- نقابل ناس- تتر مسلسل كلام على ورق

 نقابل ناس .. نفارق ناس
وماشية الحياة عادي
حال الدنيا بيتغير ما بين الثانية والتانية
هنعمل ايه
وده جارح .. وده مجروح
وده عايش على الماضي
واحوالنا دي بتحير ولو نرضي هتحلي لنا
بنزعل ليه

ومين الدنيا دايماله محدش ضامن الأيام
يا بخت اللي رضي بحاله وفرق بين حلال وحرام
سؤال واجابته عارفينها في يوم منسيبها واخدين ايه
مادام سايبنها سايبنها هنتضايق ونزعل ليه

نصيحة عيش ومتخليش في حاجة شاغله تفكيرك
غير الفرحة وغير ضحكه مبتفرققش في ملامحك ومش بتروح
ترتب ايه وتحسب ايه نصيبك كله هيصيبك
لكن عافر مع الفرصه ومتسيبهاش في يوم ابدا تضيع وتروح

ومين الدنيا دايماله محدش ضامن الأيام
يا بخت اللي رضي بحاله وفرق بين حلال وحرام
سؤال واجابته عارفينها في يوم منسيبها واخدين ايه
مادام سايبنها سايبنها هنتضايق ونزعل ليه

دقيقة بص كده حواليك هتلقي شمس بتنور
وبعديها في عز الليل قمر سبحانه من صور منور ليك
تملي الأمل موجود قريب للي شايفينه
هتتفائل هتتضحكلك في غمضة عين
هتبقي الدنيا ملك ايديك

حياتنا ساعات بنرسمها وبنجملها بالألوان
في لون نختاره يكتمها ولون يدي لحياتنا امان
همومك بكره هتعدي مفيش حاجه مبتعديش
حياة عايزاك تكون عندي وكل ما تقوي فيها تعيش

نقابل ناس .. نفارق ناس
وماشية الحياة عادي
حال الدنيا بيتغير ما بين الثانية والتانية
هنعمل ايه
وده جارح .. وده مجروح
وده عايش على الماضي
واحوالنا دي بتحير ولو نرضي هتحلي لنا
بنزعل ليه

- نقابل ناس- تتر مسلسل كلام على ورق

Toya Haffez