
الورد أحمر

كما دم غزال

والخلفية باهته

وصوت خربشه

أو صوت دواب جاية

 

وعاشق معشوق

بيفضي انينه

في مزماره

من وقت للتاني

بينطق :

أنا تحتي الأرض

جمور حامية

والشجر اللي مضلل أرضي

ده بيطرح شوك

 

والشمس

بتطرحلي الضلمه

أنا عيني ضباب

شايفك قلبي

بين ورده وورده

وغرقانة

الدم اللي مداري ملامحك

بيزود حسنك بزياده

حسنك بيزود دمك

إجلال

 

والصوت يبهت زي الصوره

تشويش بزياده

ودخول للذاكرة

المشئومة

 

العازف واقف ورا شجرة

يبكي ويكلم نفسه

وبصوت مجروح

اسمع منه"بحبك"

وزحام ع الضفه التانية

من الترعه

وسطيهم بنت جميله بتبكي

وستات عماله تشيل الطين

والأب بيغرس سكينته

ف قلب يا دوب عشق عازف


صورة وصوت


1
ماتيجي نأجل المشاوير اللازمة للتوبة 
وأيه لزمة التوبة ؟
مادام الذنب الأكبر مش لقطاع الطريق
ولا لبنات الليل 
الذنب الأكبر لأبويا وأمي 
وأبوه وأمه 
اللي نزعوا كل حبال الخوف 
من قلوبهم 
وكتفونا بيها 
وحولوه لادمان .. 
لا سبيل للتوبة منه
2
أنا هشرب كاس علي روح الفراق 
وأقف فوق اشارة المرور 
وأخطب ..
ابنائي الكرام .. ابناء الوجع 
يا ولاد السكك والمشاوير والتوهة والزحمة 
اسمعوا ..
اهداء للبنت الحلوة 
المسروق من قلبها حضن 
المرسوم في عنيها ملامحه 
"خيال الولد اللي فكر 
كان اوسع من بلاد الله 
مابيحدوش غير تأجيل الافكار 
علي زمة النوم 
والخوف من بكرة "
ففكي حبال خوفه الأول
3
وهشرب كاس في صحة القيد
وأقف فوق مسرح 
وأصرخ ..
ابنائي الكرام .. ابناء الوجع 
يا ولاد النشوة والفضول والآه 
اسمعوا ..
المسرح وتذاكره زعلانين م السما 
إكمها بتفرق بين مخاليق الله 
ورافضانا نرفرف في عٌلاها
4
ماتيجي نشرب كاسين 
علي روح الخطط
وفي صحة فك الحبال 
ونقعد ع البحر 
نستني الموج الجاي من بعيد 
ونروح معاه 
من غير شنط 
من غير سكك 
من غير وداع 
ونتوه سوا

كاس

لون الشمس في الفجريه 
شبه عينك 
وهي خايفه علي قلبي 
لكن الساعه ٦ النهارده 
لا الشمس بنفس منظرها 
ولا عينك متوجهه ليا 
عيونك تاهت ف المشاوير 
والصبح شمر لاجل يتخانق 
وحشني الصبح اللي يشبهني
في شوق قلبي 
وحشني الصبح اللي يشبهلك 
في صوت ضحكك

دين القصيده مصبوغ بلون 
حبك 
وروحي اللي مغصوبه ع الهجر 
والخطوه المقتوله ،، 
غربل بيوت شعري 
من كل الذنوب تلقي 
الشعر فيك سكك
سكه رميتي ف حضنك 
عطش 
وسكه ريحتك ف ضلوعي 
نشوة
وسكه نظرتك ليا 
شاهد 
وسكه توالي احزانا 
ضفاير 
وسكه لمستي لايدك 
برد 
كل السكك تؤول لصرختنا ورغبتنا 
والموت

غروب

كلمات أحمد عثمان

جرب تمدد جسمك
من هنا للنهار الجاى
فوق شكلكوا المغنى
يمكن وشوشكم تنطبق
جايز قلوبكم تتخلق
يلمع الأسفلت
تبرق
فى المسافة من عينيا لأى شئ
مشيت الدمعة بتعرج 
-سايبه روحها-
مين بيتعرى ف عينها
تبكى لو كرباج يدينها
بصه منها 
تلتهمنا
ننحنيلها  لو دقيقة
-البكا اصل الحقيقة- 
من عينيها لجسمها تبكى
من عينيها للسما تضحك 
من السما للضريح ساكته
حاولت تحب عيونك الفضاحة
و تقول لها ع السر
جايز تغمض بعضها و تندم
ف يطلع منها لبلابه قديمة ف فن التعرى
تخنقك
تنتشى / تلمسها ببراءة
لحظة خروجك منك ضعيفة
لحظة خروجها من المسافة 
تلين
البيوت بينتظروا ليلاتى
بين جبينك
إلا هى كات تدينك 
و تفضح لمستك
اوعاك تفرق ضحكتك عنك
و تبكى
اوعاك تعلم عودك الواقف 
ينام
و انت زى النبت طالع
ينسلخ منك طبيعى
جسمك اللى إنشق ملهوش ف الكلام 
جرب تحتمى ف الشوك
من الإنسان
كل نقطة دم بتكون ملايكة
إلا دمك
إن ينزرع ف الوريد
بيكوِّن الملكوت
اوعاك تموت وحدك ف الغنا
وحدك تموت 
إن ضل قلبك ف الطريق 
مفرود
جرب تنام بين فروع من رسمك 
جسمك و اسمك 
ممنوعين يفترقوا
جرب تضيع
من غير ما يتخنقوا
و إن شد قلبك للغنا صاحب
اوعاك تخبى من غناك الصوت

تجارب لإعادة النظر - أحمد عثمان

بكتب عشان اخلدك ف ذاكرتي

بهرب

الغريق

وعشان اديتك تزهدني ؟

اللي كتبت لعيونه شعر اتكسف ومابصليش

on Saturday morning

انا لو ماشتكتش الأزمنة

أهو دا إلى صار

كل يوم _ وسط البلد

الورد أحمر

كما دم غزال

والخلفية باهته

وصوت خربشة

أو صوت دواب جاية

وعاشق معشوق

بيفضي انينه في مزماره

من وقت للتاني

بينطق :

أنا تحتي الأرض

جمور حامية

والشجر اللي مضلل أرضي

ده بيطرح شوك

والشمس بتطرحلي الضلمة

أنا عيني ضباب

شايفك قلبي

بين وردة ووردة وغرقانة

الدم اللي مداري ملامحك

بيزود حسنك بزيادة

حسنك بيزود دمك

اجلال

والصوت يبهت زي الصوره

تشويش بزياده

ودخول للذاكرة المشئومة

العازف واقف ورا شجرة

يبكي ويكلم نفسه

وبصوت مجروح

اسمع منه

"بحبك"

وزحام ع الضفه التانية

من الترعه

وسطيهم بنت جميله بتبكي

وستات عماله تشيل الطين

والأب بيغرس سكينته

ف قلب يا دوب عشق عازف
___________
كلمات تينا حامد 

*تعليم ناسا ودماغه حساسه عقر وعارف البير وغطاه
جوه قالبها وبره خاربها والدنيا كلها عارفاه
وأحنا معاه وأمرنا لله أخترناه أخترناه 
*كان علي الدكه ومشي في السكه ربنا كرمه وأخد التركه
كتب دستوره وقالنا غوروا شمت فينا خلق الله 
وعشان كده أحنا أخدناه 
*وفي خطاباته وفي لقاءاته محدش فاهم مصطلحاته
ناس مزقوقه وحاره مزنوقه ومفيش مره أحنا فهمناه 
*لا بيغديني ولا بيعشيني ووزيره باصص لي في بنزيني
شعبه أتفرق بلده بتغرق وهقولها ورزقي علي الله 
شكله خاذوق وأحنا لبسناه أخترناه وأخدناه 
*كنا غلابه وصدقناه حقنا بالعرض وخدناه 
مشروع النهضه لبسناه والشعب أتسك علي قفاه 
مش توريث ولا تلبيس بقي رئيس بما يرضي الله 
قلنا أمين لقينا كمين جاي وجماعته جايه وراه 
جبنا أخرناه وبنقول أأأأأأأأأأأأاااااه وأخترناه

اخترناه واخدناه _ باسم يوسف

فوضوية ^_^
بحب المزيكا 
الحاجة الوحيدة اللي بعرف اعملها "بعرف اسمع"
بيقولولي "فريدة" ^_^

Tina Hamed

Popular tracks