجناين طرح والعطر مش واحد
مع ان اصل الشجر طالع في غيط واحد
والحب لما انبدر مسقي بماء واحد
عجبي على فرعين كان اصلهم واحد
واحد غرز في الطين واللي سرح واحد
والورد لما انقطف، الورد لما انقطف
يارب ياواحد
ريحت بيه ألوفات واللي تعب واحد
وهبت عمري للأمل ولا جاشي
...وغمرت غيطي بالعرق ما عطاشي
ورعيت لمحبوبي هواه ما رعاشي
والليل عليّا طويل
وأنا العليل
موجود دوا بس الطبيب ما رضاشي
والصبر فين
الصبر فين يا سنين طوال وليالي
عيني على الجمل الأصيل العالي
لمّا ينخ بحمل من أحمالي
لازم في كل صباح
بانسى الجراح
وانقش بفاسي ع الغيطان موالي
يا ليل يا عين
يا ليل يا عين يا أرض يا معزوقه
يا كاشفه من شوقك خطوط مشقوقه
لما حضنتك والبذور مرشوقه
غنيت وفي المغنى فرضي
للسمره أرضي
هيَّ اللي باقيه ع الزمن معشوقه
والعشق زين

العشق زين بس الهموم سبّاقه
والشوف حديد بس الغيوم خنّاقه
والانتظار للوعد نار حرّاقه
امتى تطول العيدان
دا من زمان
مشتاق أنا والحلوه مش مشتاقه
والذل شين

الذل شين والأرض بنت عفيه
يوم الحصاد وعروسه متحنيه
وان شفتها بالقمح متغطيه
ح افرش عبايتي واقابل
أم السنابل
وح اضم أملي بعد شوق بعنيه
وبالإيدين

وبالإيدين المعروقين يا مناجل
أطوي غرامي للصباح العاجل
وانزل بشومتي ع الغراب الحاجل
ويا يبقى شغل وغنا
طول السنه
يا تبقى ثوره .. في البلاد ومراجل

والوعد دين
الوعد دين

موال العزيق (بلح بريم) - فرقة حبايبنا

يسبق كلامنا سلامنا يطوف ع السامعين معنا
عصفور محندق يزقزق كلام موزون و له معنى
عن الارض سمرا و قمرا
و ضفه و نهر و مراكب
و رفاق مسيرة عسيرة
و صورة حشد 
و مواكب
ف عيون صبية بهية
عليها الكلمة و المعنى

مصر يا امّة يا بهية
يام طرحة و جلابية
الزمن شاب و انتي شابة
هو رايح و انتي جاية
جايه فوق الصعب ماشية
فات عليكي ليل و مية
و احتمالك هو هو
و ابتسامتك هي هي
تضحكي للصبح يصبح
بعد ليلة و مغربية
تطلع الشمس تلاقيكي
معجبانية و صبية
يا بهية

الليل جزاير جزاير
يمد البحر يفنيها
و الفجر شعلة ح تعلا و عمر الموج ما يطويها
و الشط باين مداين
عليها الشمس طوافة
ايدك في ايدنا
ساعدنا
دي مهما الموجة تتعافى
بالعزم ساعة جماعة
و بالأنصاف نخطيها

مصر يا امّة يا سفينة
مهما كان البحر عاتي
فلاحينيك ملاحينيك
يزعقوا للريح يواتي
اللي ع الدفة صنايعي
و اللي ع المجداف زناتي
و اللي فوق الصاري كاتب
كل ماضي و كل آتي
عقدتين و التالته تابتة
تركبي الموجة العفية 
توصلي بر السلامة
معجبانية و صبية.. يا بهية

و يعود كلامنا في سلامنا يطوف ع الصحبة حلواني
عصفور محني يغني
على الأفراح ومن تاني
يرمي الغناوي تقاوي
تبوس الأرض
تتحنى
تفرح
و تطرح
و تسرح
و ترجع تاني تتغنى
اللي بنى مصر كان في الأصل حلواني

tarek

Tarek soliman