Харц булаам дөлгөөхөн ялдам мишээгээд
Хараад ханашгүй ухаалаг гоё нүдээрээ
Хэнээс ч дутахгүй үзэсгэлэн гоо царайтай
Хэнийх ч биш миний л амраг 
          Надаас өөр хүн чамд байдаг бол
          Надад тэр чинь юутай гуниг вэ?
          Замбуулин хорвоог туулъя гэвэл
          Заяа тавилангаараа заяа тавилангаараа 
          Би чинь азтай хүн
Хайрын тэнгэр итгэлийн гэгээтэй
Ханийн хайранд дурлалын өнгөтэй
Аливаад хэрсүү ухаалаг гоё зантай
Аяа энэ бол миний л амраг 
          Надаас өөр хүн чамд байдаг бол
          Надад тэр чинь юутай гуниг вэ?
          Замбуулин хорвоог туулъя гэвэл
          Заяа тавилангаараа заяа тавилангаараа 
          Би чинь азтай хүн

Харц Булаам

Хүүгээ өршөө

Ээжээ, таны минь гишгэсэн газраас түмэн өнгийн цэцэг дэлгэрч
Урсах нулимсны тань дусал бүхэн зөвхөн жаргалынх байг ээж ээ

Шүүдрийн дуслаар цай чанаж таньдаа бариад очье ээжээ
Шүлэг дуундаа таныгаа үгүйлэн хайрлан дуулах юм ээжээ
Нулимс гашуун, харууслын нулимс нясуун
Нууцхан хайрласан хайранд чинь эрхэлж дандаа явж дээ
Өршөө ээжээ эрхийн тэнэг хүүгээ өршөө
Өмөг түшиг та минь намайгаа өршөө уучилж өршөө ээж минь

  Нисээд одохвий та, муу хүү чинь нэг л их гунигтай хоцрохвий би
  Намрын шувуудтай орхиод одохвий гэж цайлган ээжийгээ дурслаа
  Нүднээс минь сувдан нулимс бөмбөрөн уналаа ээж минь

Уучил ээжээ, өршөө ээжээ
Ухаангүй тэнэгхэн хүүгээ та минь уяртал зэмэл дээ
Уйлан байж дуулья
Танийхаа өлмийд шүлгэн цэцэг дэвсэе
Энэ миний чадан ядан дуулсан дуу минь
Энхрий таныхаа сайхан бүхнийг дурсан санан дуулсан дуу минь
Сэтгэлээс минь урган гарах таньдаа өргөх сүүн цацал, дуун цацал
Хариу нэхээгүй хайрын тань үргэлжлэл энэ миний дуун цацал
Нүднээс минь сувдан нулимс бөмбөрөн урслаа ээж минь
Нүгэл нүднээс замхран арилсан, мэлмэрэн урслаа ээж минь
Нүцгэн модод навчаа өвөртлөн харамсан гуних шиг
Нүгэлт зүрх минь алдаж эндэж таниасаа холдохвий
Ээж минь та минь бялчирхан хүүдээ ганц л заяах шүтээн минь билээ
Хэлээч хүүдээ, холдохгүй гэдгээ наддаа амлаач ээж минь
Анзаараагүй ээ, би бүхнийг анзаараагүй явсаар явсаар
Саяхан залуугаараа байсан ээж минь өтөлснийг нь анзаарлаа

  Нисээд одохвий та, муу хүү чинь нэг л их гунигтай хоцрохвий би
  Намрын шувуудтай орхиод одохвий гэж цайлган ээжийгээ дурслаа
  Цэцэгсийн толгой бөхөлзөнхөн харагдлаа
  Цээжинд минь гунигийн бороо зөөлөн шивэрлээ
  Энхрий ээж минь дээ, хайртай ээж минь дээ
  Эргэх дэлхийн он цаг урслаа

Нэг л мэдэхэд байгаль дэлхий нар сартайгаа гандаж дээ
Ээждээ зориулж хийсэн зүйлээ эргэцүүлэн бодоод үзье дээ
Хийсэн зүйлээ бичсэн шүлгээ эргэцүүлэн бодсон хэдэн үгээ
Таньдаа хайртай хүү чинь дуулж байна дууг минь харин цааш нь түгээ
Үүрнээсээ би чинь нисмээргүй
Үргэлж таниасаа бас холдмооргүй
Үүл нь үгүй цэнхэр тэнгэрээс нь, яагаад ч юм мэдэхгүй ээжээ
Аадар бороо орох гээд байх шиг санагдаад байх юм даа
Зүрхэндээ тээж, сэтгэлээ нээж өдөр хоног өнгөрсөөр
Ээжийн минь үсэнд буурал нэмжээ, энхрийхэн хүү чинь 20 хүрчээ
Аясаар болдоггүй хатуу хорвоод амьдарч яваагаа дуулахгүй юм бол
Ахиад таныгаа хэзээ би хайрлах юм бэ ээжээ

  Цэцэгсийн толгой бөхөлзөнхөн харагдлаа
  Цээжинд минь гунигийн бороо зөөлөн шивэрлээ
  Энхрий ээж минь дээ, хайртай ээж минь дээ
  Эргэх дэлхийн он цаг урслаа
  Нисээд одохвий та, муу хүү чинь нэг л их гунигтай хоцрохвий би
  Намрын шувуудтай орхиод одохвий гэж цайлган ээжийгээ дурслаа

Нэг л мэдэхэд та минь өтөлжээ
Өдөр ирэх тусам таны минь үс бууралтсаар
Өнчин цагаан ботго шиг үлдэхвий гэж хүү чинь айх юм
Өдий хүртэл та минь хүүгээ гэсэн сэтгэлийг тань бодох юм
Үүрнээсээ би чинь нисмээргүй, ...холдоод байх юм ээж минь
Үргэлж таниасаа бас холдмооргүй, ... ээж минь
Дэргэдээ байгаа жаргалыг хүү чинь дэндүү дэндүү холоос хайж л байж дээ
Дэнжийн цэцэгс хагдрах цагаар тэнэгхэн хүү чинь ойлгож ухаарсан
Хүн хүнээс илүүтэй таныгаа гомдоож зовоож л явсан бол ээжээ
Хүүгээ өршөө таниас өшөө бурхан гэж хүүд чинь үгүй дээ
Хүйтэн нойтонд даараагүй, жиндээгүй
Халуун салхинд гандахгүй, гундахгүй
Бас хүнээс илүү хүн болноо гэж хүүгээ хайрлаж
Бодолдоо зугаацаж гадуур тэнэж явсан байлгүй дээ
Алдаж эндэж явсан муу хүү чинь
Аньсага нойтон таныгаа л аргадая, аргадан дуулий

  Нисээд одохвий та, муу хүү чинь нэг л их гунигтай хоцрохвий би
  Намрын шувуудтай орхиод одохвий гэж цайлган ээжийгээ дурслаа
  Цэцэгсийн толгой бөхөлзөнхөн харагдлаа
  Цээжинд минь гунигийн бороо зөөлөн шивэрлээ
  Энхрий ээж минь дээ, хайртай ээж минь дээ
  Эргэх дэлхийн он цаг урслаа

Temka Temvvlen

Popular tracks