අතීත - වර්තමාන - අනාගත කාලත්‍රයේ අකම්පිත බන්ධනය


මා හදවත් වීණාවේ තත් පිරිමැද ආදරයෙන්
ඔබ ගයනා මේ නිද්‍රා ගී
අවදි කරයි සිතුම් සරාගී...

උකුලු තලා වසා රැඳුණු
සේද වළා උනා දමමි
මගේ සුසුම් ඔබේ සුසුම් කුණාටුවක් වී
ඉවුර බිඳිලා රැල්ල නගාවී...

කඳුලු සලා හඩා වැටුණු
අඳුරු වළ ඉරා දමමු
ඔබේ පැතුම් මගේ පැතුම් සුළං රොදක් වී
නිබඳ සිතට පවන් සලාවී..

සංගීත් නිපුන් සනත් නන්දසිරි/ධම්මික බණ්ඩාර/ඩැනිස්ටර් පෙරේරා

Ma Hadawath Veenawe - මා හදවත් වීණාවේ

මේ ගෙවී යන්නේ රැයක් දෙකක් නොවේ.. අන්ධකාර කල්ප දහස් ගණනකි. එකක් ගෙවෙන කල තවත් එකක් ඒ මත ම ඒ. එනිසා ම අවසානයක් නොවේ. කෑලි කැපිය හැකි ගණඳුරේ වේදනාවෙන් පීඩිත හදවතේ රජයන්නේ පෙර දා ඇසුණු නුඹේ ආදරණීය සුසුම් හඬ ම පමණි.
එදා මෙන් අද ඔබ මා අසල නැත. අපට කුමක් වී දැයි අපි නොදනිමු. එහෙත් කුමක් ම හෝ සිදු වී ඇත. හෝරා කිහිපයකට පමණක් සීමා වූ අපට ම අයිති වූ ලෝකය,ඇතැම්විට යළි නෙතු මානයට නොපෙනෙනු ඇත. එහෙත් ඔබ නමින් ම පාරමිතා පුරමි.. අන් පහසක් සිහිනෙන් හෝ නොපතමි.
වෙන සිතිවිල්ලක් හෝ නොවන්නට තරම් නුඹ මා හද ආක්‍රමණය කර අවසන් ය. මගේ නින්දේ ඇරඹුමේ සහ අවසානයේ නුඹ ම හැර වෙනත් කිසිවෙකු නොවන හෙයිනි. සත්තකින් ම මම,මටත් වඩා නුඹට ආදරය කරමි...!

සොඳුරු නිම්නේ සරා සඳුනේ
ඔබේ ළඟ සිටියානම්
ගී ගඟුලක් වෙන්නම්
හද පවුරේ ලැගුම් සොයා
විගසකිනේ එමි රෑ යාමේ
ඔබ සඳකී - ගුණ ගිහිණී
නෑ පෙම් සකිසඳ පායා
සොඳ පැහැදුල් අහසේ..

නිවෙනා තරු එළි නිවෙනා
අඳුරු ආකාසේ
තුන්කල් හීන ළංකරගන්න - තුන්යම හීන දකිනා
තුන්තිස් රෑට ගව්සිය ඈත - පුරහඳ වීලා පායා
සැතපෙන්නට උර තලයේ
සැනසෙන්නට නෑ ආයේ 
කොහේද ඔබ ඉන්නේ..?

අවුලා හද ගිනි අවුලා පුපුරා සිහිනේ
තනිකම් රෑට වැළපෙන හීන - විසිරී බිම වැටෙනා
මේ ගිනිකන්ද උහුලනු කෝම දුක උහුලා සිටිනා
සෙනෙහසකට සිරි යහනේ
ඉඩ දෙන්නට බෑ ආයේ
කොහේද ඔබ ඉන්නේ?

උපුල් ශාන්ත සන්නස්ගල/සමන්ත පෙරේරා/නිරෝෂා විරාජිනී
ආදරණීය වස්සානය ගී එකතුව

දයාබරයාණෙනි,නුඹ කොහි ද?

මගේ පියා වන කමල් ඩී.අතුකෝරල මීට වසර 50 කටත් එහා අතීතයේ ප්‍රවීණ ගායන ශිල්පිනී ශීලා පරණමානගේ සමග ගැයූ යුග ගීයක් ගායන ශිල්පී තිස්ස ජයවර්ධන සමග මගේ සැඳෑ සක්මන ගී එකතුවට ගැයූ අන්දමයි,මේ..
පද රචනය - විමලවීර පෙරේරා
සංගීතය - කමල් ඩී.අතුකෝරල
නව සංගීත වින්‍යාසය - තරිඳු දසුන් ජයතිලක


තාත්තගෙ ගීයක් - නොනසන්නට දැරූ විරියක්...


නොසිතූ ලෙස හමු වූ ඔබ,සිහිනෙන්වත් නොපැතූ ලෙස වෙන් ව ගියේ ය..එය සිහිවන මොහොතක් පාසා ජීවිතය මෙතරම් නීරස වූයේ මන්දැයි සිතේ. 
ඒ ජීවිතය සොඳුරුතම තනුවකට මා සමග ගයන යුග ගීයක් යැයි ඔබ සපථ කර තිබූ බැවිනි.
සත්තකින් ම මා ජීවිතයට පෙම් කළ යුගයක් විය. ජීවිතය සිත්තම් කරන්නට තෙලිතුඩ සැපයූ සුරත වන්දනාමාන කළ සමයක් මට ද විය.
එහෙත් අද ඒ සියල්ල දියෙහි ඇඳි ඉරක් ම පමණි.
හිරු පායා බැස ගොස් ඇත. රාත්‍රියට තනිකම පමණක් ම තනි රකී.

ගී පද - කැළුම් ශ්‍රීමාල්
සංගීතය - මහින්ද බණ්ඩාර
ගායනය - නිරෝෂා විරාජිනී

එකමත් එක දවසක - නිරෝෂා විරාජිනී ...... මගේ සිනාව කඳුලක් වූ අයුරු

මිනිසත් වගට හිමි වන දේ බොහෝ ය. එහෙත් අහිමි දෑ ඊට බොහෝ වැඩි නොවන්නේ ද?අප අපට හිමි යැයි සිතා සිත රවටාගන්නා යම් දේ ඊළඟ මොහොතේ ඒ සිත ම කළඹා,රිදවා,ඔද්දල් කරනු දරා ගත නොහැකි අප මනුෂ්‍යයෝ ම යැ.
සුවඳවත් වූ මලෙක සුසුවඳ විඳිනු කිසිවෙකුට තහනම් කළ නොහේ. එහෙත් එමල නෙලන්නට වරම් සියල්ලන්ට ම හිමි වන්නේ ද නැත. 
එබැවින් මෙසේ ලියමි. හිමි දේ අභිබවා හිමි නොවන දේ පිළිබඳ සිහින මැවීමට,අගය කිරීමට මෙන් ම ලබා ගැනීමට යත්න දැරීම අනවරත ආශාවන්ගෙන් පරිපූර්ණ මනුෂ්‍ය සන්තානයට ආවේණික ලක්ෂණයක් නම් අප එම මිනිසත් බව ලබන්නේ කුමකට ද?
ඔබ කුමන ඉසව්වක වෙතත් එහි ඉව මා සතුම ය . ඒ ඔබ ද කොහේ හෝ සිට මා පිළිබඳ ඉව කරනා බව සක්සුදක් සේ දන්නා බැවිනි. එය ම ප්‍රමාණවත් නොවන්නේ ද?

පද වැල් - මහාචාර්ය සුනිල් ආරියරත්න
සංගීතය - රෝහණ වීරසිංහ

අහිමි හිමිකාරීත්වය - දීපිකා ප්‍රියදර්ශනී


The latest song that with my participation..

ම‍ගේ දායකත්වය ලත් නවතම ගීතය..මුළුමනින් ම මූණු පොත් සබඳතාවෙන් නිර්මාණය වූවක්..
මෙතැන් පටන් ඔබට...!!!

ගී පද - ආචාර්ය විකුම්ප්‍රිය පෙරේරා
තනුව හා සංගීතය - රුක්ෂාන් කරුණානායක
ගායනය - නලින් ජයවර්ධන/තිළිණි අතුකෝරල
පටිගත කිරීම - රුක්ෂාන් කරුණානායක,ස්ටුඩියෝ උදේශාන්,ගම්පහ

ස්තූතියි දයාබර ඔබ සැමට..!!

ඉටිමල - ජීවිතයේ සැඟවි යථාර්ථය

මේ මගේ ජීවිතයේ වූ මහා අපේක්ෂාවයි...!!
එය මෙතරම් ඉක්මණින් යථාර්ථයක් වේ යැයි සිහිනෙනුදු නොසිතුවෙමි..අතීතය කණපිට පෙරළී මා ඉමහත් භාග්‍යවන්තියක වූ බවක් හැඟේ.
එබැවින්.මම නැවතත් දෛවය විශ්වාස කරමි..

වසරකට පෙර දිනක් මේ පදවැල් මගේ මූණු පොත් බිතේ දුටු ධනචන්ද්‍ර විජේනායක නමැති මහරගම ජනාධිපති විද්‍යාලය නම් වූ මගේ ප්‍රාථමික පාසලේ එක ම පන්තියේ හුන් මිතුරා මෙය ගීයක් බවට පෙරළන්නැයි කළ යෝජනාවයි මෙතුවක් දුර පැමිණියේ..ධනේ,උඹ නොහිටින්න මෙහෙම ගීයක් නෑ...

මේ සිහිනය සැබෑ කරවන්නට නිරතුරු අතහිත දුන් ආදරණීයයන් දෙදෙනෙකු කෙසේ අමතක කරන්නද?
ප්‍රණීත් සාරංග නම් මගේ සමීපතම ,සොඳුරු වයලීන වාදක,හිතෛෂී සංගීතවේදී සහෘදයා ද,තිස්ස ජයවර්ධන නම් වූ ඉතා ආදරණීය සොඳුරු ගායන ශිල්පී සහෘදයා ද මේ කඩඉම තරණයට මට අත්වැල සැපයූ දයාර්ද්‍රයෝ වූ හ.
පටිගත කිරීමේ දී සොයුරු පෙම වැඩ වූ සුනන්ද මෙත්තසිංහ නම් හිතැති තුරුණුවා ද මා හා විය..
ඔවුන් නොවීනම් මෙය ගීයක් නොවේමැයි...!!

ගී පද,තනුව හා ගායනය මගේ ම වීම මගේ සිහිනය සැබෑවීමයි..
සංගීත අධ්‍යක්ෂණය හා අතුරු සංගීතය ප්‍රණීත් සාරංග නිමැවුම් ය..!
තිස්ස ජයවර්ධන හඬ දායකත්වය සැපයී ය..

මා මේ ගැයුවේ කවුරුන් අරභයාදැයි ඔබ හොඳින් ම දනී. 
එහෙයින් අද පටන් මේ ගීය ඔබටම ය...!


ඔබ ළඟ ඉන්නවානම් .. පෙම්වතියකගේ මැදියම අවදි වූ යටිසිතේ අපේක්ෂාව

මගේ කුළුඳුල් ගී එකතුවේ එන ගීයක්.. ජපුර සරසවි ඉසව්ව අලලා රචනා වූවකි.

Lyrics - Dr. Prabha Kumara Rajaguru
Melody - Nawarathna Gamage
Vocal - Thilini Jithendrika Athukorala
Album - Sande Sakmana සැඳෑ සක්මන
Recording Engineer - Dayananda Perera of Augee (ERX)



Sarasaviyata Re Una සරසවියට රෑ වුණා -  About The University of Sri Jayawardhanapura

Tears can say many more things..
It shows smile & cry..! I Invite to my eyes, PLZ CRY..AS YOU WISH..!!
කඳුල තරමට අපට දයාබරිත යමක් ඇත්දැයි මම ඔබෙන් නොවිමසමි. එහෙත් එය මට එසේ වී තිබේ.
එනිසා ම,මම මගේ කඳුලට වඩාත් ආදරය කරමි.

Melody - Tharanga Sampath Amarawansha
Lyrics - Dhanushka Kanchana Jayaweera
Voice - Thilini Jithendrika Athukorala
Mixed - Vidya Munasingha of Studio V
Album - Sande Sakmana


Thilini Athukorala