"ma in een leven zonder gie vinkik leven nie genoeg..". Mooiste West-Vlaamse zin ooit.

Redrum - Balanse

Thorre - Tverhoal van de liefde
Beat: Inspecta Morze - Grey
Produced: Skjivve Producties

tes ol begonn ip ne woensdag in min woogn wost nen goeindag
een meiske ljirn kenn en kmoe zegn dat lik goed zat
mo oedat was, was nog lang nie oedat moeste zin
ezwo groeide min liefde totdakt ad in ieder bloedvat

totdat genoeg was, totdak de moed ad
vo aar and vaste te pakn en te zegn wadat gevoel was
ak ze zag, ak ze oorde, ak ze rooke
en ip nen dag wast gank mo de liefde bleef verdookn

twos spannend want ja twa ma wudr da et wistn
omarmende shit gin teddybeir kost der an tipn
mo den oap kwam ut de mouwe kwo zo trots gelik een pauwe
plots wost leevn dak a gekreegn iets dak ol zolange woue

tbleef beetrn en beetrn ginnen top wos oes te whoge
tot da den top krakte en kbleve achter ip et drwoge
ka een foute gemakt ki oar and losgeloatn
oeze weegn ein ton gescheid kwos grjid vote verdwoaln

---------------------------------------------------------

en verdwoald wossek kliepe me spijt in een bos
dusterre tidn en verleid deur de grote boze wolf
verblind deur de schijn dat kan zijn lik oedat wos
mo den tijd was nog nie rijp dienen tid ie wos vort

stemn zeidn kop op ge zi ant groavn in miserie
kzatte vaste in minzelvn vele gebotst ip een kweenie
mo tdee mie goed et oopnsmeern van et papje
mo min keuze wo gemakt ja ik koze vo roodkapje

lik met een ooglapje akkik nie olles gezien
mo nadien ak ingezien dat dedee wos vo mie
en ej keirel ik wo blie kostet skreeuwn van de doakn
lik meeuwn vliegdek whoge kwist nie dak der weer ging geroakn

tkoste bloed zwjit en troann voze were te krign
ki der moeite vwoorn gedoan en we kostn weer ipstign
nint twoarn gin vign vo poasn da i pas vo loater
mo nu dat goed goat goak der et beste van moakn

-------------------------------------------------------

we kwoamn dus were twope grwoter dan wooit te vwoorn
de putn wistn we lign dus tverliep zonder moze
kwo blie daze a gekoozn vo tverleedn verder te zetn
te vergeevn mo nie vergeetn en olles kwam weer ip zin plekke

den tid tikt deure de moandn geroakn versleetn 
de wolkn komn ip shit tbegun gelik te reegn
de putn wordn gevuld mo nu ida beskeetn
want ja nu lwoopn we der in zelfs zonder dawet weetn
 
mo wonder boovn wonder ister weer woater verdweenn
den donder es ip komst en twoater stoa tot an min skeenn
kmoe mie verweern     zowel in reegn als in wind
wan in een reloatie goat nie olsan gelik dajt wilt

wos et mo defloatie vo tbetoaln van de pris
der zin wondn kondn we mo geroakn an nen amethist
mor akket wist ak wel tbeste van mie gegeevn
nu benk ziek gelik de peste de vroag es goak et overleevn?

---------------------------------------------------------------

en over leevn gesprookn kwillet ol nimi oorn
wan me die woordn wost gemaklik vo min erte te deurboorn
ze zegn gegoa der deure koomn loat uw kopke nie angn
mo min kopke stoa te zot en o gedachtn zoen brandn

ton ston et in vuur en vlam mo nu voelet nie warm an
tes lik kervn in een stam kik klappe nie van ne schram
mor een litteekn dak nu goa droagn heel min leevn
elkn dag elk moment denkn an wa da wudr beleefdn

an wa da wudr gingn geevn voor oes der oltn ut te trekn
zowel door goede mo wok door de slechte momentn
tvol nie te vatn in procentn nie in de woarde van geld
min conclusie moej verstoane ti mo gie da vo mie telt

de solutie bluf illusie mo meskien kom et woar
mo min leevn i mo gesloagd a jun kind minne noame droagt
en oke et es woar wein nog een leevn vo de boeg
mo in een leevn zonder gie vinnek leevn nie genoeg

Tverhoal Van De Liefde

 Zorgen an me kop !
Beat by : DJ FLD
Brugesthing Productions 2014.
------------
lyrics : 

kom snuchtends zwetend wakker deur  miserie ame kop,
heelnt peizen over tleven  ké gin liefde e gin job

kzochtn liejfde bie etwien , mo da liep ni al te  juste 
zet gefoefeld me men erte, kzien de latstn die ng luusterd  

kmoen ku leven meme keuzes , stapn zetn rechtndeure,
kbluven vastangn int  verleedn kgeven tgoeie noois gin keure

kzien men erte kwiet .... kvoeln de koede alledoagen,
 deur ol die shit dak peizn kuk  mezelvn ni verdroagn,

me koptje of men erte kzoen ni weetn wuk te volgn
kzien ant stresn hele dagen ké ni andrs mir of zorgn

tmeistje vame leven vees te vee respect gegeven, 
go mo deure meje leven bluf ni steken  int verleedn,

tzien ook doagen dak me beter voeln mo komn da  nivee tegen
kzien mezelvn ant verklootn deur men eigen dommigheden

bluven droain in e spiroale mo kzoen liever stillezitn
kdwingn mezelvn voe te peizn dakket ol wé nog ziejn zitn,
---------------
tis nog oltied even slicht  kgeven schone dingn gin kanse 
gin vertrouwn in de wuven en kgeloven ni in sjanse 

ku genietn van de kleejne dingn die zorgn voe verbetering
kpeizen ik  heel  anders ku ni zeggen dak zelfzeker zien,

kpeizen vees te diepe over tleven en gelukkig zien, 
ksnakken achter vrijheid kziejn de zunne nimi schien 

ollest doenker en verloatn , kun ol nachtn nimi sloapn ,
ke stress heledoagen ku gin mensn mi  verdroagen

kiekn were ip de goeie tiedn zoendr al die vroagn 
tschient dat leven zeregoat mo bie mien got alles troage

ke dagen lopen peizen over redens en gedachtn,
der zie mensn dame vroagen kuj gie noois eki ni lachn,

infeite ist nu  tied vo me leven te erpakn,
veel ervoaringn int verleedn da vor assan bluvn plakn 

kwiln e sprankeltje geluk ookal zittet in de verte
ken e veeste grote moend, des te klinder is men erte !





 
















Kleene Leepn - Zorgen an me kop

Lyrics: Eerste Sneeuw


3de Oge:

tis een paar maandn te laate mo de wienter komt eran
en deur den eerste sneeuw die volt ,vriest alles deran
tis nu al gin probleem mo twiln gin een kiekn no later
t'angn  streepn in de lucht die bluuvn angn lik junder kater

dedee die der van weg wandeln gon in de vloed verzuupn
deeen die tnie wiln snapn got int bloed moetn wegrkuupn
dus oed je greet oed je klaar want voor dajt wit ziej me jen oar
de natuur ej ni in macht tis wireld grotste gevaar

iedereen vienet sjiek daj ol cremes kunt eetn ipn diek
kgon mie ni bluuvn ipjaagn mo kbluuvn vechtn voe me  geliek 
want ti gin een greet voe t'oorn dan ze roendloopn lik schaapn 
zen spiet vant verleedn da ze ol ol die tied lign slaapn

komt wakker van orkaan deurt klimaat die ant verandern is
gin datum van vergaan tderde oge kruper nemesis 
moeder natuur ze geef van eurne beste kant 
kgeevn eur gin ongeliek we loopn roend zoender verstand


Nemesis:

woar is de tied.. van sneeuw in december.
woar is de tied.. telln op de kalender.
nog assan vulle stroatn
gin wit tapijt , gin ijs, nog assan woater.

doarop ziek ant wachtn.
wien is er schuldig? wien ist ier ant verkakkn.
lopt ki met me mee, kgo ki zeggn wien dat er us wil nekken.
ist oké?

goje ki lusteren, tword tied dajet begriept.
dat et zeker nie al is wa dat et liekt.
vin je da normaal, niks is nog natuurlijk.
gin wonder dat et nie sneeuwt, de feiten zien duidelijk.

manipulatie vant weer, uze dood.
leg je kop ton ist over en tleven go voort.
mo woa goak landen?
want eje controle over wolken eje tlot van de mensheid in handen.


Nachtkruper:


Mama, witje nog, de eeste sneeuw die viel ak kléne woarn?
mé Linsey en met Ashley op de koer, us vuvn nog tegoare.
Da woarn de daagn dakke noois nimé vergeetn,
me herinneringn, ze komn en goan, mo deze bluvn steekn.

Kzoe biena kun vergeetn, oe dat voelde vo nog thus te zien.
't Was nie assa proper; mo tot nu toe me beste tiedn!
Elke dag opnieuw goat e stiksje vame dood, 
Want elke dag vobie, is weer e dag da'wen verloorn..

In us leevn achter deezn, goaw elkoar zeker werezien.
Want nu vienk aal dedee dak ooit gekend en deur de tiedn!
Flemish Kingz voor eeuwighiedn, we striedn vo de woareid,
e zwoar feit van boodschap met inhoud en ervoaring!

Spoorn van me stappn in de sneeuw goa je nie vien,
E nander volgen é gi nut, jmoe jeneign route ziejn!
We bloazn met us team, op die brugesthing affaires,
schoppn kuddebeestn wakker met de nodige coléres!


3de Oge X Nemesis X Nachtkruper - Eerste Sneeuw

Beat by Gets,
Cuts & Scratches by DJ FLD
Brugesthing Productions 2014

Kleene leepn ft Mc Tjudee - Corrupte Streepn

Wuk Moei Nog Mjir Vroaggn - Buttnwestn

Gemeejne Bleejkn -Op reis (prod. REDRUM)

Wukdatte Reste Zeg - Buttnwestn

woop woop thats the sound of da ...

Dilated Peoples - Basics (Instrumental)

Buttnwestn - Ti Normoal Daj Deure Bokt

NTREK - Heel veel West-Vlamse rappers (feat. Morsdood, MC Equal, Rijmtekkie Spansman, No Exp., Plukketuffer, Rah, Rookwalm, Vorre, Walter Ego, Ja-zon, Samoerai, Redrum, Brihang & Connard)

Beat door Baadasssss
Opnames, mix, master, productie & arrangement door Chillow voor Catharsis Productions

NTREK - Heel Veel West-Vlamse Rappers

coronaderniedandoen ,tging vantzels 

one love

rec,mix,master,prod,etc...  by BUTTNWESTN 
beats by GROENE VIENGERS and yours truly       moarte2020

1. Welkom -buttnwestn (viengersbeat)

West Vlamse hiphop ut Wevelgem.

Contact: thorben.vermeulen@gmail.com

Tverhoal Van De Liefde

- Thorre -

Recent comments

Silke Wilms

harry

Enzo Messiaen

Vrmln.jakke

Related tracks