السجن

والله لبكرة يطلع النهار.mp3

كلمات الاغنيه العظيمه <3 
قلبى قلبى عامل عاقل لكن  مجنون 
قلبى بيلقى الوحده ف اللمه 
بيحس بغربه بين الناس 
وقلبى قليل البخت 
دا يوم ما حب ما اتحبش 
دا يوم ما اتحب ما حبش 
قلبى قلباااى قلبى عامل عاقل لكن مجنون 
قلبى قلبى بيلقى الوحده ف اللمه 
قلبى اللى مالو أخر من أول |
هييجى ف يوم ويتهنى 
قلبى اللى عاش ف الضلمه ومطول 
ف يوم حيحلم ويتمنى 
قلبى قلبى عامل عاقل لكن مجنون 
قلبى قلبى بيلقى الوحده ف اللمه

قلبى عامل عاقل لكن مجنون "كورال اطفال جمعية الصعيد"

سعيد صالح - السجن - مسرحية كعبلون

كلمات : أحمد فؤاد نجم
غناء و الحان : الشيخ امام عيسي
انتاج: 1984
ممنوع من السفر 
ممنوع من الغنا 
ممنوع من الكلام 
ممنوع من الاشتياق 
ممنوع من الاستياء 
ممنوع من الابتسام 
وكل يوم فى حبك 
تزيد الممنوعات 
وكل يوم باحبك 
اكتر من اللى فات 
حبيبتي يا سفينه 
متشوقه وسجينه 
مخبر فى كل عقده 

عسكر فى كل مينا 
يمنعني لو اغير 
عليكي او اطير 
اليكي واستجير 
بحضنك 
او انام 
فى حجرك الوسيع 
وقلبك الربيع 
اعود كما الرضيع 
بحرقه الفطام 
حبيبتي يا مدينه 
متزوقه وحزينه 
فى كل حاره حسره 
وف كل قصر زينه 
ممنوع من اني اصبح 
بعشقك .. او ابات 
ممنوع من المناقشه 
ممنوع من السكات 
وكل يوم فى حبك 
تزيد الممنوعات 
وكل يوم باحبك 
اكتر من اللى فات


الشيخ امام و احمد فؤاد نجم - ممنوع من السفر | Sheikh Emam& Foad Negm - Mamno'a mn El Safar

كل عين تعشق حليوة
و إنتي حلوة في كل عين
يا حبيبتي أنا قلبي عاشق
و اسمحيلي بكلمتين
كلمتين يا مصر يمكن
هما أخر كلمتين
حد ضامن يمشي آمن
أو مـآمن يمشي فين



كلمتين يا مصر يمكن هما أخر كلمتين - بصوت احمد فؤاد نجم

كلمات : مولانا فؤاد حداد 
:)


عيوني من العطش قايمة
تنادي الليل ع سلمي
وقلبي يدق فِ الضلمة
ينورلي
ينورلي عشان يرجع
زمان بيرد أفراحي
وأشيل الدنيا بجناحي 
أنا وهيا
هنا زي اللى مش صاحي
هناك زي اللى مش نايمة
عيونى من العطش قايمة
تنادي الليل ع سلمي
وقلبي يدق فِ الضلمة
ينورلي
ينورلي وأنا زارع
أنا سارح
جناين بكرة فِ امبارح
ريحان الشوق بيتنهد
قديم وجديد وبيقلد
طريقة حسك الهادي
أشوفك ساكتة بتنادي
حياتى يومين
وحسك بينهم النسمة
عيونى من العطش قايمة
تناجي الليل ع سلمي
وقلبي يدق فِ الضلمة
ينورلي
ينورلي كأني صغير
ولسه هخاف واتطمن
ولسه هطير
وأجيلك من ليالي كتير
أبين ولا أتبين
تبين زين ولا أتبين
بحبك والندي بيغير
وضحك لسه بيجنن
وقلبك يعرف الرحمة
عيونى من العطش قايمة
تنادي الليل ع سلمي
وقلبي يدق فِ الضلمة
ينورلي
ينورلي عشان يرجع
زمان بيرد أفراحي
وأشيل الدنيا بجناحى
أنا وهيا
هنا زي اللى مش صاحي
هناك زي اللى مش نايمة
عيونى من العطش قايمة
تنادي الليل ع سلمي
وقلبي يدق فِ الضلمة ينورلي 



سلمى _ احمد منيب


ابعتلي جواب .. وطمني
ولو انه عتاب .. لا تحرمني
ابعتلي جواب ..
ابعتلي جواب .. وطمني ..

غيابك طال .. وبستنا
وقلبك مال .. تتهنى
ان كنت هويت ونسيتني
وعلي جنيت ما رعيتني
ابعتلي جواب ..
ابعتلي جواب .. وطمني ..

صبرت عليك .. وذقت مرار
وبعتٌ إليك .. اخبار واخبار
اتاريك نسيتني مع الايام
ورضيت تفوتني على الألام
ابعتلي جواب ..
ابعتلي جواب .. وطمني ..

انا ليا إله يعرفني
من حر الآه ينصفني
موش قادر اقول انت الجاني
حـ اصبر على طول على احزاني
ابعتلي جواب ..
ابعتلي جواب .. وطمني ..


Envoie-Moi Un Message - Hassan Haffar (ابعتلي جواب)

من فيلم : عين شمس 

تتر فيلم عين شمس، علي خلفية أغنية "يا عزيز عيني"
فيلم مصري روائي طويل، إخراج/ إبراهيم البطوط
أداء: مريم صالح سعد، أحمد مصطفي، دودو، وعود كريم سامي، كلمات ولحن أيمن حلمي (عن تيمة فولكلورية ولحن لسيد درويش)

للأغنية قصة طويلة، تنتهي بإنك تشعر حين تسمعها في نهاية الفيلم أنها كتبت خصيصاً له بإحكام يثير الإعجاب، بينما في الحقيقة أنها لم تكتب للفيلم، بل قبله بعامين، أوائل 2006

هناك أغاني كثيرة تحمل نفس الاسم "يا عزيز عيني"، أذكر منها أغنيات لمحمد رشدي وهدي سلطان والثلاثي المرح، ولكن في أغلب الظن يعود أصلها إلي غناء المجندين المصريين في الجيش الإنجليزي في الحرب العالمية الأولي (1914/1918)، في حرب ليست لهم يخوضونها بالإكراه "يا عزيز عيني وأنا بدي أروح بلدي وأشوف عزيزة بنتي ومحمد أفندي ولدي"
وعلمت أن سيد درويش لحن أغنية بنفس الاسم -- وربما هي التي تحولت إلي تيمة فولكلورية بعد ذلك -- ولكني لم استطع الحصول عليها
وكان فشلي في العثور عليها هو الدافع وراء كتابة كلمات جديدة، جاءت من وحي تجربة صعبة، هي فشل آخر أصعب في محاولات تحقيق عدالة رأيناها ولم نستطيعها، في أعقاب حريق مسرح بني سويف 5 سبتمبر 2005
وكانت الأغنية والتي غنيناها لأول مرة في عرض كستور لفرقة حالة 2006، وفي مناسبات ذكري الحريق
هذا عما حدث
أما عن اللحن، فرغم أنه مبني علي تيمة فولكلورية أو لأستاذي الأول سيد درويش، وأن الكوبليهات مبنية علي لحن لبليغ حمدي نسبه أحد الأصدقاء للفولكلور أيضاً "مهما الليل هيطول" دون تأكيد، فمفهومي الخاص لمعني التلحين يجعلني أظل أقول أنها لحني كما هي كلماتي
وأظنها ستستمر، فزمنها هو زمن تلك المسافة بين المكان الذي نعيش فيه، وبينها...بلدي
أيمن حلمي

يا عزيز عيني وأنا بدي أروح بلدي
ليلة نمت فيها وصحيت مالقيتشي بلدي
بلدي يا بلدي ويا عيني على بلدي
بين أهلي وناسي وبقيت غريب يا بلدي

عم يالي ماشي ظلمي ما ترضاشي
سافر قلبي وما جاشي يدوّر على بلدي
يا عزيز عيني وأنا بدي أروح بلدي
ليلة نمت فيها وصحيت مالقيتشي بلدي

ده مش لون عينيكي ولا دية إيديكي
بدال ماخاف عليكي باخاف منك يا بلدي

يا عزيز عيني وأنا بدي أروح بلدي
ليلة نمت فيها وصحيت مالقيتشي بلدي


يا عزيز عيني : من فيلم عين شمس

رسيني يا ساقية عذاب..فين اللي راح فين اللي غاب
قوليلي راحوا فين..وأشكي الفراق لمين
وأروح لمين..ايه اللي باقي مني
بعد اللي راح..غير الجراح
أنده عليك يا حبيبي 
ولا انت داري بي
في بعدك

مسجونة في العمر اللي فات..من بعد ما روح قلبي مات
خد كل العمر معاه..ما فاتش غير الآه
وعذاب الآه..ليه يا موت تحرمني
م الأحلام..مش حرام؟
دبلت ليه في ربيعي
وشفت خضوعي
في ردك

ليه يا ابني تسيب حضني ليه..فيه أدفي من حضني إيه
رحت وسبت وحده مره وليل طويل..رحت وأخدت قلب كنت بعيش عليه
وفردت بعادك شراع..من غير ولا كلمة وداع
آه ياريتني  أعرف بس رحت فين..كنت أمشي لك كل خطوة برمش عين
خد كل العمر معاه..ما فاتش غير الآه
رسيني يا ساقية عذاب
فين اللي راح فين اللي غاب

رسيني - جمالات شيحة/فتحي سلامة

رماد حلمَك | مرثية لـ نجيب سرور

وكان جَلدك وكان شنقك
على إيديهم
وبعد الشنق كان حرقك
ونا واقف ف وسطيهم
كأني حشرجة ف حَلْقك
بأراقب صمتي ف عينيهم

بأراقب عضمك المجنون
ف كف النار بيتكسّر
كأن الكون مالوهش عيون
يشوف بيهم ويتأثّر

أكيد صعب إني أكون بينهم
وأشوف حلمك قصاد عيني
رماد بارد على جبينهم
بُقع سودا على جبيني
غبار داكن
بينداس ف الدروب لكن
بيدبحني
ونا قلبي يا ابويا نجيب
هزيل عايش على الأكاذيب
تقيل الحِمل لما تغيب
ونا ضلي اتولد محني

مافيش قدامي غير موتك
بيندهلي بحنان قاسي
بألملم ف الضلام صوتك
واشيلُه ف حُضن أنفاسي
غبار داكن
بينداس ف الدروب لكن
بيدبحني
ونا قلبي يا ابويا نجيب
هزيل عايش على الأكاذيب
تقيل الحلم لما تغيب
ونا ضلي اتولد محني


---------------------------------
كلمات والحان : أنطونيوس نبيل
توزيع : وليد ميمني

لمشاهدة الكليب 
https://www.youtube.com/watch?v=VZslXkHy6N0

رماد حلمَك | مرثية لـ نجيب سرور

اللي اشترى منك ما وزنش ... فمتحزنش ، 
ولا تشكيله 
مع إن الأحزان بالكيلو 
أو يمكن ربك ما أذنش . 

اللي اشترى منك أهو باع . 
ليك في العشق و ليه أتباع . 
ليك في الجرح ليالي و باع 
فميحزنش ، ولا يشكيش 
على أهون أسباب ماتجيش 
أو على أهون أسباب تيجي 
مركب و بترسى في خليجي 
شايلة الزينة ، و قلب ما زانش 

على أهون أسباب ماتجيش 
أو على أهون أسباب تيجي 
مركب و بترسى في خليجي 
شايلة الزينة ، و قلب ما زانش 
فمتحزنش 
ولا تشكيله 
مع إن الأحزان بالكيلو

اللي اشترى منك ما وزنش ... فمتحزنش ، 
ولا تشكيله 
مع إن الأحزان بالكيلو 
أو يمكن ربك ما أذنش 


سعيد صالح - السجن - مسرحية كعبلون

Tarek_mohamed_

Recent comments

Mohammed Mansour

آلاء

Yara Sayed

Yara Sayed

Related tracks