اجسامنا ليه جسمين
روحنا واحدة وكيف اتقسمت قسمين
شيء عجيب في غرامك يا فريع ياسمين

يا حبيبي تجدني على هواك امين
وفؤادي يعجز عن افكاري فى التخمين
حواسي تحسد نظري لحسنك منتظمين
وشمالي تاخده الغيرة اذا جلست يمين

فيك يا حبيبى اتنين هم للفكر سالبين
هم شالوا نوم عيني وللضمير تاعبين
بوجهك الكوكب يجهرني ساعة يبين
وبقامتك اليايات الفي الصدير لاعبين

من المنام معاي ولا ستة من ستين
عندى التلت من عقلى وعندك التلتين
شايقانى بسمة فاهك ودر عقيده متين
لولاه ما لي صالح في الظلال والتين

يا من اسرت فؤادي ملكته في اليدين
يا ملفت الانظار يا نائر الخدين
غاية المقصود ما دمنا متحدين
تبقى الصداقة قرابة ونكسب الودين

يا الفريد في عصرك زي صداقتك وين
ما اظن تكون ولا بدعت قبل في التكوين
على صحيفة قلبي تدونت تدوين
ودين محمد حق لايقبل التلوين

بادي محمد الطيب - أجسامنا ليه جسمين - كلمات أبو صلاح - ألحان كرومة

محمد الأمين-زاد الشُجون (حفلة القراند 17/6/2022)

ياحليلهم دوام بطراهم...عبدالعزيز محمد داوود

لو أحبك - زيدان إبراهيم

انت لو فكرتا نادر خضر

This is a collection of my original songs, stemming from 2015 to 2020 from Star Recording Studios in my hometown, Crossville, Tennessee.

03 Hard-Workin', Beer-Drinkin', Pool-Shootin' Son of a Gun

 ساعة النسمة ترتاح
على هدب الدغش وتنوم
أنا مساهر 
هد الحيل .. غرامك
واجترار الذكرى 
طيفك في خيالي يحوم
يا هاجر
انا والليل .. ومر جفاك
مساهرين نحكي للافلاك
لاخلصت حكاوينا 
لالقينا البداوينا
يامشهيني طعم النوم
وطيفك في خيالي يحوم
سنين مرت . . ومروا سنين
.. وبراك عارف وبي ادرى
والحال ياهو نفس الحال
وفي جواي صدى الذكرى
وجرحك ياغرام الروح
لاطاب لابيدور يبرا
ده جرحك مهما طول وغار مطبوع فيني بالفطرة
وبين الذكرى والنسيان
مسافة قريبة يا انسان
ولو حاولت تتذكر
تعيد الماضي من أول
تلقى الزمن غير ملامحنا
ونحن بقينا مانحن
وانا الصابر على المحنة
ولو كان الزمان قساك
.. انا ماقسيت

النور الجيلاني- عز الليل

كمال ترباس.. ما تهتموا للأيام

الفنان عبدالكريم الكابلي - زمان الناس - جودة عالية

أُمّاتِي القِبيلْ

بي حِنّهنْ لجّـنّي

كَرفة وقَلدة

كيف شوق اللّبن رَجّني

حُزناً جاني في مَيْع الصِّبا يلَجِّني

أطلعْ مِنِّي يا جلدي المِنمِّل جِنيِّ

واطلعْ مِنِّي يا حُزناً بِقى مكَجِّني

 

خَلّني أبدا مُسداري

وأودي قفايا لي داراً بِقَتْ مِي دَاري

جِيتَا ..

وجِلْدِي بينو وبين عضاي الشّحَمَة

إلا النّار بِقَتْ قِدّامي

جِلْدِي اللّيلة بينو وبين عَضَايَ المافي

إلاّ تراني شَوّالْ الكِبِسْ

نِفّيخْ جَراريب الوَرَمْ هَدّامِي

في جِلدي الورم قُولَنْلي

وللاّ صَحِي الورم عَضّامِي

سفريتك مِي الفي النيّة

وميها الكانت محريّة

خابراكْ عِرِّيفْ ..

ذم العُربانْ واللاّ قِيام الوردية

مالكْ ؟؟؟

تَرْيَانْ ومندِّي

كاسي الكِتّان والهندي

قولَكْ كِكّيفْ ترجى البيشان

واللاّ الغُربة البي الزِّنْدي

برقاً عِبْدِللِّي الوَزْنِ

يا طاشْ .. يا جاب المُزْنِ

فَرِّقْ يا الضّيفْ

فِعْل الغَضْبان ..

أم فِرفيرات الحُزْنِ

وشِنْ القَعدة

يا أبو السُّرة

في ضُل العمارات أم كمرةً برّة

ضُقْنا الحَنْضَل اليانكي

وبَلَعْنا المُرّة

كِمْلَتْ كوتة التُّمبَاك

صَقَعْنا الجِّـرّة

ووكت إتقفّلَتْ شِقّيشْ

قَبَلْ بي المرّة

نَرْمي أمُرنا في بلد المعاني الحُـرّة

الشّمْ خَوّخَتْ

بَرَدَنْ ليالي الحّـرّة

والبرّاق بَرَقْ ..

مِنْ مِنّا جاب القِرّة

شوف عيني الصِّقير بجناحو كَفَتْ الفِرّة

تلقاها ام خدود الليلة مَرَقَتْ بَرّة

مَرَقَتْ بَرّة تغلي مديدة الحِلْبة التَسَمِّن رِدْفَها

السَمِنْ المبَسْتَرْ يانْكي

والويقود بعيرات الدُّخان في العين

وفي الفَشْفَاشْ يسوِّي عمايلو

شِنْ فايدة مديدة الحلبة والويقود بشيلو اليانكي ؟؟

يا ابو السُّرة

قامت من دخاخين العمى تلمِّع وشِيها

اليانكي مِسْتَنِّيهَا

كان اليانكي مستنيها في مراية السَجَم في اللّيل

لقيتها مِتِلْ فريخ الطّير

مَرَقْ ود عينها من ود عينها

رجّافة المزمّلْ حُمّى

جَفَلَتْ مِنّو

وَقَعَتْ عندي

صدرها بغلي

يا ابوالسُّرة

شُفْتَ اليانكي في ود عينها

سُقْتَها للبحر

يمكن يغسِّل عينها من اليانكي

فُتْنَا الحَجْرة بالكَتّة وغطسنا مسافة

تبقى قَدُر مسالك الرّيدة

ما لاقانا من يغبانا في البحر الفَدَرْ تحتاني

ناس عارفاها

ناس عارفاكا

ناس عارفاني

ناديت القعوي والبُلْطي

قرقور السّمَك ودّاني لي دابي الخُشَشْ

نادينا عُمّال الطّمِي

عُمّال الطّمِي الصّارقيلا

والقَرْمُوط

وود الموية

فُتْنَا عليها

كانت نايمة

عَجّال البحر حارساها كانت نايمة

بين حجرين وضُل ساسوية كانت نايمة

وعُمّال الطّمِي الصّحونا لّمُو حصى البحر

قسموهو ياتْ من كان سبع جمراتْ

دابي الخُشّة قال :

أدُّوها في الجمرات تلات سبعاتْ

قُلْنا :

أدُّوها في الجمرات تلات سبعاتْ

 

مَسَكْنَا دَرِبْنَا

عُمّال الطّمِي الصّحوها

خابرين الدّروبْ

مَرَقوبنا فوق مُشْرَعْ مسارب الضّيْ

لقينا الدُّنيا تترجّانَا

قُوقَا القِمْري

خَوّى صِقيرْ

وعَوّى حِديْ

وعُمّال الطّمِي الصّحونَا

لَمُّو على البعرفو الصّيْ

حَصَى القيزان

دوابي الدّارْقَة

والسِّحْليّة

والنّاسْ التِّحِتْ

النّاسْ التِّحِتْ خابرين عَمايْل اليَانْكي

مَرّة معونة لي اللّغّاف

ومَرّة دَوانْكِي

شِنْ معناهو جيبها إن كان ملوهو بوانكي

صوتها مكتِّمو القَرَبين سيوف وسَوانْكِي

سيد خليفة - سيد الناس حضر

Tariq Hashim

Recent comments

mohamed maged

Mohamed Osman 64

Related tracks