ကမ္ဘာကြီးက ရွာကြီးဖြစ်သွားပြီတဲ့ ...

စိုးရွံ့သွားလား မခင်လေးရေ ?

နေမြဲအတိုင်းနေပါ ..
သွားမြဲအတိုင်းသွားပါ ..
စားမြဲအတိုင်းစားပါ ..

မင်းရှိရာဖက် ..
ကျုပ် ခြေဦးတောင် မလှည့်ပါဘူး ...

အေးးးးး ကံကြမ္မာအလည်အပတ်မှာ
ခဏတာ ပြန်ဆုံတွေ့ကြရင်တော့ ..
ခြေအစုံရပ်ပြီး ရွတ်ပြချင်နေတဲ့ ကဗျာက !!!

~~~~~~~~~~~~~~~~~~~~~~~~~~~~

“ ဖြေသာရုံ နှုတ်ခမ်း ”

သက်တန့် တစ်စင်းလို
အရောင်စုံခဲ့ရင်တော့
ဘဝက အမြင်စိုနိုင်တာပေါ့လေ ...

ဒီခေတ်ကြီးထဲမှာ...
ဘယ်နားပြေးဝယ်ဝယ်
အလွယ်ရနေတဲ့ မီးတောက်တစ်ခက်ကို
ပိုင်ဆိုင်ထားသလိုမျိုး ...

မေ့မရတဲ့ အတိတ်ရင်ခုန်သံ
ခပ်ဆိုးဆိုးကြီးကို လက်ခံထားရတာကိုက
ကြာတော့ ကိုယ့်အတွက်ပျင်းစရာ ..

ဘဝမှာ အခွင့်ရှိခဲ့ရင်
မီးကို စတင်တွေ့ရှိသူရဲ့
အပျော် လွန်ကဲမှုမျိုးနဲ့
** မှတ်မှတ်ရရ **

မင်းကို တစ်ကြိမ်လောက်တော့ ...

“ မခို့တရို့လေး ပြုံးပြ လိုက်ချင်ပါသေးရဲ့ ” မခင်လေးရေ ...။ ။

အမည်မသိ ( အညာစာဆို )


ဖြေသာရုံနှုတ်ခမ်း

ကိုယ်တိုင်ထွင်းတဲ့ နောက်ဆုံးအလင်္ကာ poem

ကိုယ်တိုင်ထွင်းတဲ့ နောက်ဆုံးအလင်္ကာ

တို့အတူသွားကြပါစို့ .. မောင်ရင်ထွေး

 နွေဦးခေါ်သံ ( နေဇော်နိုင် )

ဟောဒီ ကမ္ဘာပေါ်မှာ
နာနာကျင်ကျင်ဘ၀ ရှိသူတိုင်း
သမိုင်းကို ပြောင်းလဲပစ်ခဲ့ကြတယ်၊

လူဟာ
ချွေးတစက် ရင်းနှီးရင်
အပွင့်အသီး ညီညီမျှမျှပြန်ရနေဖို့၊

လူတဦးတယောက်ရဲ့ အသက်ရှူသံ
သူ့ကြမ္မာနဲ့ ယုံကြည်ချက်တွေအပေါ်
ဘယ်သူမှ မကျူးကျော်နိုင်ဖို့၊

အသိ အသက် ရှိတာခြင်း တူရင်
ဘယ်လူမျိုးကမှ
အခွင့်အရေး ပိုမယူကြဖို့၊

စစ်ဖိနပ်ထဲ ထိုးသွင်းထားတဲ့
အဟောင်းအမြင်း မှန်သမျှကို
ခေါင်းရင်းကနေ ကန်ချပစ်ကြရမယ်၊

ကျနော်တို့ဟာ
သမိုင်းရဲ့ ထုတ်ကုန်ပါပဲ
လူထုကို ယုံတယ်၊
ဒီမိုကရေစီကို ချစ်တယ်၊
အမျိုးသားသွေးစည်းညီညွတ်ရေးကို မြတ်နိုးတယ်။

ပြည်တွင်းစစ်
အနှစ် (၅၀)ကြီးထဲက
ကြေကွဲ သွေး ဘ၀ အသက်တွေ
ဒီမိုကရေစီ အရေးတော်ပုံကြီးထဲက
သူရဲကောင်းတို့ရဲ့ ၀ိဥာဉ်တွေကို ဦးညွတ်
အမျိုးသားထု လွတ်မြောက်ရေးအတွက်
စစ်အာဏာရှင် အဆက်ဆက်
ညက်ညက်ကြေနေတဲ့ နှလုံးသားပေါ်မှာ
တော်လှန်ရေးကို စိုက်ပျိုးပစ်ခဲ့ကြတယ်။

စစ်အာဏာရှင်တို့
ခင်ဗျားတို့ ဒိုင်ယာရီ စာအုပ်ထဲက
အဆီတရွှဲရွှဲ စာရင်းဇယားတွေဟာ
တိုင်းပြည် သယံဇာတများပဲ ဖြစ်တယ်၊

ခင်ဗျားတို့ နှုတ်ခမ်းက အပြုံးစဟာ
လူထု သက်ပြင်းချသံတွေ ဖြစ်တယ်၊

ခင်ဗျားတို့ မျက်လုံးထဲက အလင်းစဟာ
ကလေးတွေ ချွေချွေချခဲ့ရတဲ့
သွေးစ သွေးနများပဲ ဖြစ်တယ်၊

မီးလောင်ငုတ်တိုနဲ့ ပြာပုံထဲက
ကျည်ဆံခွံတွေကို မေးကြည့်ကြစမ်းပါ၊

လူ့အခွင့်အရေးဆိုတာ
စစ်ဖိနပ်နဲ့ နင်း နင်း ပေးဖို့လားလို့၊

စစ်အာဏာရှင်တို့
လူချင်း အတူတူ
ခင်ဗျားတို့ အသက်ပိုမရှူကြနဲ့၊

အဲဒီ ပိုရှူလိုက်တဲ့လေထဲမှာ
တံတားအနီ
ကတ္တရာအနီ
လွယ်အိတ်အနီတွေနဲ့
တနိုင်ငံလုံး
သွေးနဲ့မျက်ရည် ကျဆုံးခဲ့ရသော
ရှစ်လေးလုံး နေ့ရက်များ ပါတယ်၊

ကျောက်သင်ပုံးအကွဲနဲ့
‘၀’လုံး ရွဲ့စောင်းစောင်းတွေ ပါတယ်၊

နို့ရည်မဲ့
ကွဲအက် နှုတ်ခမ်းတွေ ပါတယ်၊

မြေမြုပ်မိုင်း အရိုင်းအစိုင်းကြောင့်
ခြေတပိုင်းပြတ်သွားတဲ့ ကလေးမလေး ပါတယ်၊

ခွေးလို ထဟောင်တဲ့ သေနတ်ကြောင့်
မျက်စေ့ တဖက်လပ်နဲ့ ကောင်လေး ပါတယ်၊

ယမ်းနံ့နဲ့ သဲ့သဲ့ ရှိုက်သံကြား
ပန်းဦး ကြွေသွားတဲ့ ကောင်မလေး ပါတယ်၊

မြေကြီးနဲ့ တောတောင်ကို ချစ်တဲ့
မျှစ်စို့တွေ ချိုးဖဲ့ ခံရသလိုမျိုး
ကျိုးပျက်သွားတဲ့ မိသားစုတွေ ပါတယ်၊

ငွေစက္ကူထဲ
ကိုယ့်ဘ၀ကိုယ်ပြန်ရှာရင်း
အဖျားအနာ ထူပြောနေတဲ့ လူထုတွေ ပါတယ်၊

အဲဒီ
ခင်ဗျားတို့ ပိုရှူလိုက်တဲ့လေထဲမှာ
စစ်အကျဉ်းထောင်တွေထဲက
သေကွဲ ရှင်ကွဲ ရဟန်းရှင်လူ
ကျောင်းသူကျောင်းသားတွေ ပါတယ်၊



နွေဦးခေါ်သံ .. နေဇော်နိုင်


“ စိတ်ကောက်နေတဲ့ ခင်တန်း ” နီတိ

နိမိတ်တွေသေဆုံးနေတဲ့ ကဗျာဟာ
လူမသိသူမသိ မျိုချမိတဲ့ မနောကံလေးလို
နေညိုညိုမှာ ရှက်အားပိုနေမလားလို့ တွေးတယ်
ဒီနွေဦးဟာ တမာတွေလွှတ်ကျောင်းတာ စောတယ်
ကိုယ်ဟာတစ်ခါတလေ ဖမ်းဆုပ်မရတာကိုမှ
အရိပ်တွေဖြာထွက်ချင်နေတဲ့ တေလေတစ်ကောင်ပါ
တဖြေးဖြေးယောင်ကိုင်းလာတဲ့ တိတ်ဆိတ်မှုမှာ
နံရံတွေဟာ ဖုန်တထောင်းထောင်းထခဲ့

ညအကန်းကြီးကို အနိုင်ပိုင်းမလို့
ကြယ်တွေကို ဒုန်းစိုင်းစီးကာမှ
အလွမ်းဟာရှေ့ဆုံးက ပန်းဝင်လာခဲ့တယ်

စိတ်ကောက်နေတဲ့ ခင်တန်းလေးရေ ----~~
သေအံ့မူးမူး လရောင်ကို အလျှော်ပေးပါတယ်
အဲဒီညကို ပြန်လိုချင်တယ်

လမ်းတွေဟာ စောလွန်း
ကိုယ်ဟာ နောက်ကျလွန်း

ကိုယ်ကလေ
စိတ်အဆွေးကြီးတွေခိုစီးခံရတဲ့ ကောင်းကင်မှာမှ
သတိရစိတ်ကိုကြယ်တွေလို ချိတ်ဆွဲမိသူ
နပိုလီယံလိုပဲ နှစ်နာရီစာနောက်ကျခဲ့တယ်

ရှေ့တိုးမရ နောက်ဆုတ်မရနဲ့
စိတ်ရဲ့အရောင်ဟာ လက်ထိုးအန်လိုက်ရမှာနှမျောစရာ

တိုက်ဆိုင်လိုက်ပုံများပြောပါတယ်
အဲဒီ ရာသီက စလို့
ကိုယ် စိုက်ပျိုးမိသမျှတွေဟာ
သတိရစရာတွေသာ မျိုးအောင်လာတော့တယ်
ခင်တန်းလေးရေ ------ ။ ။

( နီတိ )


“ စိတ်ကောက်နေတဲ့ ခင်တန်း ” နီတိ

အင်းလေးသီအိုရီ .. ဈာန်မွန်သော်

သံစဉ် .. တိုးအံဝေ


“ မငြိမ်းချမ်းသေးလို့ ရေးနေရဦးမယ့်ကဗျာ ”

အဖြေမထွက်နိုင်သေးတဲ့ ပုစ္တာလို---

ကဗျာတစ်ပုဒ်ကို ငြိမ်းချမ်းရေးလို့
ခေါင်းစဉ်ပေးလိုက်တာနဲ့
ကြောက်လန့်တကြား ချိုးဖြူငှက်တွေ
ထပျံပြေးသွားကြတယ် ..

ဒီကဗျာထဲမှာ
အိပ်နေတဲ့ ကလေးတွေကို
အထိတ်တလန့် ထငိုခိုင်းပြီး

ငိုနေတဲ့ ကလေးတွေကို
အလိုမတူပဲ ထာဝရ ပြန်အိပ်ခိုင်းလိုက်ရတယ် ..

ဒီကဗျာထဲမှာ
လင်သေ သားဆုံး
သနားစရာ လူ့အဖွဲ့အစည်းတစ်ခုလုံးကို
မျက်စိစုံမှိတ်ပြီး ...
အကြွင်းမဲ့ မြေဇာပင်ဖြစ်ပေးလိုက်ရတယ် ..

ဒီကဗျာထဲမှာ
နှစ်လိုဖွယ် ဓမ္မတေးနဲ့
သာယာနာပျော်ဖွယ် ခေါင်းလောင်းတေးကိုလဲ

ဆန္ဒမပါပဲ တိတ်ဆိတ်ပေးလိုက်ရတယ် ..

ဒီကဗျာထဲမှာ
မဖိတ်ခေါ်ပဲ တစ်ဖွဲဖွဲကျရောက်လာမယ့်

ဗုံးသံ အမြောက်ဆံနဲ့
ထိန်လန့်ဖွယ် သေနတ်သံတွေကိုလည်း
ငြင်းဆန်ခွင့်မရှိ ထည့်ပေးလိုက်ရတယ် ..

ဒီကဗျာထဲမှာ
အတ္တနဲ့ မာနကိုပဲ ရှေ့တန်းတင်ထားတတ်တဲ့.....
စစ်အုပ်စုတွေရဲ့ကြားမှာ သံလွင်ခက်လေးကို
ထာဝရ ခြောက်သွေ့ပေးလိုက်ရပြန်တယ် ..

အမှန်တော့ ငြိမ်းချမ်းရေးဆိုတာ
အပြင်မှာ မငြိမ်းချမ်းသေးလို့
တိုက်တွန်းလှုံဆော်နေရတဲ့ အရာ ..
တကယ့်လက်တွေ့မှာ မငြိမ်းချမ်းသေးလို့
ကျုပ်တို့ ဆက်ရေးနေရဦးမယ် ကဗျာ ...

တကယ့် တကယ်တမ်းကြတော့
အနိဌာရုံ “ စစ် ”ဆိုတာ
ကဗျာတစ်ပုဒ်မှ မဟုတ်ခဲ့တာ ..

ညှိနှိုင်းမရတော့တဲ့ ပုစ္တာလို
ကဗျာတစ်ပုဒ်ကို ငြိမ်းချမ်းရေးလို့
ခေါင်းစဉ်ပေးလိုက်တာနဲ့
ချိုးဖြူငှက်တွေ
အဝေးဆုံးကို တောင်ပံခတ်ပြေးသွားခဲ့ကြတယ် ...၊၊ ၊၊

မောင်ချမ်း (ခရမ်းပြာ)


မငြိမ်းချမ်းသေးလို့ေ၇းနေရဦးမယ့်ကဗျာ .. မောင်ချမ်းး (ခရမ်းပြာ)

“ အိမ်ရှင်မ ပေါက်ကွဲခြင်း ”

တစ်နေ့ တစ်နေ့
အရည်လည်း မရ
အဖတ်လည်း မရ
လေနဲ့ပဲ ကွမ်း ထိုင်ဝါးနေကြတဲ့
စာအုပ် မျက်နှာပေါ်က
ကျွန်မချစ်လင် ကိုလျှာရှည်

တစ်ခါ လာလည်း
နိုင်ငံ့ အရေး
နှစ်ခါ လာလည်း
တိုင်းပြည် အရေး
သုံးခါ ကျပြန်တော့လည်း
လူမျိုးဘာသာ အရေး
“ အရေး ၊ အရေး” ရေးလည်းရေးနိုင်ကြရဲ့ .
အချစ်နဲ့အမုန်း ဘက်ပေါင်းဆုံအောင်
စုံစီနဖာ ဘာညာ ကဗျာတွေလည်း
ကြံကြံဖန်ဖန်တွေး ကြံကြံဖန်ဖန်လဲ ရေးနိုင်လွန်းရဲ့

နံပတ်စဉ်တိုင်းရဲ့ အောက်မှာ
အရေးကြီးတဲ့ ကိုယ့်မိသားစုရဲ့
ဘဝဆိုတာ ပျောက်ကွယ်နေတာ
ရှင် သိပါသလား ဒါမှမဟုတ်
တမင်များ မေ့နေတာလား ပြောပြစမ်းပါ

ရှင်တို့ဘာသာ ရှင်တို့
အားလို့ ယားလို့
တွေးချင်တာတွေ တွေး
ရေးချင်တာသာ ရေးကျ
ဒီတစ်ခါ အိမ်က ကျွန်မက
ဖုန်းစခရင်က မျက်နှာမခွာတဲ့
ရှင့်ကို အရင်ဆန္ဒပြမယ်

နံပတ်စဉ်တစ်ဟာ မိသားစုအရေး
နံပတ်စဉ်နှစ်ဟာ မိသားစုအရေး
နံပတ်စဉ်သုံးဟာ မိသားစုအရေး
အို နောက်ဆုံး နံပတ်စဉ်အားလုံး အားလုံးးး

အိမ်မှာဆန် ဆီ ဆားအရာရာဖြည့်တင်းရေး

“ အိမ်ရှင်မတို့အရေး ဒို့အရေး ”

“ အိမ်ရှင်မတို့အရေး ဒို့အရေး ”

“ အိမ်ရှင်မတို့အရေး ဒို့အရေး ”

မောင်ချမ်း ( ခရမ်းပြာ )


အိမ်ရှင်မပေါက်ကွဲခြင်း .. မောင်ချမ်းး (ခရမ်းပြာ)


“ ကြေကွဲစရာတွေအထဲမှာ ငါ့ကိုထားခဲ့ ” ... တဲ့လား

ကမ္ဘာဦးအစ
အာဒမ် က ဧ၀ ကို
ထွေးပိုက်ထားခဲ့သလိုမျိုး
အိပ်မက်ကို
နင်သယ်ဆောင်လာခဲ့တယ်။

ဘယ်အရာမှ မတည်မြဲဘူး
ကျေးဇူးပြုပြီး နောက်ကို
ထောင်ဝင်စာ မလာပါနဲ့
မျက်ရည်ပေါက်တွေက
ငါ့နှလုံးသားကို တ စ ဆီ ခြွေ။

လွတ်လပ်မှု တန်းတူညီမျှမှု
ဒီမိုကရေစီ နိုင်ငံတော်
အသက်စွန့် သွားတဲ့ ရဲဘော်
အဲဒီ အောက်ဆုံးမှာမှ
အချစ်ဟာ ရှင်သန်တယ် နင်မငိုပါနဲ့။

နာရီလက်တံတွေက
မျက်ရည်တာရိုး ရိုက်ချိုးနေကြတယ်၊
စကားလုံးတွေက
နှုတ်ဖျားမှာ အလုအယက်ဆွံ့ အ
မျက်လုံး တလုံးက
မျက်လုံး တလုံးကို ညှို့ယူဖမ်းစား။

ဘာမှာဦးမလဲ
ဟိုး အဝေးကြီးက ပြေးလာရသလိုမျိုး
မောဟိုက် နွမ်းလျ တိုးတိမ်တဲ့ အသံ
ငါ့ စိတ်ကို မိုင်ကုန်မြှင့်တင်လိုက်တယ်

ကျန်းမာရေးကို ဂရုစိုက်
သင့်တော်မယ့်လူတွေ့ရင်
အိမ်ထောင်ပြုလိုက်ပါ စကားသံအဆုံးမှာ
သံတခါးပိတ်သံနဲ့ အတူ
ရှိုက်သံသဲ့သဲ့ရယ်
ကျီးတအုပ်ပြိုဆင်းသွားသံသာ
ငါ့ဘ၀ရဲ့ နောက်ဆုံး။

(ကမ္ဘာ့ကဗျာနေ့ အမှတ်တရ လွှင့်တင်လိုက်တယ်။)

ရဲရင့်သက်ဇွဲ


ကြေကွဲစရာတွေအထဲမှာ ငါ့ကိုထားခဲ့တဲ့လား .. ရဲရင့်သက်ဇွဲ


“ ဖြစ်နိုင်မယ်ဆိုရင် ”

ဒီနေ့အဖို့ ဖြစ်နိုင်မယ်ဆိုရင်
ကောင်းကင်ထက်က
ကြယ်တွေကိုခြွေချ
ကမ္ဘာမြေရဲ့ အလှကို
ပီကာဆို ကိုပြလိုက်ချင်တယ်

ဒီနေ့အဖို့ ဖြစ်နိုင်မယ်ဆိုရင်
ဟိုးးးးးးး အမြင့်က
တိမ်တွေကို လေဟုန်စီး
ပလေတိုနဲ့အတူ ဘေဘီလုံကို
အပျော်ခရီး ထွက်လိုက်ချင်တယ်

ဒီနေ့အဖို့ ဖြစ်နိုင်မယ်ဆိုရင်
ဟိုတစ်ဘက် အဝေးကြီးက
တော၊ တောင်တွေကို ကျော်ဖြတ်
မာယာတွေနေတဲ့ အရပ်ကို
နတ်သျှင်နောင်ကို ခေါ်သွားပြချင်တယ်

ဒီနေ့အဖို့ ဖြစ်နိုင်မယ်ဆိုရင်
ပင်လယ်ပြင်ကို ဖြတ်သန်း
လီယိုတော်စတွိုင်းနဲ့ အတူ
စစ်နဲ့ငြိမ်းချမ်းရေး ကဗျာတစ်ပုဒ်
မနားတမ်း ရွတ်ဆိုပစ်လိုက်ချင်တယ်

ဒီနေ့အဖို့ ဖြစ်နိုင်မယ်ဆိုရင်
အိုင်းစတိုင်းနဲ့ တယောထိုးချင်တယ်
ဦးပုညနဲ့ တေးထပ်ရွတ်ချင်တယ်
ရှိတ်စပီးယားနဲ့ စကားတွေပြောချင်တယ်
ငဇင်ကာနဲ့ အရက်သောက်ချင်တယ် ....
------------ --------- ---------
------------ --------- ---------
------------ --------- ---------
------------ --------- ---------

ဒီနေ့အဖို့ ဖြစ်နိုင်မယ်ဆိုရင်
ဒီနေ့အဖို့ ဖြစ်နိုင်မယ်ဆိုရင်
ဘဝနဲ့ ဆန္ဒ တစ်ထပ်ထည်း လက်တွေ့ကျချင်တယ် ။

မောင်ချမ်း ( ခရမ်းပြာ )

လရောင်နှင့်မှည့်သော သစ်သီးများကဗျာ
စာအုပ်မှ

ဖြစ်နိုင်မယ်ဆိုရင် .. မောင်ချမ်း (ခရမ်းပြာ)


“ ရင်ခုန်သံ နရီလှိုင်းများ ”

ပင်လယ်ကြီးက ငုံ့ကိုင်းနေတဲ့
ကောင်းကင်ပြာပြာကို မရဲတရဲ
လှမ်းမေးလိုက်တယ် ချစ်လားတဲ့ ...?
ဖြတ်ပြေးသွားတဲ့ တိမ်တွေကြားမှာ
မဆီမဆိုင် ကိုယ်
တိုးတိုးလေး ကြားလိုက်ရတယ် ....

တောင်တန်းကြီးက ညှို့မှိုင်းနေတဲ့
တောအုပ်လေးကို နင့်နင့်နဲနဲ
လှမ်းမေးလိုက်တယ် ချစ်လားတဲ့ ...?
စီးဆင်းသွားတဲ့ စမ်းချောင်းလေးကြားမှာ
မဆီမဆိုင် ကိုယ်
တိုးတိုးလေး ထပ်ကြားလိုက်ရတယ်....

လေဆန်မှာပျံဝဲနေတဲ့ လိပ်ပြာလေးက
ရောင်စုံနွေဦးပန်းလေးကို မ၀ံ့မရဲလေး
လှမ်းမေးလိုက်တယ် ချစ်လားတဲ့ ...?
ရနံ့ပါးပါးလေးပေးသွားတဲ့ လေပြေကြားမှာ
မဆီမဆိုင် ကိုယ်
တိုးတိုးလေး ကြားခဲ့ရပြန်တယ် .....

သာမန်ကောင်လေး တစ်ယောက်က
ကဗျာဆန်လွန်းလှတဲ့ ကောင်မလေးကို
ပြင်းပြင်းရှရှ လှမ်းမေးလိုက်တယ်
ချစ်လားတဲ့ ......

သူတို့ ရင်ခုန်သံတွေ “ အကြားမှာ ”
ကျွန်တော့် အချစ်ကဗျာလေး တစ်ပုဒ်
သက်ဝင်ယိမ်းထိုး လှုတ်ခတ်သွားတယ်
သူတို့အဖြေအားလုံးက ချစ်တယ်တဲ့ .....

မဆီမဆိုင် ကိုယ်လဲ မင်းကို
“ မခို့တရို့လေး ချစ်တယ် ”

မောင်ချမ်း ( ခရမ်းပြာ )
အသံကမ်းပါးမှ

Atkayar Tone Nya

Popular tracks