صراع ما بين النفس ما بين القلب ما بين ضلوعى 
والعقل اترفع عن دخول جدال رفض رجوعى
دار الصراع وشراع الحلم حاير بات مقلوب
ف رجوعى لجحرى تانى كت بدايه للهروب
هربت من زمن رافضنى .. هربت من اب معاندنى 
هربت من قيود من واقع كان حابسنى 
هربت من وشوش الطيبه غايبه فيها 
هربت من حبيبه عاشت ناكره حبى ليها 
هربت من الكلام لما لسانى فكر ينطق
هربت من الدموع لما شفت حلمى بيغرق
هربت من التفكير لما وصلت لخط احمر 
هربت و لما هربت هروبى قرر انه يسيطر 
فخفت من انى اعيش هربان و القطر منى يفوت 
وافوق على واقع متكبل مستكتر فيا الموت 
فهربت من الهروب واجهت حياتى لأول مره 
سقطت كل الوشوش على الارض هربت تانى من الصدمه
ـــــــــــــــــــــــــــــــــــــــــــــــــــــــــــــــــــــــــــــــــــ
CH.
هارب عشان قل الاحساس ف ناس قلوبها سوده
هارب م الصح ف زمن الغلط فرض نفسه و بقى موضه
حجر الاساس فى العقل اتهد و سيطر فكر الشارع
رحال و الرحله دايره ف دايره سد و ايه الدافع
ـــــــــــــــــــــــــــــــــــــــــــــــــــــــــــــــــــــــــــــــــــــ
هربت فى المزيكا من سكات سيطر سنين 
هربت ف اوضه ضلمه من بشر مقنعيين
هربت ف سهرا حمرا من الكبت و الانطواء
ف سيجاره و كاس و خمرا كان هروبى م الحياه
فهروبى كون فيا ارتقاء عقلى وتفكيرى 
واجهت عقليات مريضه فاتظاهرت بالغباء 
هربت ف كلمتين عادى كويس لا مفيش
اتظاهرت بالبرود عشان اتعود ع التهميش
هرب منى الطوح مهو شايف الفشل بيجرى ورايا
هرب منى الانسان شايف فراغ قدام مرايا
هرب منى الاحساس بالوقت مهو اصل اليوم مقلوب
هرب .. منى نور الشمس عشقت للغروب
هروب فبمشى فى الدروب بدور على حقى المسلوب
 فدوب ما بين حروب ف قلوب ما بتعرف حتى معنى الرحمه
فهربت هروب اخير و غصب عنى لدنيا الاخره
دا حتى الروح من جسمى هاربه بلهفه للمقابله 
ـــــــــــــــــــــــــــــــــــــــــــــــــــــــــــــــــــــــــــــــــــ
CH.
هارب عشان قل الاحساس ف ناس قلوبها سوده
هارب م الصح ف زمن الغلط فرض نفسه و بقى موضه
حجر الاساس فى العقل اتهد و سيطر فكر الشارع
رحال و الرحله دايره ف دايره سد و ايه الدافع

هارب l  Tito Devilz [Ra7al BaNd] HaReb

اسمعوا راب 
FB : https://www.facebook.com/Tito.Devilz

Comments

EzZo

Mariam

DVMVGED

Youssuf Abramo

Youssef Abramoo

MK Raap

LesanlMa3na