AUD-20220514-WA0000.mp3

في حب يعجزك بدري.m4a

رامي صبري ولسة ياما جديد بصوتي
عجبني جدا السنيو ده

رامي صبري ولسة ياما جديد بصوتي

تابعونى على فيس بوك 
https://www.facebook.com/mostafaalshamndy
ما بعد الفراق 
كلمات مصطفى الشمندى 
اداء
مصطفى الشمندى & بوسى محمد

1-الو السلام عليكم 
.
2- اهلا وعليكم السلام
.
1-ازيك
. 
2- انا زى الفل وكله تمام .
.
1- مش باين خالص وبتكدب
 وبتهرب منى باى كلام
 صوتك متغير وبتجمل 
اتكلم عادى وفضفضلى
 واحكيلى ازاى عايش بعدى
 وازاى من غيرى انا بتكمل
.
2-  ان جيتى للحق 
انا اصلا مش عارف اكمل 
عايش ف الدنيا وبتطوح
 مع انى مكنتش يوم ظالم
 انا ببدأ يومى كانى ف فيلم 
باحد دايما دور المظلوم 
بتعب من كتر ما بتجرح
 فالملم نفسى ف اخر اليوم
 وف اخر المشهد بتسرح
 كتلة بنى ادم مهموم 
من كتر ما فى الفلم اتجرح
.
1-  فيلم  !….فيلم ايه ؟ 
الفيلم د من وحى خيالك 
بتحط نهايته على مزاجك 
وتختار لكل الناس ادوار
 و لانك انت اللى بادئها 
ف تنقى لنفسك احسن دور
 دور المظلوم
 وتعيش الحاله تصدقها
 واما اجى ف مره اقول مالك
 الاقيك بترد بصوت مخنوق
 انا زى الفل وكله تمام
 ف تبان مكسور 
مع انى الاصل انا مهزومه
 وانت الكسبان 
.
2-. مهزومه ! هههههههه
 (مهزومه ضعيفه ولا ليكى طموح) 
شكلك بتحبى كتير انغام 
وبتسهرى ديما وياها
 بتأثر فيكى باغانيها 
وتعيشى حكايتك جواها 
فتحسى كانك موجوعه
 وانك م الاول مخدوعه
 مع انك انتى ال بدأتى . 
.
1-  انا...!
  بدأت بايه ؟ . . 
.
2- يعنى مممممممم 
انتى اللى بالوجع ابتديتى 
انا كنتلك حضن ودفا 
وكنتيلى جنه وناس وبيت
 انا كنتلك معنى الوفا 
وكنتى اللى علشانها انا حبيت
 اخترتى دى السكه بايديكى
 ازاى انا هابقا عليكى 
مش جيتى لى وقولتى سلام . 
.
1- انت اللى غيرت الكلام
 فهمت قصدى بالغلط 
مكانشى قصدى سلام طويل 
مكانشى قصدى سلام يدوم 
حتى الابد
 يمكن عليك الامر اصبح مختلط 
اما انا عمرى يوم ما قصدتها 
شفت الفراق سيطر عليك 
حاولت اهرب وقتها 
خفت النهايه المظلمه
 ف قلتها 
. 
2- ملهاش لزوم المبررات
 ملوش لزوم كتر حجج 
كل اما اقلب ف اللى فات
 الاقى حبك اتعوج
 وان كان عليا
فالامر عمره ما اختلط
 انتى اللى تفكيرك غلط 
خفتى النهايه
 واحنا اصلا ف البدايه
 خفتى قلبك
 او حتى قلبى فيوم يمل
 ف قلتى نبعد
 من امتى كان البعد حل …
. 
1-خلاص..... 
اهو كله مكتوب وبقدر
 متجيش عليا انا بشر 
مبن فينا معصوم من الغلط 
مين فينا خد قرار وصاب 
.ثم انت رفضت ليه حتى العتاب
 كسرتلك نفسى كتير
 مع انى بنت
.
2-رفضتى انتى تفهمى
 مين فينا ساب
 وكنتى مقتنعه انى سبت 
. 
1-اين يكن 
رجوعنا كان ليا طلب
.
2- لو لم يكن 
فرقنا ده ليا عذاب
 ما كنتى حسيتى ف صوتى باضطراب . 
. 
1-طب قولى ليه
 رفضك لطلبى كان جواب
.
 2-يمكن عشان
 جرح قلبى مره تانى
 مش مباح 
ويمكن عشان 
شفت فيكى
 بكره يشبه للى راح 
يمكن عشان 
كان باقى فيا حبة كرامه
 وهيا رافضه تقول سماح 
. . على اى حال 
جوابى ده اهو كان وعدى
 و ف الختام 
خلى اللى باقى بينا باقى
 خلينا حافظين الموده
.
1,2  بما ان ده اخر الكلام
 خلينى اقولك انى اسفه 
واهو مش بالساهل نتعلم 
البعد علينا اهو معلم
 فبلاش نزين ونجمل
 قبل ما انهى الكلام
 ليا طلب
 لو ينفع من تانى نكمل 
ونعدى لبعض ونتحمل

راح .. اللي كنت بعيشله يا قلبي سنيني و عمري | اسلام الملاح

Tadros Radi

Related tracks