رحم الله البطل خالد والشاعر الحر عم أحمد نجم🫡

أحمد فؤاد نجم - زيارة لضريح عبد الناصر

شيد قصورك | الشيخ إمام - أحمد فؤاد نجم

عنبـــــــــَّـــــــــر .. كله يسمع
شخشخت بالزهر مانصفنيش ولا مرة
وراهنت بالمهر والبقشيش على مرة
والسجن للحُر وان كان مر ..ولا مرة .. 
فكرتنى بالتوبة من دى النوبة .. ولا مرة !

بعد مساء الخير على حراس الليل
كنجي برنجي تشنجي كله لبط ولومنجي
بس البدلة بتفرق والعيب عالمخزنجي
الأوله للنبى .. والتانية ايوب ..
والتالته غربتى .. والرابعة المكتوب
والخامسة .. اللى افترى حتماً يبات مغلوب

الأوله يا نبى يا محرر الانسان يا بلسم اللي ابتلى يا نجدة الغلبان
كرمت صنف البشر عن طايفة الحيوان
ورفعت سيف الهدى عالى على الطغيان
وغسلت ارض العرب من بقعة الأوثان
وزعقت يا امتى .. فى سائر الازمان
الظلم يوم لو حكم .. والحق يوم لو هان
يحرم عليك المطر والفى والعمران
تسرح بحورك عطش .. فى الزرع والإنسان
ويجر فيك الحنش وتحوم الغربان ..
ترمى الخراب ع الجبل والسهل والوديان
النور يغور م السما .. وجه القمر ما يبان
والشوف يضيع فى العما والضلمة والاحزان
والخوف يطيح فى البشر من قسوة السجان
الناس تخاف بعضها .. وتخوف السلطان

والتانية ، قولت أنا آيوب وانا مثلين
آيوب ومها ابتلى .. ايوب يروح لي فين
ايوب صبر كام سنة آيوب صبرله يومين
طلعت عليه القصص واتنادى بالاسمين
عدوه من الانبيا والصالحين الاتنين
وانا اللى صبرى هنا جوة اللُمان صبرين
صبرى على خطفتى من عزوتى والبين
وصبر تانى على حكم الزمان يا عين
الندل فينا حكم .. والندل حكمة شين
حكم البقر ع البشر .. بشريعة القرنين
وحق تربة نبى طه كحيل العين
هالبت يوم يتنصب بدل الميزان اتنين..
وانظر بعين الرضا للعدل فى الميزانين

والتالته، غربتى فى عالم الاندال
الندل فيه احتمى .. والحُر فيه انطال
والواطى لما اعتلى .. اجرله كام طبال
الشحط والبلطجى واللص والمحتال
والكدية لبست شنب واتحزمت بعقال 
ومين يحب النبى .. سقفة كمان يا عيال
الرقص دار فى البلد عمال على بطال
واللحم لما اتكشف .. غطى على اللى اتقال
لا سمعنا صوت فى النغم .. ولا شعر فى الموال
خنقوا الكلام فى الغُنى .. والرنة فى الخلخال

واحد يا موحد الواحد
اتنين يا جد الحسين
تلاته يا سو الشماته
اربعة يا حبر المطبعة
خمسة يا عزمى يا حى
سته يا بكرة يا جاى
سبعة يا قلبى يا مايل
تمانية يا شوق الزمايل
تسعه يا دنيا يا واسعة
عشرة يا خاين يا حشرة
 
اعرفكم جميعاً ان السجن سور ...
واعرفكم جميعا ان الفكرة نور ...
وعمر النور مايعجز يأزح الف سور ...
وعمر الصور مايقدر يحجز بنت حور ...
واعرفكم جميعا ان الظلم شايخ ...
واعرفكم جميعا باب السجن خايخ ...
واعرفكم جميعا ان ملهش اوكرة
واعرفكم جميعا انه هايبقى ذكرى
واعرفكم جميعا ان الثورة فكرة
وابشركم جميعاً .. ان الوعدة بكرة
والنور عندنا وعندكوا .. يا حبايب ،

العنبرة - أحمد فؤاد نجم - باريس 1986

بقرة حاحا - الشيخ إمام / أحمد فؤاد نجم

ممنوع من السفر لحن وآداء سعيد صالح كلمات  أحمد فؤاد نجم

كلمات الشاعر أحمد فؤاد نجم وألحان وغناء الشيخ إمام
قوقة المجنون أبو برقوقة بزبيبة غش وملزوقة نصاب ومنافق وحرامي ودماغه مناطق موبوءة والنكتة كمان انه حلنجي وعامل لي فقاقة وحندوقة على إن الحجش افْهَم منه والعالم فاهمة ومفلوقة بسلامته بيسرح قال بينا يعني احنا مواشي يا زقزوقة؟ دا احنا الحريفة العريفة غيرشِ الأيام المدعوقة شفت الولدات الشلبية ليلة التحرير يا أسطى فاروقة دول همَّا ولادنا وأكبادنا وقلوبنا عليهم مشقوقة حلوين وحياتك يا بلدنا يا أم الخيرات المسروقة دا احنا اللي رمينا البذراية وروينا الأرض المعزوقة وحنفرح بكرة وحنغني وعيون الأتعس مخزوقة.




قوقة المجنون ابو برقوقة - الشيخ امام عيسي

قصيدة خالد الاسلامبولي الشاعر احمد فؤاد نجم

الشيخ امام .. يا مصر قومي وشدى الحيل

أحمد فؤاد نجم - شيد قصورك

ايدك ف ايدنا ساعدنا

دي مهما الموجة تتعافى

بالعزم ساعة جماعة

و بالاصرار نخطيها

 

 مصر يا أمة يا سفينة

مهما كان البحر عاتي

فلاحينك ملاحينك

يزعقو للريح يواتي

اللي ع الدفة صنايعي

و اللي ع المجداف زناتي

و اللي فوق الصاري كاشف

كل ماضي و كل آتي

عقدتين و الثالثة ثابتة

تركبي الموجة العفية

توصلي بر السلامة

معجبانية و صبية

يا بهية

مـَصْر يـامـَّه يا سفينة ( بعد تنقية الصوت ) - الشيخ إمام


    النهارده لامبو مات..
    قتله ليل اسبانيا في الليل ع الرصيف
    قلبه كان لابس خفيف
    قتلته الآه..
    قتلته في الحانة شنبات الشاويش..
    قتلته الناس اللي غرقانة بهمومها في النبيت..
    قتلته الدوسيهات في دواليب الحكومة..
    قتله الطفل اللي مش لاقي الفطار
    طلعت الناس النهارده للكنيسة
    لقوه جنب الجدار..
    قطته جنب الجيتار..
    قاعدة مش شايفة النهار..
    في انتظار الليل.. واسبانيا.. وشنابات الشاويش
    لامبو مات.
    لامبو؟؟ يا عيني.. وتبكي الطفلتين
    يمسحوا دموعهم في ايد الامهات
    في المناديل الجديدة
    آخر الرحلة تموت يا لامبو على طرف الرصيف
    وانت لو جالك فقير..
    كنت تشوي قلبك الطيب تحطوله في رغيف؟!
    قطته توطي
    عشان دمعتها ما تعملش ع الاسفلت صوت..
    لامبو مات

    #الخال

قصيدة خالد الاسلامبولي الشاعر احمد فؤاد نجم

Muhammad El Sakka

Recent comments

abwd abwd

saboro

Related tracks