أمي ..
بتغزِل من خيوط الحب شال 
وتلِف بيه إيد الزمن وتوَصي أيامُه تحامينا 
وتنادي علي كسر  العيال  يتلم 
وتحط قَدح اللهفة في الصاج العريض 
وتحَمِّي نار الفرن وتشد الدفا 
وتحطه عـ الاكتاف ؛  لا البرد يطفينا 
أمي اللي جابت شمسها النور والنهار 
بتوزع الخدمة بحنان علي ضِلنا 
علي كل شَق يعدي من قلب الجدار 
علي عتبة الدار اللي تعبت دوس خطاوي التجعيدات 
والتنهيدات ،،
والتبديلات في الخطوة بين رايح وجاي 
أمي بيعزف حُسنها صوت الكمان 
وبينفُضَك صوت حزنها علي لحن ناي 
بتسابق الفجر الوصول للنور 
وتعِّد بالصلوات ضفاير شعرها المتحني ببياض قلبها 
وتشَغَل الصوت القديم لكلام أبويا 
زي الكاسيت شايل رسايل غربة م الأردن زمان 
زغرودة  عالية ،،
زي الجواب لاصفر من الركنة 
مكتوب عليه اسطنبةّ جمال بتقول 
" انا بخيِّر .. ولا ينقصني سوى رؤياكم الغالية " 
أمي الزمن والسفر  والأرض والأوطان 
أمي البيبان متفتحة 
الضحكة كل الطرق للأمل 
والنظرة كل الطرق للوصول للحلم 
والحضن وعد الله بجنة من الجنان 

من ست سنين يا امايا وبكذب شعر  وماعرفهوش 
ويقولوا جميل وكلام تعظيم مابصدقهوش 
لميت الدمعة علي خدودِك 
وسلام إيدك لما بيلمس قلب إيديا 
وحكاوي الغايب عن عيننا وساكن في الروح 
والشهد اللي إتحلىٰ يا أمي بسُكَر ريقك 
وخرج في كلام ..
ماعملتش شئ غير إني وصفت ازاي بتحبي وبتحني 
فعرفت إن أنا دلوقت كتبت الشِعر الخام ..

إلى أمي - محمد إسماعيل

يا صلاة الزين....زكريا أحمد

Wade3 Elsafy Azimah Ya Misr | وديع الصافي عظيمة يا مصر

عظيمة يا مصر - أحمد جمال

حلقة خاصة بالشاعر/ عبد الرحمن الأبنودي وهنسمع
تحت السجر يا وهيبة / محمد رشدي
أنا كل ما أقول التوبة / ماجدة الرومي
تِـعـبِـت معايا الأغاني / دويتو إلقاء / عبد الرحمن الأبنودي، الغناء / سيد مكاوي
مشيت على الأشواك / محمد الموجي
تتر مسلسل / المعذبون في الأرض
حبيبي يا وطن / محمد فؤاد ، أحدث أعمال الأبنودي الغنائية

طربك عندنا إعداد / دعاء كامل
تقديم / أميمة مهران
ويذاع على موجات البرنامج العام ، الإذاعة المصرية، كل يوم ثلاثاء، بعد انتصاف الليل بنصف الساعة

عبد الرحمن الأبنودي / طربك عندنا

هاتها من يد الرضى جرعة تبعث الجنون
كيف يشكو من الظما من له هذه العيون
يا حبيبي ، أكلما ضمنا للهوي مكان
أشعلوا النار حولنا فغدونا لها دخان
قل لمن لام في الهوي ، هكذا أحسن قد أمر
إن عشيقنا ... فعذرنا أن في وجهنا نظر

يا صلاة الزين....زكريا أحمد

Sayed Ahmed

Related tracks