وردة الحنان 💔

New track : Rose nostalgia l وردة الحنان
lyrics : ManCho
mix mastering : ARDevel
Music : Dreamland Beats 
lyrics :-
عندى وجهة نظرى يمكن تغير حاجات قديمة
أدم حب حوا مش لمجرد انها بنت وحيدة
افهمى تفكيرنا ف البعاد مكنش صح
عمرى ما اتخيلت انك تبعدى وكل حاجة تبقا بح
-
انا ايوة بحبك انا ايوة ميت فيكى
انا ايوة كل ذكرياتى معاكى بتفكرنى بيكى
بستنا كل يوم شمسك تشرق من الشروق
ويعدى كل يوم زى القبله اى كل دا برود ؟ 
-
لو كنت عنتر كنت اتحديت الجاهلية عشانك
لو كنت قيس كنت عقلت لاجل اكون معاكى
لو كنتى فعلا عبلة كنتى سبتى اهلك عشانى
لو كنتى اصلا ليلى كنتى جيتى هربتى فدايا
-
مش بجرك للغلط بس افهمى معنى التضحية
حب مش بابا وماما ملهاش دعوه بالتربية
الحاجة لو جت بالساهل هتروح برضوا بالساهل
عشان كدا لازم نتعب ونتحدى اى باطل 
-
بخرج كبتى ومشاكلى ف تراك شبه اغنيه
مش عشان الشهرة بس دى قصة شبه اجنبية
حب بينجح من غير ما يسيبها بحجة النصيب
حب عايشينوا ف حالنا من غير تدخل اى غريب
---------------------
حب بينتهى ب بيت وطفلة وعيلة
حب كان اخره حلال ف عاشوا قصة سعيدة
مش شرط يكون ف الضلمة كفايا ضوء الشمعة ينور
ف ياريت تحافظوا عليه من غير ما حد فيكوا يتغير
-----------------------
غزل صريح ام عفيف المهم الحب صادق
بن الاحنف العراقى وانا عارف ان ف شئ فارق
بينى وبينه بينك وبينها بينا وبينهم احنا غيرهم
مش موضوع علاقة دا اختلاف زمنا عن زمنهم
-
بتخطفنى سندريلا . من اول نظرة عين
بقت اميرتى . هفضل معاها لو روحنا فين
والله الحب عمره ما كان ف يوم كلام اغانى
دا اجمل احساس خلقه ربنا , افهم كلامى
-
دا مش عمر احمد ف تراك الجناينى
ولكن عشقى فيكى عدا عشق مليون جناينى
تتجوزينى ,, كلمة بنحلم بيها انا وانتى
يوم ما ندخل بتنا وتبقى اهم فرد ف عيلتنى
-
مراتى وحبيبتى ديما جمبى ف عز تعبى
ف الوقوف مجددا وقفتنى تانى على رجلى
ي احلى وردة مسقية بالحنان
ي اجمل واحده خلقها الرحمن
-
ي وردة الحنان خلص فيكى الكلام
كل كلام الدنيا فيكى مش هيكفيه الاقلام
ي بنت الناس عشقى ليكى عدا كل الحدود
يارب امتى نشوف احفادنا ونبقا احنا الجدود
-
ي عمرو ي بنى ياما حلمت بيك سنين
واختك عشق جمبى ف العربية احنا مسافرين
امك دى نعمة رزقنى ربنا بيها من سنين
وحلفت اشيلها من ع الارض جوا نين العين
-
ايوة انا الهاء اللى مش موجود ف هيبتا
من غير ما اكمل الروايه عارف انى مش منها
الحب دا اجمل نعمة خلقهالنا ربنا
مش قوى كفايا ف الكتابه عشان اوضح اكتر من كدا
-


وردة الحنان 💔

Tasneem Waleed