Markte is laer vanoggend na die Amerikaners rentekoerse daar met ‘n kwartpersent lig. Die rand wen egter veld teen die dollar en olie is steeds goedkoper vanoggend. Die prys van goud en platinum styg.

Oggendoorsig 4 Mei

Markte ry wipplank in Asië, na ‘n laer sluiting in die VSA gister. Goud is duurder en olie sak verder terug. Die rand is darem bietjie sterker teen die dollar en platinum hou naby aan gisteroggend se vlakke.

Oggendoorsig 5 Mei

Markte styg in Asiê vanoggend, ten spyte van kommer oor die wêreld se ekonomiese groei. Goud en platinum styg, maar die olieprys sak terug. Die rand is laer teen die Amerikaanse dollar.

Oggendoorsig 8 Mei

Markte ry wipplank vanoggend, met onsekerheid oor die Amerikaanse skuldplafon wat beleggers terughou. Die rand en olie hou naby aan gisteroggend se vlakke, maar goud en platinum is duurder vanoggend.

Oggendoorsig 9 Mei

Markte is laer vanoggend, voor vanmiddag se inflasie-aankondiging uit die VSA. Goud en platinum styg, maar die rand sak terug teen die dollar. Die olieprys is effens hoër as ons dit vergelyk met gisteroggend.

Oggendoorsig 10 Mei

Markte is meestal hoër vanoggend, maar die olieprys sak verder. Die kenners reken dit is oor negatiewe sentiment oor die wêreldekonomie. Goud is effens hoër nou, maar platinum sak meer as 5%. Die rand wen bietjie veld teen die dollar.

Oggendoorsig 15 Mei

Die oorsese markte wat reeds handel dryf is meestal hoër vanoggend na die Amerikaners gisteraand in die groen sluit. Olie is duurder, maar die rand wen verder veld teen die dollar. Edelmetale kos minder, in dollar, vanoggend.

Oggendoorsig 16 Mei

Die markte is meestal hoër vanoggend na ‘n positiewe sluiting in die VSA gister. Die dollar versterk teen die rand en die platinum prys, in dollar styg effens nou. Goud en olie is egter goedkoper.

Oggendoorsig 18 Mei

Markte is hoër vanoggend na die Amerikaanse beurse in die groen sluit. Die rand hou naby gister se vlakke teen die dollar. Goud en platinum is goedkoper en die olieprys styg effens.

Oggendoorsig 19 Mei

Markte styg vanoggend in Asië, ten spyte van ‘n laer sluiting in die VSA Vrydag. Die rand, platinum en olie sak terug vanoggend, maar goud kos meer.

Tinus de Jager