كلمات:محمود حسين
الحان:حسن المصري

يا عم...
سيبها علي الله..دايما مكشر ليــه
اضحك
و فك و روق..ارمي حمولك عليــه

عمال تحرم ليـــه..ومسود العيشة
يا عم فكك و روق..اديــها تطنيــشه

ابدأ..
يومك بضحكه..ايــه يعني مره تخيب
الدنيا..
عايزه المسايــسة..ارميها تاني تصيب

عمال تحرم ليـــه..و مسود العيشه
ياعم فكك و روق..اديـــها تطنيــشه

تحابيش باند - سيبها علي الله

الزحمه ماليه الشوارع..و الناس تايهه فيكي
و محدش ياعيني سامع..و الكل حاطط عليكي
ااه يا بلدي عاللي بيجري فيك..كفايه فيكي هرجله
دي الزحمه عامله مشكله..صعبان عليا
و انا..مش صعبان عليكي

الزحمه في بلدنا لسه زي ماهي
ازمه مرور..و كثافه سكانيه
شوارعنا ضلمه و مش نضيفه..بجد دي حاجه مش عاديه
مابقتش عارفه امشي فيها..لو حتي راكبه عربيه
ناس بتخبط في بعضيها..عايشه بتلهط في التكيه

طوابير طوابير..العيشه كلها طوابير
و اادي الفقير..لا شاف راحه ولا تغير
و المحسوبيه..هيه هيه
اقطع في نور..و كمان في ميه
بلدنا عامله زي مركب
كل يوم تغرق شويه

و زحمه يادنيا زحمه..زحمه و تاهو الحبايب
زحمه ولا عدش رحمه..مولد و صاحبه غايب
اجي من هنا..زحمه
اروح هنا..زحمه
هنا او هنا..زخمه
و زحمه يا دنيا زحمه

تحابيش باند - الزحمه

كلمات : صلاح الدين عباده
الحان : الفنان محمد فوزي (اقتباس)
توزيع : ادهم السعيد (فريق وسط البلد)
صولو كمان : بدر مصطفي

كان نفسنا من بعد الثوره تحلو بلدنا
و نعمرها و تصبح اجمل لينا و لولادنا

جيل عاش يحلم بالحريه و كان نفسه ينولها
كل ما ييجي يقرب منها بيدارو جمالها

عمل الثوره قوام خطفوها منه و خطفوه منها
و ادي جزاة اللي يسيب ثورته حد يكملها

كان نفسنا من بعد الثوره تحلو بلدنا
و نعمرها و تصبح اجمل لينا و لولادنا

كله بيحلم انه هياخد حته من التورته
ركبو الثوره و وصلو و شكرا علي ايدك ياسطي

و بقيت حاسس ان الثوره بقت سبب الورطه
و بقيت عايش زي اللي بيأدن في ملطه

تحابيش باند و بدر مصطفي (فريق مرايا اكس فاكتور) - كان نفسنا من بعد الثوره

Song Will Be Available Everywhere On The 1st  of January on https://distrokid.com/hyperfollow/tareksaafan/zay-awel-yoom-zaman-2


Lyrics : Sherif El Hussainy / كلمات : شريف الحسيني 
Composed by : Tarek Saafan / الحان : طارق سعفان 
Arrangement : Shafei / توزيع : شافعي 
Mix And Mastering : Shafei / ميكس و ماستر : شافعي 
Guitars : Shafei / جيتار : شافعي 
Bass Guitar : Khaled Salem / باص جيتار : خالد سالم 
Recorded : Nine Studio / تسجيل :ستوديو 9 
Photography : Anas El Wehady / تصوير : انس الوهادي 
Video By : Alaa Bent Atef / فيديو : الاء بنت عاطف 
Special Thanks :
Bahaa Eldeen Eltaher / بهاء الدين الطاهر 
Yusuf Ahmed / يوسف احمد 
Follow And Subscribe :  
Facebook : https://www.facebook.com/Tarekvansaafansinger
Youtube : https://www.youtube.com/channel/UC-g3zSCUErUulugtbMiMmnA
Instagram : https://www.instagram.com/tarek.saafan.singer/

Lyrics : 
لسه فاكر وقفتك وسط البنات
ضحكتك مزيكا من كوكتيل الات
اما عن وصفي لجمالك .. انتي اجمل واحده فيهم
عن عينيكي اللي بسببهم .. كنت خايف من عينيهم
كنت خايف يحسدوكي
كنت بسأل نفسي يومها
امتي يمشو و يسيبوكي .. و اجي و ابدأ بالكلام
سحر صوتك وانتي بتردي السلام 
سحر صوتك وانتي بتردي السلام
الهدوء اللي سايد في ملامحك
و السلام بالعين و الابتسام
و البراءه اللي بتظر في رد فعلك
لما بس بتيجي سيرتك في الكلام
لو توافقي تكوني ليا
اوعدك يا حبيبتي انك 
تبقي متشاله في عينيا .. و ابقي جنبك مهما كان
و ابقي شايفك زي اول يوم زمان
و ابقي شايفك زي اول يوم زمان

Video Link : https://youtu.be/ZVMioIklZek

Single

Zay Awel Yoom Zaman

Tarek Saafan - Zay Awel Yoom Zaman / طارق سعفان - زي اول يوم زمان

كلمات : محمود حسين
الحان : حسن المصري
رؤيه موسيقيه : رامي حبيب

تحابيش باند - سيبها علي الله (Acoustic Version)

-اغنيه ساخره ننتقد بها ظاهره التحرش الجنسي بالفتيات المنتشره في ام الدنيا اليومين دول و خصوصا ايام الاعياد ربنا يستر علي بناتنا و نسائنا كلهم و يحفظهم من كل شر

كلمات : محمد موشي
الحان : اقتباس من التراث

تيت تيت اول يوم عيد
تيت تيت حولينا كتير
تيت تيت هنزل و اتحرش
تيت تيت بسعاد و عبير

قابلت في يوم واحد متحرش
قلت له ليه كده قاللي متدقش
بتتحرش ليه..تعبونا يا بيه
لو كانت اختك دي هتعمل

اسمعي مني و عيشي حياتك
المتحرش ده جبان قدامك
متحرش ضايع..عيل سيس صايع
علي قفاه اديله هيقول يا فكيك

هحميكم لو وصلت لمماتي
في منكو اصحابي و اخواتي و جيراني
بس اهدو شويه..و لمو الدنيا
اتلمو شويه..و لمو الدنيا
لو غاويين قلع اقلعو في البيت

تحابيش باند - تيت (اغنيه التحرش)

كلمات : شريف الحسيني
الحان : شريف الحسيني
  حسن المصري

عرقين خشب متعلقين فيهم كتافي
و انا ساقيه دايره و مهمي تسقي معدش كافي
و مسؤوليه تهدني ترميني عاللي يذلني
و البنطلون وحشه القميص بعته لخميس
مفضلش غير اني امشي حافي

شقين شقايا و شقه فول علي بصاره
ساكن في عشه و غيري ساكن في عماره
ياباشا تحتك بصلي و بلاش تدوسني و تفتري
انا مش اجنده و مش فلول ولا حتي غول
و كبيري بتعشي بخياره

كفين وشم متنطورين علي قفايا
من غير عشم معرفش ليه خلوك بابايا
و كأني بتفرج علي فيلم الخطايا
انا مش ابوك انا مش ابوك يطلع ابوك
في البوكس متداري بملايه

تحابيش باند - عرقين خشب

تحابيش باند - رمضان كريم

كلمات : شريف عيد
الحان : رامي حبيب
توزيع : محمد مرسال

"كل سنه و انتم طيبين"

يا هلال يا منور في سمانا..يا فانوس يا منور دنيانا
رمضان بالخير هل و جانا..غفرانك ربي غفرانك
رمضان كريم..رمضان كريم
و اادي طفل اتعلق بفانوسه..و بلمه اهله في فطاره
بالصحبه الحلوه في سحوره..و بيختم يومه بقرآنك
رمضان كريم..رمضان كريم
انا مينا و عازم صحابي عالفطار..صحبه حلوه و لمه جميله تلمنا
موجود مابيننا محبه بجد و مش هزار..يا رب وحدنا و جمع شملنا
رمضان كريم..رمضان كريم



تحابيش باند - رمضان كريم

اغنيه محمد عدويه ولا كان بصوتي
و شكر خاص للفنان خالد فؤاد (جيتار)

Tarek Van Saafan

Popular tracks