A SEÑÁ LIXANDRA (Tradicional)

BUSCÁS (Tradicional)

BAKALADA (Álex Fente)

MEREXO E BOLCA (Tradicional / Álex Fente)

LIMIÑOA (Tradicional)

RUMBANERA(Álex Fente)

CORTELLAS (Tradicional)

RIBAZO DE RAZO (Álex Fente)

A LARANXA (Tradicional)

Tiruleque naceu como banda en 2002, ano no que se reuniron cinco rapaces procedentes da música tradicional e cunhas inquedanzas musicais compartidas. A partir de entón, o proxecto musical iniciouse como quinteto tradicional que mesturou ás fontes da tradición da música galega -tanto a través de recollidas como recorrendo aos cancioneiros- con outras moitas influencias e procurando unha evolución que ao longo dos anos empurrou o grupo a incorporar distintos instrumentos cos que levar máis alá esa tradición. Dese xeito, o grupo conseguiu acadar maior expresión, maiores posibilidades e un son propio que se plasma nos discos autoproducidos Tiruleque (2009), Mu!! (2013) e agora Outro que tal baila (2018).

Co seu repertorio, actuaron nos principais festivais de música tradicional e folk de Galicia. TIRULEQUE leva percorrido a xeografía galega e estatal, deixando constancia da calidade os seus directos coa participación en festivais de recoñecido prestixio a nivel galego, nacional e internacional. Tamén ten compartido escenario con artistas da talla de Milladoiro, Xosé Manuel Budiño, Susana Seivane, Uxía, Treixadura, Quempallou ou Kepa Junkera, entre outros.

ANTÓN BUENO: contrabaixo
ALEX FENTE: acordeóns
FER ROMÁN: trompeta, saxo, clarinete, ukelele
SERXO NÚÑEZ: voz, gaita, clarinete, percusións 
JOSÉ A. VÁZQUEZ: gaita, saxo, percusións
MIGUEL HORJALES: caixa, percusións, coros
LUÍS GARCÍA: bombo con pratos, percusións, coros

+info: www.tiruleque.com
tiruleque@tiruleque.com

Tiruleque

Popular tracks