‎احتاج - فالح بن فصلا

كم لي خوي المساري والدروب السمر
ألي علاقه وتربطني في ثلث الاخير

البعد مبدع وقالوا استمر استمر
فرّق حبايب ولا تسمع لـراي الشوير


انا لاجيت الطريق اللي عليهم يمر
القلب يرقل وانا مدري متى  يستخير

يشبه لصفرن عباديه توطى جمر
تدجر ليا طالت الشده وصاح النذير

يجيب بعض الطواري ريح نار السمر
اقوم قومة كفو واطيح طيحت كسير

لو خلدتنا الحياه ولو قطفنا الثمر
في جنة العشق جهنم وبئس المصير


موتن حمر لابسه فستان موتن حمر
متلهفه حفلة البارح لها من الاخير 

حتى الثواني تراقبها وعيت تمر
يوم الفحت الفحت بقلوب جمعن غفير


في كل مره يجيهم زينها ادهى وامر 
من صغرها اللي تبيه يصير لازم يصير


من يازن الشعر ياشعار لوه غمر
على بحر عينها يصير  شاعر كبير

اعيونها ناعسيه والشفايا خمر 
لقيت اشد مذهبات العقل ضحكة غرير


في مبسم اللي فهقت عشرينها من العمر
الشعر لامن حكت يموت موتت ضمير


اسلوبها قناد والمنطوق فذة تمر
ويلي على ماتقهوى منه قهوة عصير

وجهن ملامحه جذابه ويامر امر
وامعنقن فارع وصدرن نعومة حرير 


 والخصر ماجاء مع الترفات بيض وسمر 
قام ايتزوى وانا منّه ماعينت خير 

ياكثر مافيه من جوعه هيام وضمر
والردف راهي ومتفرد وشرن شرير

يوم السماء كله نجوم بيديني قمر 
ماجاب راس القمر الا عتيبي خطيرررر


 جاها يبيع العمر لعيون ليلة عمر
لو دونها شيخن مجود خطام البعير

موت حمر - ماجد خضير

كلمات : مبارك المطرباني
ألحان : فهد بن فصلا
توزيع موسيقي- تأليف وتريات وفواصل موسيقية 
أحمد محروس
تسجيل ومكس وماستر : استديو تون لايف
تصوير : عمر عبدالله
توزيع ديجيتال وإنتاج مرئي : الفان



تدانت الشمس عقب اشراقها  للغياب
وتشرّع الصدر  للضيقه وقال أرحبي

وصرت انظر الكون كله من ثقب عين داب
وقمت أصفق براحة إيديني في روس ركبي

سجيت وأنا أحسب إن مادمع عيني بصاب 
والله ماوعاني الا  حرته في  شنبي

وسريت أدور من  الضيقه  لرحلة  إياب
لرضاك يا إلي زعلكْ وضيقتك بسببي

رسايلك من ثمان أيـام شك ،  وعتاب
وعتابك وشكك أكثر  مايزيد  تعبي

تنامت الغيره وفكت على الشك باب
واستوطن الضيق في عينك ياعين الظبي

يا وجهها إلي لبسك الحزن لبس الثياب
قلي وش الحزن في ذيك الملامح يبي

لو الحزن يستحي ؟ من وجهها كان تاب
الحزن مايدري إن شكله عليها غبي ؟!

وإن دمعها لو يطيح ، تطيح دونه رقاب
ومايدري ان قلبها وصى عليه النبي ؟؟

كان الفرح لي رفيق وبعد ماغاب غاب
صار يتحشد ماعاد يمر  كنهْ أجنبي

وشلون أبقوى فراق أبو الوساع العِذاب
وفراقه آمر من فرقا الأبو للصبي

حتى دموعه من مفارق عيونه تهاب 
تنزل من عيونه الدمعه تقول تحبي

قولو له اني من مفارق عيونه مُصاب
وان منزله في الحشا من جاء يبيه يهبي 

وان في عيوني عن الخفرات غيره حجاب
لو ينقضون الشعور وينطلون العبي

واني ماخليت وقتٍ للدعاء مستجاب
الا وفيه ارفع كفوفي وأبل هدبي 

وقولو له إني في وجهه لا يطول الغياب
وانه من الحزن في وجهي وفي وجه ابي

‎⁨ياوجهها - فهد بن فصلا

من وين لك كل هذا الحسن ياام الخمار ؟
البارحه جاب فيني زينك الغايبه 

كشفتي اللي سرق قلبي نهار  ٍجهار 
علمتك السرقه من أموالي السايبه

عجزت أداري الذهول ونظرة الانبهار 
وانا احسب اني ثقيل ودهشتي غايبه

وان قامت الشمس تمزج في بياضك حمَار
قلت الشفق مع حضور الشمس وش جايبه؟

وان قلت سلسال والا عقد قلتي مجار
ذا عقد لكن فصوصه بنحري ذايبه 

الله يلوم اللي يلومه بهالانصهار 
ياليته يصيبني مثل الذي صايبه 

ومعنق ٍ طوله يخليه ياخذ قرار 
إليا تحسّف يردّ الكلمه العايبه 

ان قلت عين الوحش؟  وان قلت عزة حرار؟
قل اي اجابه واقول : اجابتك صايبه

يارب ثبتني ليادار ذاك الحوار 
النظره المذنبه ،  والبسمه التايبه

يالله تعالي نمارس لذة الانتصار 
وافرّح اصحاب قلبي واقهر عداي به 

بردت بك كبدي من الصبر والانتظار
عقب مانفسي من اشباه البشر طايبه 

انتي دخولك حياتي كان رد اعتبار 
لايامي المجدبه ، وظنوني الخايبه !

من وين لك - شبل الدواسر

يافالق البحر عن موسى عليك اعتمادي
ادعيك بصفاتك العليا والاسما العظيمه

بدون حولك وطولك مااقدر ابلغ مرادي
متفائل بخير وعنايتك دايم كريمه

يارب زدني تمسك بالشيم والمبادي
وبدون بعض المبادي ما للانسان قيمه

خسرت بعض المصالح من سبايب عنادي
لاموني الناس كني مرتكب لي جريمه

احدن على حسن ظن يقول وين انت غادي
واحدن لقاها وسيله للحكي والنميمه

ويكون ردي حسب عرفي وحسب اعتقادي
ماعندي القدرة أبني فوق الاصنام خيمه

دمت امتعافي وعندي قوت يومي وزادي
لاظالم المسلمين ولاعليه ظليمه

كني ملكت الفضا والعالم الاقتصادي
والبر والبحر من لندن ليا هيروشيمه

حتى لو اهل القصيد تهيم في كل وادي
وادي الضياع أتركه للناس غيري تهيمه

لاصرت مانيب في بعض الامور انقيادي
انا كفيل النتيجه فوز ولا هزيمه

خلوني اعيش في حريتي وانفرادي
اعزف غصون الشجر واصنع من العج غيمه

وليا شدا من مزامير آل داوود شادي
أشارك الطير في نزف الجروح الأليمه

وابدع له من الفرايد شي ماهوب عادي
نوادر كثيّر وعزة ،، ووافي وشيمه

تجمع وتسمع فاحاديث السمر والنوادي
وافكارها تربط المستحدثة بالقديمه

لها علي اني ابذل طاقتي واجتهادي
ولي عليها أترك الدنيا وتبقى مقيمه


#سفر_الدغيلبي

‎⁨المبادي - سفر الدغيلبي ، خالد البريك⁩

حي الله اللي يرد الروح
وأن غاب ، لو كنت متهني !

أسكت ، وراع الهوى مفضوح 
لابد ما يحن ويغني

على الرجاء والعتب والنوح
أعز نفسي ، ولكني

أكافح الخافق المجروح 
أمحبة ألْه ، ياعنك أني

أموت في صوته المبحوح
لاقال لبيه يقتلني

والعين عين أشقرن مطروح
يفتن بها الأنس والجني

والخد برقً سرى ، له ضوح
وش ذا الحلا ، الله يطعني 

برقً ورى المدلهم يلوح
وذا والله اللي مجنني

وزودً على وصفه المملوح 
ذوقن رفيع وصغر سني

مالي ورى محبته مصلوح
غير أرضي النفس والظني

ببقى معه لو يجي ويروح 
ماتخيّله يبتعد عني 🤍

بعده وقربه حياه وروح
منْه الوصل والوفاء مني

فلاح المسردي ، فهد بن فصلا 2022

حياة وروح - فهد بن فصلا

ياحظ عيني بس في شوف عينك
بك تختصر كل العنا والمشاوير
من ليل شَعرك لين يشرق جبينك
تمسي على خيرٍ , وتصبح على خير
الله على كثر المحبة .. يعينك
وأستوحد بقلبك وأنا أولى من الغير
بأعلّمك عن شي بيني و بينك
تدري إنك أجمل شي من قبل لا يصير !
مشيت لك من قبل لا آعرْف وينك
مصدّق إحساسي كذا دون تفكير
ولقيتك أجمل من هقاوي ظنينك
ولا خانني في الهقوة إلا التعابير
كلامك وحسنك وعطفك و لينك
استخلصوا منها جميع المعايير
حتى “ الفلاتر “  حددوها بزينك
كلن يبي مثلك ولو كان تصوير 
تزيّنت دنياي على يدينك
وساقت على قربك علوم التباشير
الحظ زعّلني قبل شوف عينك
و رضيت عنّه يوم جابك معاذير
سعيد بن مانع

‎⁨حظ عيني - فهد بن فصلا وفالح بن فصلا⁩

رعاك الله ياحبٍ سكن وسط الضلوع سنين
رهنت العمر لجله والمشاعر فيه مرهونه

لكن الوقت يخلف هقوت اللي فيه متهقوين
هني من عاش عمره والزمن ماخيب ظنونه

رهين الذكريات يدوّر السجه مع السالين
لو انه يبتسم تقرى الحزن في داخل عيونه

تعلق خاطري فاللي جمع دل وقبول وزين
يازين الحال بحضوره يشين الحال من دونه

لا شفته ضعت ضيعت كحله اللي يرسمه فالعين
وخصرٍ كل ماهزه نثر ليله على امتونه

اشوفه في عيوني غير متفرد على الباقين
وعليه ادرى من عيون الخلايق لا يشوفونه

عطيته قلب عاشق مخلصٍ له فالقسى واللين
على يده تعلم ويش معنى الحب وفنونه

عشقته من وفاء وشعور ماني عاشقه تخمين
وضمنت الحب له واقدارنا ماهيب مضمونه

رهين الذكريات

كلمات : سعود مبارك
ألحان : فهد بن فصلا
إنتاج فني : استديو تون لايف
تصوير : عمر عبدالله
توزيع ديجيتال وإنتاج مرئي : الفان



الكلمات :

ياربي جعلني ما آذوق فرقاها اللهم آمين
عيوف لو بعيف العافيه مانيب عايفها
كثر مالله عطاها من حنان ومن قبول و زین
كثر ماهيب تكبر في عيوني من مواقفها
خذتني من محيط الحظ الأقشر والزمان الشين
على اول شبتي لين أغدقتني من عواطفها
على ايديها عرفت ان السعادة في غرام اثنين
علاقة حبهم مافيه غير الصدق ، ينصفها

تفرقنا الظروف ونجتمع عقب البطا شفقين
على ادنى فرصة تسنح نحاول ما نطوفها
ترف قلوبنا و آول ملاقنا ، عناق ایدین
تحت شلال لليل مايضمه غير معطفها
شوي شوي لين اضع بين ايدينها اثنتين
وأحس بنشوة والله ما اعرف كيف اوصفها
على الصدر الحنون أنام من شوق ضناني لين
يصحيني صدى صوت تدافق من شفايفها
توصيني تقول الوصل خله في رقبتك دين
ترى الايام ماتترك رداها وانت عارفها
وانا عاهدتها ما أبور فيها دامنا حيين
لها وجهي لو تبور الولايف في ولايفها
ترى حب يغذية المواصل والجناب الزين
حياة ثانية من ذاق لذتها ، يوالفها
وترى بنت الحصان النادره ماتقبل التهجين
وخيال مايملي عينها ماهوب عاسفها

غرام اثنين - فهد بن فصلا

كلمات |مبارك المطرباني
دويتو 

 #محمد_الزعيزعي | Saif yam
 #الوليد_ال_عامر

توزيع : تون لايف
م.عبدالرحمن الشهري
جرافكس : ابراهيم

الكلمات |

‏ياعزيز القرم لا تنشد عن اخلاقي
‏علومي الي بصدري منت خابرها
‏ㅤㅤ 
‏ينبيك دمع تهايق بس ماراقي
ا‏ترده رموش عيني في محاجرها
‏ㅤㅤ 
‏غديت كني على المطراش منساقي
‏لمن طرت ساعة مانيب ذاكّرها 
‏ㅤㅤㅤ 
‏انا ادري ان كل جمع ل التفراقي
‏لكن عيني بعدهم وش يصبرها .

‏لاياوجودي وجود الطيب الشاقي 
‏الى بغا حاجةٍ ماهوب قادرها 

‏ولا يافري جيبي ولا ياكسر ساقي 
‏لافكت أزرار صدري لاتزررها

‏ويلّي على ساعة مع غيب الاشفاقي
‏لاقامت تلوح يمناها بساترها

‏آنست مايونس المبلي من الراقي
‏ويلي على الرقية الي من مشاعرها
‏
وويلي على ساعةٍ من عقب الاشفاقي
‏لاقامت تلوح يمناها بخامرها
‏
ياوالله الي فداها عمري الباقي
‏على كثر ماتلكع لي وأقدرها
‏
‏اتقول  مثلي حرام ان  منته   بلاقي
  ‏وتاخذني العزه بنفسي وأحقرها

‏ومن أولٍ تطلب البيتين  وآلباقي 
‏وأكبر بيوتي  بعيني   وأصغرها

‏واليوم فدوه ابيوت الشعر واوراقي
‏لا والله الا قبل الأبيات   شاعرها..


‏كان انكْ فزاع فأسق الزرع ياالساقي
‏واحجز لي التذكرة تكفى وصدرها

‏أنشهد اني عليه أحن    واشتاقي
‏حنين بكرٍ خذوا   منها   حويرها

‏ذي خيل حبه تصاقل وسط الاعماقي
‏كني بها وسط جوفي ضرب حافرها

‏واللْه وعلي الحرام اني ماآنا بهاقي
‏نفسي على درب تلع الجيد  أسيرها..

كُنت أحسب إن لي عن دروب الهَوى واقي
‏إلين حارت دموعي .. في محاجِرها !

‏عليه قَلبي ورىٰ الأضلاع توّاقي ,
‏خطرٍ من الشحنه ضلوعي يكسّرها :)

‎⁨دروب الهوى - مبارك المطرباني⁩

فهد بن فصلا - حنيت لك 

كلمات سالم بن حويل المري

الكلمات :


حنّيت لك حـنّة المسـجـون لـ فراجه 
لادبّــر اللـي يــزوره وإخـتفـى زوله
.
شفقان لك شفّقة المرضان لـ علاجه
اللي قضا العمر من دوله الى دوله
.
مشتاق لك شـوق منهو ودّه إيواجه
خـلّـه .. ولاحان شوفــه لاقرب حوله
.
احتجت لك حاجة المحتـاج للحاجه
لامسّه الـوقـت من شينه ومن هوله
.
لاتضيّع اللـي مــع الايـــام تحتاجه
وافكاري بكل طـاري فـيــك مشغوله
.
عمر البحر لاركــد مـاتـركـد امواجه
وعمق البحر مايقاس بعرضه وطوله
.
يـاروح خلّك .. ويـاعــزّه .. ويـاتاجه
ياوقته .. وكل مـالـه .. وآربع فصوله
.
شف لك طريقة وصل عجّل ونتواجه
واحيي معك روح من عامين مقتوله
.
مـاعاد خلّك يـطـيق الخلق وإزعـاجه
والنفس عقبك مـع الآحـزان معزوله
.
مشـاعر الـحـب مـثـل الـنـار وهاجه
وسيوف حبك عـلـى مغلـيـك مسلوله
.
من خـصّـك بكل حبه راعـه .. وناجه
واقبل والاعـذار مهما قــلــت مقبوله
.
بـوح المـشـاعر تبرر كــل مـاآحتـاجه 
وجروح الآهــــآت مكتوبه .. ومنقوله

حنيت لك - فهد بن فصلا

كلمات : مبارك بن حمّاد
ألحان : فهد بن فصلا
إنتاج فني : استوديو تون لايف  
تصوير : عمر عبدالله
توزيع ديجيتال وإنتاج مرئي : مجموعة الفان 

ــــــــــــــــــــــــــــــــــــــــــــــــــــــ
الكلمات :
الوصل طب القلوب وقوت
عقب البطا كنه الجنّه

والصد بين العرب ممقوت
مثل الضما ابلاهب الكنّه
 
أشتاق له والعمر موقوت
وأغليه وأهواه وأحنّه

مو بس أحبه ، أحبه موت
ياجعلني مانحرم منّه

غلاه باقصى الحشى ، مثبوت
أموت وألا أبتعد عنّه

ياجعلها فرصتن ماتفوت 
في شوفه العين ممتنّه

من حد بيشه ألى تاروت
مثله مع الناس ما أظنّه

والشام والمغرب وبيروت
مافيهن اللي تعدنّه

وش هالجمال ويازين الصوت
أن جيت أحاليه وش كنّه

همسه يخلي الحضور اسكوت
كل المزايين يفدنه

امضمرن والخصر منحوت
متميزن من صغر سنّه

وريقه حلا والشفايا توت
يستخرجون العسل منّه

والثغر درً على ياقوت
لاشافها التايب أغونّه

أن غاب كني وسط تابوت
وأن عاد عقب البطا جنه

‎⁨أحبه موت - فهد بن فصلا⁩

يا حبيبي لا تخاف من السحايب
‏لا تروّعك المزون المستهلّه
‏.
‏المطر ما يعشقه غير الحبايب
‏وابله لا هلّ يبري كلّ علّه
سداح العتيبي
هزاع المهلكي

‎⁨لاتخاف من السحايب

سهل جدا ألاقي من يعوض خيبتي ويّاك
صعب جدا مثل صبري على خيباتك تلاقي
وعساك اذا لقيت تلاقي اللي مثلك و شرواك
مادام الطيبين شوي ؟ لا تكمل على الباقي
اذا تذكر زمان أول تجيني كلّك من أقصاك
ويروينا الغرام وتكبر أشواقك مع أشواقي ..
وش اللي غيّر دروبك عن دروب الوفا وش جاك
سحابة صيف مرّت وأغرت أوراقك عن الساقي

كتبتك حلم بأوراقي .. ولكنّي عجزت أقراك
محيت الحلم لكن العوض في باقي أوراقي
شكرت الحظ يوم إنه كشف لي عن ثمن فرقاك
يطول الوقت قبل يعلّمك عن قيمة فراقي
تجاوزت الكثير ولا بقا إلا شي من ذكراك
لو إنّه كاسرٍ قلبي أبد ما يكسر أخلاقي ..
انا ادري عن مزاياك الكثيرة كلها تزهاك
ولكن الوفا لا ضاع ... سلّم على الباقي

‎⁨سهل جداً - فهد العمري⁩

فهد بن فصلا - خاويت ذكراه (حصرياً) | 2023
 Fahad Bin Fasla -  Khawet. Thekrah (EXCLUSIVE) | 2023

كلمات : محمد جارالله السهلي
ألحان : يوسف الشهري
إنتاج فني : استوديو تون لايف  
تصوير : عمر عبدالله
توزيع ديجيتال وإنتاج مرئي : مجموعة الفان 

ــــــــــــــــــــــــــــــــــــــــــــــــــــــ
الكلمات :
خاويت .. ذكراه وملذّة طواريه ،
وخليت كل اللي يقولون  .. خله 

احبه من اعماقي وخاطري فيه ،
وانا و ما تملك يدي .. فدوة ٍ له 

وتفداه عذّاله ويفدون ماضيه ،
اللي يشوفون اشتياقي .. مذله 

قلبي واعرفه واعرف اللي يسليه ،
وجهٍ يبيّن لك .. وش الزين كله ؟

وجديلٍ مموّج طوالٍ مساريه ،
أبيع عمري .. واتفيّا بظله 


اخذوا من سنيني وردّوا لياليه ،
مخنوق من رتم الحياه الممله 

خلوني اسج القدم في محاريه ،
عمر الوفا ما كان غلطه وزله 

وخفوا عليّ من العتب والمشاريه ،
لو ما بقى فالعين دمعٍ  تهله 

مانيب مصخي به ولانيب ناسيه ،
صدري مداهيله … وقلبي محله 

بعيش لـ آخر يوم في عمري ارجيه ،
رجوى المريض اللي تحت رحمة الله

خاويت ذكراه - فهد بن فصلا

احبه حب شايب

فهد بن فصلا - ماذوقه (حصرياً) | 2023
 Fahad Bin Fasla -  Mathoqah (EXCLUSIVE) | 2023

كلمات : بدر بن ذنبوح
إنتاج فني : استوديو تون لايف  
تصوير : عمر عبدالله
فيديو : عبدالعزيز
توزيع ديجيتال : الفان 

الكلمات | Lyrics

عسى درب خذت رجلك عليه اقفایه و معواد
يفيض من النبات و يجري الما العذب بعروقه

مداهيله . . مراويح السحاب و غاية النشاد
وظل يرسم اشكال الطيور العابره فوقه

انا الضامي على ضفاف الفرات . . الجايع فـ بغداد
انا المنفي عن بلاد العرب من غاب فاروقه

شعوري يوم اقصر خطوتي و اطول المقعاد
شعور اللي طرق باب البخيل و ضاعت حقوقه

لا زلت احتاج وجهك . . لـ السهر لـ الشعر لـ الميعاد
وصوتك .. لجل احرر عبرة فـ الصدر مخنوقه

ياليت اللي مضى لي من عمر معك ؟ معك ينعاد
واشوف اللحظه اللي من شريط العمر مسروقه

وثوبك يوم يطرقه الهوى . . انا على استعداد
اعرف الغصن وش خالص ثمره و يانع عذوقه ؟

اقول اني بشوفك فـ المنام . . ان غبت كالمعتاد
وانا حتى المنام اللي بشوفك فيه ؟ ما اذوقه !


ــــــــــــــــ
#فهد_بن_فصلا #ماذوقه

ماذوقة - فهد بن فصلا

بندر بن عوير وفهد بن فصلا - الزين القوي (حصرياً) | 2023
Bandar Bin Oweer Feat. Fahad Bin Fasla - Alzain Alqwe (EXCLUSIVE) | 2023 

ــــــــــــــــــــــ

كلمات  : محمد بن جارالله السهلي
تسجيل وإنتاج فني : استديو تون لايف
 فيديو : عبدالعزيز 
توزيع ديجيتال  : الفان


الكلمات | Lyrics

جيت في وقتك انا محتاج دافع معنوي 
تو ما زان السهر و الجو والليل ابتدا
 مرحبا مليون يالبيه يا الزين القوي ،
مرحبا .. والمرحبا منا ليا ماله مدى
ادخل ورتّب تفاصيل المكان الفوضوي ،
انت مسموح لك تدخل لكن الباقي بدا
 بعد مالله خص وجهك بالجمال النخبوي 
صرت بين البيض مثل الموت مامعك معدا
الله اكبر ليه ثوبك فوق خصرك منطوي ،
ماج مثل البحر لكن من تحت خصرك هدا
يا طويل الرمش لك هيبة شيوخ آل وذوي 
وص رمشك لا يضيّع باقي سنيني سدى
ووص عينك تلتفت فيني وتاخذني خوي ،
مستعد انطح لعينك قوم .. وارد العدا
مشيتك تلوي رقبة العاقل الراكد لوي
ونظرتك منها يجي للعين جرحى وشهدا
 وبكيتك ترفع معايير الجمال الانثوي ،
كن خدك ورده ومن فوقها قطرة ندى
وبسمتك تجعلني ازهد في حياتي واغوي ،
وش تبي مني تبي عمري جعل عمري فدا
لا تشك بقدرك وترتاب من قلب حموي ،
انت من حبك وخانك غادي وضايع جدا
يا حبيبي ما يخون الحب رجال بدوي ،
كان ما يقدر يجيك بخير ما جاك بردى

#الزين_القوي #بندر_بن_عوير #فهد_بن_فصلا

الزين القوي - بندر بن عوير وفهد بن فصلا

فهد بن فصلا - صاحب سمو (حصرياً) | 2023
 Fahad Bin Fasla - Saheb Smoo (EXLUSIVE) | 2023

كلمات : سعد الهويدي
إنتاج فني : استوديو تون لايف  
فيديو : عبدالعزيز

توزيع ديجيتال : الفان 

الكلمات | Lyrics

مال الهوا والمحبه والمشاعر حدود 
لو رسموها تجاوز كل ما رسمو 

محبتك من صغر سني بقلبي تزود
مع نمو الجسد بالقلب تنمو نمو 

يزود عمرك وزينك كل يومن يسود 
بصمت لك والعرب بالعشر لك بصمو 

رسمة ملامح جمالك نادره بالوجود 
اتعجز ابداع فن اهل الرسم لا ارسمو 

لو اتلفت على معشر مسيح ويهود 
كان اهتدو من خرفات الكفر واسلمو 

وشلون ما تنحسد مالوم عين الحسود
ومالوم من مرو وشافوك ما سلمو 

لـ أنك على قلوب من شافوك نار ووقود
اجهرهم اشعاع زينك وبسببك اظلمو 

مفروض لا سرت تصْرف لك كتيبة جنود 
لا شافو الي يعوقك بالمسير اهجمو 

واليا تصادفت انا وياك بين الحشود 
ان خصصو بالحكي او بالحكي عممو 

اليا احرجوك وتبيّن لي حمار الخدود 
ايعلموني وانا ادري لو ما علمو 

اعيونك اتسولف ونظرات عينك شهود
مانيب جاهل كلام ارموشك ان سلهمو 

حكمت قلبي مثل حكم الملك بن سعود 
نبضات قلبي شعوبك وانت صاحب سمو

#فهد_بن_فصلا
#صاحب_سمو

#FahadBinFasla

صاحب سمو - فهد بن فصلا

شبل الدواسر - اقف على بابه (حصرياً) | 2023
Shbel Aldwaser - Aqaf Alaa Babah  (EXCLUSIVE) | 2023


كلمات : مدغم ابو شيبة
الحان واداء : شبل الدواسر
تسجيل : تون لايف
توزيع ومكس : حازم الابيض
تصوير : ديتيلز - مالك العنقري
فيديو : عبدالعزيز
توزيع ديجيتال : الفان
 -----


الكلمات | Lyrics 


طلي علي من شرفة القصر طلي
القصر عدّت شيمته عن ركونه


اقف على بابه واعوّد محلي
واقول مايتساهل اللي يخونه


هواك يبي له بعيرٍ مفلي
لو البحر وراه والقوم دونه


ليت الطمأنينة بروح المصلي
اللي سجد قلبه وسالت عيونه


في نفسي اليا ضاقت وقلبي اللي
كان الله بعون امنياته وعونه


لاجيت ادوّر وصلك ولا حصل لي
واقبل ظلام الليل وارخا ردونه


ودك تحب اللي شبابه مولّي
ولاتحب اللي هلك مايبونه


رحنا وعودنا على طير ياللي
اللي نسيناه ونسينا لحونه


وانتي وانا على الصعيد المحلي
نعرف بياع الهوى من زبونه


وان الحياه ليا خذت ماتخلي
لازم نواجهها بصبر وخشونه


ماوقّفت بفراق خلك وخلي 
قد مات ابونا آدم وعشنا بدونه

#شبل_الدواسر #اقف_على_بابه

اقف على بابه - شبل الدواسر

فالح بن فصلا - هواي العذب (حصرياً) | 2024
Faleh Bin Fasla - Hawai Al3theb (EXCLUSIVE) | 2024

كلمات : جمال بندر
إنتاج فني : استديو تون لايف - الخبر
تصوير : عمر عبدالله
تصميم الفيديو : عبدالعزيز

توزيع ديجيتال : الفان 


الكلمات :

لك مقاليد الزعامة في فوادي 
المشاعر شعب.. ينتظرك تكلّم

يا حبيبي وانت ظالم وانت بادي 
وفوق ظلمك للمحبّين.. اتظلّم 

حسن وجهك مستحيل وغير عادي 
كيف جيت من السما من دون سلّم ؟ 

يوم شفتك قال قلبي لا إرادي 
انت حسنك واقعي ولا أتحلّم ؟ 

ساترٍ عودك بمعطفك الرمادي 
لكن الريح الشماليّة.. تعلّم 

وقفتك شامخ ومتوازن وهادي 
تجبر الخيل العربيّة.. تعلّم

ان مشيت أشم فالانسام كادي 
وان ضحكت يْغادر الليل المظلّم

يا هواي العذب يا غاية مرادي
لا تخليني من الهجر اتألّم 

انجرح لا شفت تلويح الايادي 
طالبك لا جيت تقفي لا تسلّم 

ولا تبالغ فالمديح ولا تعادي 
قلّ لي احبّك وصلى الله وسلّم

هواي العذب - فالح بن فصلا

فهد بن فصلا - جرعة الشوق (حصرياً) | 2024
 Fahad Bin Fasla - Joraat Alshoug (EXCLUSIVE) | 2024

كلمات : مطلق بن شويه
ألحان : رسم
توزيع موسيقي : استديو اوكتاف -  م . ابو بكر البشيري
مكس وماستر : استديو تون لايف -   م.عبدالرحمن الشهري
تصوير فوتوغرافي : عمر عبدالله
تصميم الفيديو : عبدالعزيز

توزيع ديجيتال : مجموعة الفان 


الكلمات | Lyrics

صاحبك يالجفول القايده 
مامعه فالهوى نيّة ردا

ماطلع من وراك بفايده 
 وشهدا الحب ماهم بشهدا .. !!

شايف ٍ فيك وأنتي عايده 
من قطاة الفرس صوره وأدا

وان وقفتي هناك محايده 
وألتفتي بعد خذتي مدا

كنك اللي جفل من صايده 
له نهارين روعه ماهدا .. !!

الجفا صلف وأنتي كايده 
ومعدا الموت مامعه معدا

لو ضلوعي هشيم وبايده 
حولتها يدك عشب وندا ..!!

جرعة الشوق عندي زايده 
كل ما اسج قالت لي بدا

كبد طفل ٍ على امه جايده 
ألتهت عنه في شغل وغدا

لا شعر بالظلام يصايده 
وقف .. وعاين خلاف .. وعدا !!


#جرعة_الشوق
#فهد_بن_فصلا

جرعة الشوق - فهد بن فصلا

فهد بن فصلا - احب وصالها (حصرياً) | 2024
 Fahad Bin Fasla - Aheb Wsalaha (EXCLUSIVE) | 2024

كلمات : عناد الشيباني
ألحان : فهد بن فصلا
إنتاج فني : استديو تون لايف  -  م.عبدالرحمن الشهري
تصوير فوتوغرافي : عمر عبدالله
تصميم الفيديو : عبدالعزيز

توزيع ديجيتال : مجموعة الفان 


الكلمات | Lyrics

الجادل اللي علمتني .. ويش معنى الاحتياج
بـ اموت وانا احب طاريها واحب اوصالهاا

على مفارقها يضيق .. الكون وتثور العجاج
واليا اقبلت كن المطر وصي على استقبالها

والله ما ابي لي مال فالدنيا ولا نجمه وتاج
يكفيني ليا شفت حرف اسمي على سلسالها

من فاز فيها والله انه مااا يفكر “ فالزواج “
هاذي خلقها الله ماااا ياخذ غيرها رجالهااا

حتى ولو خلت تعاملها على حسب المزاااج
من حقها واهم حاجه ما تضيق بااالهااا

تخطي ولاعندي عليها لا اعتراض ولا احتجاج
مهوب انا اللي يجزي السيه بعشر امثااالها

ما قلت انا اللي خاطره كسره مثل كسر الزجاج
اقول : انا ابرك لـ الحمول الكايده واشتالهاا

من حبها خلتني اسوي .. دراسااات ونتاااج
تسرح وتمرح في خيالي كل يوم الحاالهااااااا

بيني وبين اهل الدواء الشعبي تخالف واندماج
اعقد حبال المشكله وارجع وافل احباالهاا

مهوب شرط الحبه السوداء يجي فيها علاج
انا تراني ما ذبحني غير  .. ( حبة خالها ) .!

احب وصالها - فهد بن فصلا

الكلمات :
عليك الله وامانه .. وش مذكر قلبك الناسي 
مجيك داهم الباب المسكر .. وانكسر قفله

عطيني فرصه استجمع قوايه واخذ انفاسي
على غفلة تركتيني .. وجيتيني على غفله

حزن مدري فرح مدري وش اللي لخبط احساسي
تبين اعلن مراسيم العزا والا اعلن الحفله ؟

تغليتي تماديتي ثنيتي عزمي وباسي
وانا حالي من اللي جاه يرثى له ويوسف له

يقولون المولع مستعد .. يحرك الراسي 
لو يهوز الجبال الراسيه يمكن تزحف له !

وانا ما ايست منك الا بعد ما طحت متواسي
على سكة غرامٍ مالها مطلع ولاقفله

عرفت من الغياب ان الظروف تلين القاسي
مع اني ماعرفت الـ طبعك ولاني بعارف له

على شانك تطيح ادموعي وياقف شعر راسي
قسم بالله لو دمعك يطيح اني لـ اوقف له !

ورا ما خفتي الله في حزينٍ ماله امواسي
يدور من يهدي .. روعته .. والا يسولف له !

سرقتي ضحكتي يا مجرمه واغتلتي انعاسي
هذا وجه آدميه مجرمه .. والا وجه طفله ؟

يامجرمة - نادر الشراري

يـ #البريكي سحاب الشعر هلت ثعوله
مايبي من جنابي غير وقت ومساحه

كني آشوف بعيوني تدفق سيوله
تقشع الضلع وتخلي مكانه براحه

بين تيار موجً كل طايل يطوله
وبين ثورة محيط ً ماتهود رياحه

إنتهى الصمت والتعبير حلت حلوله
في ضميري كلام ً مااقدر اكبح جماحه

أعترف قبل لاارتب كلامي واقوله
مايبرمج عقول الناس غير الصراحه

آه من كربتن ماتنفرج بالسهوله
ماكشفها طبيب اعصاب ولا جراحه

عقدتن مبطيه ماظنها بمحلوله
أصبحت عايق الشاعر وعثرة

في عموق الضمير مفقرة وامعقوله
واردة كل هم وطاردة كل راحه

إن تناسيتها واخذت دور البطوله
العزوم إرتخت والصبر سلم سلاحه

وان عصف بي مرضها بين صوله وجوله
يمكن أقلب زغاريد المعايد مناحه

لو ضربت الخلا ،،، لو زرت عشرين دوله
ما مع الهم والهوجاس رحلة سياحه

أترقب فرجها وآتحرى وصوله
وآترجى مثل رجوى الطفل للفراحه

وآتجبر بقول الله وسنة رسوله
الذكر يعطي العقل المذبذب رجاحه

آه واطيري اللي كايفاتن دلوله
فارقن عن طيوري بالوفا والسماحه

زاد محضار طيفه عقب ماغاب زوله
نادرن صيد مخلابه يطوّل جناحه

يوم شفت المخاطر والغرابيل حوله
مالي الا آتجمل فيه واطلق سراحه

جعل تفداه قصة حب ليلى وخوله
طاري الحب مع طاري النوادر بجاحه!

اله مني سحابة مسك ماهيب توله
يسعدالله مساه ويسعد الله صباحه

ياهواة الصقور الجارحه دوروا له
وأعطي اكبر بشاره وأعطي اكبر طراحه

سفر الدغيلبي

انتهى الصمت - خالد البريك

كلمات : سعود مبارك
ألحان : فهد بن فصلا
إنتاج فني : استديو تون لايف 
تصوير درون : منصور محسن
تصميم الفيديو : عبدالعزيز

توزيع ديجيتال : مجموعة الفان 


الكلمات | Lyrics

فمان الله يا نجد العذية والوعد بعدين 
متى بعدين مدري بس خليني على ماني 

‏مصير الوقت ينصف طيبينه والأمور تزين 
‏وبرجع لك ليا زانت معي كان الله أحياني

‏فمان الله يـ القلب الحنون ويـ الجناب الزين
‏كثر ماحبكم يسكن معاليقي وجداني

 فمان الله يازعجّول ذودٍ تاصل الخمسين
‏طفافيح البكار اللي عليها وسم جداني 

بديت أخاف من فرقا تجي وتشتت الغالين 
‏وأخاف أضيع من ظلم الزمن وأفارق إيّاني 

تعيش بحسرتك لاصارت احلامك مع الماضين
‏مضت ، والذكريات تردها الك وانت متفاني 

‏ياصدري لاتهزك عبره ترقل لها يومين 
‏وانا ادري فيك تجحد عبرتك كله علشاني 

لونّ القصد حاجة وقت والا ظرف والا دين
يهونها علي ويسدها الطارف من اخواني

ولكنّ المصيبة جرحي اللي له ثمان سنين
يعيش بداخلي غصبٍ علي ويموت فلساني

الآ ليت الضمير الحي ياخذ من دموع العين
ضريبة للخطاء اللي قد حصل من شخصي الثاتي

نجد العذية - فهد بن فصلا

كلمات و ألحان و غناء
خالد عبدالرحمن

متى شمسك علينا يوم تشرق
متى ليلة معك عطرها كادي

سرقت القلب من علمك تسرق
يا ابو مبسم كما الجمر وقادي

اذا تفرق معك خلها تفرق
واذا عايدي ياحظك بعايدي

سهم حبك بلا استشعار يبرق
وقيدني بلا قيد وصفادي

سحابة حب بالوجدان تبرق
منازلها من طويق للوادي

متى شمسك علينا يوم تشرق

888 | اهداء لقلبي واخت روحي ويبدا اسمها بحرف غ

يامل قلبن لخلي حنة أشجانه
حنة خلوجن مضيعتن حويرها
تطرد من العشب زملوقه ومكنانه
وأخذتلها غفلتن طرده محيرها
وستبرمة وأخطت الراعي وحيرانه
وحنة وداجت ولاجت في مخابرها
تعول مع النزل تعبانه وعمسانه
لين أصبح الصبح مانامة محاجرها
وأنا كذالك حجور العين عمسانه
وفوادي أمسة لهيب النار ساعرها
عليك يالصاحب ألي كن غيدانه
وردن غصونه قراح الماءمطورها
سود هدب عين خلي بيض أوجانه
ريانة العود ناحلتن خواصرها
وجداه ياألي عليك الكبد ضميانه
وجد البخيلين لاكثرة خسايرها
أون ألك ياثمر قلبي وبستانه
ونت كسير عظام الساق جابرها
دنيا بلياك عندي مالها خانه
مرن طعمهاوفرقاكم تمررها
يوم أنجلع نزلكم ونزاحة أضعانه
هلت عيوني لملحاقه عبايرها
وقفت أسابر سلفكم لين ذيدانه
قفت وقامت تباريها مواترها
وامسيت والعين عمسانه وزعلانه
والدبدبه ضايقاتنبي نهابرها
يالين العود حالي منك تعبانه
وغياب الأيام مدري عن سرايرها
زال الرجا فيك ماعيني بقنعانه
لو يلحق العين غربالن يعورها
جعل الرجافيك ماتنصك بيبانه
يلي لك الروح سلمنا لوامرها
روحن تحت سيةالمجمول وحسانه
ماعاد عندي لها بصرن مبصرها
مقضوبتن قضب ديانن لديانه
في سجن الأحباب يالله لاتخسرها

‎⁨يامل قلب لخلي - نياف تركي

نادر الشراري
عايد رغيان الشراري

:

مع نفانيف الهواء والصبح مابين وشاحه
فرقت نبضات عقلي بينها وابعد مداها
ول ياقلب الشقا ماشاف بالايام راحه
لو ثمانين السنين الهوج من عمره طواها
كني الطفل اليتيم من العشاء تسمع نواحه
ضاع عن حضن العطوف اللي تحطه في حشاها
كيف عيا لايشيب مع الشباب اطلق صراحه
يشرب البحر المحيط وكبد روحه في ضماها
لو عرض له غبةٍ بالزوم يقطعها سباحه
وتطرده حمر والوحوش ويرتفع عن مستواها
من عنا ذيب المعادي لو جرح يلعق جراحه
لايكل ولايمل من الغنم يطرد وراها
لو ملك حمر المخالب طار ريشه من جناحه
ان نظر فرق الفرايد يعتليها في سماها
مير صرت من الزمان المستهيش ابو سماحه
قمت انوخ فاطري بالعرض واجلس في ذراها
الكبر خلا الشجاع المعتبر يرمي سلاحه
وباع شذرة حربته في ربعها عن مشتراها
راحته فسحة محارب يرتكي للاستراحه
ويحسب الذكرى القديمه والسنين اللي قضاها

#نادر_الشراري

‎⁨قلب الشقا - نادر الشراري⁩

سحر هاروت، عبدالعزبز الوذيناني ، فايز الدوسري ، غزلي ، حب ، شيلات ٢٠٢٠، غزليه ، شيلة

سحر هاروت

جميع المنشورات لشخص❤️

Al-Subaie

Popular tracks