مدونة تراثنا للفن الأصيل
www.Torasna.blogspot.com

كلمات: مأمون الشناوى | الحان: محمود الشريف
من اغانى فيلم "هذا جناه ابى" عام 1945

الكلمات
بعدين معاك بعدين معاك
ان كنت امشى من هنا
تقول دى سكتى أنا
هنا وهنا .. وهنا وهنا
دى سكتى دى سكتك
خايفة لأروح فى سكتك
بعدين معاك
ارجع عنى وطاوعنى أحسن كده هاتجننى
ماشى ورايا تشاغلنى قولى ايه قصدك منى
مش لاقيه حد يسكتك عنى ويمنع شبكتك
دى سكتى دى سكتك
خايفة لأروح فى سكتك
بعدين معاك
بتلف تلف ورايا
وبتتعب نفسك ليه
لو شافك حد معايا
حيقولوا علينا ايه
يا سلام عليك حيرتنى
يا سلام عليك غلبتنى
دوختنى .... تعبتني
دى سكتى دى سكتك
خايفة لأروح فى سكتك
بعدين معاك

بعدين معاك / دى سكتى - صباح

مدونة تراثنا للفن الأصيل
www.Torasna.blogspot.com

كلمات: مأمون الشناوى | الحان: فريد غصن
من اغانى فيلم "هذا جناه ابى" عام 1945

الكلمات
ايه معنى الحب
ايه شكل الحب
ايه طعم الحب
اصلى ما شفتوش 
ولا كلمتوش ولا جربتوش
ايه معنى الحب
قالوا العشاق عايشين فى امان
مواعيد و فراق و خصام و كلام
ساعة حنية و ليالى اسية
انا مالى و مالهم
ما يروحوا فى حالهم
مش عايزة احب
ايه معنى الحب
ده الكل يقول الحب هوان
وعذاب على طول ومالهش امان
على ايه وانا مالى
خلينى فى حالى
مش عايزة اشوفه
ولا المح طيفه
مش عايزة احب
ايه معنى الحب
قلبى بيتاخد من سيرة الحب
اصله مش واخد ابداً على الغلب
لو كان يقابلنى ولا يكلمنى
كنت اهرب منه ولا اسأل عنه
ولا ميعاد يشغلنى
ولا واد يحايلنى
مش عايزة احب
ايه معنى الحب
اصلى ما شفتوش 
ولا كلمتوش ولا جربتوش
ايه معنى الحب

ايه معنى الحب - صباح

مدونة تراثنا للفن الأصيل
www.Torasna.blogspot.com

كلمات: فتحى قورة | الحان: منير مراد
من اغانى فيلم "الظلم حرام" عام 1954 

الكلمات
تعالى يالا فى غمضة عين
لا تقول دقيقة ولا دقيقتين
هاعدلك واقول واحد
وتيجى قبل ما اقول اتنين
تعالى يالا يالا تعالى يالا يالا
تعالى يالا فى غمضة عين
ان شوفتك افرح واغنى
وان غيبت تحرم عينى النوم
واليوم سنة فى بعدك عنى
تبقى السنة فى بعدك كام يوم
والانتظار فى الحب نار
نهاره ليل والليل نهار
وانت وانا جمبك سنتين
كأنهم يا حبيبى يومين
بعدت شوقى مع النسمة
تعالى قولى قالتلك ايه
وانت النصيب وانت القسمة
وانت اللى روحى فى ضى عينيك
وانت هنايا وانت منايا
كلمة احبك دى مش كفاية
قالوها قبلى كتير حبيبن
الاقى غيرها علشانك فين
تعالى يالا فى غمضة عين
لا تقول دقيقة ولا دقيقتين
هاعدلك واقول واحد
وتيجى قبل ما اقول اتنين
تعالى يالا يالا تعالى يالا يالا
تعالى يالا فى غمضة عين

تعالى يالا فى غمضة عين / التليفون (تسجيل حفل) - شادية

مدونة تراثنا للفن الأصيل
www.Torasna.blogspot.com

كلمات: محمد زكى الملاح | الحان: عز الدين حسنى

الكلمات
عيونها الجميلة خدونى
وبأجمل غرام شغلونى
حبيتهم وعشت فى غنوة
وصحيت على الامانى الحلوة
اتهنى واهنى عيونى .. يا عيونى
صادفتنى وبقينا اتنين
والعين اما جت فى العين
صحانى الغرام ولقيته
مكتوب ما بين رمشين
وعرفت النصيب والقسمة
وفرحت بعيون مبتسمة
حبيتهم وعشت فى غنوة
وصحيت على الامانى الحلوة
اتهنى واهنى عيونى .. يا عيونى
اتهنى يا قلبى اتهنى
انا وانت بقينا فى جنة
وهانفرش طريق سعادتنا
بالورد الجميل والحنة
هانفسر خلاص احلامنا
بغرامنا ونعيم ايامنا
ده انا عايش فى اجمل غنوة
وصحيت على الامانى الحلوة
اتهنى واهنى عيونى .. يا عيونى
عيونها الجميلة خدونى
وبأجمل غرام شغلونى
حبيتهم وعشت فى غنوة
وصحيت على الامانى الحلوة
اتهنى واهنى عيونى .. يا عيونى

يا عيونى / عيونها الجميلة خدونى - كمال حسنى

مدونة الاغنية البديلة
www.alternative-arabic.blogspot.com

 كلمات: محمد ياسين قاسم | الحان: وفا حسين

احلى صباح على كل ايد شغالة
ونهار سعيد يا مصر
نهار سعيد على الرجالة
اللى ايديهم فى البناء
دايماً بتبنى لأمنا
ست الحبايب مصرنا
واحنا معاهم كلنا
نبنى لبكرة وبعده فى القيالة
احلى صباح يا قاهرة
احلى تحية يا احن ام
على الجميع وعليا
حبك حياتنا والحياة لولادنا
وعلشان ترابك ترخص التضحية
وقلوبنا دايماً بالعمل ميالة
طلع النهار والشمس هالة سعيدة
جاية تنور كل سكة بعيدة
وتقول يا بلدى انتى بعزم ولادك
فى نهار جديد وفى احلى صورة جديدة
جوة القلوب وفى العيون متشالة
احلى صباح على كل ايد شغالة
ونهار سعيد يا مصر
نهار سعيد على الرجالة

احلى صباح - محمد الحلو

مدونة تراثنا للفن الأصيل
www.Torasna.blogspot.com

كلمات: عبد الرحيم منصور | الحان: منير مراد
اسطوانات صوت الفن عام 1971

الكلمات
انا أحبك انا انا أحبك
انا أحبك انا انا أحبك
بكل أمان بقلب حنان بنظرة عينى وموالى
بقولها كتير يقولها الطير وتبقى غنوة يا غالى
أقولها كمان فى كل مكان وأفرح بيها أحبابى
أغزلها عقود حكايات وورود
وأهديها لناسى وأصحابى
انا أحبك انا انا أحبك
انا أحبك انا انا أحبك
على المناديل ونجم الليل كتبت أحبك من قلبى
يسمعها غريب ملهش حبيب يتونس بيها على دربى
كتير عاشقين كتير صابرين قالولى عاشقة يا صبية
رديت بحنان قولوها كمان وانا حاسة الدنيا فى أيديا

انا احبك - عايدة الشاعر

مدونة الاغنية البديلة
www.alternative-arabic.blogspot.com

كلمات: مجدى النجار | الحان: فاروق الشرنوبى | توزيع موسيقى: طارق عاكف
نسخة حفل من الاغنية التي صدرت فى البوم "بعدين وياكى" عام 1991

الكلمات
بعدين وياكى حسيت بهواكى
لا منى دخلت الجنه ولا ببعد ولا بستنى
ولا عنك يوم هاستغنى طب اهرب منك فين
لو شمسنا هاتغيب عن نورها ولا سمانا هاتنسى طيورها
كانت صورتك فارقت عينى كنت نسيتك او نسيتينى
من اول نظره عين
بعدين وياكى حسيت بهواكى
لا منى دخلت الجنه ولا ببعد ولا بستنى
ولا عنك يوم هاستغنى طب اهرب منك فين
مكتوب لنا انا وانتى نكمل ونعيش سوا عمرنا م الاول
وانتى يا احلى عيون فى طريقى حبك اول حب حقيقى
يا خساره ما ليش عمرين بعدين وياكى
بعدين وياكى حسيت بهواكى
لا منى دخلت الجنه ولا ببعد ولا بستنى
ولا عنك يوم هاستغنى طب اهرب منك فين

بعدين وياكى (حفل) - عماد عبد الحليم

مدونة تراثنا للفن الأصيل
www.Torasna.blogspot.com

كلمات: احمد محمود الشاذلى | الحان: عادل مأمون

الكلمات
عينى يا عينى على الهوى
بيجمع القلبين سوا
يفرحنا نعشق الهوى
يجرحنا نعشق الهوى
ونلاقى فى الجرح الدواء
عينى يا عينى على الهوى
يا حبيب القلب يا نور العين
على قد ما تقدر هنينى
اسقينى حنان واسعد قلبى
اوعى تعشمنى وتلعب بى
ده انا قلبى ارتاح يوم ما لقيتك
وفى نن العين انا خبيتك
من يوم ما عينيك شاورت ليا
والدنيا احلوت فى عينيا
حتى التنهيدة لها فرحة جديدة
والجنة يا روحى مبقتش بعيدة
وعرفت ايه معنى الهوى
يفرحنا نعشق الهوى
يجرحنا نعشق الهوى
ونلاقى فى الجرح الدواء
عينى يا عينى على الهوى
يا ليالى الحب يا احلامى
اوصيكى بقلبى وايامى
ما تخلى فراق يجى ناحيتنا
ولا اى عزول يعرف بيتنا
هنينا زى اللى اتهنوا
ده الحب مفيش اجمل منه
من يوم ما شاورت ليا
من يوم ما عينيك شاورت ليا
والدنيا احلوت فى عينيا
حتى التنهيدة لها فرحة جديدة
والجنة يا روحى مبقتش بعيدة
وعرفت ايه معنى الهوى
يفرحنا نعشق الهوى
يجرحنا نعشق الهوى
ونلاقى فى الجرح الدواء
عينى يا عينى على الهوى

يا عينى على الهوى - هدى زايد

مدونة تراثنا للفن الأصيل هى معنية بجمع التراث المصرى الموسيقى، نقدم اغانى زمن الفن الجميل مصحوبة بمعلومات توثيقية دقيقة
جميع الاغانى التى يتم نشرها تم تسجيلها ومعالجة الصوت بواسطة فريق عمل المدونة

يا عينى على الهوى - هدى زايد

مدونة تراثنا

Related tracks