حسب لي سرعة الأيام
بطول العمر
على المدة
مع إهمال أثر خوفك
وتأثيره على الغده

فاتفرز ريحة مش هي
حافظها الكلب في الشارع
بنسبة مية في الميه
هايجري وراك
تقوم واقع

فاتيجي في وش عربيه
تقوم شيلاك في سكتها
وتاخد سرعة رأسيه
وتنزل رشق في ساعتها

وتيجي الخبطة في دماغك
وتنسى إنت اسمك إيه
وسنك كام
وعنوانك
بتتمشى لوحدك ليه


وترمي كل أسئلتك وارا ضهرك
وتقلع هدمة الأحزان قصاد الناس
ماهيش فارقه
تكون عريان ولا بلباس

ومش فارقة بقى تشوفك
ما دام الحسبة مش نافعه
مع إهمال أثر خوفك
مش فارقة
مش فارقة

سرعة الايام - مريم صالح | Maryam Saleh - Sor3et El Ayam

هيحزّموك زي الجنيه ف الأستك
هيسيبولك الفُتات
و يبيعولك الأمل ف الإعلانات
و الهجرة لبلاد البلاستيك
و ف خطبة الجمعة عن الجنة
و قُولِة استنى.. فات الكتير هانت خلاص
لحد ما خيل الحكومة..
يدوسه عَجَل الميكروباص
النظام العالمي بيقتل
أوقات كتير ..
من غير رصاص
الهوا ..
هيحَصّل المَيّة اللي بقت ماركات
تعددية تعني.. تعدد الشركات
حرية تعني حق فتح القفص ..
على الناس اللي ملهاش باب
الأخطبوط الرأسمالي اتساب
على الناس اللي ملهاش حظ
على الناس اللي ملهاش فرص
حياتك 
مهمة لبياعين الحلم 
وفاتك
مهمة لبياعين القُرَص
حسابك حتى في قبرك مهم
رخصة الجنة مهمة لبياعين الرُخَص
و لبياعين الدين 
و لبياعين الآخرة اللي هتنصف المساكين
"العالم بيتطوّر"
يمشي إسم مسرحية..
أما الحقيقة المضحكة المُبكيّة..
العصاية اللي بتوقّف و بتدوّر..
بتمشي..
من إيد صحاب الجنة..
لصباع صحاب البندقية..
لجيوب صحاب البنك...
دم الغلابة بيتحرق ف التانك...
شامم ريحتهم و انتا بتفوّل...
الغرب هيموّل..
إعمار ِبيار النفط..
لضمان زيادة منسوبات الشفط...
و ضمان بقائك عبد متسوّل...
يا زميل الكوكب المنكوب..
رَكب الحضارة ماشي بالمقلوب...
يا زميل المنطقة المنكوبة...
رَكب الحضارة كان لازم له ركوبة...
العالم بيتطوّر...
و انتا شمعة بتتحرق علشان ..
برج التجارة ينوّر..
..العصاية هي هي و شكلها بيتحول
العالم بيتغوّل
و انتا واقف ف وش الطيارات بالطوبة.. هتعيش حمار و تموت حمار...
أخرك تحس بإنتصار لما...
بتولّع الأعلام..
و تدوس على صورة إصحاب الدولار و القرار بالجزمة..
القناة ..في نشرة الأخبار.. 
هيقولوا عنك فوضوي و قاتل..
نفس القناة وقت اللزوم ..
هتطلّعك مقتول و بتناضل..
فيه ناس كتيرة أكل عيشها الأزمة..
و ده عيبه..
إن هذا العالم صوته من جيبه.
و مفيش حقيقة صعب تتأوّل..
و دي ناس تعرف تبيع الآه
زي ما بتعرف تبيع اللأ 
الميديا بائع حق...
متجول..
بشرى لابناء العالم التالت م العالم الأول
بشري لابناء العالم الهمجي
م العالم الإنسان
العالم الحر اللي ما بيضربش ف المليان
بس بيجوّع بلاد لحد الموت
القاتل الشيك المحترف
أبو طلق من غير صوت
فيه الجيوش ما بقوش
لابسين هدوم ميري
و الطيارات ما بقتش بتوزع منشورات اليأس
و البنوك مش هيسيبوك تتحبس ...بالعكس
النهارده حاطط إعلانات ع التاكس
علشان عليه أقساط
بكره تتعلق على هدومك 
زي اللعيبة ف الماتشات
عالم جديد 
هتخشه بمزاجك قبل ما نزُقّك
الكهنة فيه لابسين بدل و كرافتات
هيأكِّلوك الحقيقة بمعلقة ف بقك 
و كسر حُقّك ياللي مش عايز
عالم ديمقراطي رأسمالي سعيد
الشركة فيه اقوى من الاوطان
غضبان ؟...أكيد غضبان
مربوط ف ساقية و بتجري في مكانك
مسجون و مش عارف وش سجّانك
عايز تخبّط كوبايات الحبس ع القضبان لكن هتعمل إيه ...معذور
أمريكا عملت سجن من غير سور
أمريكا رابطة الناس ف بعضيهم
أمريكا رابطة الناس و مربطّاك بيهم
تدّن في مالطا قد ما هتدّن
أمريكا هتفضل بتحب البشر جدا...
و بتعمل جِميل فيهم..
فيها الخير يا هل ترى
ولّا فيها فلوس؟
أمريكا فيها الحلم
و بلادنا فيها كابوس
الناس تخاف
امريكا تحميهم
الناس تجوع
امريكا تديهم
تِكسي بالإيد اليمين اللاجئين 
بعد ما إيديها الشمال تعرّيهم
شركة بتهِدّ البلاد
و شركة تبنيهم
شركة بتبيع السلاح
و شركة بتطبطب على اللي يموت
العالم بيتقسّم دول
العالم بيتقسّم بيوت
العالم بيتقسم لبني آدم
و لبنكنوت
مكتوب على شهود البلاد الممسوحين بأستيكة
أنتَ حر
ما لم تضر
أمريكا


البنكنوت | مصطفي إبراهيم + موسيقي

I'll do anything to live just one more day!

One More Day

من حفلة في 2012
الهرمونيكا بطلة التوزيع ده ومش حابة يضيع. 

المغنى خانة - سبع بقرات

صحرا باند - سمرا  2009  / Sahra band - samra 2009

لو.عالى.يا بحر  H.o.H

Dina El Wedidi - Allah Baki ) دينا الوديدي - الله باقي

أنا كويس
و عايش يومي في العادي
و بحلم لسه في منامي
و قلبي حديد مايتهزش
و روحي البرد لو طالها مايقتلهاش
أنا مبسوط
و بلعب دومنا ع القهوه
و بستطعم أغاني الست
كتمت النزف في ضلوعي
بحبة بن عثمانلي
و لفة شاش
هروب الوهم من الشريان
اكيد لازم هياخد وقت
و إدماني أعري شفايفك السمرا 
من الأحمر عشان انساه
و بصماتك عشان تداري من صدري
و جوفي اللي اتملي بطعمك
عشان يفضي .. هياخد وقت
و قلبي كمان عشان يجهز لعشق جديد
هياخد وقت
أنا كويس
و كل الأزمه مستني 
هروب الوهم من الشريان
....
غناء و ألحان : عمر بربري
كلمات : جلال البحيري
توزيع : سيدو ستار
هندسه صوتيه : ميدو ستار


Omar El Barbary - Ana Kwayes عمر البربري - أنا كويس

اغنية هيلا هيلا من ألبوم #إكس
كلمات:  بيرم التونسى | غناء: رامي عصام | جيتار- باص: رامي صدقي | درامز : جمال فهيم | بركشن: هانى بدير | توزيع وإنتاج إكس.

تم تسجيل الالبوم بإستوديو فايب، القاهرة عدا أغنية ١ سجلت بإستوديو زولدر نورد، أمستردام.
تم تسجيل الغناء في أغاني ٤،١ بإستوديو ألان سكروبي، مالمو.
إيديت: أليهاندرو لوندونيو.
مكساج: أوسكار خلاسبيرخن بإستوديو زولدر نورد، أمستردام.
ماستر: كيفين ماكنولدي بإستوديو سي فونيك، رالي، نورث كارولينا.
هندسة صوت: أوسكار خلاسبيرخن، طاهر صالح، يوسف أحمد.

تصميم الغلاف: مهند شبانة.
التواصل الإجتماعي: مي دياب، أحمد شوقي.

شكر خاص لإستوديو فايب، حمد سكران، أوسكار خلاسبيرخن، هاني بدير، شادي حبش، مي دياب، ألان سكروبي، مهند شبانة، أحمد شوقي، منة الشيشيني، إم سي أمين، إسراء ويفي، أليهاندرو لوندونيو، شادي عصام، أولريكا ليند.

Hela Hela From #EKS Album ▶
Lyrics: Beram El Tonsi | Vocal: Ramy Essam | Guitar & Bass: Rami Sidky | Drums: Gamal Fahim | Percussion: Hany Bedair | Produced by EKS.

Album Recorded at Vibe Studio, Cairo except track 1 recorded at Zolder Studio Noord, Amsterdam.
Vocals on tracks 1&4 recorded at Allan Skrobe Studio, Malmö.
Edited by Alejandro Londoño.
Mixed by Oskar Glasbergen at Zolder Studio Noord, Amsterdam.
Mastered by Kevin McNoldy at Cphonic Mastering Studio, Raleigh, NC.
Engineered by Oskar Glasbergen, Taher Saleh, and Yousef Ahmad.

Artwork by Mohannad Shabana.
Social Media Management by Mai Diab and Ahmad Shawky.

Special thanks to Vibe Studio, Ahmad Sakran, Oskar Glasbergen, Hany Bedair, Shady Habash, Mai Diab, Allan Skrobe, Mohannad Shabana, Ahmad Shawky, Menna El Shishini, MC Amin, Esraa Wify, Alejandro Londoño, Shady Essam, and Ulrika Lind.

Follow EKS on▶
Facebook    https://facebook.com/EksBand
YouTube     https://youtube.com/EksBand
SoundCloud  https://soundcloud.com/Eksband
Twitter     https://twitter.com/EksBand

Download and Stream From▶
Itunes      https://itunes.apple.com/eg/album/eks/id1213508658
Anghami     https://anghami.com/artist/1458432

Download Full Album+CD Covers From Here▶
http://www.mediafire.com/file/l2bu9lrek88rng4/EKS+ALBUM+2017.rar

EKS -07- Hela Hela | إكس - هيلا هيلا

اغنية سيلفي من حفل إصدار ألبوم بنطلوني الجينز
أداء :
هاني عادل و هادي محمد

MARCH , 2018

سرعة الايام - مريم صالح | Maryam Saleh - Sor3et El Ayam

um-adeveloper

Related tracks