#العسكر_للثكنات_والجنجويد_ينحل

والحوش الوسيع للسكانين أفواج😔😔😔😔

🌹 يا سلاااام ياااا سلام يا سلام 🤍

طق طرق ي بن القهوه كيف ومزاج ♥️♥️

عقد الجلاد

عقد الجلاد - يا شبيه البدر

عزة في هواك - عقد الجلاد

كلمات : محمد طه القدّال
الحان : شريف شرحبيل

يامحبوبي .. 
هـاك منّى مكتوبي .
صـدّاح الغُنـا المكتوم 
ومدّاح الجمال والنور 
كلمة حُـب فى قلب حبيبي 
وقليب حبيبي من توبي 
تشـوِّش جـوّه قلب النيل 
مع اللهفة العلى ولدى 
يا معشوقي .. 
ليك من شوقي كل الشوق 
فيا الخرطوم إذا نامت عليك عيون 
تشوف الضلمة في الضحى 
والنَهار مطلوق
ولو غنيتِ والغُـنا للسلام مخنوق 
أعرفي إنك الزمن اللى جاي شـروق 
وأعرفي إنك .. الزمن الحبيب و حنون 
يا الخرطوم .. 
عيون الحق ما بتنوم 
عيون الحق ما بتنوم 
أعرفي إنك .. 
الزمن اللى جاي شـروق 
وأعرفي إنك .. 
الزمن الحبيب و حنون


عقد الجلاد - صداح الغنا

مصطفى سيد أحمد والخالدي وسيف الجامعة - قلبي مالو اليوم - عود وإيقاع

الفنان الأستاذ محمد الأمين - همس الشوق   - سهرة رمضان -  قناة النيل الأزرق P7cM7OehEnc Youtube

عشرة الأيام - فاطمة عمر
كلمات عوض احمد الخليفة - اداء عثمان حسين
من برنامج اغاني و اغاني

فاطمة عمر - عشرة الأيام

بقيت ظالم  نسيت الناس -  زيدان ابراهيم

عقد الجلاد - باب السنط

محمد الأمين - اربعة سنين

كورال كلية الموسيقي والدراما - اوعديني بكلمة منك - الحفل الجماهيري 2015 (online-audio-converter.com).mp3

أُمّاتِي القِبيلْ

بي حِنّهنْ لجّـنّي

كَرفة وقَلدة

كيف شوق اللّبن رَجّني

حُزناً جاني في مَيْع الصِّبا يلَجِّني

أطلعْ مِنِّي يا جلدي المِنمِّل جِنيِّ

واطلعْ مِنِّي يا حُزناً بِقى مكَجِّني

 

خَلّني أبدا مُسداري

وأودي قفايا لي داراً بِقَتْ مِي دَاري

جِيتَا ..

وجِلْدِي بينو وبين عضاي الشّحَمَة

إلا النّار بِقَتْ قِدّامي

جِلْدِي اللّيلة بينو وبين عَضَايَ المافي

إلاّ تراني شَوّالْ الكِبِسْ

نِفّيخْ جَراريب الوَرَمْ هَدّامِي

في جِلدي الورم قُولَنْلي

وللاّ صَحِي الورم عَضّامِي

سفريتك مِي الفي النيّة

وميها الكانت محريّة

خابراكْ عِرِّيفْ ..

ذم العُربانْ واللاّ قِيام الوردية

مالكْ ؟؟؟

تَرْيَانْ ومندِّي

كاسي الكِتّان والهندي

قولَكْ كِكّيفْ ترجى البيشان

واللاّ الغُربة البي الزِّنْدي

برقاً عِبْدِللِّي الوَزْنِ

يا طاشْ .. يا جاب المُزْنِ

فَرِّقْ يا الضّيفْ

فِعْل الغَضْبان ..

أم فِرفيرات الحُزْنِ

وشِنْ القَعدة

يا أبو السُّرة

في ضُل العمارات أم كمرةً برّة

ضُقْنا الحَنْضَل اليانكي

وبَلَعْنا المُرّة

كِمْلَتْ كوتة التُّمبَاك

صَقَعْنا الجِّـرّة

ووكت إتقفّلَتْ شِقّيشْ

قَبَلْ بي المرّة

نَرْمي أمُرنا في بلد المعاني الحُـرّة

الشّمْ خَوّخَتْ

بَرَدَنْ ليالي الحّـرّة

والبرّاق بَرَقْ ..

مِنْ مِنّا جاب القِرّة

شوف عيني الصِّقير بجناحو كَفَتْ الفِرّة

تلقاها ام خدود الليلة مَرَقَتْ بَرّة

مَرَقَتْ بَرّة تغلي مديدة الحِلْبة التَسَمِّن رِدْفَها

السَمِنْ المبَسْتَرْ يانْكي

والويقود بعيرات الدُّخان في العين

وفي الفَشْفَاشْ يسوِّي عمايلو

شِنْ فايدة مديدة الحلبة والويقود بشيلو اليانكي ؟؟

يا ابو السُّرة

قامت من دخاخين العمى تلمِّع وشِيها

اليانكي مِسْتَنِّيهَا

كان اليانكي مستنيها في مراية السَجَم في اللّيل

لقيتها مِتِلْ فريخ الطّير

مَرَقْ ود عينها من ود عينها

رجّافة المزمّلْ حُمّى

جَفَلَتْ مِنّو

وَقَعَتْ عندي

صدرها بغلي

يا ابوالسُّرة

شُفْتَ اليانكي في ود عينها

سُقْتَها للبحر

يمكن يغسِّل عينها من اليانكي

فُتْنَا الحَجْرة بالكَتّة وغطسنا مسافة

تبقى قَدُر مسالك الرّيدة

ما لاقانا من يغبانا في البحر الفَدَرْ تحتاني

ناس عارفاها

ناس عارفاكا

ناس عارفاني

ناديت القعوي والبُلْطي

قرقور السّمَك ودّاني لي دابي الخُشَشْ

نادينا عُمّال الطّمِي

عُمّال الطّمِي الصّارقيلا

والقَرْمُوط

وود الموية

فُتْنَا عليها

كانت نايمة

عَجّال البحر حارساها كانت نايمة

بين حجرين وضُل ساسوية كانت نايمة

وعُمّال الطّمِي الصّحونا لّمُو حصى البحر

قسموهو ياتْ من كان سبع جمراتْ

دابي الخُشّة قال :

أدُّوها في الجمرات تلات سبعاتْ

قُلْنا :

أدُّوها في الجمرات تلات سبعاتْ

 

مَسَكْنَا دَرِبْنَا

عُمّال الطّمِي الصّحوها

خابرين الدّروبْ

مَرَقوبنا فوق مُشْرَعْ مسارب الضّيْ

لقينا الدُّنيا تترجّانَا

قُوقَا القِمْري

خَوّى صِقيرْ

وعَوّى حِديْ

وعُمّال الطّمِي الصّحونَا

لَمُّو على البعرفو الصّيْ

حَصَى القيزان

دوابي الدّارْقَة

والسِّحْليّة

والنّاسْ التِّحِتْ

النّاسْ التِّحِتْ خابرين عَمايْل اليَانْكي

مَرّة معونة لي اللّغّاف

ومَرّة دَوانْكِي

شِنْ معناهو جيبها إن كان ملوهو بوانكي

صوتها مكتِّمو القَرَبين سيوف وسَوانْكِي

مسدار ابو السرة

عقد الجلاد ومحجوب شريف

عقد الجلاد - باب السنط

Toney

Recent comments

حسن احمد

shihab arifi

Tanow Atif

عمر نادر

Related tracks