Nú tað stundar til G! so vil eg viðmæla øllum at taka hesi deiligu ráð frá Jónfríð (á donskum) til sín, tá farið verður til konsertina hjá Byrta.

G!ott ráð frá Jónfríð

Døgurðabeatin 17. jan 2014 v/Eileri Sørensen

Leingið hevur hon verið ávegis, hendan upptøka. Uppruna- upptøkan, ið varð gjørd á einum lofti í einum vøruhúsi á Hálsi, har Atlantic Radio helt til, var einki at reypa av. Bandið, ið framførslan var fest á umvegis lurtitóli, er illa jaglað av tíðarinnar náileysu tonn. 

Men nú er hon so her, upptøkan av glansnummarinum hjá okkum, ta stuttu tíð, vit spældu eitt sindur saman, Petsi og eg. Jeff Buckley útgávan av Hallelujah var ikki so útbreidd tá, sum hon er nú.  

Petsi var 15 ár um hetta mundið, eg 25 :)  

 

Hallelujah - Petsi & Uni (Atlantic Radio aug. 1999)

Petsi Tvørfoss vocals (15 at the time) og Uni Leitisstein Hansen on guitar from The Faroe Islands in Atlantic Radio 1999. 

Bad miking and recorded live from the radio on a bad cassette tape. But hey, I think the talent of the young girl singing shines through.

You Were Meant For Me (Jewel Cover) - Petsi & Uni í 1999

Rasmus Rasmussen greiðir frá, hvønn týdning tónleikur hevur fyri hann í samrøðu við Una Leitisstein Hansen á vári 2011. 

Rasmus Rasmussen - hvíl í friði

Í morgun klokkan 9.30, tann 21.12.2012, lósu Lea og Róar úr 6.b. í Kommunuskúlanum jólaevnageliið fyri einari fullsettari Havnarkirkju. 

Eg var tann flovisligi pápin, ið kravdi, at Róar skuldi í eina knasandi feita skjúrtu og butterfly og samstundis setti meg sjálvan fremst við myndatóli og ljóðupptakara, tí hendan løtan skuldi skjalfestast. 

Rós til Róar fyri, at hann var so ísakaldur, tá hann skuldi lesa, hóast píniligi pápin gekk og maldi uppí. Lea var so dugnalig og røsk og vøkur. Fitt børn. 

Takk til Sonju Klein, prest, fyri kaffi, og Marius Rein fyri ólavsøkuanektoduna um kaffi og vestmenning frá einari farnari tíð í Útvarpi Føroya. Tað var hugnaligt at byrja dagin við at fara í kirkju.

Lea og Róar lesa jólaevangeliið 21.12.2012

Hetta er so tað, eg segði um G! og Summarfestivalin í nýggjárssendingini hjá útvarpinum. 

Gott nýggjár :)

Uni um G! og SF

Petsi Tvørfoss í Góðan Morgun Føroyar í 1999. Hon er 15 ár, og klokkan er 7.30. 

Ja, ja, ja, maðurin, ið spælir gittar, er eitt hálvgamalt mogghøvd. 

So er bara at bíða eftir, at Summarfestivalurin ringir!!!!! 

Enjoy. 

01 I can't make you love me

Upptikið í Góðan Morgun Føroyar í 1999. 

Petsi Tvørfoss, 15 ár. 

02 Smooth Operator

Tvær vikur í mars 2013, var Torbjørn Mikkelsen úr 9. flokki í Hoyvíkar skúla í starvsvenjing í Kringvarpi Føroya. Leggið tykkum navnið í geyma, tí vit fara at hoyra meira til tað í framtíðini. 

Seinasta dagin krýndi hann starvsvenjingin við at vera beinleiðis ígjøgnum úr Sjónleikarhúsinum, har Wacken Metal Battle Føroyar var á skránni 15. og 16. mars. Nakað, ið nógv vaksin fólk, ið starvast innan miðlarnar, ikki tora. 

Vit á útvarpsredaktiónini í útvarpinum siga hervið takk. Vit eru bergtikin!

ulh

Popular tracks