مدونة تراثنا للفن الأصيل
www.Torasna.blogspot.com

كلمات: عبد الله شمس الدين | الحان: عبد الفتاح منسى
من تسجيلات الاذاعة المصرية عام 1969

الكلمات
يا ايها السارى الحزين
ارهقت قلبك بالشجون
عد للصباح مع الشروق
وللطيور مع الحور
واملأ عيونك بالسنا
واملأ فؤادك بالرنين
هذا هو الكون البهيج
بهائه يسبى العيون
ابداً يسبح للذى سواه
فى ظل اليقين
فأخلع رداء الوهم يا قلبى
ودعك من الظنون
وادخل حما الله العظيم
فأنه الحصن الحصين
سبحانك اللهم انت الله
وكل ما ترضى يكون
اياك نعبد يا اله
واننا بك نستعين

فى رحاب الله / يا ايها السارى الحزين - نجاح سلام

مدونة تراثنا للفن الأصيل
www.Torasna.blogspot.com

كلمات: كمال منصور | الحان: محمود كامل
من تسجيلات الاذاعة المصرية عام 1960

الكلمات
ياللى حبك كان رواية
وانتهت قبل البداية
بكرة ياما تشوف ليالى
سهدها مالوش نهاية
بكرة راح تدبل ورودك 
من دموعك فوق خدودك
راح تلاقى كل دمعة
من ربيعك تطفى شمعة
والندم يطوى شبابك وابتسامك
والامل ما يدق بابك فى غرامك
ياللى حبك كان رواية
بكرة تتحايل عليا
تانى وتقولك عينيا
بعد ايه فات الاوان
وانتهى الحب اللى كان
واللى فاضل ذكريات
تتنسى ويا اللى فات
وابتدى ايام جديدة
ويا احلامى السعيدة
ياللى حبك كان رواية
مهما قلبى هان عليك
مش هاذله بين ايديك
ده الفراق احلى بزمان
من هوى فيه الهوان
مهما تبكى مهما تشكى
مستحيل تصعب عليا
عيش لوحدك ويا سهدك
وانسى ايامى الهنية
ياللى حبك كان رواية

نهاية حب / ياللى حبك كان رواية - محمد عبد المطلب

مدونة تراثنا للفن الأصيل
www.Torasna.blogspot.com

كلمات: عبد الله احمد عبد الله | الحان: محمود الشريف
من تسجيلات الاذاعة المصرية عام 1956

الكلمات
انا عمرى ما اسال تانى عليك
حتى ان بكيت لى بدمع عينيك
يحرم على لسانى يعاتبك
والدمع يحرم على عينى
واعيش على الذكرى احبك
والذكرى عنك تغنينى
والذكرى دى سلوى
طول ما انت جافينى
ايامك الحلوة دايماً تواسينى
على ايه نقضى العمر الالام
والدنيا غنوة نغينها
والليل نعيشه فى صدود وخصام
دى فرحة حلوة نعيش بيها
ونعيم الدنيا نشوة قلبين
لحظة والتانية تسعد حبيبين
انا عمرى ما اسال تانى عليك
حتى ان بكيت لى بدمع عينيك

انا عمرى ما هاسأل - حورية حسن

مدونة تراثنا للفن الأصيل
www.Torasna.blogspot.com

كلمات: مأمون الشناوى | الحان: محمود الشريف
من اغانى فيلم "هذا جناه ابى" عام 1945

الكلمات
بعدين معاك بعدين معاك
ان كنت امشى من هنا
تقول دى سكتى أنا
هنا وهنا .. وهنا وهنا
دى سكتى دى سكتك
خايفة لأروح فى سكتك
بعدين معاك
ارجع عنى وطاوعنى أحسن كده هاتجننى
ماشى ورايا تشاغلنى قولى ايه قصدك منى
مش لاقيه حد يسكتك عنى ويمنع شبكتك
دى سكتى دى سكتك
خايفة لأروح فى سكتك
بعدين معاك
بتلف تلف ورايا
وبتتعب نفسك ليه
لو شافك حد معايا
حيقولوا علينا ايه
يا سلام عليك حيرتنى
يا سلام عليك غلبتنى
دوختنى .... تعبتني
دى سكتى دى سكتك
خايفة لأروح فى سكتك
بعدين معاك

بعدين معاك / دى سكتى - صباح

مدونة تراثنا للفن الأصيل
www.Torasna.blogspot.com

كلمات: مأمون الشناوى | الحان: فريد غصن
من اغانى فيلم "هذا جناه ابى" عام 1945

الكلمات
ايه معنى الحب
ايه شكل الحب
ايه طعم الحب
اصلى ما شفتوش 
ولا كلمتوش ولا جربتوش
ايه معنى الحب
قالوا العشاق عايشين فى امان
مواعيد و فراق و خصام و كلام
ساعة حنية و ليالى اسية
انا مالى و مالهم
ما يروحوا فى حالهم
مش عايزة احب
ايه معنى الحب
ده الكل يقول الحب هوان
وعذاب على طول ومالهش امان
على ايه وانا مالى
خلينى فى حالى
مش عايزة اشوفه
ولا المح طيفه
مش عايزة احب
ايه معنى الحب
قلبى بيتاخد من سيرة الحب
اصله مش واخد ابداً على الغلب
لو كان يقابلنى ولا يكلمنى
كنت اهرب منه ولا اسأل عنه
ولا ميعاد يشغلنى
ولا واد يحايلنى
مش عايزة احب
ايه معنى الحب
اصلى ما شفتوش 
ولا كلمتوش ولا جربتوش
ايه معنى الحب

ايه معنى الحب - صباح

مدونة تراثنا للفن الأصيل
www.Torasna.blogspot.com

كلمات: فتحى قورة | الحان: منير مراد
من اغانى فيلم "الظلم حرام" عام 1954 

الكلمات
تعالى يالا فى غمضة عين
لا تقول دقيقة ولا دقيقتين
هاعدلك واقول واحد
وتيجى قبل ما اقول اتنين
تعالى يالا يالا تعالى يالا يالا
تعالى يالا فى غمضة عين
ان شوفتك افرح واغنى
وان غيبت تحرم عينى النوم
واليوم سنة فى بعدك عنى
تبقى السنة فى بعدك كام يوم
والانتظار فى الحب نار
نهاره ليل والليل نهار
وانت وانا جمبك سنتين
كأنهم يا حبيبى يومين
بعدت شوقى مع النسمة
تعالى قولى قالتلك ايه
وانت النصيب وانت القسمة
وانت اللى روحى فى ضى عينيك
وانت هنايا وانت منايا
كلمة احبك دى مش كفاية
قالوها قبلى كتير حبيبن
الاقى غيرها علشانك فين
تعالى يالا فى غمضة عين
لا تقول دقيقة ولا دقيقتين
هاعدلك واقول واحد
وتيجى قبل ما اقول اتنين
تعالى يالا يالا تعالى يالا يالا
تعالى يالا فى غمضة عين

تعالى يالا فى غمضة عين / التليفون (تسجيل حفل) - شادية

مدونة تراثنا للفن الأصيل
www.Torasna.blogspot.com

كلمات: محمد زكى الملاح | الحان: عز الدين حسنى

الكلمات
عيونها الجميلة خدونى
وبأجمل غرام شغلونى
حبيتهم وعشت فى غنوة
وصحيت على الامانى الحلوة
اتهنى واهنى عيونى .. يا عيونى
صادفتنى وبقينا اتنين
والعين اما جت فى العين
صحانى الغرام ولقيته
مكتوب ما بين رمشين
وعرفت النصيب والقسمة
وفرحت بعيون مبتسمة
حبيتهم وعشت فى غنوة
وصحيت على الامانى الحلوة
اتهنى واهنى عيونى .. يا عيونى
اتهنى يا قلبى اتهنى
انا وانت بقينا فى جنة
وهانفرش طريق سعادتنا
بالورد الجميل والحنة
هانفسر خلاص احلامنا
بغرامنا ونعيم ايامنا
ده انا عايش فى اجمل غنوة
وصحيت على الامانى الحلوة
اتهنى واهنى عيونى .. يا عيونى
عيونها الجميلة خدونى
وبأجمل غرام شغلونى
حبيتهم وعشت فى غنوة
وصحيت على الامانى الحلوة
اتهنى واهنى عيونى .. يا عيونى

يا عيونى / عيونها الجميلة خدونى - كمال حسنى

مدونة الاغنية البديلة
www.alternative-arabic.blogspot.com

 كلمات: محمد ياسين قاسم | الحان: وفا حسين

احلى صباح على كل ايد شغالة
ونهار سعيد يا مصر
نهار سعيد على الرجالة
اللى ايديهم فى البناء
دايماً بتبنى لأمنا
ست الحبايب مصرنا
واحنا معاهم كلنا
نبنى لبكرة وبعده فى القيالة
احلى صباح يا قاهرة
احلى تحية يا احن ام
على الجميع وعليا
حبك حياتنا والحياة لولادنا
وعلشان ترابك ترخص التضحية
وقلوبنا دايماً بالعمل ميالة
طلع النهار والشمس هالة سعيدة
جاية تنور كل سكة بعيدة
وتقول يا بلدى انتى بعزم ولادك
فى نهار جديد وفى احلى صورة جديدة
جوة القلوب وفى العيون متشالة
احلى صباح على كل ايد شغالة
ونهار سعيد يا مصر
نهار سعيد على الرجالة

احلى صباح - محمد الحلو

مدونة تراثنا للفن الأصيل هى معنية بجمع التراث المصرى الموسيقى، نقدم اغانى زمن الفن الجميل مصحوبة بمعلومات توثيقية دقيقة
جميع الاغانى التى يتم نشرها تم تسجيلها ومعالجة الصوت بواسطة فريق عمل المدونة

فى رحاب الله / يا ايها السارى الحزين - نجاح سلام

مدونة تراثنا

Recent comments

Privacyyyyyyy

Related tracks