ساقِط 
حاقد 
سماع 
——————-
اسألي الدّاية 
لما كانت امّي عم تولد فيني ..
شو كانت الغاية ..
شو كانت الغاية من وجودي بِ هيك مكان
كلّه ذل 
كلّه بؤس  
كِرِه ، نفاق و حرمان 
شو كانت الغاية 
لما اني اوقف بالصف 
فايق بس 
فاقد وعي 
من عزم الكف 
بتحسني صوت انوجد لأدي ب هالتحية 
لك اِخت البلد 
ع اِخت العلم 
ع اِخت ه الجيّة 
بتشوفني ولد فايت طالع بالحارات 
عم انسج بارات براسي 
بحثاً عن هوية 
او لنقص فيي 
بركي بحثاً عن قضية 
عشلا يومي 
تكنلي همّي 
تغذي عندي صدق النية 
—————————————
صدقاً ماعم لومك امّي 
بس القهر سكن صدري 
كتم صوتي 
شوفي مربّطة ايدي 
ف جيت حررني بغنية 
بركي بيوم بنرقص تحت 
نعمر بيت 
نصرّخ مات 
نقول للي ضحى فلحت 
—————————————
شو ديتا اللّقمة 
اذا مغمسة بالذّل 
شو نهشوا بروحي 
طاطي براسي 
يخزق فيني الكل 
شو قضي عمري 
مهمش ضايع 
موزّع بين خرايط 
زائد فائض 
حاجتي وطن 
بلا اسود و بلا فرائض 

صبّار بقلك عائد
جيتك ب نَفَس حاقد 
هو بأرضك حافظ 
سمّه —- بزِقُه — غنيله ساقط  

كم معتقل مكلوم 
عالق جوَا سجونه 
لسه حاطط فينا أمل 
شمسا تدفي برد عيونه 
و لسه العالم ساكت 
مافي مين بلومه 
ماالضرب بالميت حق 
و الحرام تبطله تقومه 

من اول يوم عرفتا فيه
جمالا بيعكس طيف 
و فكرة انه اللون الواحد 
خي روق .. 
بِ نفوت بالحيط 
بيرجع زمن الطّحِن 
نعزف ذاته ربه اللّحِن
يكبر جوَا عقولنا تيس 
نعيد ثقافة حزب المَحِنْ ... 

زيد لونا لون .. امممم
زيد صوتا صوت ... آآآه
حافظين الدّرس... اممم
سمعنا جود .. جووود
جايينا يوم 
نهد نقصور 
نرد حقوق 
نفرش فوق الأرض ورود 💐
ندفى بّعِض ونكفي نثور ❣️

زيد لونا لون ... زييييد 
زيد صوتَ صوت ... صوووت 
حافظين الدّرس ... اممم 
سمعنا جود ... جوود 
جايينا يوم 
نهد نقصور 
نرد حقوق 
نفرش فوق الأرض ورود 🌺
ندفى بّعِض و نكفي نثور ❣️

زيد لونا لون ... لووون 
زيد صوتا صوت ... صوووت 
حافظين الدّرس .. اممم 
سمعنا جود ... جووود 
جايينا يوم 
نهد قصور 
نرد حقوق 
نفرش فوق الأرض ورود 🌸 
ندفي بّعِض و نكفي نثوووور❣️ 

هيدي الغاية 
صبّااار 
🌵🌵
✊🏽✊🏽

Subbar - Zid Lawna Lawn  - زيد لَونا لون

Lyrics : Subbar
Music Production : ILLADIB
Mixing - Mastering : Nour Yamm
Photography :  Marwan Youssef 
Original Artwork : Anonymous

Follow Subbar:
Instagram: ​​bit.ly/3ot6rMU
Facebook: ​​bit.ly/3ypHPJp

Follow ILLADIB :
Instagram : bit.ly/2TyRtKn
Soundcloud : bit.ly/2WhvrwH

Follow Nour Yamm:
Instagram: ​​bit.ly/34FqGLW
Facebook: ​​bit.ly/2saIPno
YouTube: bit.ly/3g6qmN5

Follow Marwan Youssef :
Instagram : bit.ly/3iBHeNO

Lyrics : 
في مشهد ضبابي جوا بيته برا بغابة 
في مشهد رمادي جايز يمشي بأيّ جنازة 
في عيل محتاجة تدعي ربّ يسد الحاجة 
تنعي ولدَ قصفا نسفا حرق بيوتا ذلّ زيادة 

اي و في انا 
طب مين انا 
جنا ما جنا 
خي صيت فقر و لا صيت غِنى
اي قاع دهر  ولا صوت غُنى
وانا صوم قهر على حالنا 
من كم سنة و انت و انا 
نزداد خوفاً من بعضنا 
اجلٌ دنا ثملٌ انا 
دن دن دناااااا
قال خراه عالتنين خال هي بلد و ماكانت 
شو ناطرين من عرصا خال ( ولا شي )  بالأصل هي بلده ما كانت 
يما شفنا نفوس شو نهانت 
بجرائم لا ما ندانت 
بمجالس سقطت خانت 
بشرائع كذبة و بانت 

فيا مرحبا بك 
طل طل هلالك 
طب طب ع فأسك 
انفض ثيابك 
لكَ صدر بيتي هب لي محرابك 
ابرم دولابك كشّر عنابك 
كشر كشر 

بين اسد و داعش تأجير مطارح 
بين حالش ماعش عجقة مصالح 
يما في ذمم تشحذ همم 
يركب فيلم تلحق قمم 
ولاعرصا صابت 
و لا عمرا ضافت 
غير نصرة جابت 
جولاني ساقط 
جِئنا بمراكب 
عصدوركم ضاقت 
و عقولكم خافت سدّت طرق 
فجثثنا طافت 
صوب المرافىء
رسيت قوافل 
تشحن سنافر 
تشحد عساكر 
شافت بأرضي افضل مواقع لتحاكي واقع دقة اصابة 
تنسف ب حقلي تعمل عناتر 
دقة اصابة تقصف بأهلي  تعمل مجازر 
فيا مرحا بابك 
طل طل هلالك 
طب طب عَ فأسك 
انفض ثيابك 
لك صدر بيتي 
هب لي محرابك 
ابرم دولابك كشر عنابك 
كشر كشر 
عبّوك بشاب سموه معاصر 
ربطوك بلجام مسكوه قواصر 
رابطوك ع حدود علكوك مقاوم
ودّوك ع موووت  بزقوك شو ناطر 
واِن جاك خواطر 
انصتلا ثابر 
حافظ ع وضعه خازوقه حاضر 
خاروف و عابر 
صدقني عاضد 
على فكه فتش الى فرمه ناضل 
اركض اركض ورا رزقك هرول ولا قبرك احفر 
عايف خُلقك ربّاً خلقك صبحاً ليلاً تكفر 
واقع عيشك بك يخنق
كاظم غيظاً بك يفتك 
قارب حيك ان يفجر
افجر افجر 
افجر افجر 
صبّار ✊🏽

Subbar - KASHER  A`NABAK- كشّر عنابك

Produced, Mixed, Mastered: Smokable
Sefr Records 2021.


Artwork: Vincent van Gogh  - Road in Etten (1881)

Spotify

الطريق إلى اللامكان | Road to Nowhere

اقتحام
متوفر للاستماع على كافة المنصات الصوتية

Performed by
@subbar
@telmeez
@3arif1312

Produced by
@ILLADIB

Mixing by
@azzozmusic
Master by
@nouryamm

Artwork by
عدسة سام

اقتحام - Subbar X Telmeez X 3Arif! (Prod. By ILLADIB)

Nour Yamm:
YouTube: bit.ly/3g6qmN5
Instagram: bit.ly/40FpK7b
Facebook: bit.ly/2saIPno
Spotify: spoti.fi/32rRMun
Apple Music: apple.co/3E0TReT
Anghami: bit.ly/3DY6APu
Twitter: bit.ly/2tzaTBi

Almuarri:
Instagram: https://www.instagram.com/almuarri
YouTube: youtube.com/channel/UCDN4WpgxTfLyRo7o01UBnSw
Anghami: https://play.anghami.com/artist/8389693
Spotify: https://open.spotify.com/artist/2BjfIUFiM9YJZOmJ9GCHaN?si=bUMMDhUZSI6xbinhreg0dg
Soundcloud: https://soundcloud.com/almuarri
Facebook: https://www.facebook.com/a1muarri
Twitter: https://twitter.com/Amir_ALMUARRI

الكلمات:
زيدوها زيدوها
الليلة طويلة
علّينا أسانا
شدينا شيلة

زيدوها زيدوها
كافيها ويلة
من سيده مداويها 
نادى الوسيلة
ويا باز الله نظرة 
قلّتنا الحيلة
وأنا تاركها لله
حالي العليلة

وأنا لو عنّي يا خاي
لأحرق الرايح والجاي
صوب القبيلة
ساكب على الجمر مي
حاشى تكسرها بلواي
لامّ الجديلة

نحنا البذر والسماد
والغاب 
نحنا البدر بالسواد
ما غاب
ما منحكي بلغة الضاد لغة بلادك 
نحو وصرف أبجديتنا لغة أنقاض 

مستند على اللاشيء بناقش الحجر 
نرجع نعمر من ركام البيت
وناقش عالحجر قصيدة من كم بيت 
وبحفر صوت الزجر ومرثية لأصحاب البيت 

والغيم يسقي الأرض والخيَم تسقي التربة 
والطاغي يبتسم في تحالف مع النكبة 
والليل يستحصي كم الأرواح
ويسألُني
كم أنقضك فقد عقبة 

وانتركنا، انتركنا النا 
بحرفية المعنى ما معنا الا نحنا 
ولا مُعنى بالدعاء الا أنتَ 
ربي أجرنا
أجرنا

ناطر بالرماد خالط لغات 
عسى يفهم أي لسان صلب المُراد 
بحكي أبيات مكسرة عامية مفصحة 
نحو وصرف أبجديتنا لغة أنقاض

تفاح الأحمر عوجوه الميادين
والنهم عامي بقلوب الحاصدين
والثرى جنّة من غرس الرياحين
والورى قالت: ليه، ليه؟

زيدوها زيدوها
كافيها ويلة
من سيده مداويها 
نادى الوسيلة
ويا باز الله نظرة 
قلّتنا الحيلة
وأنا تاركها لله
حالي العليلة

زيدوها زيدوها
الليلة طويلة
علّينا أسانا
شدينا شيلة

زيدوها

Zidouha (ft. Almuarri) | زيدوها (مع المعرّي)

Production: Miad
Mixing & Mastering: Nour Yamm
Artwork: Saeed Albtal
 
كل فكرة عم نضف، أنا خايف أترك أثر 
لو بكر بجيته ساعة كان شاف الدم منتشر 

مش دم شب تكبر علينا، قتلناه لا فشر 
بل دم ع شاش طبي علاج لهل البشر 
 ألو ..
أي عمر حبي صار لازم نغير مكان القصر 
واصل قرابتي المسا معنا ماكس للعصر 
ليك
ما تحط اسم مكان .. ما بتوصل الرسالة 
بعتا فاضيه كمان، قبل ما تصيبك أي عاله
هيك منعرف أخدوك متلك  متل  عبد الغني 
اخر كلمة قلي ياها
النظام ما  بيصمد سنة"
وكل هالوجع ما بيعلم بروح كأنو حنة 
"يوم تصرخ بصوت مبحوح تحضر روحك للجنة

صوت فجر فجأة ياناس تعالي التمي 
 خلنا نتظاهرة بالمدني 
 مساند اعتصام الكهربا 

باب الساحة تسكر ما بيفوتوا منه حدا 
عنداني قلي العسكر بده عسكر تيتهدا  
والسلطة مش مترددة البلاد كلها تهدا 


هي هلوسات ذكريات صار عمرها اكتر عشر سنين 
هي معلومات لازم نستفيد منها هي تجاربنا يا سين
هي هلوسات ذكريات

كل فكرة عم نضف وأنا خايف أترك اثر 
لو بكر بجيته ساعة كان شم الصاروخ الي انفجر 
بالحي، بتخبا من الأمن بالبيت من الوالد
 تما يمسك معي حجر، متلبك انحصر، 
غريبة الدنيا فعلا، اخر خطة عندي كانت لو انمسكت
 فرجيهم نص ربع قلهم 
-
  انا كنت جاي اشتري مو تسب ع الرئيس  بعدين انا من طرطوس شو هالتخبيص  
-

واقف قدامه معي مناشير وبفل وعلم بالكيس، كنت رحت فيها عريس،
لو اتفتشت 
تنفس تا عيش، بعد ما وقفت الحشيش كتر التحشيش ذكريات احلام كوابيس 
خلي شنتاتي بحضنك انا نازل ع التفتيش ماهم تفهموا بس لحالي اعمل تنفيس 

وهيداك الي قلي ترا حتروح من كيسك لحالك مستغرب إذ غير رأيه هالتيس 
ولا اذا كبر الكيس
علم لازم تنكيس.

 ليك ألو… برضاي عليك رجاع ولا تشتبك، بيكفينا واحدكم كابس
التاني لازم زاد النا يكون بزمن الدنيا الخبيث، 
خلص خلص ماتزيد 

اي ومع الوقت خف اهتمام الركض للدم 
أي مع الوقت تركت وراي كزا نسخة مني 
كل وحدة منهم  تحس تجاهي بندم 
اي ومع الوقت خف اهتمام الركض للدم 

اي ومع الوقت خف اهتمام الركض للدم 
مع الوقت تركت وراي كزا نسخة مني 
كل وحدة منهم  تحس تجاهي بندم 
اي ومع الوقت خف اهتمام الركض للدم 
 
كل فكره عم نضف وانا خايف اترك اثر
لو بكر بجيته ساعة كان شاف الدمع انهمر 
 
خبي ضعفك قدام صحابك ع صاحبكم المصيره
مقوص ومجهول 
انت المفجوع وانت المسؤول 
طب نخبر أهله وشو نقول 
والي ترّب قال انه ممكن يضبونا، أو حتى يضروه 
طب ننطر لبكرا او لبين ما يبن منه خبر 

ليك ألو 
وصلولي معلم طلعو بعيد عالضيعة اتخبوا 
ومن هون بالرايح إذا رقمي برنلكم اوعاكم اتردو 
  
وبعدها 57 يوم تا ظهر،   
علامات تعذيب ع النفسيه وع الظهر 

لك فوق كل هاد انا عتبان على عبقر
من كل ملوك الجن ليش تيبعتلي الأقدر
على كشف ضعف نفسي وبعدا قول يا ستار 

لك فوق كل هاد انا عتبان على عبقر
من كل ملوك الجن ليش تيبعتلي الأقدر
على كشف ضعف نفسي وبعدا قول يا ستار 


الناس الي راحو كتار والي لازم كانوا يروحوا اكتر 
شاعو انو انتحر بعدها درينا انه على نهر انّحر

محاولات تثبيت ذاكرتي براصي  تما تندثر 
محاربة  الأرق هاي لا فن ولا سهر

تماتندثر - Tamatendether - Prod. Miad

Photo by: Caroline Tabet

تحت
أيام بترك حالي تحت
بعرف كيف بطلع عقلي بس ما بكون ارتحت
تحت فتحت للضباب باب للجليد سرداب
مش اكتئاب قفز مظلي وفوق راسي كتاب
سميها التهاب دوري لغدة الروح
لما عدة الصلاة إنك تعدد جروح
بكتب عالحيط: انتبه، إن الأشياء أقرب مما تبدو في المرآة
رماديات شفق، حساسيات عبق، تجليات ورق
قلب زحط عالمعدة من كتر ما العصب خفق
حفر بالعضم نفق واصل جلدي بالفراغ رائد فضاء
بالكون الداخلي معلق برسن براق إسراء
إصرار عالإبصار جفن جبين ومسمار
تجميع أثر نواة بعد مسار إنشطار
سالب وموجب وللفصل إعصار
فجر طاقة بعدها النشاط صار بخار

يا صاحب الألوان اتركني بالرمادي هادي
من رمادي بادي سكة اشتعال الإعتيادي

تسكين أول حرف كالمغاربة
تكوين هامش بعد عن قوالبي
قواربي احرقها مرحلياً، فيه صمت تحت المي والقاع مش مبين
والسطح بدم مزين بدون هدف معين
سيان بين ريان وغيان
وشتان بين الهدوء ببالي والروحاني الإنعزالي
قالت إلهة الصمت الحب بصوت خلخالي
عالرنة ياللي بتبقى رغم الصمت اتكالي
بالعتمة بتبقى هالة
من برا أي حالة برجع بتعرف عحالي
والدولة والعيلة والمجتمع والدين
كانوا عصدري قاعدين قبل ما تشرحه سورة
تركت المؤسسات قبل ما يخترق سورها السما
يبتلع وهمها الحلم ومن زماني انحرم
مش سحر شرم برم
بل توجيه أعصاب: ياللي بتعمله بيعملك، ياللي بتملكه بيملكك
وكل جزء منك بيتمسى بيتسمم
بين صفاتي بتسلل وبتعلم اتحمل
ضغط الظروف المحيطة بدرع الحياة البسيطة
لحد ما يتجلى: فكرة بتستاهل كلمة، كلمة بتستاهل عقل
فيه راب أفكار وفيه راب جمل
ما برش أمل عجرح ما اندمل
فتش عالدوا، بعصر الهوا وبرده ألف مقصورة قبل ما انكوى
مندس بلون باطون تما انشاف بعيون
ايام بشبه ركام غزة حتى قوم
لا شؤم بوم ولا هلوسات هدهد
لا لهفة كلب ولا قوقعات قنفد
كل الروس الحمرا هيدي بكرا بترجع تبرد
فمش رح ينفع تركض
بلش من قبل، أسس من تحت
تحت، أيام بترك حالي تحت

يا صاحب الألون اتركني بالرمادي هادي
من رمادي بادي سكة اشتعال الاعتيادي
.....

تسفيه مش ترفيه
تسخيف وتتفيه، يا بيطفيك يا بتطفيه
لو تعرف بس حشيشك شو بينحط فيه وسألت مين المستفيد
مينا استشهد بماسبيرو، سم ممنوع المس فيه بس فيق
بغطي إعلان البيرة بشوف المش بصفي
وبصفيه، كونه أراؤه بتصفي محصورة بالبار والإفطار
وبحرض شعبي المؤمن هو اللي عليه بيكفي
يا ريت تجيبه ليلى، بركي بتقرالي كفي، عوجها
هي مجرد قجة حولها حية ملتفة
تنبؤات لتغفي، 
ولو بكرا مكتوب ما بدي ياه عرفي
إغراق بالمشهد والحرق ما بيدفي
تشتيت للمخ ورا التشبيك متخفي
تشتيت نضالك، تقطيع أوصالك
متل قطاع وضفة
ترويض شهواتك فاخترعولك عفة
تتشوفي الكون من قفة
وتقفي معاني القصيدة
شعرك كله تصيري تقفي
عوزن مألوف، هيدا عوزنا المعروف
حفل اغتصاب بزفة
والأعمى داير دفة 
والدواجن مصتفة، والكاس عميدور كل دجاجة تاخد شفة
حتى ما يصيهم هلق لما نوصل عالحفة
وانت حامل سطح مراية ونازل عم تحف فيه
في موقف فوق مجازر شاغر يالله قرب صف فيه
طيب والجريح؟ ادعيله الله بيشفيه
وشفلي العريفي كام عار فيه؟
مش عاجبك طب شرفي
ناقشي وما تحرفي
اللي بقوله أنا حر فيه 
وعرفي كل يوم من أهدافي عالواقع جيب غرفة
فما تحطني بدرفة تمني تلاقي صرفة
والسؤال المطروح ما تضطر تقر فيه
هروب كاسة شاي من رشة قرفة




الراس و مونما - تحت/شاي بيقرفيه

Vanished (Slowed) X Mike Mentzer

جرب..  

لسه أنتَ، أنتَ. ولساتني أنا نفسي 
وتنيناتنا لسه بحاجة لطبيب نفسي 
لسه ما بآمن بالله، بحاول صوم رمضان 
والأطباء لسه ما اعتمدوا، بايبولر ولا فصام 
لسه بضحك على حالي، بقول الوضع تمام
بحاجة حشيش وكحول لحتى أعرف نام
لسه بحب أتحرك مو شرط للأمام 
والكذبة نفسها عم تنحاك، أمن وأمان 

لسه بحب بالحي أرمي عالغريب السلام 
ولسه بحب الحي يرمي عالغريب السلام    

لساتها الثورة فكرة ولسه معنا بكرة 
والشعب لسه راضي عالحكام ولاد الدكرة 
لسه بستغربني كيف ودود مع الجميع 
لساتني كتير بحكي، بعتبر حالي كتير سميع 
وأكتر واحد مظلوم، هو أكتر واحد مطيع 
لو فعلاً كلكن أحرار من وين أعداد القطيع

لسه في شعور ود بيني وبين الاكتئاب 
لسه عقلي ينق عليّ أحفظ الكتاب 
لسه نفسن الي عم يموتوا عم يتصنفوا إرهاب 
ولسه في ناس ببلادي تنطر انقلاب
لسه مناطقنا نكرة وما بينحسب لنا حساب 
ول تف كلام على بيت بدك من السين اكتتاب 
عالماضي لسه ما اتفقنا احتلال ولا انتداب 
والرأي العام مشغول بفرق القطط عن الكلاب.

تلميذ غريب

LISSAH

Telmeez Ghareeb - Talamzeh
Produced by Joker
2019

Prod. joker تلميذ غريب - تلمذة

YouTube | يوتيوب: bit.ly/34rrwNN
Instagram Page | انستاغرام: bit.ly/40FpK7b
Facebook Page | فيسبوك: bit.ly/2saIPno
Twitter Page | تويتر: bit.ly/2tzaTBi

كلمات الأغنية:
مشاويرك بالفضا
والعتم الماله صوت
لو شافك شي حدا
سارح بهالملكوت
بحاله، متلك متله
تركوه جمعة بمحله
أفكاره المابيملوا
سارح هيك، سارح هيك
عارف، لو فيك تقله
نايم على وجعك، قله
بيجاوب: كلن، كله
نايم هيك، نايم هيك
مشاويرك بالفضا
جرحك منّو ممسوح
كم نجم بهالمدا
قلك متلك مجروح؟
بحاله، متلك متله
تركوه جمعة بمحله
أفكاره المابيملوا
سارح هيك، سارح هيك
عارف، لو فيك تقله
نايم على وجعك، قله
بيجاوب: كلن، كله
نايم هيك، نايم هيك

Prod. joker تلميذ غريب - تلمذة

Telmeez Ghareeb

Recent comments

Did13

Dana

User 836884663

ILLADIB

Related tracks