يا مدهبة لنا الغلة يا مكبرة العيال يا مخضرة لنا الحدايق يا ربي علي الروح الجميلة

يا شمس ياللي هاله يا حبنا الحلال        يا مدهبالنا الغلة يا مكبرة العيال          يا مخضره الحدايق يا محمره الحدايق يا مسيبة الزهور لينا وللخلايق     بنشوفك بالطابور بنشوفك بالدقايق     يا سايحة ع الضفاير يا منشفه الهدوم   يا ملمعه السراير

يارب ديم علينا شمسك  من غير صهد بس

الشيخ امام

بسهر وبنام - احمد فؤاد نجم

باسهر وبانام
ياحبيبى
وانا كلى غرام
ياحبيبى
ولايسعدنيش
ياحبيبى
غير الأحلام ياحبيبى

فى ظلام الليل والناس نايمين
والفجر بلاده بغيده بعيد
والفكر شموع
ودموع قايدين
والصبر عذاب
ولافيش بالايد
غير انى أستنى
ياحبيبى
واصبر واتمنى
ياحبيبى
واهرب من نارى
ياحبيبى
واحلم بالجنه
ياحبيبى

باحلم بالنور
وبنات الحور
والطرحه التل وتاج الفل
وانا وانت بكاس الفرحه ندور
ع الناس حوالينا
ونسقى الكل
وعلى الأحلام
ياحبيبى
نصح وننام
ياحبيبى

ياسلام لو ان لقاك أحلام
ع الفرحه ازاى بتخلينى
أهرب
بالشوق على فوق ياسلام
والشوق ع الجنه يودينى
والجنه هناك
ياحبيبى
على شط هواك
ياحبيبى
مليانه زهور
ياحبيبى
من غير أشواك
ياحبيبى

‫الشيخ امام عيسى - بسهر وبنام

ابوك السقا مات من شرب المية طين

شيلنى واشيلك-تسجيل نادر

ناح الحمام في الدوح دمع البنفسج سال
والورد مال مجروح من شكة الموال
قال الحمام .. ياليل ويا عيني ع اللي إنقال
مين يشتري الفيروز؟ غزه .. مع الدلال

ناح الحمام في الدوح.. دمع البنفسج سال  | الشيخ إمام

كلمات: بيرم التونسي
ألحان: رياض السنباطي 

ليه يا بنفسج بتبهج وإنتَ زهر حزين
حُسنك في كونك، بلونك، تبهج المقهور
اللي يضيره، ضميره، بالظلام مغمور
ليه يا بنفسج بتبهج وانتً زهر حزين

حطُوك خَميله.. جميله.. فوق صدور الغيد
تسمع وتسرَق يا أزرق، همسة التنهيد
ليه يا بنفسج بتبهج وانتَ زهر حزين

الشيخ امام - ليه يا بنفسج

تسجيل نادر يذاع لأول مرة - الشيخ امام  عيسى على الربابة كلمات فؤاد قاعود 
لحنت عام 1968
http://www.misrfone.net/

تسجيل نادر يذاع لأول مرة - الشيخ امام  عيسى على الربابة كلمات فؤاد قاعود

ع اللى حاصل ف الحواصل
يا سلاملم يا سلام
الكلام عايز أذاعة
والوطن عايز كلام
وإلإذاعه مستباعه
للمياعه في الغرام
والبلد آخر مجاعه
والجماعه فى انتخام
وإللي يخشى إنه يمشي
جيم وريه ودال ولام
ينقح الكلمه الرصاصة
ع القصيدة وع المقام
تدوي زي الرعد تدوش
تهتك الذوق واللتام.
ينكشف جسم الحقيقة
تظهر اللقمة الحرام

يا سلاملم يا سلام
والوطن عايز كلام
إلإذاعة مستباعه
قول ياعم الشيخ إمام

بينما و الحاله نيله
والبلد بالعه الفتيلة
والخواجة بألف حيله
جاي يلغوص فى البرام
يحكوا عن أسطي الفلاسفة
إنه أفتى ولا أفسى
فى القضية الهيكلية
وإن دي ما هوش منافسه
وأنت مالك يا أسطي فلس
جاى تحسس أوتملس
الخواجهة لما فلس
جاب دفاترينه القدام
دشدش الباترينة تبعه
شد شعره
عض صابعه
إنت إيه شأنك تتابعه
أما مخك مش تمام
شالوا هايكل جابوا علوه
كلهم في الهم بلوي
إنت شوف لك سهره حلوه
بكام ازازه وجوز حمام
وإحنا صاحيين للخواجة
وإللي جايبين الخواجة
وإحنا كاشفين كل حاجه
وأنت تتنيل تنام

ع الهيافه في الكلام
شوف يا عم الشيخ إمام
ديه خلق فاضية وعامله قاضية
وهى موضع الاتهام

بينما شهدانا لسه
دمهم أخضر .. ولسه
جرحهم في القلب لسه
بيواجعنا لو ننام
يحكوا عن واحد صاحبنا
كان أمين دايرة صاحبنا
والدواير قرع داير
ع الجميع قرّان صاحبنا
نزل العداد وهاتك
واعلا وأنزل بجنيهاتك
خد مراتي وهات مراتك
كله ماشي يا عب سلام
واما ريحه القرع فاحت
ع إللي باني و ع إللي فاحت
والإشاعة جت وراحت
جابوا تفسير المنام
عابوا فنانه في زمانها
بعد ما الزمان غبنها
رحنا مصر وجينا بنها
وإحنا سارحين في الكلام

يا سلاملم يا سلام
والوطن عايش آلام
والإذاعة مستباعة قول
يا عم الشيخ إمام

ع اللى حاصل في الحواصل يا سلملم يا سلام .. الشيخ أمام (تسجيل نادر)

سايس حصانك على القنا وتعالى

سايس حصانك على القنا وتعالى
تلجى الجليلة مبخرة وملانا
الصدر مرمر والنهود عريانة
مديت ايدى على النهود اتفرج
نطرت دراعى يادراعى ياانا

سايس حصانك بعد غيبة طويلة
يا عاوج الطربوش مع الارجيلة
العمر طول و السعادة قليلة
قولتلها و الله اللي رماكي رماني
نطرت دراعي يا دراعي يانا

نطرت دراعي وانا من الاول
عاشق وعشقي للجميلة طوّل
وازاي اتوب عن الغرام واتحول
يا ابو رمش جابنا للهوا ودانا

بحلم وحلمي قد ما انتي تريدي
بحلم وحلمي وانتي ايدك في ايدي
بحلم بيومنا وانتي ايدك في ايدي
قد الحلال قد القمر ويزيدي
قد الهموم اللي تبات شغلانة
نترت دراعي يا دراعي يانا
كلمات الشاعر نجيب شهاب الدين


سايس حصانك على القنا وتعالى ... الشيخ أمام

هتجن يا ريت يا اخوانا ماروحتش لندن ولا باريس
دى بلاد تمدين ونضافة وذوق ولطافة وحاجة تغيظ


ملاقيتش جدع متعافى وحافى وماشي يقشر خس
ولا شحط مشمرخ افندي معاه عود خلفة ونازل مص
ولا لب اسمر وسودانى وحمص وانزل يا تقزقيز
هتجن يا ريت يا اخوانا ماروحتش لندن ولا باريس

ولا واحد طالع يجرى وواحد تانى بيجرى وراه
ويقول ها هع حصلتك يابن اللى ابصر ايه عاملاه
لا الشارع غيط يا اخوانا ولا احنا بداره ولا احنا معيز
هتجن يا ريت يا اخوانا ماروحتش لندن ولا باريس

ولا واحده فى وش الفجر تبرطع مالية الدنيا صوات
قال ايه جوز خالتى ام احمد سلفة اخوها السيد مات
سبحانك ما اعظم شانك والله الموت دا مفيد ولذيذ
هتجن يا ريت يا اخوانا ماروحتش لندن ولا باريس

ولا واحد بيبيع حاجة يقول بريال وتاخدها بصاغ
يا اخوانا دى حتى الابرة تاخدها بوشة وقلب دماغ
حلفان وخناق ومناهده ويمكن ضرب كفوف يا حفيظ
هتجن يا ريت يا اخوانا ماروحتش لندن ولا باريس

ولا شفتش ده اللى بلاسة وده اللى بعمه وده بطربوش
ملابسنا يا ناس تشكيلة تعد أصحابها ما يتعدوش
والنكتة ان احنا قراشوة وضحكة وشاطرين في التهليس
هتجن ياريت يا اخوانا ماروحتش لندن ولا باريس
 
ولا عركة فى نص الليل دايرة بالحيل وساحبها بوليس
قدامها جدع متجرجر وشه معور قال دا عريس
الخلق ماهى بتتجوز واشمعنى احنا مفيش تمييز
هتجن يا ريت يا اخوانا ماروحتش لندن ولا باريس


ولا فيش ميت الف جعيدى بتوع يانصيب هاجمين ولا فيش
ميت الف معوض هاجم جاي معاه صندوق ورنيش
والله كرهت القهوة وحرمت اقعد ع الافاريز
طبعًا هتجن يا ريت يا اخوانا ماروحتش لندن ولا باريس


دول ناس كنا احسن منهم قول ومسيرنا باذن الله
نبقى احسن منهم برضك بعد الدرس اللى اخدناه
والله ده عيب نتهجى دروس يا اساتذه على التلاميذ
هتجن يا ريت يا اخوانا ماروحتش لندن ولا باريس


كلمات : بيرم التونسي

هاتجن ياريت ياخوانّا مارحتش لندن ولا باريس - بصوت الشيخ امام

يا شمس يلّي هالّة- الشيخ إمام

الشيخ إمام - أنا أتوب عن حبك Cheikh Imam

البحر بيضحك ليه-كلمات نجيب سرور
لحن و غناء الشيخ إمام 

البحر بيضحك ليه-الشيخ إمام

الشيخ امام - حكمة المشوار- من اغاني شيخ امام النادرة

----
من تسجيلات عصمت النمر

الشيخ امام عيسى : عدى الهوى عدى ميل هنا.. هنا وهدا

الشيخ امام _كان فى بلدنا

قد ايه برتاح أنا لحظة ما أقابل بسمتك 


الشيخ امام - قد إيه برتاح أنا لحظة ما أقابل بسمتك

كلمات : احمد فؤاد نجم
الحان : الشيخ إمام
---------------
قيدوا شمعة يا أحبة و نورولي
رمشتين من رمش عين
و بيندهولي
من هنا سكة ملامة
من هنا سكة ندامة
سكتين يا للا السلامة
أمشي فين يا ناس قولولي

يا شمس يلّي هالّة- الشيخ إمام

Thameena

Recent comments

Khaled Soliman

Nada Hamada🌻

أَيْك

Mohamed

Related tracks