Zur Einweihung der neuen Stadion-Anlage im St.Jakob-Park präsentiert die Basler Rapcrew TripleNine den neuen Song «Gschichte wärde gschriebe». Eine Hommaage an den FC Basel 1983 und seine Fans. Für den Rahmen sorgte die Joggeli-Kulisse beim Rückrundenstart zum Super-League-Kracher FCB-YB.
Free-Download (bis 10.02.2014): http://www.fcb.ch/media/Sonstiges/Sounds/FCB_Track_2014_Master_MP3.zip
iTunes:  https://itunes.apple.com/ch/album/gschichte-warde-gschriebe/id816186927?i=816186965&ign-mpt=uo%3D4
JLST-Remix: https://soundcloud.com/jean-luc-saint-tropez/triplenine-gschichte-w-rde

Raps: Fetch, Abart, Zitral, Jean Luc Saint Tropez, Silenus
Beat: Fierce
Scratches: DJ Johny Holiday
Facebook: https://www.facebook.com/pages/TripleNine-Recordings/58543247971

TripleNine: Gschichte wärde gschriebe

Fetch: Kennsch du die Stadt wo gärn chli anderscht tickt?
Wo alles andersch isch wenn s Volk im Stadion singt.
E Stadt e Region, vom Babbe zem Sohn.
Und egal wo mr strande loht ys Basel nid los.
Spieler wärde Helde und denn zu Legände.
Siege und lyyde, wil Triumph au mol ände.
FC Basel -- e Schatz, e Juwel.
Die Stadt gitt dr Kraft und Fans gänn dir Seel.

Abart: Hänn e Platz in unsrem Härz für dä Club reserviert,
trage d Farbe permanänt wie unter d Hut tättowiert.
Ganz Basel salutiert will du uns beriehrsch,
öb Schugger oder Dieb -- gohts ums Schutte gsehn mrs glych.
Schlohsch e Brugg fürs Volgg, bisch dr Punkt wo vereint,
hesch Verluscht und Erfolg mit Hundertuusige teilt.
Und ä Stadion isch z klei zum zeige wie das isch.
Bi dir fühl y mi dehei, bitte blyb wie'd bisch!

Refrain: Das isch unser Club, mir gniesse die Momänt wil
Gschichte wärde gschriebe und verhebe denn unändlich.
Titel und Kapitel und es wird nie sälbschtverständlich.
Alles wo mr wänn isch...dr F-C-B.

Zitral: Vom grosse Fisch bis zum kleine Arbeitslose,
hämmer alli unseri Johreskarte in dr Hose.
Wo au immer du spielsch, wirdsch begleitet vo Horde,
für di stöhn mr zämme und kein goht verlore!
Du bisch d Seel vo dr Stadt, di Geischt in uns, 
gspyyr di Heimstett bäbe wenn die Einheit gumpt.
Schiess e Gool für uns und bitte schiess no eins meh,
und loss Tabälleplätz frey, uff Platz zwei oder drei!

Jean Luc Saint Tropez: Mir stöhn zämme uffm rotblaue Pfad uss dr Dunkelheit,
das isch Wille, Kampf, Tradition und Verbundeheit.
Ussteile, yystecke, uffstoh und wider dra,
in Zyte vom Triumph und nach dr bitterschte Niederlag.
Dr Grad isch schmal zwüsche Säge und Päch,
doch au die schlächte Momänt hänn ys wäsentlich prägt,
über Generatione vererbt, vereint Spiel für Spiel,
nid du suechsch di Club, nei di Club findet di!

Refrain: Das isch unser Club, mir gniesse die Momänt wil
Gschichte wärde gschriebe und verhebe denn unändlich.
Titel und Kapitel und es wird nie sälbschtverständlich.
Alles wo mr wänn isch...dr F-C-B.

Silenus: Egal vo wo de kunnsch, öb Land oder Stadt,
spielt Basel e Match, simmer ei Mannschaft,
und s'isch widr eimol meh, dr Zauber in dr Luft,
Rauch in dr Luft, rot blau isch dr Grund!
Hänn e Kurve im Rugge wo dr Name au verdient,
wie ne Burg lueg uffe, sehsch die Fahne das isch die, 
wo zeigt was Macht isch, seit was Sach isch,
du bisch FCB, wenn de eins mit dr Stadt bisch!

Bridge: Wenns blau am Himmel sich mit Oberot mischt,
und dr letscht goldig Strahl di Blick denn trifft,
denn weisch als Basler vo wo d Farbe sinn,
wo's Volk in de Strosse uff ihrne Fahne schwingt!

Refrain: Das isch unser Club, mir gniesse die Momänt wil
Gschichte wärde gschriebe und verhebe denn unändlich.
Titel und Kapitel und es wird nie sälbschtverständlich.
Alles wo mr wänn isch...dr F-C-B.

TripleNine – Gschichte wärde gschriebe (FCB-Hymne 2014)

Der TripleNine-Track zum fünften FCB-Meistertitel in Folge. Beat/Mix: Fierce. Raps: Zitral, Abart, Silenus, Jean Luc Saint Tropez, Fetch. Cover: Kron. Mastering: Greenwood Studios.

Text TripleNine – Fünf (Maischtertrack 2014)

1 Liebi für dä Club, 2 Farbe uff dr Bruscht.
3 Pünggt für e Sieg, 4 Bier geg dr Durscht.
Es bruucht nid viel und mir sinn glücklich.
Aber hänn au nütt drgege, wenn dr FCB uns 5 gitt.

Zitral: Vale blibb bi uns Pipi blibbt au do.
Bau dr scheens Hyysli und find dr e Frau do.
Schängg dr Stadt Kinder wo schutte wie du.
Und kaputti Mannschafte wäg putze wie du.
Willsch mi Karli sy? Bitte sag jo!
Döffsch e bitz go raise aber muesch wiidr koh.
E Match ohni di gliicht me Gaischterschpiil.
Drumm singi nur für di an dere Maischterfiir.

Abart: Ganz Basel am fiire, dr Pokal in dä Händ. 
Lueg mir halte dä Titel syt me halbe Joorzähnt. 
Trotz dreyfachbelastig und Defensivtaktik,
stoht d Räschtschwiiz im Absyts, will näbe uns kei Platz blybt.
D Erfahrig, s Wüsse und d Konstanz sin dr Schlüssel 
Hän Leader wo fiehre, dominant nid z erschüttre.
S halbe Team isch verletzt, alli vorzeiche schlächt.
Chopf ufe Brust use, gwünne trotz all däm Päch!

Refrain

Silenus: E wytere Titel, wo isch d'Konkuränz?
Hän wieder s'Kontingent gsprängt, konsequänt.
Und trotz em fünfte mol minderets keini Emotione.
Bebbibluet am brodle, FCB-Droge.
E Merci an Yann, verdient s'Eins ufem Rugge.
Egal wohi de gosch, dä Verein hesch im Rugge!
Wie im siebte Himmel, niemols elei.
Ai Liebi, gross und klai weiss was y mein!

Jean Luc Saint Tropez: 5 mol anenand brennt dr Barfiesserplatz.
Mir bhalte dr Pokal am beschte grad in dr Stadt.
D Saison isch verbyy – und s isch wohrschiinlig nie
syt Joore so liecht – uns z schloo gsi wie die.
Für mitunter viili wird’s e Wunder bliibe.
Was mr die Runde widr für Plunder gspiilt hän.
Doch nid untertryybe mi het uns bewiise:
15 Unentschiide gän e Grund zem fyyre.

Refrain

Fetch: Wär will dr Titel? Mir sinn no unentschiede.
Här mit em Titel, mir hänn ys umentschiede!
Teile mängmol Pünggt, aber nie e Maischterschaft.
Die Reihe stoht bi fünf – das hett no kaine gmacht.
Und waisch du was isch geil do dra?
Jede Finger e Titel, jetzt kunnt die zwaiti Hand.
Drum singe mr nächtelang.
Und je nach Wätterlag, hänn mr bald e Sächser-Pagg.

Refrain

TripleNine – Fünf (Maischtertrack 2014)

AchtVier - Beutetour

Beat: Fierce. Cover: Kron. Raps: Abart, Fetch, Jean Luc Saint Tropez, Zitral.

LYRICS: TripleNine – Alles verdient (Streller-Maischtertrack 2015)

Abart: Mir sin ä eige Volk, sin unheimlich stolz.
Trage s Härz uf dr Zunge, s isch us reinem Gold.
Du verkörperisch das, verkörperisch d Stadt.
Im Pub, uf em Platz, in dr Möst und am Match.
Mit diner Grössi überaggsch, doch stellsch di nie drüber.
Drum liebt di d Mannschaft das seht und spührt mr.
Willd nid andersch chasch blibsch dr Strelli vo frühner.
Pipi glich was d machsch y wünsch dr Glück und Chraft.

Fetch: No e letschti Flanke zwüsche Birs und Baracke.
Schabernack im Training, mit Teamkollege lache.
Parole vo dr Kurve lüüchte hell uff em Haag.
Dur d Masche luege Kinder, hütt isch e grosse Daag.
S Kilometerwägli mit em Velo durab.
S Joggeli im Blick – dr allerletschti Match.
Captain! Loh di fyyre, loh di goh.
Alli Türe stöhn dr offe – Härze sowieso.

Refrain: Die Titel, die Kischte – mr vergässe sie nie.
E Ära goht z Änd, löhn dr Captain lo zieh.
S Stadion singt, e Stadt salutiert.
Merci Marco – hesch alles verdient.
Die Titel, die Kischte – mr vergässe sie nie.
E Ära goht z Änd, löhn dr Captain lo zieh.
S Stadion singt, e Stadt salutiert.
Merci an d Mannschaft, das hänn dr verdient.

Zitral: Adie Marco, e Stadt wird di vermisse.
Danggscheen fir s Härzbluet und vrdammi vill Kischte.
Danggscheen fir alles und fir none klai meh.
Und fir meh Yysatz als je en andre könnt geh.
Friehner hämmer Karli kah, jetzt hämmer di.
Y zieh mi Huet und sing demüetig Ständli fir di.
Bisch in dr gröschte Phase dr Schönscht uffm Rase.
Lang läbi Streller, dr König vo Basel!

Jean Luc Saint Tropez: Am elfte siebte null ains bisch doo
glanzvoll gstartet mit me Aigegool.
Wennd e letschts mol fyr uns ufe Rase trittsch
und bim Gegner dr Ball in de Masche zischt,
luege mr lachend zrugg doch dr Abschied isch bitter,
klatsche und dangge für fantastisch Zytte.
Zem Schluss no e Statement in aigener Sach:
Dä Track isch dr letscht für e Maischterschaft.

Refrain

Du fiehrsch und schaffsch Synergie und Chraft.
6 mol in Folg erfüllsch Härze mit Stolz.
S Team und dr Stuff erschafft Lyydeschaft.
6 mol in Folg unsri Härze voll Stolz.

Refrain

Facebook: https://www.facebook.com/tripleninerecordings
Instagram: https://instagram.com/triplenine_basel/
Twitter: https://twitter.com/tripleninerap

TripleNine – Alles verdient (Maischtertrack 2015)

Auch im 2010 holt der FC Basel wieder das Double! Abart und Brandhärd von der BAsler Crew TripleNine liefern den Soundtrack mit dem Song «Freinacht» als Erinnerung an diesen Abend exklusiv für TripleNine Recordings Basel.

Beat: Fierce
Vocals: Fetch, Abart
Recording, Mix: Johny Holiday, Fierce

Weitere Informationen unter
www.triplenine.ch
www.brandhaerd.ch
www.facebook.com/triplenine
www.facebook.com/brandhaerd

Checkt das Video dazu mit Bildern von der Meisterfeier 2010: http://www.youtube.com/watch?v=j--gASyPIm4

Maischtertrack 2010: Abart & Brandhärd – Freinacht

TripleNine Records präsentiert nach «Freinacht» 2010 nun den neuen FCB-Maischtertrack «Das isch Macht».
Rap: Abart, Fetch (Brandhärd), Jean Luc Saint Tropez, Zitral
Beat, Mix & Mastering: Mr. Fierce (Brandhärd)
Video: http://www.youtube.com/watch?v=P44PRhA3rCg

Lyrics: Das isch Macht

Abart: Das isch unsre Momänt, tuusigi Fans,
wo dr Seibi verzaubre, alles was sich gstaut het.
Jedi Emotion, jedes rettende Goal.
D Saison isch verbyy -- jetzt git s dr Lohn.
Eimol mehr chömer fiire ufem Barfüesserplatz,
wo d Laola überschwappt, ei Gfühl, ei Stadt.
D Joorhundert-Maisterschaft ab in d Königsklass.
Uf diräktem Wäg -- lueg gerächt isch gerächt.
Wär sorgt syt Joore für Pünkt in dr Wärtig?
Wär isch für d Schwiz di würdigst Verträttig?
Isch würklich fähig uf däm Niveau z bestoh?
Blybt Meister für immer, stygt nie meh vom Trohn.
Fetch: Booyaka -- FCB, Superstars.
Fink, Frei und Co. Risse wieder d Bude ab.
Die Basler -- niemmer hett sie unterkriegt.
In Ziiri sinn mr glaub zur Zyt grad unbeliebt.
Dr Pryys vom Erfolg -- doch das isch unser Bier.
Mir hän dr Titel, euch blybt d Bundesfyyr.
Dä Dangg gooht an Franco Costanzo.
Dä Titel: für di -- adios Muchacho.

Kopf uffe, Bruscht use, ab in d Stadt.
Basel brennt und macht Krach hütt Nacht.
Rotblau, Basel -- das isch Macht!
Das isch Macht! Das isch Macht!

Maggi: Kei Gnad am Faind, mir verschoone nütt.
Ei Stadt, ei Team, Mission erfüllt.
Mir nützes yyskalt uss, wenn dr Gegner patzt.
Es gitt nur ai Drhai -- das isch dr erschti Platz!
Löhnd sie pfyffe, eeländs Buure-Saupack.
Ihr läbed in Käffer, mir in dr Fuessball-Hauptstadt.
Mit em Streller und em Frei -- in dr Liga gitts e Packig.
Mi Heimat isch Basel, y gib e Figg uf d Schwizer Nati.
Schickane zum Trotz -- mir hänns allne zeigt.
Zu Banause in Bärn und St. Galle greist.
Dasch mol e Goal. Mir sinn Maischter! Die Beschte!
E Stadt rotblau, Basel weiss wie me feschted.

Kopf uffe, Bruscht use, ab in d Stadt.
Basel brennt und macht Krach hütt Nacht.
Rotblau, Basel -- das isch Macht!
Das isch Macht! Das isch Macht!

Abart-Bridge: Das isch unsre Momänt, tuusigi Fans,
wo dr Seibi verzaubre, alles was sich gstaut het.
Jedi Emotion, jedes rettende Goal.
D Saison isch verbyy -- jetzt git s dr Lohn.

Maischtertrack 2011: TripleNine – Das isch Macht

Aller guten Dinge sind drei: Nach «Freinacht» (2010) und «Das isch Macht» (2011) präsentiert TripleNine Records 2012 mit «Fahne und Füür» den Maischtertrack zum Meisterschafts-Triple.

Rap: Zitral, Fetch (Brandhärd), Jean Luc Saint Tropez, Abart
Beat, Mix & Mastering: Mr. Fierce (Brandhärd)

Text: Maischtertrack 2012 – Fahne und Füür

Zitral: So, het jetzt jede sini Pünggt, sinn dr überall zfriide?
Könner mr ändligg FC Basel in dä Kübel graviere?
Will mr Fuessball schpiile und nid Zahle verschiebe.
Dörf jetzt d Mannschaft de Fänz dr Pokal presentiere!
Hundertduusig Lütt wo uffm Barfi fiire!
Will mr alli unsre grosse FC Basel liebe!
Und genau wie jedes Joor singe mr im Chor:
E sone scheene Daag wie hyt, dä setti nie vergo!
Xehsch dr Gaischt vom Joggeli - är danzt hütt znacht!
Mit dr erschte Mannschaft und dr ganze Schtadt!
In de ellelange ummglitzte Hoose.
Mit em Nastuech im Gnigg, durch alli Basler Stroosse!

Seit dr Babbe zu sim Sohn: hütt chunnsch mit ins Stadion.
Denn gohts ab ufe Barfi – Basel wartet scho
bis d Mannschaft chunnt und ufe Balkon stoht.
Denn seit dr Sohn zu sim Babbe im rot vo d Fackle…

Rot und Blau fürs Läbe, y gib alles drfür.
Babbe du hesch mrs zaigt, y dangg dr drfür.
Y trag d Fahne und s Füür s Läbe lang wytter.
Aber vorhär feschte mr zämme dr 15. Titel.

Fetch: Zwick mi, y glaub besser wirds nümme.
Für dr Beni und dr Chippi gits jetzt do die Hymne.
Die beide hänn troffe und gfightet.
Und jede zweite Bebbi durch d Jugend begleitet.
Meissle, meissle, mr meissle e Dänggmol.
Wil mit dene Kämpfer en Ära d z Änd goht.
Dr Beni isch Basel und Basel isch danggbar.
Für jedi Minute wo kämpft hesch – du Tarzan!
E Grätschi für d Gägner, e Värsli für d Party.
E läbendi Legände als wärsch du dr Karli.
Schön, dass de blybsch, will mir stöhn wytterhin
immer hinter dir wenn die Junge wytterbringsch. King!

Seit dr Babbe zu sim Sohn: hütt chunnsch mit ins Stadion.
Denn gohts ab ufe Barfi – Basel wartet scho
bis d Mannschaft chunnt und ufe Balkon stoht.
Denn seit dr Sohn zu sim Babbe im rot vo d Fackle…

Rot und Blau fürs Läbe, y gib alles drfür.
Babbe du hesch mrs zaigt, y dangg dr drfür.
Y trag d Fahne und s Füür s Läbe lang wytter.
Aber vorhär feschte mr zämme dr 15. Titel.

JLST: Dr dritti Titel am Stygg so sin glorrichi Sieger.
Die ainzigi Konschtante in ere komische Liga.
Jedes Joor e Maischterfyyr mir hän zimmlig Üebig.
Während Känzig und Stierli no an kainere gsi sin.
Ihr Amateur-Verain müen vo dr Illusion ewäg ko.
Mir sind d Nummer Ains und jede Wiiderstand isch zwägglos.
Vertaidiger stöhn glai und wirr unter Beschuss.
Drum entschaide mir wär Maischter wird scho Runde vor Schluss.
Jedem Gegner e Gniggbruch in dr Nati A.
E Saison fyr s Gschichtsbuech international.
Ai Stadt ai Stolz ohni wenn und aber.
Unvergässlichi Momänt – dangge FC Basel

Seit dr Babbe zu sim Sohn: hütt chunnsch mit ins Stadion.
Denn gohts ab ufe Barfi – Basel wartet scho
bis d Mannschaft chunnt und ufe Balkon stoht.
Denn seit dr Sohn zu sim Babbe im rot vo d Fackle…

Rot und Blau fürs Läbe, y gib alles drfür.
Babbe du hesch mrs zaigt, y dangg dr drfür.
Y trag d Fahne und s Füür s Läbe lang wytter.
Aber vorhär feschte mr zämme dr 15. Titel.

Abart: Ihr wänn d Highlights ha – äggsgüsi, pardon.
Die Saison so hardcore, y weiss nid wo afo.
Dr Heiko und si Team – s isch so gail wie no nie.
Cup, Maischterschaft oder Champions League.
Überall mit drbyy, es git maischtens e Sieg. 
Und wenn nid isch s uns gliich – mir stöhn hinter dir,
sinn loyal wie dr Huggel und dr Chipperfield,
für mi läbendi Legände – euch vergissi nie!
Lueg es isch so wit, s beste Schwizer Team.
Los zue so gohts zue, wenn me s Triple fiirt,
Hundertduusig ufem Barfi am singe sind,
mache Rauch, schwinge Fahne – y lieb das Bild.

Seit dr Babbe zu sim Sohn: hütt chunnsch mit ins Stadion.
Denn gohts ab ufe Barfi – Basel wartet scho
bis d Mannschaft chunnt und ufe Balkon stoht.
Denn seit dr Sohn zu sim Babbe im rot vo d Fackle…

Rot und Blau fürs Läbe, y gib alles drfür.
Babbe du hesch mrs zaigt, y dangg dr drfür.
Y trag d Fahne und s Füür s Läbe lang wytter.
Aber vorhär feschte mr zämme dr 15. Titel.

TripleNine – Fahne und Füür (Maischtertrack 2012)

21 - Attentat feat. KC Rebell & Chaker - III Bosse

Remix des Tracks "Rot-Blau" von Pyro's Debut-Album "Hoffnigsfungge" von DJ Tron. Der Track ist des weiteren auf der aktuellen DVD "Trotz Draum kai Schloof" der Muttenzerkurve Basel. Diese Leute stecken Geld und Schweiss in Ihre Arbeit und präsentieren uns mal für mal fantastische Choreo's an den Spielen. Danke für eure wertvolle Arbeit ! Dieser Track sollte keine pure Promoaktion für mich sein sondern ein Danke an alle die uns immer wieder fantastische Momente bereiten. Der Text des Remix stammt aus dem Jahr 2008. DANKE BASE! Egal ob wir gewinnen oder nicht - Das Spiel ist das Highlight!


Pyro! - Rot-Blau (Tron Remix)

Abschiedssong für FCB-Stürmer und Schweizer Fussballegende Alex Frei. Hier das Video dazu: https://www.youtube.com/watch?v=zMSbNMmGToo

TripleNine Facebook: https://www.facebook.com/pages/TripleNine-Recordings/58543247971

TripleNine: Hattrick EP (Maischtertracks 2010-2012) on Soundcloud: https://soundcloud.com/tripleninerecords/sets/maischtertracks

TripleNine: Hattrick EP (Maischtertracks 2010-2012) on iTunes: https://itunes.apple.com/ch/album/hattrick-fcb-maischtertracks/id525398792 

TripleNine- Dangge Alex

TripleNine präsentiert mit «Kämpfe bis zum Schluss» und den vierten FCB-Maischtertrack in Serie. Rap: Fetch, Abart, Jean Luc Saint Tropez, Zitral. Beat: Silenus. Mix und Mastering: Mr. Fierce (TripleNine/Brandhärd).

TripleNine Facebook: https://www.facebook.com/pages/TripleNine-Recordings/58543247971

TripleNine: Hattrick EP (Maischtertracks 2010-2012) on Soundcloud: https://soundcloud.com/tripleninerecords/sets/maischtertracks

TripleNine: Hattrick EP (Maischtertracks 2010-2012) on iTunes: https://itunes.apple.com/ch/album/hattrick-fcb-maischtertracks/id525398792 
 

Lyrics: TripleNine – Kämpfe bis zum Schluss (Maischtertrack 2013)

Fetch: Alli hänn sie gseit, dass die Saison nümme toppe kasch.
E lächelnde Captain – denn hänn sies trotzdäm gmacht.
Glitte, gfightet, langsam wieder Fuess gfasst.
Wies dr Streller gseit hett. Das isch Fuessball!
Huet ab! Guet gmacht! Zeiged mol dä Kübel jetzt.
Maischter im Quartett. Cupsieg wäre überschätzt.
Glücklich jetzt, voller Stolz und au Demuet.
Jungs, dä isch uns – dängget dra, wenns weh duet.
Jean Luc Saint Tropez: Klari Aaglägehait - z Basel waisch was es haisst.
S uf em Fäld allne zaigsch und e Maischterschaft draisch.
D Konkurränz dänggt - über 60 Spiil sind z vill.
Und doch het Sieg für Sieg zum nägschte Titel gfiert.
Au Chelsea gsehts ii - uns muesch z ersch emol schloo.
Das waiss Tottenham, Zenit und au Dnjepropetrowsk.
Dr Heiko het müesse haigo - mit em Alex isch e Grosse gange.
Pipi passt mit Absicht und macht d Liga nomol spannend.

Refrain: Und mir kämpfe bis zum Schluss, gänn niemols uff.
Singe wenn d Sunne bim Stadion untergoht.
Die Farbe in dr Luft, das isch unser Club!
Für immer FC Basel – hundert Pro.

Abart: Ä Liebi wo blybt, dr Traum wo wittergoht.
Ä Fahne im Wind in dä Farbe blau und rot.
Es loht uns nid los, ä Stadt ä Region.
Jede Match ä Gottesdienst, zellt meh als Religion.
Eimol meh gits dr Lohn, dr Maischtertitel wie gwohnt.
Dr Film wo verbyygoht, s 13 ufem Trikot.
Unsri Jungs wo fighte gege Russe und Brite.
Am Schluss vo dr Reis blybt dr wichtigscht Titel.
Zitral: Y gratulier dr Mannschaft und em Maischtermacher.
Y zünd e Füür uff die Saison und e tighte Achter.
Lueg y schiss uff Rekord, y will nur maischterfiire.
Will Superlative stiige maischtenz in d Biire.
Ych lieb die Stadt und ych bi stolz uff dä Verein.
Doch in dr grosse Euphorie syg dr folgendes gsait:
Y will di stolz xeh FCB und dir sälber immer treu.
Will näggscht Joor kunnt sicher, mischt d Karte wiidr neu!

Refrain: Und mir kämpfe bis zum Schluss, gänn niemols uff.
Singe wenn d Sunne bim Stadion untergoht.
Die Farbe in dr Luft, das isch unser Club!
Für immer FC Basel – hundert Pro.

Maischtertrack 2011: TripleNine – Das isch Macht

TripleNine Records

Recent comments

Wichtelkönig

Kicks`n`Klicks

Related tracks