النص دا بالذات بكل حرف اتكتب كان شبهي بالمللي اتمنى يعجبكم واتمنى يكون كويس وافضل فخور بالاحساس دا 

قلقانة عليك زي اليتمى 
اللي استنوا الكسوة في ليلة العيد
وبخاف ل تكون زي الاحلام 
اول م لمسها تطير ل بعيد 
بشتاق لعنيك وسط الايام 
وادعيلك تبقا في يومها سعيد 
وادعي انه تزورني في وقت م انام
واصحى واقوله بالله لتعيد ...

عيد كل الحلو اللي مبيننا 
او اي جميل كان يجمعنا
عيد ذكرى اتمنيتها تزورنا 
ولو في الاحلام ...
عيد كل وعودك من تاني
وامانة عليك
 متكونش مجرد بس كلام
اوعدني  تكون يوما ليا
لو مش دلوقت يكون بعدين 
وانا عادي هعيش مستنية 
ومش هزهق تاني واقولك ليه
واوعدني تكون ضلي ونوري
متكونش الا ف حزني سروري
ونعيش في ليالي الحلمية 
او مع حواديت الشينزالزيه 
واكون الهانم وانت البيه 
والحب اللي مبيننا يعمر 
وولادنا يقولوا bongour mon chire
هنربي الاحلام جواهم 
والخير والحب وكل جميل 
وان سالوا ازاي انا حبيتك ؟ 
فهقول كان ليا تملي يميل 
وان جيت الحق
 انا اكتر واحدة اتمنيتك 
ودعيت الله يصبح بيتي 
في عنوان بيتك 
تشهد سجادتي على دموعي 
والدعوة الثابتة في كل صلاة 
متخيل يومها انا هحكيلهم 
عن اجمل حلم انا بتمناه ؟! 

ولانك مختار تبعدني 
ومعرفش انا عنك غير اخبار ..
قلقانة عليك زي الاطفال 
زي اللي استنوا رجوع النور
من ٦ شهور 
زي الشجعان يوم النكسة 
خارجين لكن بدراع مبتور 
زي الماشين على جمر النار 
على امل الجنة في وقت وصول
قلقانة عليك وواحشني كتير
قلقانة عليك زي الاول 
او يمكن اكتر دون تغيير 
عشقاك من قلبي ووجداني 
ولا زلت بحن ولسه بغيير

مين قال الايام هتنسي 
كل اللي انا عيشته و جه في سنين
تفتكر اليُتمى في يوم ينسوا 
كان ابوهم دايما يعمل ايه ؟! 
وانا اهو بسألك انت بنفسك 
بالذمة نسيتني في ظرف يومين؟
كداب لو قولت انك ناسي 
حفظاك انا قلبك مش قاسي
بتحن إليا وشغلالك 
تفكيرك طبعا دا اساسي 
ولكنك عادتك بتكابر 
وتقول والله ميفرقليش 
وانا غيبت يومين عن اخبارك 
وبقيت قلقانة عليك فمفيش ..

معقول الشوق مش متبادل ؟ 
معقول الحب اصبح ذابل 
معقول بعد اللي انا عيشته معاك
متكونش نصيبي وتتكابر ؟ 
اول م صحيت انا من نومي 
قومت وبصيت على تليفوني
يمكن فيه رسالة وجاية معاك
 ولقيت نظرية عن العشاق 
بتقول لو فجاة هيفتكرك
ف تمام الوقت هتفتكريه 
بيقولوا الارواح تتلاقى 
فمتقنعنيش انك يعني 
مخطرتش على بالك ابدا 
تسال عني ! 
وانا عاوزة سؤالك يحاوطني 
وانا هسال اكتر من بعديه 
واهو كل الحلو اللي زرعته 
تصبح تلاقيه ..
الشوك دا طبيعي مع العلاقات 
بقا هو الورد عشان جرحك 
هتقوم ترميه ؟ 
م طبيعي هتتألم مرة 
وهتفضل برضه تحن إليه
ولهذا التعليل تحديدا 
قلقانة عليك زي المشاوير 
اللي بنمشيها
من  دون م بنعرف 
هنقابل ايه 

لو ناوي تعود علشان شفقة 
او ذكرى م بيننا ومش اكتر 
ف الاحسن ليك انك متجيش 
انا كان في النية انه نكمل 
ولو حتى حلفت مجيبش النيش 
ولكن لو كنت هتستغنى 
وتقولي ابعدي دا انا مش رايدك
ف هدوس على كل اللي حكيته
وان حتى قلقت عليك يوما
فانا عادي الخوف ميموتنيش 
ولكن لو جيت بعد م همشي 
وتقول عودي 
هضحكلك واقولك ابدا 
كان فيه واهو اصبح فجاة مفيش


قلقانة عليك _ ندى ناجي

وعد عليا

كلمات : عمرو كامل
اداء : روان 

عايش لوحدي دايماً همومي كتمها جوايا 
كل دمعا فيا مخبيها واخدها للموت معايا 
كان نفسي اصرخ دايما واسمع كل الي حوليا 
بس مين الي هيسمع ومحدش باقي عليا 
من كتر الخنقه الي فيا 
سعات كتير بحس ان عندي انفصام في الشخصيه
اتحولت لبير عميق كل امل فيه بيموت 
الف صرخه جوايا بس الي ظاهر السكوت 
حبي للحياه اتحول لحب المريض للموت :') 
قولت اشوف صاحب او حبيب ليه احكي 
بس عرفت ان كلو من هموم الدنيا ملهي 
دخلت جوه دوامه الخروج منها منهي 
وفي لحظه زاد العذاب فجاه زاد الاكتئاب 
بصيت لبعيد شفت ايام كنت وسط الاحباب 
ايام راحه البال 
ايام ما كنا اطفال 
ايام كنا بنحلم فيها امتا نبقا كبار 
كبار!! 
معلش سعتها كنت حمار 
كبار علطول نخون 
كبار عمرنا ما نصون 
كبار نتفنن نمحي الفرحه من الكون!! 
اسمع يا إبن ادم هقلك كلمه اكيد هتفيدك 
الي مكتبلك هيجي يوم واكيد هيصيبك 
فا اوعا تقلدني وخوش الدنيا خود نصيبك


عايش لوحدي

حياتى باختصار,,,
 انا ساقية,, مربوط بحبل دايب مستعد,,, للانهيار
 ومفيش حد ساندى الا العلى الجبار
 وجنبى زرعه جَمِيلَة اسمها الصبار
 والناس شيفانى بطريقتها ,,, وياحسرتها 
اللى شايفنى صاحب كاس وغدار 
اللى شايفنى فلاتى وعايش حياتى
 اللى شايفنى كأيب , وبكره الصاحب حتى الغريب
 اللى شايفنى بحور واللى شايفنى بكبر
 اللى شايفنى شكاك خاين وبتغير
 اللى شايف فكرى مريض وقديم ولازمنى اللبس توب جديد يليق بالحاضرين 
ممكن اكون كل دول بس انا مش عايش بين الاولياء الصالحين
 انا ،،، ثم اما بعد.. 
انا مجرد ملامح بتعافر بتكابر لاجل الوصل مايفارقنى ويغادر 
انا هوا مليان غباااااااااااار الهم بس ساعات بنسى الغم
 انا دموع ويا جروح بس صابر ومش بنوح 
انا عند فى لحظه غضب وضعف فى لحظه عتب 
انا كيان ملوش مكان بس ليا قلمى الونسان 
انا آخر نقطه فى السطر وآخر خط فى الحبر لكن انسان
 انا اغنية حزينه جوه شريط مكسور
 انا الغريب فى بلد غريب عايش وحيد لكن مؤمن بربى قريب
 ليا صاحب بس مليش حبيب انسى معاه روحى ويكون لى طبيب مفيش حد بيبقى كله عايش عالوحدة
 ياما ناس كتيرعهدة ولا وفت ..... 
لا وفت...	
 وفت بوجع مؤلم حزين سكن جوه قلبى وحلف ما يغادر لسنين
 وفت بكسرة نفس كانت بتتمنى سماع صوتك وقت سوكاتك

 وفت بأهتمام الغير منا كنت زمان غير وسبتيه علشانى يبقى العيب مش فيكى العيب فى اللى اهتم بيكى وضيع ووقته وسخر روحه ليكى
اياكى كنتى فاكره هسبلك قلبى يضيع فى حبك الغريب
 اصلك غريب طبعك غريب كلك على بعضك غريب ازاى اسبلك روحى واكون لكى حبيب
 ولا عايزنى اشربك كاس من دم عشان تحسى وتهتم منا كنت دايما جنبك وناسى همى لاجل انسيكى همك 
واكون ونسك 
منا كنت ليكى قريب وصاحب وقت الضيق
 لا فى يوم شكيت ولا مليت وطول الوقت بهتم بيكى
 كانت نيتى صافية لاكن طلعتى مش صافية
 كنتى شايفه نفسك وعايزة كل الناس تبوس نعلك وتركعلك مش غريب عليكى قله اصلك ماهو من طبعك 
خسارة على مشاعرى اللى خرجتلك فى لحظه
 كنتى محتاجه فيها الامان يأويكى ويداويكى
 مش ذى اللى لعبو بيكى 
ما كنتى بين ايدى كان من السهل اللعب بيكى
 بس انا غير لانى حسيت بيكى 
ولا فكرت فى ماضيكى
 شفتك حلم بس يا خسارة وكمان خسارة فيكى كلمه خسارة عشان طلعتى وهم
 ذى الكمان بلا وتر
 عديمة الاحساس والنية بدون مزاق ولا مزيه
 من الاول شكلك مش طبيعية متلونه بمليون لون
 بتتصنعى ليه وعلى مين
 ما تقولى من الاول انا جايه اعيش معاك يومين 
سبتك اليومين 
بس انا سم عقارب على تعابين وانا حظرتك
 
اقولك حاجه من القلب والاحساس انتى اخرك كاس
 وهزه وسط وسط الناس مهو اللى زيك مداس
وبتقولى جواز
 روحى يا اللى كنت بناديكى روحى
 روحى لوحد شبهك يسمعلك وتخلقيلو حكايه جديده من وجعك
 ينسيكى ويسقيكى كاس العذاب 
مرارة اكتر من اللى فات 
ولا ليكى عازه وتكدبى وتقولى بعانى 
انتى اللى زيك يعانى من ريحه عفن جوه بدن عشق الخيانه 
مهو كله واقف على بابك مستنى دوره
 مهو دفع التمن
 انتى مشفتش معايا غير الطيبه والحنية
 والدلع والمشاعر باخلاص وصدق نيه واحترمتك كانسانه يا عديمة الانسانية 
روحى اللى شبهك فيكو من بعض كتير
 اما انا مشبهش غير نفسى كفايه عندى ضمير 
ومتحاوليش تحننى قلبى من تانى
 وتحسسينى انك انسانه   
 بتقدم الولاء والتمانى 
ومش قادره تنسينى وانك هتموتى من بعٌدى 
اسمعينى
 انا لو بايدى لاحفر قبر واسميه باسمك اللى كرهته لانه اسمك
 وادفن اليوم اللى جسمى فيه لمس جسمك
 وادفن نفسك ووصفك وقربك
 كل كلامك وايامك حتى سلامك 
كل حاجه حلوة فيها ريحتك وكيانك
وكرهت صورتى جنب صورتك متحددة بلون اسود ذى قلبك 

وانا قلبى مش محطه تغيرى فيها ماضيكى ووجع الاونطه 

ولا مفكره انى هصدقك وهنسيكى بجد
 انتى اصلا مش حد
 ومهما عملتى انتى اخرك قبر ووجبه لشويه دود تحت الارض 

قبل ما تمحى الذكريات 
وتقولى انا ضحية شويه كلاب
 اسالى نفسك كام واحد عدى عليكى وفات
 العيب مش فيهم 
العيب فى رخص نفسه ليهم 
لا انا شاعر ولا كاتب
 انا بكتب خواطر لاجل خاطرى اللى اتوجع لما لاقيكى
 وصدق روحه لما اواكى وخلى ليكى كيان 

كنت دايما ضهرك 
كنت قلقك وخوفك 
كنت دموع ويا دموعك 
كنت مزيكا ويا صوتك
 كنت امان ليكى وضميتك 
كنت سمعك ويا صوت نفسك 
عمرى ما استغليت ضعفك 
كنت ليكى عيون ما تنام
 كنت ليكى منبة رنان
 ياااااااوجع فوق جبينى اتكتب يوم ما حسيتك 
كانت عيونى عميت ولا رايتك 
ما كنت انا عايش مع غربتى ووحدتى وكنت حامد ربى على نعمتى
 انت ملكش وصف انت قلبك صدى من كتر الرخص 
رخص كلامك ومشاعرك
 حتى اخر مرة وانا بمسح دمعك 
محستكش كنت بارد
 مستغربش من الوصف انت عمرك ما هتحس
 وانا بحمد ربى انه قلبى مستسلمش.

حياتى بإختصار-الجزء الاول

يخرب بيتكم إيه الاصوات دي هو فى كدا♥--♥.mp3

اغنية النهاردة زي بكره - حسين غاندي
http://www33.zippyshare.com/v/WRMNoIZP/file.html

Mhrgnat.CoM || Hazem Mazika

اغنية النهاردة زي بكره - حسين غاندي

فرح قلبى - كريم ديسكو و أحمد مدكور من البوم حضن عنيكى - | Karem Desco - fara7 2lby

على ايه نبكى علشانه واحنا قادرييين على نسيانه واحنا اقوى من كده ولاجرح يكسر قلبنا على ايه

على ايه نبكى علشانه وقادرييين احنا على نسيانه

مجدى سعد- كليب سكه الايام - من البوم مسيطر 2019- ا(MP3_70K).mp3

يا دنيا گفايه خيانه شبعنا من التمثيل 💔😢" اسماعيل هشام " حزينه جدا 2020

فرح قلبى - كريم ديسكو و أحمد مدكور من البوم حضن عنيكى - | Karem Desco - fara7 2lby

ｲのﾶﾶﾑﾶりのひん

Related tracks

فرح قلبى - كريم ديسكو و أحمد مدكور من البوم حضن عنيكى - | Karem Desco - fara7 2lby

ｲのﾶ ﾶﾑﾶりのひん

Related tracks

ｲのﾶﾶﾑﾶりのひん