"متوحشنيـش.." 

أنغام بتقول : 
(انا ممكن اكتبلك تعهد مني اني هعيش لوحدي باقي عمري بس اعيشه باحترام ..)
أول متوحشنيش : 
مكتش الحيرة والتفكير وشبه الخوف ف تكوينها 
ولا يبان القلق منها , 
وكل صحابها حاسدينها : 
"بتقوي ازاي وتتخطيه ؟"
محدش داري بالمسكينة جواها اللي عايشة عليه.. 
ولا الايد اللي رعشتها بترمي حروف ف قلب الشات
تبدّل " ليه بتوحشني ؟ " لـ.... (بتعمل إيه ؟)
هييجي اليوم وتكتبله : 
"دي اخر مرة هكتبلك , انا همشي ..
اخدت قرار, متسالنيش ..
دي آخر مرة هكتبلك ولو تسمح متكتبليش ,
ولو بالصدفة مشتاقلي , متشتاقليش 
عشان وقت اوحشك فعلا 
يجوز مثلا لو اتخطيت ..
يجوز جدا متوحشنيش "

تاني متوحشنيش :
= خليك فاكرني ..
- طب تفتكر لو هنسى كل الدنيا دي , هنساك ؟
= وان حس قلبك يوم بقلبي ابقى زورني ..
- ازروك ليه ؟ 
ازور ازاي وانا معاهم لقيتني معاك !
ف جفني الكحل لون سفرك بطول الغربة هستناك ,
مفيش ولا مرة بفتح عين , غير علشان تدوم شايفاك !
بكون فهماك ولو بتقولها ف سكوتك ..
يتيم الصحبة وان كترت , لكن من صلب ملكوتك ,
وكل ما تتنطق كلمة بتشرب نبرة من صوتك .. 
زهايمر لو يصيبني ف كل من حواليا هيفوتك ..
مآمن ليك , مصدّق فيك وبحلم بيك ككومة ريش ..
خفيف على كل سوء فيا يعدي عليك ميوجعنيش..
مصدّقنيش ككل الجاي يسألني يقول: مالك؟ فاقوله مفيش ..
مكنش العدل يدبحني؟ يا ريت كان غاب ولا وحشنيش ..
----------
تالت متوحشينيش .. : 
مش هتيجي , لا هتعدّي ولا هتطل ,
(انا كيف بدي انساكي وفل ,
انا عم دوّر بعيون الكل ,
ع نسخة منك طبق الاصل ,
حتى فيها انساكي ! )
كفاية محايلة ف الشارع كما الحالف يخبيها ..
لعله الخير لروح شبهي , ويمكن خير كمان ليها ..
كل حاجة بينا فعلا لايقة جدا ع الوداع ..
هي ذاتها تشبه الرقصة الاخيرة والايقاع ,
هي كانت حلوة جدا ..
حلوة جدا .. زي شيء ميخصنيش ,
حد لو هيقول وتسمع , عشان عادت متسمعليش
يروح ويكلم الحلوة ..
يا ريت الحلوة لو تسمح متوحشنيش ..
-----------
اخر متوحشنيش ، 
يعني خلاص ؟ 
انا مش هشوفك تاني ؟
مش هلمسك؟
مش هحكي ليك عن حاجة تعباني ؟ 
طب خد كل اللي ليك مني وهبقى تمام 
وهتعالج لكن قدام
هتبقى معدّي صدفة هَحِنْ ،
فـ هجبِر عيني متـ/ـبصّيش
متوحشنيش.

ياريت ميجيش/سراب شبهك
ويجبر خاطري جوّة الحلم
عشان عشم المنام للعلم.. 
بيِتعِب وانت محتاجُه
وأصعب وانت ف علاجه
وأصعب لو لواحد ساب
وجَيْ بيِوْفِي بمزاجه
واكيد اصعب لو اللي اتساب 
بيرسم فيك
ويرسملك 
ويرسم لَك ومواقف 
وفاكر كل تفاصيلك 
وفاكر كل م يجيلك 
وكنت تقولّه : "متسيبنيش"

متوحشنيش.. 
عشان بجمع ملامح اي حد واي شيء.. 
واشوف من ضحكهم بَسمَك
واكوّن صورة من رسمك
واتمتم ف الدعا اسمك
عشان ما بيدّي إلا دعاء..! 
انا الغلطان ؛ ف يوم م لقيتني بتطمن..
اخدتك دونهم استثناء..! 
يا اول ذنب يتحايل على العاصي
عشان يستقوى لجل يتوب.. 
تعالى ف عز م بذاكر 
وقلل وقت سَرَحَاني 
وحُوشْني ارسم قلوب.. 
او استناك تزور داري 
او اتمناك تكون جاري 
واشوفك وانت متداري 
مشغّل غنوة جمب الشيش.. 
. 
وانا من امتى بستنى 
وبتمنى الرجوع من شخص
كإنه ف كل افعاله.. 
بينصحني : "متستنّيش"
متوحشنيش..

وهندسة الصوت : محمد خالد يوسف العظيم

متوحشنيش ~

' هل تتلاقى الأرواح المُعذبة؟
هل توجد لغة خفية بينهم .. تجعل صمتهم يحمل من المعاني أكثر مما يحمله الكلام؟
قد تجد نفسك في حديث لا ينقطع مع أحدهم دون أن تنطق بشيء .. وأحيانًا يتحدث لسانك بسعادة تكذبها روحك .. أو تتحدث مع من أمامك بارتياح تدرك أنه يخفي وراءه روحًا تكاد تختنق من فرط الحُزن!
تستغيث روحك المعذبة بتلك الروح الحزينة .. يتسندان سويًا علي ضعفهما و هشاشتهما .. يستمدان قوتهما من تلاقيهما الذي لا يوجد له سبب أو مبرر 
غير أنه ثمة لغة تجمع ما بين الأرواح المُعذبة '

ليالي اوجيني - قد تجد نفسك في حديث لا ينقطع مع احدهم دون ان تنطق بشيءء

وانا كمان لو كدبت علي نفسي يبقي بظلم روحي .. أنا قعدت سنين قلبي مدقش لحد مع إني حولت ، حولت أقنعه انه بيحب لكن هو كان عارف إني بكدب أو يمكن كان مستني !؟ " مستنيكي "

ليالي اوجيني- انا قعدت سنين قلبي مدقش لحد

لم يكن سعيداً مرحاََ علي غير عادته، ولم يكن تعيساََ كعادته، كان كل شيئاً عادياً.. الا أن رأها 
وكان كل شيئاً فيها غير عاديا " تلك الرعشه في صوتها رغم محاولتها أن تبدو صلبه غير عابئه عن حولها، تلك الدمعه المتحجره في عيناها والتي لم تنزل، ولكنها تركت غلاله من الحزن تغلف ذلك الآلم الذي أخفته في قلبها.. وأستطاع هو ان يراه، ربما لأنه يخفي بداخله ألماََ مشابهاََ، وربما لان فضوله قد سبقه اليها محاولا أن يعرف ماتخفيه او ربما لانها أشعلت النيران في غابه قلبه التي ظن أنها شاخت وتيابست، كان يبحث عن سبب ثم أيقن " أن الحب حين يأتي، يأتي دون اشعار مسبق، أيقن أن ابواب قلبه الموصده كحصن منيع تنهار أمام كلمه او نظره او ابتسامه رضا من شخص قد لا يعرف عنه غير اسمه".

ليالي اوجيني - كان كل شيء عاديًا , الا ان رآها

بحس ان كل حاجه بتقول المفروض ان احنا نبعد عن بعض
-وايه اللي بيحصل بعد كده!
بتوحشني..بيوحشني اني الاقيك جمبي، اني اطمن لما الاقيك بتبصلي زي مانت بتبصلي دلوقتي كده، فا بحس اني لو حتي حياتي كلها متلغبطه هتتعدل.

ليالي اوجيني - بتوحشني , بيوحشني اني الاقيك حمبي

ليالي اوجيني - هي دي مشكلتي معاكي , عمري ما عرفت احس معاكي انه كفاية انتي عاملة زي المية , بتجري جوايا ف دمي بس مش عارف امسكك ~

ليالي اوجيني - هي دي مشكلتي معاكي , عمري ما عرفت احس معاكي انه كفاية

- الناس بتقول أن الحزن بيتولد كبير وبعدين يصغر بس ده مش حقيقي انت بس بتتعود ، بتتعود ع الالم ، بتتعود تعيش وانت شايل الالم ده جواك، أو تتعود تبطل تشتكى من احساسك بيه 
= بس انت ممكن تشتكى ليا عن أى حاجه مضيقاك أو وجعاك
- عشان كده اصريت نتقابل حتى لو ربع ساعة، عشان قبل ما ارجع واروح لعزيز واقوله انه لازم يقوى ، كنت محتاج اتسند على حد متكسفش ابين ضعفى قدامه

ليالي اوجيني - الناس بتقول الحزن بيتولد كبير و بعدين بيصغر بس ده مش حقيقي انت بس بتتعود

= كلنا عندنا حاجات جوانا بس بنختار منوريهاش للناس.
- كل حد فينا شايل الهم وفيه اللي مكفيه بلاش بقي نزود همومنا علي الناس.
= أنا كمان ساعات كتير بفكر كدة ، بس عايزة الحق مهما كانت الحاجات دي مهمة أو صغيرة وتافهة لما بنحكيها لحد بنرتاح ، اذا كنتي لما بتشاركيها مع الورق بترتاحي فما بالك لما بتشاركيها مع إنسان " فاهم ومهتم يسمعِك "

ليالي اوجيني - كلنا عندنا حاجات جوانا بس بنختار منوريهاش للناس

- عارفة يا كريمة..
ابوكي لما يبقي حنين بتحسي انك ملكة زمانك، كأن الدنيا دي كلها بتتمني رضاكي
-- عارفة، عارفة انتي بتتكلمي عن ايه كويس بتبقي عايشة حاسة ان الدنيا كلها تحت رجليكي وفاجأة بتتاخد منك وبتحسي انك بتقعي علي جدور رقابيكي
- ابوكي برضه؟
-- امي، كت الدنيا واللي فيها، لو كت تطول كت تمد اديها وتخطف الشمس والقمر م السما وتحطهم ف حجري

- الدنيا بتبقى رسمالنا غير اللي فاكرينه ، بس بتعدي 
هتلاقي روحك وقفتي وعيشتي وضحكتي كمان ..

- طب والوجع اللي هنا .. بيروح ؟!!

ليالي اوجيني - طب والوجع اللي هنا .. بيروح ؟؟

- أنا حاسس إني واقف قصاد الدنيا دي كلها لوحدي !
كل حاجة بتروح مني : انتي ، شغلي ، إبني ..
مش عارف لو هقدر أفضل صامد ولا لا !
لو كل الناس شايفه انك غلط .. تقدر لحد امتي تقول انك صح ؟

= طول ما انت مصدق إنك صح .. المهم متكابرش إنك تعترف انك غلطان ..

- انتي مصدقة إني غلطان ؟!
= مش مهم انا مصدقة إيه .. الم...
- مهم  أنا جاي إنهردا لانه مهم ، حتي لو كل اللي بيننا خلص خلاص ، لأن ثقتنا ف بعض اتهزت ، راحت ، ودي صعب ترجع تاني ! المهم بالنسبالي قبل ما نفارق بعض اعرف انتي بالذات شايفاني إزاي !؟
صعبان عليا انك تحسي بالندم بعد كل اللي عدينا بيه ..
كل اللي بطلبه منك إنك لو حكمتي علي مصير علاقتنا بعقلك ، خلي قلبك هو إللي يحكم عليا 

= انت اديتني تاني أحلي حاجة ف حياتي بعد ليلي ، وزي ليلي يوم ما بعدت عني عمرها ما خرجت من قلبي ، 
إللي ف قلبي ليك عمره ما هيتغير 
مهما الظروف عاندتنا ، وبعدتنا 
وانا معاك ..صعب نبقي مع بعض ، اللي بيننا اتعكر وصعب انه يصفي .. ! 
لكن مهما حصل انا عمري ما هنسي إن اللي انا عديت بيه ، 
مهونهوش غير وجودك ف حياتي 

- خلي بالك من نفسك ..
= وانت كمان ، عشان خاطري

ليالي اوجيني - لو كل الناس شايفة انك غلط تفضل لحد امتى تشوف انك صح !

هنا بشوف الدنيا بعيون الهاند فري
هنا أجمل مكان أسمع و أتسمع فيه

بحب الشتا و بابا والأزرق ، و الشيكولاتة تكون بيضا ، بحب اصحابي لكن بحب اهلى اكتر ، واحب الجمال الاسمراني ، بحب الورد اهاديه واتهادى بيه ، بحب نقابي ، بحب اتلو قرآن ، بحب التصوير و الخط العربي و الشعر ، بحب أغني و أحب الصوت الجميل ، بحب تركيا ، وبحب الفرنساوي ، وبحب الاستايل الكلاسيكي ،بحب صاحب الذوق والاصل والكرامة وابو دم خفيف وصاحب الرؤية ،بحب المطر و البحر والسما و القمر و النجوم والنيل و الآيس كريم ، بحب الفن واللي يقدره ، بحب الجمال واللي يقدره ، بحب عدم الكمال جنب كل جمال بحبه ، بحب الناس العشرية اللي بتعرف تكون ونس ، بحب المختلفين اصحاب البصمة ، بحب التقدير لابسط الامور ، بحب التفاصيل واحب اللي يهتم اهتمام مش مزعج او مصطنع ، بحب البرفان..
بحب أمي ?..

مي مصطفى أمين

Popular tracks