Fyrsta almennilega tilraunin mín í Ableton, trommur, bassi, gítar og bakraddir sem ég kokkaði upp sjálf í herberginu mínu. Þetta er stutt brot úr laginu, mæli með að hlusta á það í heild sinni hjá Lizzy sjálfri, hún er æðisleg.

Where Do I Go - Lizzy McAlpine cover

Tunglið tunglið taktu mig
Berðu mig upp
Lyftu mér frá botninum
Tökumst á flug

Getur hafið drukknað í flóðinu?
Geturðu ekki hlíft mér við straumunum?

Fram og aftur x4

Þegar ég er róleg 
þá séstu mjög vel
En sérðu mig 
þegar ég glitra undir þér?

Þú togar mig að þér og ýtir svo burt
Geturðu ekki hlíft mér við straumunum?

Fram og aftur x4

Tunglið er að fela sig
Togar mig samt
Langt í burtu og lítið
Með stöðugan takt

Ræðst á mig með vindum í storminum
Getur ekki hlíft mér við straumunum

Tunglið

Ég þori ekki alveg heim,
ekki strax
Því ef að ég fer inn og loka á eftir mér er óvíst að
nóttin haldi sínu striki

Vindinn gæti lægt
Það gæti stytt upp
Það gæti komið dagur ef ég fylgist ekki mjög vel með
Það gæti gerst á augnabliki

Það er þung þögn og vindur
Appelsínugult myrkur
Í fimmta hverju spori sést ég dansa
í pollum af ljósum,
baða út höndum og fótum
Ég er lélegur dansari
en ágætis skemmtun

Veistu það ég sver,
ég er alveg viss,
rigning hefur aldrei áður fallið svona fallega
Hvenær lærði vatn að fljúga?

Það er þung þögn og vindur
Appelsínugult myrkur
Í fimmta hverju spori sést ég dansa
í pollum af ljósum,
baða út höndum og fótum
Ég er lélegur dansari
en ágætis skemmtun

Appelsínugult myrkur

Sakna þín meir’ en ég kann að segja frá
Veit ég hefði betur sagt þér frá því þá
Því að allir er’ að breytast
Allir nema ég
En kannski er það ég sem að er skrítin
Kannski frá ykkur séð

En þú varst heima
Hjá mér
Raðaðir í hillur
Í mér
En núna flyt ég 
að heiman
Tek draslið mitt með
að heiman

Lyklana að hausnum faldir fyrir mér
Skrítið að ég þurf’ að banka uppá hér
og þú opnar aldrei dyrnar 
og hleypir mér ekk’inn
Svo ég reyn’ að troða bréfum
yfir þröskuldinn

En þú varst heima
Hjá mér
Skildir allt ruglið
Í mér
En núna flyt ég 
að heiman
Tek draslið mitt með
að heiman

Sakna þín meir’ en ég kann að segja frá
Stanslaust táraflóð sem enginn virðist sjá
og allt sem að ég segi
þýðir ekki neitt
Því að allt er löngu liðið 
og hugmyndin er þreytt

En þú varst heima
Hjá mér
Skildir allt ruglið
Í mér
En núna flyt ég 
að heiman
Tek allt ruglið með
Í burtu frá þér
Í burtu með mér
Í burtu að heiman

Heima

Cover af laginu Even If It's a Lie eftir Matt Maltese

Even If It's a Lie – Matt Maltese cover

Ég ákvað að segja ekki neitt
snerti bara á þér hárið,
hugsaði hátt
en ég þagði
því þú veist alveg hvað mér þykir vænt um þig.

Brjóstkassinn hnígur og rís,
fingurnir fléttast saman
og þumlarnir snúast í hringi
og þá sést alveg hvað mér þykir vænt um þig
er það ekki?

Augnaráðin voru galtóm,
fingur hafa engan samhljóm,
snertu mig nú samt og segðu ekki neitt.
Það er ekki gott að segja,
skiljum ekkert svo við skulum þegja,
–––
þú veist alveg hvað mér þykir vænt um þig
er það ekki?

Þú ákvaðst að segja ekki neitt,
tókst af mér báðar hendur,
gekkst hægt í burtu og þagðir.
En ég veit alveg að þér þykir vænt um mig,
er það ekki?

Augnaráðin voru galtóm,
fingur hafa engan samhljóm,
snertu mig nú samt og segðu ekki neitt.
Það er ekki gott að segja,
skiljum ekkert svo við skulum þegja,
snertu mig nú samt og segðu mér eitt;
þú veist alveg hvað mér þykir vænt um þig
er það ekki?

Er það ekki? – Gettu betur upptaka

Þú gafst mér nagla sem ég setti í pott,
sauð hann og bjó mér til súpu
Nýsprottnar kartöflur og svolítið salt,
hrærði stanslaust í tvo tíma

Viltu smakka?
Viltu smá?
Viltu meira?
Viltu fá?

Þú sagðir sautján orð en ég heyrði tólf-
hundruð-sjötíu-og-fjögur
Þú meintir ekki neitt en ég heyrði ljóð;
orðin mín voru öll svo fögur

Viltu spjalla?
Viltu tjá?
Viltu deila?
Segja frá?

Ég á nóg pláss fyrir þig
Allt sem þú ert
Allt sem ég vild' að þú værir
Haus og hendur bjuggu þig til
Allt sem þú ert
Allt sem ég vild' að þú værir
Ég mála bara sjálfsmyndir

Þú gafst mér nagla sem ég setti í pott,
sauð hann og bjó mér til súpu

Ég á nóg pláss fyrir þig
Allt sem þú ert
Allt sem ég vild' að þú værir
Haus og hendur bjuggu þig til
Allt sem þú ert
Allt sem ég vild' að þú værir
Ég mála bara sjálfsmyndir

Viltu koma?
Viltu sjá?
Viltu fara?
Farðu þá

Naglasúpan

Ég labbaði til þín,
ég ætlaði ekki að gera það en í dag er ég týnd.
Ég get ekki hringt og spurt
og ég þekki þig ekki nóg til að vita.

Svo ég stend fyrir utan, reyni að skilja
Stend fyrir utan og spyr mig „af hverju?“
Ég labbaði til þín,
ég ætlaði ekki að gera það en í dag er ég týnd.

Ég sat á bekk og beið,
ég gat fylgst með tímanum en hann vissi ekkert hvernig mér leið.
Að bíða er alltaf eins,
ef þú bíður nógu lengi, finnurðu að það er ekki til neins.

Svo ég stend upp á fætur,
stelpa í stígvélum stendur og grætur
í búðinni með blómunum,
hættir svo við, snýr sér við,
labbar aftur heim.

Ég keypti ekki blóm 
því mér fannst það vera of mikið 
og samt, á sama tíma, ekki nóg.
Ég á það soldið til,
að segjast vera viss
en vita samt ekkert hvað ég vil.

Svo ég skrifa þrjár blaðsíður,
reyni að útskýra.
23 línur, síðustu bergmála.

Ég er ekki viss
þú átt það skilið að vera með einhverjum sem er viss.

Hvenær fórstu síðast í hláturskast?
Hvaða orð finnst þér falleg? 
Er það hvernig þau hljóma eða hvað þau þýða?

Hvenær varstu síðast dónaleg?
Hvað er það við stað sem gerir hann kósí?
Hvað finnst þér erfitt en gefandi?

Hvað finnst þér um sumar á Íslandi?
Hvaða afrek hafa gert þig stolta?
Notaru blýant eða penna?

Ef þú gætir verið hvar sem er,
hvert í heiminum myndirðu vilja fara?
Myndirðu vilja vera hér?

Viltu svara öllu í löngu máli?
Mig langar að heyra!
Síðan máttu svara aftur,
langar svo að þú talir meira.
Því þú segir svo vel frá,
gleymir aldrei neinu.
Ég segi góðar sögur
en ég hef þær ekki á hreinu.
En kannski ef ég segi þér þá manstu þær með mér.

Hvað er það fallegasta sem þú hefur séð?
Hvað er mikilvægt í fari fólks?
Hvað finnst þér skemmtilegt að gera?

Ef þú gætir verið hvar sem er,
hvert í heiminum myndirðu vilja fara?
Myndirðu vilja vera hjá mér?

Viltu svara öllu í löngu máli?
Mig langar að heyra!
Síðan máttu svara aftur,
langar svo að þú talir meira.
Því þú segir svo vel frá,
gleymir aldrei neinu.
Ég segi góðar sögur
en ég hef þær ekki á hreinu.
En kannski ef ég segi þér þá manstu þær með mér.

Hvenær fórstu síðast í hláturskast?
Manstu hvaða flík þú ferð í fyrst?
Hvernig væri best að taka á móti þér þegar þú kemur heim?
Notaru blýant eða penna?
Myndirðu vilja vera hjá mér?

Viltu svara öllu í löngu máli?
Mig langar að heyra!
Síðan máttu svara aftur,
langar svo að þú talir meira.
Því þú segir svo vel frá,
gleymir aldrei neinu.
Ég segi góðar sögur
en ég hef þær ekki á hreinu.
En kannski ef ég segi þér þá manstu þær með mér.

Í löngu máli

Við reyndum allt,
en allt kom fyrir ekki.
Við reyndum allt of lengi
en ég sé engu eftir.

Þú lærðir meira en ég,
held ég.
En ég lærði meira en þú,
heldur þú.

Finnst þér að 
ég sé að
fara yfir strikið?
Ég veit að
ég er vön 
að segja allt of mikið.
Viltu að
ég þegi?
Viltu að ég segi 
hvað ég er að pæla?
Ég skal syngja um það.

Hvað vantaði?
Hvað var það sem gekk ekki?
Þegar stórt er spurt
er bókað mál 
að við svörum því ekki.

Því þú veist
að ég veit ekki neitt.
En ég veit
að þú veist ekkert heldur.

Finnst þér að 
ég sé að
fara yfir strikið?
Ég veit að
ég er vön 
að segja allt of mikið.
Viltu að
ég þegi?
Viltu að ég segi 
hvað ég er að pæla?
Ég skal syngja um það.

Yfir strikið

Tvær stjörnur - Megas cover

Ég spurði hvort 
við gætum lifað af
í kúlu þar sem 
ljós kemst inn og ekkert út.
Hvort við gætum 
skapað okkur heim
sem væri okkur nóg
og skrúfað fyrir stút.

Ég er ljóðskáld,
þú ert líffræðingur
sköpum þrúgusykur,
ljóstillífum,
með ljósi, vatni’ og orðum
þarf nokkuð meira til
en ást og yl?

Við prófuðum 
að skrúfa aðeins fastar
faðmast aðeins lengur
og verða aftur hlýtt.
En svo vaknar
spurning um hvað sé fyrir utan
og hvort að það sé nóg
að þekkja þetta eitt.

Ég er týnd sál,
hélt ég gæti fundist,
ef ég bara stæði kyrr 
á vísum stað
með ljósi vatni’ og orðum,
þyrfti’ ekkert meira til
en mig og þig.

Ég spurði hvort
ég mætti skrúfa frá,
kíkja síðan út,
koma aldrei aftur inn.
Ég spurði hvort
þér yrði nokkuð kalt,
hvort það væri í lagi
að þú yrðir ein.

Ég þarf að leita,
þetta er ekki heima,
þú átt betra skilið
en týndu litlu mig.
En þú mátt eiga ljósið, vatn og orðin mín
ef ég fæ þín.

Um mig og þig

Píanó: Baldvin Snær Hlynsson

Texti:
Stundum er ég sterk,
stundum get ég ekkert gert svo ég 
sit og sakna' og syrgi' og sé 
mikið eftir þér

Stundum er ég leið,
stundum man ég ekkert hvað var að
spyr mig hvernig ég gat sært
allt sem var mér kært

Stundum er ég stolt,
stundum er ég viss um hvernig fór
klappa mér á bakið mitt
hætti' að hugsa' um þitt

Stundum er ég sár,
velti stundum fyrir mér hvort þér
líði betur eða verr
án mín eða með

Stundum er ég góð,
stundum get ég samið ljóð um eitthvað annað en þig,
fléttað um það fallegt lag,
tókst það ekki' í dag

Stundum - Demó með Baldvini

Lagasmiður og söngkona, notalegheit, raddanir, gítar og píanó

Hlustið ef þið viljið heyra, deilið ef þið viljið að aðrir geri það líka

Popular tracks by Una Torfadóttir